Morgunblaðið - 22.05.2001, Síða 48

FRÉTTIR
48 ÞRIÐJUDAGUR 22. MAÍ 2001 MORGUNBLAÐIÐ
AÐALFUNDUR Skáksam-
bands Íslands var haldinn á Akur-
eyri um helgina. Áskell Örn Kára-
son gaf ekki kost á sér til
áframhaldandi setu sem forseti
sambandsins og stakk upp á
Hrannari B. Arnarssyni sem næsta
forseta. Fleiri buðu sig ekki fram til
embættisins og var Hrannari fagn-
að með lófataki sem nýjum forseta
Skáksambands Íslands. Áskell hef-
ur verið forseti Skáksambandsins
undanfarin tvö ár. Í hans stjórnar-
tíð var efnt til ýmissa eftirminni-
legra atburða, svo sem Heimsmóts-
ins í skák sem haldið var í Kópavogi
í apríl í fyrra. Fjárhagslega skilar
Áskell Skáksambandinu sterku og
er slæm fjárhagsstaða ekki lengur
sá dragbítur á Skáksambandinu
sem hún var fyrir nokkrum árum.
Eigi að síður bíða Hrannars mörg
krefjandi verkefni, svo sem kraft-
meiri kynning á skákinni og efling
barna- og unglingastarfs.
Í aðalstjórn Skáksambandsins
voru kosnir: Bragi Kristjánsson,
Haraldur Baldursson, Haraldur
Blöndal, Helgi Ólafsson, Ríkharður
Sveinsson og Sigurbjörn Björns-
son.
Varamenn í nýrri stjórn eru:
1. Guðfríður Lilja Grétarsdóttir,
2. Invar Þór Jóhannesson,
3. Björn Þorfinnsson,
4. Rúnar Sigurpálsson.
Á aðalfundinum voru fimm vel-
unnarar skákhreyfingarinnar
heiðraðir fyrir framlag sitt til efl-
ingar skákiðkunar hér á landi. Silf-
urmerki hlutu þeir Bjarni Felixson,
Jón Björnsson, kjördæmisstjóri á
Vestfjörðum, og Tómas Rasmus,
kjördæmisstjóri á Suðurlandi.
Gunnar Eyjólfsson hlaut gullmerki
skáksambandsins og Ólafur H.
Ólafsson var kjörinn heiðursfélagi
Skáksambandsins.
Allir hafa þessir menn unnið frá-
bært starf sem lagt hefur drjúgan
skerf til kraftmikils skákstarfs hér
á landi á undanförnum árum og
áratugum. Þó hefur hver gert það
með sínum hætti. Þeir Jón Björns-
son og Tómas Rasmus hafa lagt
ómælda vinnu í eflingu skákiðkun-
ar í skólum.
Ef ekki væri fyrir Bjarna Fel-
ixson væri líklega aldrei minnst á
skák í ljósvakamiðlunum, en hann
hefur haldið merki skákarinnar á
lofti hjá Ríkisútvarpinu og verður
seint fullþökkuð sú vinna sem hann
hefur lagt á sig við að fylgjast með
skákviðburðum og flytja fréttir af
þeim. Þáttur Gunnars Eyjólfssonar
er einstakur. Hann hefur sýnt okk-
ar sterkustu skákmönnum fram á,
að það er fleira en skákþekkingin
sem skiptir máli til þess að ná ár-
angri í skák. Í vetur sótti stórmeist-
arinn Hannes Hlífar Stefánsson
námskeið hjá honum og ástæða er
fyrir fleiri af okkar efnilegustu
skákmönnum til þess að huga að
slíkum námskeiðum.
Ólafur H. Ólafsson er í hópi
þeirra Íslendinga sem hafa gefið
mest af sér til eflingar íslensku
skáklífi. Hann hefur um áratuga-
skeið einbeitt sér að unglingastarf-
inu og margir okkar sterkustu
skákmanna stigu sín fyrstu skref á
skákferlinum undir leiðsögn hans.
Norðanmenn sigruðu á at-
skákmóti á Akureyri
Áskell Örn Kárason var ekki
lengi að finna sér nýtt forystusæti
eftir að hafa hætt sem forseti Skák-
sambands Íslands á laugardaginn.
Síðustu umferðir atskákmóts, sem
fram fór samhliða aðalfundi SÍ á
Akureyri, voru tefldar að aðalfund-
inum loknum. Mótinu lauk með
sigri þeirra Áskels og Gylfa Þórs
Þórhallssonar, en þeir fengu báðir
6 vinninga af 7 mögulegum. Áskell
var úrskurðaður sigurvegari eftir
stigaútreikning. Röð efstu manna:
1. Áskell Örn Kárason 6 v.
2. Gylfi Þórhallsson 6 v.
3. Halldór Brynjar Halldórsson 5½ v.
4. Ólafur Kristjánsson 4½ v.
5. Guðmundur Gíslason 4 v.
6.–9. Jóhann H. Ragnarsson, Sigurbjörn J.
Björnsson, Þór Valtýsson og Jón Björg-
vinsson 3½ v. o.s.frv.
Skákstjórar voru Gylfi Þórhallsson, Þór
Valtýsson og Sigurbjörn J. Björnsson.
Frá Skákfélagi
Akureyrar
Úrslit móta félagsins í maí urðu
sem hér greinir:
Coca Cola-hraðskákmótið.
1. Gylfi Þórhallsson 12½ v. af 16,
2. Ólafur Kristjánsson 12 v.,
3. Halldór Brynjar Halldórsson 10½ v.,
4. Stefán Bergsson 8½ v.,
5. Jón Björgvinsson 8 v.
Keppt er um Coca Cola-bikarinn,
en fyrst var keppt um hann í fyrra.
Maí-10-mínútna mótið.
1. Ólafur Kristjánsson 8 v. af 9,
2. Stefán Bergsson 7½ v.,
3. Sigurður Eiríksson 6½ v.,
4. Karl E. Steingrímsson 5 v.,
5. Ari Friðfinnsson 4½ v.
Á atkvöldum eru tefldar hrað-
skákir og atskákir. Stefán Bergs-
son sigraði, hlaut 6 v. af 7. Í 2.–3.
sæti urðu Þór Valtýsson og Sigurð-
ur Eiríksson með 5 v., 4. Karl Stein-
grímsson 3½ v., 5.–6. Haukur Jóns-
son og Sveinbjörn Sigurðsson 3 v.
SA hefur haldið fjölmörg 10 og
15 mínútna mót í vetur, og eru gefin
stig í þessum mótum fyrir saman-
lagðan árangur. Sveinbjörn Sig-
urðsson hlaut flest stig í 15 mínútna
mótum eftir mjög jafna keppni, en
það var annað upp á teningnum í 10
mínútna mótunumm þar sem Stef-
án Bergsson hafði yfirgnæfandi
forystu.
Skákæfingar fyrir börn og ung-
linga voru haldnar í vetur og voru
gefin stig fyrir árangur. Flest stig
fengu: 1. Ágúst Bragi Björnsson
147, 2. Davíð Arnarsson 144 og 3.
Ragnar Heiðar Sigtryggsson 132
stig.
Úr mótaáætlun
Skáksambandsins
27.5. SA. Maí-hraðskákmótið
27.5. Bikarmót Striksins
1.6. SA. Helgarskákmót
7.6. Meistaramót Skákskólans
9.6. Hellir. Mjóddarmót
Hrannar
forseti Skák-
sambandsins
Daði Örn Jónsson
SKÁK
A k u r e y r i
AÐALFUNDUR
SKÁKSAMBANDSINS
19.5. 2001
Áskell Örn Kárason, fráfarandi forseti, Ólafur H. Ólafsson, heið-
ursfélagi, og Hrannar B. Arnarsson, nýr forseti Skáksambandsins.
GETUM við bæði verndað verðmæta
náttúru og styrkt búsetu á lands-
byggðinni? Takmarkar náttúruvernd
svigrúm byggðarlaga til að styrkja
efnahagslegar forsendur og bæta
lífsgæði íbúa sinna? Eru til einhverj-
ar leiðir til að leysa eða koma í veg
fyrir alvarlegar deilur um náttúru-
vernd?
Þessar spurningar verða til um-
fjöllunar á ráðstefnu sem Landvernd
heldur í samstarfi við norræn nátt-
úruverndarsamtök dagana 26. og 27.
maí nk. á Hótel Reynihlíð við Mý-
vatn. Ráðstefnan nýtur stuðnings
starfshóps Norrænu ráðherranefnd-
arinnar um náttúru, útilíf og menn-
ingarminjar.
Á ráðstefnunni verður fjallað um
stofnun þjóðgarða í Finnlandi, Nor-
egi og Svíþjóð og hvernig íbúum í við-
komandi byggðarlögum og náttúru-
verndarsinnum tókst að leysa deilur
um landnýtingu og verndun. Auður
H. Ingólfsdóttir, Háskóla Íslands,
mun gera grein fyrir fræðilegri um-
fjöllun um leiðir til að leysa deilur um
landnýtingu og Hólmfríður Bjarna-
dóttir frá norrænu byggðarann-
sóknastofnuninni Nordregio segir
frá aðferðum til að meta verndargildi
landssvæða. Kai Böhmn, sérfræðing-
ur Norregio, mun í erindi sínu leitast
við að svara þeirri spurningu hvort
náttúrvernd og byggðaþróun geti
farið saman. Þá gerir Per Flatberg
frá Noregi grein fyrir því hvernig
hann telur að sveitarstjórnir geti
best sinnt náttúruvernd. Að lokum
verður fjallað um alþjóðlega þróun
þessara mála í erindi sem Laurence
Hamilton frá Alþjóðlegu náttúru-
verndarsamtökunum (IUCN) held-
ur.
Ráðstefnan er öllum opin á meðan
húsrúm leyfir. Þátttökugjald er 5.000
kr., en 2.500 fyrir félaga í Landvernd.
Skráning í síma eða með tölvupósti,
landvernd@landvernd.is. Frekari
upplýsingar um dagskrá ráðstefn-
unnar verður að finna á heimasíðu
Landverndar, www.landvernd.is.
Náttúru-
vernd og
byggða-
þróun
Er þín rekstrareining of lítil?
Til sölu lítil heildverslun með þekkt vörumerki
og góða framlegð.
Góðir stækkunarmöguleikar fyrir duglegt fólk.
Hentar einnig sem viðbót við annan rekstur.
Upplýsingar í síma 899 4194.
3ja herbergja íbúð til sölu
Til sölu mjög góð 111,3 fm 3ja herbergja íbúð
í Hrísmóum 4, Garðabæ, með bílgeymslu, yfir-
byggðum svölum og mjög góðri staðsetningu,
stutt í alla þjónustu. Verð kr. 13 millj.
Nánari upplýsingar gefur Klemens Eggertsson
hdl., Garðatorgi 5, Garðabæ, í síma 565 6688.
SUMARHÚS/LÓÐIR

  

 

   
 


  !  "

 # 
$

%&&' 
  ()* ++ 
TILBOÐ / ÚTBOÐ
Útboð — gatnagerð
Bæjarsjóður Kópavogs óskar eftir tilboðum
í endurgerð götu og lagna í Kópavogsbraut.
Í verkinu felst að jarðvegsskipta í götustæði,
endurnýja holræsalagnir, lagnir veitustofnana
og ganga endanlega frá yfirborði götunnar.
Helstu magntölur eru:
Gröftur 15.000 m3
Fylling 13.800 m3
Malbik 8.800 m2
Holræsalagnir 1.000 m
Hitaveitulagnir OR. 600 m
Strenglagnir OR. 500 m
Verkið er áfangaskipt, en skal skila fullbúnu
fyrir 1. október 2001.
Útboðsgögn verða afhent á Tæknideild Kópa-
vogs, gegn 20.000 kr. skilatryggingu. Tilboð
verða opnuð á sama stað miðvikudaginn 30.
maí 2001, kl. 11:00 að viðstöddum þeim bjóð-
endum sem þar mæta.
Framkvæmdadeild Kópavogs.
TIL SÖLU
STYRKIR
Menntamálaráðuneytið
Norrænn ferðastyrkur til
rithöfundar
Ráðgert er að af fjárveitingu til norræns samstarfs
í fjárlögum 2001 verði varið 100 þús. kr. til að
styrkja rithöfund til dvalar á Norðurlöndum.
Umsóknir um styrkinn skulu berast mennta-
málaráðuneytinu, Sölvhólsgötu 4, 150 Reykja-
vík. Síðasti skiladagur umsókna er 11. júní
2001.
Umsóknum skal fylgja greinargerð um hvernig
umsækjandi hyggst verja styrknum.
Menntamálaráðuneytið,
21. maí 2001.
menntamalaraduneyti.is
SMÁAUGLÝSINGAR
KENNSLA
■ www.nudd.is
Tungumál
Ef þú átt í erfiðleikum með
frönskuna þá get ég hjálpað
þér. Það er móðurmál mitt.
Ef þú hefur áhuga þá hringdu í
Nordin í síma 867 6017.
R A Ð A U G L Ý S I N G A R