Morgunblaðið - 07.04.2001, Side 35

LISTIR
MORGUNBLAÐIÐ LAUGARDAGUR 7. APRÍL 2001 35
Háskólakórinn
flytur Sálumessu
eftir Gabriel
Fauré í Seltjarn-
arneskirkju á
morgun, sunnu-
dag, kl. 20. Einnig
flytur kórinn
nokkur trúarleg
verk, meðal ann-
ars eftir Albert
Hay Malotte og
Thomas Luis de Victoria. Einsöngv-
arar í Sálumessunni eru Hulda Björk
Garðarsdóttir sópransöngkona og
barítoninn Loftur Erlingsson. Kons-
ertmeistari kammersveitarinnar er
Greta Guðnadóttir, en sveitin er að
mestu skipuð félögum úr Sinfóníu-
hljómsveit Íslands.
„Requiem Faurés verður flutt í
kammersveitarútgáfu sem er byggð
á rannsóknum breska kórstjórans og
tónkáldsins Johns Rutters og byggist
á gögnum um hvernig verkið mun
hafa verið í upphaflegri gerð árið
1893. Það var ekki fyrr en verkið varð
frægt að útgefendur stuðluðu að því
að verkið var sett út fyrir stærri
hljómsveit án þess að höfundurinn
kæmi þar nærri,“ segir Hákon Leifs-
son stjórnandi.
Auk messunnar flytur Háskóla-
kórinn nokkur trúarleg verk fyrir
hlé. „Það er nokkur nýlunda í starf-
semi Háskólakórsins að syngja kór-
tónlist með hljómsveit. Kórinn tók þó
þátt í flutningi á Sálumessu eftir
Giuseppi Verdi á
Ítalíu síðastliðið
sumar og má
segja að þá hafi
kórfélagar komist
upp á bragðið
með að syngja
kirkjuleg söng-
verk af stærri
gerðinni,“ segir
Hákon.
Háskólakórinn
er rétt tæplega þrjátíu ára gamall og
starfar á vettvangi Háskóla Íslands.
Hann er skipaður nemendum í Há-
skólanum og hefur hingað til lagt sig
að mestu eftir að syngja íslenska „a
cappella“-tónlist. Eitt af markmiðum
kórsins er að frumflytja árlega eitt
nýtt tónverk. Kórinn hefur gefið út
nokkra geisladiska og vann til silf-
urverðlauna á kórahátíðinni í
Pohlheim árið 1998.
Vox academica
Félagar úr kammerkórnum Vox
academica munu taka þátt í flutningi
á sálumessunni einvörðungu að þessu
sinni. Vox academica er að nokkru
leyti skipaður fyrrverandi félögum úr
Háskólakórnum, en hugsaður sem
vettvangur fyrir fólk með talsverða
kórreynslu úr öllum stéttum. Vox
academica er þó aðili að Hollvinasam-
tökum Háskólans og mun halda sjálf-
stæða vortónleika í byrjun maí.
Hákon Leifsson er stjórnandi
beggja kóranna.
Háskólakórinn flytur
Sálumessu Faurés
Loftur
Erlingsson
Hulda Björk
Garðarsdóttir
TÓNLEIKAR nýstofnaðs kórs við
Langholtskirkju, Graduale Nobili,
verða í kvöld, laugardagskvöld, kl.
20. Stjórnandi er Jón Stefánsson,
undirleikari á píanó er Bryndís
Eggertsdóttir en hún er enn frem-
ur félagi í kórnum.
Kórinn er eins konar brú milli
Gradualekórs Langholtskirkju og
Kórs Langholtskirkju. Hann er
skipaður 25 stúlkum, þær yngstu
eru enn í Gradualekórnum og aðr-
ar eru í Kór Langholtskirkju.
Flestar eru stúlkurnar í tónlist-
arnámi. Að sögn Jóns Stefánssonar
er eingöngu valið í kórinn, þ.e. ekki
er hægt að sækja um inngöngu. Til-
efni tónleikanna er för kórsins til
Danmerkur nú í sumar.
„Síðastliðið vor barst Graduale-
kór Langholtskirkju boð um að
taka þátt í keppni evrópskra æsku-
kóra í Kalundborg í Danmörku 20.
- 22. apríl nk. Þar sem Graduale-
kórinn er barnakór var hann of
ungur til að taka þátt í keppninni
en aldurstakmark er 25 ár. Þá var
ákveðið að láta verða af stofnun
nýja kórsins en hann uppfyllir þau
skilyrði sem keppnin setur,“ segir
Jón. „Í keppnina var aðeins boðið
20 kórum úr Evrópu svo kröfurnar
eru gífurlega miklar. Í leiðinni mun
kórinn halda tónleika í St. Pauls-
kirkjunni í Kaupmannahöfn á sum-
ardaginn fyrsta, 19. apríl, í sam-
vinnu við íslenska söfnuðinn og
Jónshús. Tónleikarnir eru aðalfjár-
öflun kórsins fyrir ferðina en kostn-
aður við hana er yfir ein milljón.“
Á efnisskrá tónleikanna í kvöld
eru þau verk sem kórinn syngur í
keppninni, m.a. verður frumflutt
verk sem Þorkell Sigurbjörnsson
samdi sérstaklega fyrir keppnina,
verk eftir Hildigunni Rúnars-
dóttur, Jón Nordal og sameiginlegt
keppnisverk sem danska tón-
skáldið Peter Bruun samdi. Auk
þess verk eftir Hróðmar Inga Sig-
urbjörnsson, Ruth Watson Hend-
erson, Knut Nystedt og Einojuhani
Rautavaara. Eftir hann flytur kór-
inn Suite de Lorca við texta
Federico García Lorca og Lapsi-
messu (barnamessu) þar sem
strengjasveit, að mestu skipuð kór-
félögum, mun leika með.
Miðasala verður við innganginn
og er verð kr. 1.200.
Graduale Nobili
Graduale Nobili í Langholtskirkju
„GLEÐINNAR strengi gulli
spunna hrærum“ er yfirskrift
vortónleika Frímúrarakórsins
sem haldnir verða á morgun,
sunnudag, kl. 17, í hátíðarsal
Frímúrarareglunnar á Íslandi,
Skúlagötu 55. Á efnisskránni
eru lög eftir innlend og erlend
tónskáld. Má þar nefna Mozart,
Edvard Grieg, Ole Bull, Ingem-
ann, Inga T. Lárusson, Pál Ís-
ólfsson og Jón Ásgeirsson. Lög-
in eru flutt við ljóð og
ljóðaþýðingar eftir ýmsa höf-
unda s.s. Matthías Jochumsson,
Steingrím Thorsteinsson, Davíð
Stefánsson og Halldór Laxness.
Einsöngvarar á þessum tón-
leikum eru þeir Eiríkur Hreinn
Helgason og Friðbjörn G. Jóns-
son. Aðalstjórnandi kórsins í ár
er Garðar Cortes, en aðrir söng-
stjórar eru þeir Gylfi Gunnars-
son og Úlrik Ólason, sem einnig
leikur á orgel og píanó.
Frímúrarakórinn var form-
lega stofnaður 1993 og er hann
skipaður söngmönnum úr frí-
múrarastúkunum í Reykjavík og
Hafnarfirði. Hann hefur komið
fram við ýmis tækifæri innan
Frímúrarareglunnar og einnig
haldið opinbera tónleika á
hverju vori. Kórinn hefur enn-
fremur haldið tónleika á Akur-
eyri, Ísafirði og í Kaupmanna-
höfn og sungið inn á
geisladiskinn „Bræðralög“.
Frímúrarar kveðja
veturinn með tónleikum
SÝNING á verkum listakonunnar
Ástu Ólafsdóttur verður opnuð í GUK
á morgun, sunnudag, kl. 14. GUK hef-
ur aðsetur í garðinum við Ártún 3 á
Selfossi, í útihúsi við Kirkebakken 1 í
Lejre í Danmörku og í eldhúsi í Call-
instrasse 8 í Hannover í Þýskalandi.
Í Danmörku og Þýskalandi sýnir
Ásta verk sem hún kallar Ferða-
félaga og í garðinum á Selfossi er inn-
setning í tjaldi þar sem koma við sögu
minni úr austrænni og vestrænni
menningu.
Ásta lagði stund á nám í myndlist
hér heima og í Hollandi og hefur sýnt
verk sín oft og víða. Hún hefur einnig
stundað ritstörf og gefið út þrjár
bækur.
Sýningin opnar kl. 16 í Danmörku
og Þýskalandi.
Sýningarnar í GUK standa í þrjá
mánuði og hefur skapast hefð fyrir
því að þær eru opnar fyrsta sunnudag
hvers mánaðar og á lokadaginn.
Einnig er hægt að sjá sýningarnar á
öðrum tímum.
Hægt verður að sjá myndir frá
sýningunni á http://www.simnet.is/
guk.
Þar er einnig hægt að skoða mynd-
ir af fyrri sýningum í GUK.
Ásta Ólafs-
dóttir sýnir
í GUKLEIKFLOKKURINN á Hvamms-tanga sýnir gamanleikinn Góðverkin
kalla í Félagsheimilinu Hvamms-
tanga í dag, laugardag, kl. 20.30.
Leikritið er eftir eftir félagana Ár-
mann Guðmundsson, Sævar Sigur-
geirsson og Þorgeir Tryggvason.
Leikstjóri er Rósa Guðný Þórsdótt-
ir.
Aðeins verður um þrjár sýningar
að ræða. Önnur sýning verður á
þriðjudagskvöld kl. 20.30 og laugar-
dagskvöld 14. apríl kl. 20.30.
Gamanleikur á
Hvammstanga
INGUNN Jensdóttir opnar sýningu
í Eden í Hveragerði í dag, laugar-
dag. Þetta er tíunda sýning Ingunn-
ar í Eden en hún hefur sýnt árlega sl.
17 ár. Ingunn starfar einnig við leik-
stjórn og í leiksýningum.
Sýningin stendur til 22. apríl.
Ingunn í Eden
Ingunn Jensdóttir
SIGRÍÐUR Rósinkarsdóttir opn-
ar sýningu á vatnslitamyndum í
Stöðlakoti, Bókhlöðustíg 7, í dag,
laugardag, kl. 14.
Sigríður stundaði myndlistar-
nám undir leiðsögn Eiríks Smith í
nokkur ár. Hún hefur haldið
nokkrar einkasýningar og tekið
þátt í samsýningum hérlendis og
erlendis.
Verkin á sýningunni nú eru
flest unnin á síðastliðnum tveimur
árum.
Sýningin er opin daglega frá kl.
14–18, lokað á páskadag, og stend-
ur til 22. apríl.
Vatnslitamyndir í Stöðlakoti
HULDA Leifsdóttir opnar sýningu á
ullarverkum í Edinborgarhúsinu á
Ísafirði á morgun, sunnudag, kl. 16.
Sýningin nefnist: Möngusýning - ull-
arsýning. Á sýningunni sameinar
Hulda tækni sem hún hefur lært í
Finnlandi með myndefni úr íslensk-
um þjóðsögum. Svipurinn í myndum
hennar er íslenski kvendraugurinn
Manga, sem gefur kaffið í kvæðinu
eftir Þórberg Þórðarson. Í verkum
Huldu hefur Manga vaknað til lífsins
á ný og birtist sífellt í nýjum aðstæð-
um og útgáfum. Þetta er þriðja
einkasýning Huldu. Áður hefur hún
sýnt í Studio Dan á Ísafirði og í Gall-
eria Raum-Art í Finnlandi. Sýningin
stendur til 26. apríl.
Ullarverk
í Edinborg-
arhúsinu
♦ ♦ ♦
Sýningu lýkur
Gallerí Fold, Rauðarárstíg
Sýningu Vögnu Sólveigar Vagns-
dóttur lýkur á sunnudag. Á sýning-
unni eru tréskúlptúrar í baksalnum.
Sýningin er opin í dag, laugardag,
kl. 10–17 og á sunnudag kl. 14–17.