Morgunblaðið - 22.05.2001, Side 53

BRÉF TIL BLAÐSINS
MORGUNBLAÐIÐ ÞRIÐJUDAGUR 22. MAÍ 2001 53
MIKLAR umræður hafa orðið varð-
andi hið nýja byggingarskipulag við
Arnarnesvoginn. Pétur Björnsson
ásamt fleiri húseigendum á Arnarnesi
hafa gagnrýnt harðlega meirihluta
sjálfstæðismanna í Garðabæ og rætt
um undirlægjuhátt þeirra í allri máls-
meðferð m.a. við verktakafélögin
Gunnar og Gylfa ehf. og Björgun ehf.
Allt í einu er lífríki vogsins og strand-
arinnar orðið Pétri og félögum svo
mikils virði að engu má þar við hrófla.
Það er að sjálfsögðu gleðiefni þegar
menn fá svo einlægar og sterkar til-
finningar fyrir a.m.k. nánasta um-
hverfi sínu og fuglalífi.
Hér á árum áður fóru ýmis meng-
unarefni frá Skipasmíðastöðinni og
mannlegur úrgangur bæjarbúa í vog-
inn, sem gerði fjörur óaðgengilegar
fyrir saur og spilliefnum.
Börn, ungmenni o.fl. sem stunduðu
siglingar á vognum hættu allri starf-
semi m.a. af þeim sökum. Hvar voru
þá hinir sjálfskipuðu náttúrudýrk-
endur og verndarar lífsríkisins í Arn-
arnesinu? Eru kannski aðrir og áður
óþekktir hagsmunir þessara aðila nú
sem valda hinni miklu umönnun
þeirra á Arnarnesvognum? Allir eru
þó sammála um að umhverfi hafnar-
svæðisins þarf að hreinsa og um-
breyta, reyndar þó fyrr hefði verið.
Garðbæingar ættu því að fagna þeirri
miklu og góðu umbreytingu sem
verður með hinu nýja byggingar-
skipulagi. Gömul, ryðguð og vannýtt
hús hverfa með tilheyrandi rusli sem
og hafnarómyndin, en í staðinn fáum
við falleg og lágbyggð hús sem ná út á
hæfilega stóra uppfyllingu með smá-
bátabryggju. Þarna geta hundruð
manna búið í þægilegu umhverfi og
notið fagurs útsýnis í beinni snertingu
við lífríki sjávar og notið ferskleika
sjávarloftsins. Segja má að í útsýninu
fléttist saman vogskornar, fallegar
strendur Skerjafjarðar og hin stór-
brotna fjallasýn til Esjunnar, Snæ-
fellsjökuls o.fl. fjalla. Þá er sólsetrið
við voginn, þegar roðagullnir geislar
kvöldsólar ljóma á himni og geisla-
brotin bregða á leik á haffletinum eitt
af því sem allir vilja sjá og njóta.
Varla trúi ég því að Pétur og sálu-
félagar hans, sem notið hafa á Arn-
arnesinu framangreindrar náttúru-
fegurðar um áratugaskeið geti ekki
glaðst yfir að fleiri íbúar Garðabæjar
fái notið sama útsýnis og nærveru
hafsins.
Svonefnt bryggjuhverfi í Reykja-
vík hefur leitt til fegrunar á viðkom-
andi strandlengju og nánasta um-
hverfi og sama er nú í undirbúningi í
Kópavogi. Ekki er mér kunnugt um
nein sterk viðbrögð gegn slíkum
framkvæmdum. Ég treysti bæjar-
fulltrúum Garðabæjar vel til að láta
ekki fámennan þrýstihóp breyta
neinu um fyrirhugaða byggð við Arn-
arnesvoginn. Látum hagsmuni
Garðbæinga ráða ferðinni, mótmæli
nokkurra flokksmanna sjálfstæðis-
flokksins á Arnarnesinu m.a. að segja
sig úr flokknum hafa engin áhrif á af-
stöðu meirihluta sjálfstæðismanna í
bæjarstjórn. Fullyrðingar Péturs um
að lífríki vogsins skerðist um 20-30%
eru hugarórar einir, enda engin vís-
indaleg niðurstaða lögð til grundvall-
ar. Órökstuddar hugleiðingar Péturs
um vafasama viðskiptahætti meiri-
hluta bæjarstjórnar við umrædda
verktaka eru honum til vansæmdar.
Áróður af þessu tagi er ekki málstað
hans til framdráttar og skaðar fyrst
og síðast hann sjálfan.
KRISTJÁN PÉTURSSON,
fyrrverandi deildarstjóri,
Löngumýri 57, Garðabæ.
Byggingarsvæði
við Arnarnesvoginn
Frá Kristjáni Péturssyni:
MÉR barst sú fregn á dögunum að
Sönghópurinn Sólarmegin héldi tón-
leika í Bíóhöllinni á Akranesi 24.
maí nk. Ég sem þetta rita hef áður í
ræðu og riti lýst ánægju með þá
tónleika sem hópurinn hefur haldið
og undirritaður hefur átt þess kost
að sækja.
Það er mikill tími og vinna sem
fer í að undirbúa slíka tónleika, og
slíkt verður aldrei metið til fjár.
Hógvær og hlý framkoma hópsins
við flutning og kynningu þeirra
verka sem hann hefur unnið með
veitir þeim sem hlýðir fagnaðar-
kennd. Þetta er sú lýsing sem ég
get besta gefið sem áhugamaður um
tónlist, um leið og ég hvet alla þá
sem eiga þess kost að sækja tón-
leika hópsins.
Sönghópurinn Sólarmegin tók
upp þá nýbreytni að halda jólatón-
leika í Akraneskirkju á seinustu
jólaföstu. Allir þeir sem ég hef
heyrt ræða um það framtak hópsins
hafa lokið lofsorði á tónleikana og
þann menningarauka sem þeir voru.
Ákveðið er að halda einnig tón-
leika í Hafnarborg, Hafnarfirði, 30.
maí næstkomandi. Ég hvet alla, sem
þess eiga kost, að sækja þá.
Um leið og þessi orð eru sett á
blað vil ég nota tækifærið og þakka
því áhugafólki sem með leiklist, tón-
list og annarri listiðju um land allt
eykur lífsfyllingu okkar hinna sem
eiga þess kost á að njóta hennar.
Með bestu kveðjum um gott sum-
ar í daglegu lífi, leik og starfi.
GÍSLI S. EINARSSON,
Esjubraut 27, Akranesi.
Sólarmegin í hita og
þunga dagsins
Frá Gísla S. Einarssyni:
Flísar
og
parketBorgartúni 33, Reykjavík • Laufásgötu 9, Akureyri
Heimsferðir bjóða nú ótrúlegt tækifæri á síðustu sætunum til
Benidorm 1. júní í vikuferð, 6 nætur. Miðað við heimflug þann
7. júní. Þú bókar núna og 4 dögum fyrir brottför segjum við þér
hvar þú gistir.
Stökktu til
Benidorm
1. júní í 6 nætur
frá 36.985 kr.
Verð kr. 36.985
Verð á mann miðað við hjón með
2 börn 2 - 11 ára, flug, gisting,
skattar.
Verð kr. 45.930
Verð á mann miðað við 2 í íbúð.
Skógarhlíð 18, sími 595 1000. www.heimsferdir.is
Verðdæmi
GEOX
herraskór sem anda
Stærðir: 40 - 46
(opnir í hæl)
Verð: 8.490,-
Kringlunni, sími 553 2888
Stærðir: 40 - 46
Verð: 10.790,-
Stærðir: 41 - 46
Verð: 10.790,-