Morgunblaðið - 22.04.2001, Side 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 22. APRÍL 2001 VERÐ Í LAUSASÖLU 165 KR. MEÐ VSK.
LÁTTU ÞÉR LÍÐA VEL
BLÓÐRAUTT sólarlag og tignar-
legur Snæfellsjökullinn skarta sínu
fegursta á stilltu vorkvöldi við
Gróttu. Nær yfirnáttúruleg kyrrðin
eykur á mátt ægifagurs umhverfis-
ins þar sem hugsuðurinn situr einn
með alla sína drauma, vonir og
þrár.
Morgunblaðið/Halldór Kolbeins
Sólarlag
við Gróttu
MAGNTOLLUR á græna papriku verður tæp-
ar 300 kr. á kílóið frá og með næstu mán-
aðamótum til loka júnímánaðar, samkvæmt
reglugerð sem landbúnaðarráðherra setti 15.
mars síðastliðinn. Að auki leggst 22,5% verð-
tollur á innkaupsverð paprikunnar. Ekki eru
lagðir tollar á innflutning grænmetis yfir vetr-
armánuðina fram til miðs marsmánaðar sam-
kvæmt samningnum um Evrópska efnahags-
svæðið.
Nú er 30% verðtollur á grænni papriku en
enginn magntollur. Tollarnir breytast á morg-
un, mánudag, eins og komið hefur fram, en þá
leggst á magntollur, sem er 199 kr. á hvert kíló,
en verðtollurinn verður 15%. Tollarnir breytast
svo aftur um mánaðamótin eins og fyrr sagði.
Magntollur á sveppum,
tómötum og bökunarkartöflum
Auk paprikunnar eru það aðeins sveppir,
tómatar og bökunarkartöflur 65 mm og stærri
sem bera magntolla auk verðtollanna, sam-
kvæmt ofangreindri reglugerð frá 15. mars.
Magntollurinn á sveppi er 100 kr. á kíló auk
7,5% verðtolls og gildir ákvörðunin frá miðjum
mars til loka júní. Magntollurinn á tómata
hækkaði í áföngum frá miðjum mars og er núna
fram til 22. apríl 148 kr. á hvert kíló, auk 22,5%
verðtolls. Magntollurinn á bökunarkartöflur 65
mm og stærri er 30 kr. á hvert kíló og verðtoll-
urinn 15% og gildir það frá 16. mars til 30. júní
næstkomandi.
Aðrar grænmetistegundir bera einungis
verðtoll sem í öllum tilvikum er 30%. Meðal
þeirra má nefna litaða papriku, blaðlauk, ýmsar
káltegundir, jöklasalat, gulrætur og gulrófur.
Tæplega 300 króna magn-
tollur á græna papriku
JARÐSKJÁLFTAHRINA,
sem átti upptök sín 15–20 km
suður af Langjökli og 7–8 km
vestur af Geysissvæðinu, reið
yfir í fyrrakvöld og aðfara-
nótt laugardags. Stærsti
skjálftinn varð kl. 3.47 í fyrri-
nótt og mældist hann 3 á
Richter. Að sögn Ragnars
Stefánssonar jarðskjálfta-
fræðings hjá Veðurstofu Ís-
lands var um að ræða mestu
skjálfta á þessu svæði í ára-
tug.
Hrinan hófst um kl. 19 á
föstudagskvöld með smá-
skjálftum og aftur kl. 23. Allt
var rólegt fram til kl. 3.47 eða
þangað til stærsti skjálftinn
kom. Nokkrir smáskjálftar
fylgdu síðan í kjölfarið til kl.
8 í gærmorgun.
Þekkt skjálftasvæði
Ragnar Stefánsson segir að
um sé að ræða þekkt jarð-
skjálftasvæði og þar megi því
búast við smáskjálftum.
Svæðið tilheyrir rekbelti sem
gengur frá Langjökli suðvest-
ur um Þingvelli að Hengils-
svæðinu. „Á þessu belti hafa
oft orðið skjálftahrinur í
seinni tíð, sérstaklega nálægt
Langjökli,“ segir Ragnar.
„Þetta eru meiri skjálftar á
þessum stað en hafa verið
síðastliðinn áratug. Það komu
smáskjálftar 1995 og 1996 og
síðan örfáir smáskjálftar síð-
astliðið sumar.“
Hrina
jarð-
skjálfta
suður af
Langjökli
HEIMATILBÚINNI bensín-
sprengju var kastað á bandaríska
sendiráðið um klukkan hálf fimm í
fyrrinótt. Tveir menn á þrítugsaldri
voru handteknir skömmu síðar en
samkvæmt upplýsingum frá lögregl-
unni sást til þeirra við verknaðinn.
Lögreglan segir mennina tvo hafa
verið mjög ölvaða.
Starfsmenn sendiráðsins til-
kynntu um atvikið. Svo hittist á að
lögreglubifreið var stödd skammt
frá sendiráðinu þegar tilkynningin
barst. Þegar að var komið logaði eld-
ur við vegg sendiráðsins en skemmd-
ir reyndust minniháttar. Bensín-
sprengjan var svokallaður mólótoff-
kokkteill, þ.e. flaska með bensíni og
kveik.
Geir Jón Þórisson, yfirlögreglu-
þjónn í Reykjavík, segir að allar
árásir á sendiráð erlendra ríkja séu
litnar mjög alvarlegum augum.
Hann segir íslenska ríkið hafa skuld-
bundið sig til að tryggja öryggi
sendiráða. Lögreglan hafi því sér-
stakt eftirlit með þeim.
Mennirnir voru í haldi lögreglu í
gær en þeir höfðu ekki verið yfir-
heyrðir þegar blaðið fór í prentun.
Morgunblaðið/Árni Sæberg
Ekki urðu miklar skemmdir á sendiráðinu af völdum sprengjunnar.
Bensínsprengju
kastað á banda-
ríska sendiráðið