Morgunblaðið - 05.07.2001, Síða 10

FRÉTTIR
10 FIMMTUDAGUR 5. JÚLÍ 2001 MORGUNBLAÐIÐ
GUÐJÓN Hólm Sig-
valdason, héraðsdóms-
lögmaður og forstjóri
John Lindsay ehf. um-
boðs- og heildverslun-
ar, er látinn.
Guðjón fæddist 10.
september 1920 að
Litla-Ási á Kjalarnesi.
Foreldrar hans voru
Sigvaldi Þorkelsson,
bóndi á Kjalarnesi, og
Guðrún Jónsdóttir hús-
móðir.
Guðjón útskrifaðist
frá Menntaskólanum í
Reykjavík árið 1942 og
lauk embættisprófi í lögfræði frá
Háskóla Íslands árið 1947. Héraðs-
dómslögmaður varð Guðjón árið
1948. Hann var fulltrúi hjá Sigur-
geiri Sigurjónssyni hrl. frá 1947 til
1952 en rak síðan lögfræðiskrifstofu
í Reykjavík til ársins 1965 er hann
varð forstjóri John Lindsay ehf. en
því starfi gegndi hann þar til í sept-
ember á síðasta ári.
Samhliða rekstri lögmannsstofu
sinnti Guðjón kaup-
sýslu og gegndi ýms-
um trúnaðarstörfum.
Hann var fram-
kvæmdastjóri
skemmtigarðsins Tí-
volí 1951 til 1952 og
ýmist sat í stjórn eða
tók þátt í rekstri fjölda
fyrirtækja í Reykjavík,
þ.á m. Kjötvers hf.,
Reykhússins hf., versl-
ananna Angoru, Voga-
búðarinnar og Líf-
stykkjabúðarinnar auk
fyrirtækjanna Efna-
gerð Reykjavíkur og
Agnar Lúðvíksson hf.
Guðjón var fyrsti formaður Gigt-
arfélags Íslands árið 1976 og gegndi
þeirri stöðu til ársins 1980 og var
gerður að heiðursfélaga þess árið
1990. Árið 1998 var Guðjón sæmdur
gullmerki Félags íslenskra stór-
kaupmanna.
Eftirlifandi eiginkona Guðjóns er
Guðrún Stefánsdóttir húsmóðir. Þau
eignuðust sex börn.
Andlát
GUÐJÓN HÓLM
SIGVALDASON
HÁLENDISVEGIR eru að opnast
um þessar mundir. Leiðin yfir
Sprengisand var opnuð fyrir síð-
ustu helgi. Að sögn Jóhanns Björns
Skúlasonar og Soffíu Guðnýjar
Santacroce, skálavarða Ferða-
félags Íslands í Nýjadal, fylgdu
fyrstu bílar í kjölfar vegheflanna
sem opnuðu veginn.
Í Nýjadal eru 120 gistipláss og
þegar fullbókað suma daga í sumar
og fólk á biðlista nokkra daga. Í
Nýjadal getur ferðafólk einnig áð
og snætt nesti, fengið heitt vatn,
grillað og farið í sturtu.
Þetta er fyrsta sumar þeirra Jó-
hanns og Soffíu í Nýjadal. Þau buðu
blaðamönnum upp á kökur sem
bakaðar voru í skálanum. „Eins og
einn skálavörður sagði, þá eru þær
miklu betri úr Sóló-eldavélinni, því
það er ekkert rafmagnsbragð,“
sagði Soffía.
Nánar er hægt að fræðast um
opnun hálendisvega á heimasíðu
Vegagerðarinnar (www.vegag.is).
Morgunblaðið/Rax
Sprengi-
sandsleið
opnuð
ALMENNT er ekki búið að taka
ákvarðanir um álagningarprósentu
fasteignagjalda í stærri sveitar-
félögum utan Reykjavíkur en þar
hefur verið ákveðið að vinna að því
að heildarálögur á borgarbúa auk-
ist ekki í kjölfar endurskoðaðs
fasteignamats. Af samtölum við
forráðamenn bæjarfélaga má ráða
að breytingar á fasteignamati séu
mismiklar milli bæjarfélaga og al-
mennt verði álagning skoðuð um
leið og fjárhagsáætlanir næsta árs.
Sigurður Geirdal, bæjarstjóri í
Kópavogi, segir að litlar breyting-
ar hafi orðið á brunabótamati og
fasteignamati í bænum en hækk-
unin sé um eitt prósent. Lóðamat
segir hann þó hafa hækkað tölu-
vert en það vegi minna í álagningu
gjalda. „Það á eftir að taka
ákvörðun um hvernig að þessu
verður staðið en það er enginn
áhugi á því í bænum að græða á
breyttu lóðamati,“ sagði hann.
Ákvarðana að vænta síðar
Ásdís Halla Bragadóttir, bæjar-
stjóri Garðabæjar, sagði málið
ekki enn hafa verið tekið fyrir af
bæjarráði né í bæjarstjórn og því
ekki hægt að segja til um hvort
álagningarprósentu fasteigna-
gjalda yrði breytt. Hún bjóst þó
við að málið yrði rætt á næstunni.
Sigríður Stefánsdóttir, sviðs-
stjóri þjónustusviðs Akureyrar-
bæjar, sagði engan fund hafa verið
haldinn síðan niðurstaða um breyt-
ingu á fasteignamati lá fyrir og af
þeim sökum hafi ekki enn verið
fjallað um breytinguna í bæjar-
kerfinu, enda varði það álagningu
næsta árs.
Helgi Helgason, bæjarritari Ár-
borgar, sagði málið sömuleiðis
ekki enn hafa verið rætt innan Ár-
borgar og bjóst ekki við að ákvörð-
un um álagningu gjalda fyrir
næsta ár yrði tekin fyrr en undir
áramót, að venju. Eins sagði Hall-
dór Árnason, framkvæmdastjóri
fjármála stjórnsýslusviðs Hafnar-
fjarðarbæjar, að álagning gjalda
yrði skoðuð nánar við gerð fjár-
hagsáætlunar í haust en stefnt
væri að lokum þeirrar afgreiðslu
fyrir nóvemberlok.
Ákvarðanir enn
ekki teknar
Nokkur sveitarfélög um álagningu
ÁRMANN Kr. Ólafsson, forseti bæj-
arstjórnar og einn nefndarmanna
orkunefndar Kópavogsbæjar, segir
orkunefnd ekki leggja til að arð-
greiðslur renni í bæjarsjóð Kópa-
vogs. Fram kom í gær í gagnrýni Al-
freðs Þorsteinssonar, formanns
stjórnar Orkuveitunnar, á skýrslu
orkunefndar Kópavogs að Kópavog-
ur gæti ekki krafist þess að fá tví-
borgað fyrir seldan eignarhlut í
Hitaveitu Reykjavíkur.
„Ingibjörg Sólrún og Alfreð Þor-
steinsson hafa kosið að vera með
hreinan útúrsnúning varðandi niður-
stöðu nefndarinnar. Við í nefndinni
erum að benda á að afgjöldin séu
óeðlilega há og séu því í raun ígildi
skatts. Þarna er um hreint okur að
ræða þar sem Orkuveitan starfar í
skjóli einokunar og borgar ekki
skatta eins og önnur fyrirtæki og því
ber fyrirtækinu að haga sér sam-
kvæmt því,“ segir Ármann.
Hann segir að þegar farið sé að
rýna betur í tölurnar komi í ljós að
Kópavogsbúar séu að greiða 20
krónur á tonnið af heitu vatni í af-
gjald árið 1998 en tonnið hafi kostað
rúmlega 60 krónur.
„Við erum fyrst og fremst að fara
fram á að orkuverð á okkar bæjar-
búa lækki,“ segir hann. Hann bendir
á að afgjöld raforku séu óvenjulega
há miðað við fyrirtæki sem starfi í
skjóli einkaréttar og skattaívilnana.
Þá segir Ármann að hlutur Kópa-
vogs í hitaveitunni hafi verið seldur á
235 milljónir króna árið 1993. Sá
hlutur sé í dag metinn á 300 milljónir
miðað við vísitölu neysluverðs og á
319 milljónir miðað við byggingar-
vísitölu en ekki 408 milljónir eins og
Reykjavíkurborg meti hlutann á.
Ekki lagt til
að afgjöld renni
í bæjarsjóð
Orkunefnd Kópavogs
HERMANN Jóhannsson, formaður
bygginganefndar MR, segir að for-
senda þess að ráðist verði í viðhald á
kennsluhúsnæði Menntaskólans í
Reykjavík, sé að nýtt skólahúsnæði
verði byggt. Þetta segir Hermann
óhjákvæmilegt þar sem gömlu húsin
séu ekki ætluð fyrir þann fjölda nem-
enda sem stundar nám í MR og að
það sé nauðsynlegt að létta á gamla
húsinu þannig að hægt verði að
vinna í því.
Hann segist telja að það þyrfti að
loka húsinu algjörlega í um 2-3 ár ef
ganga eigi heillega til verksins.
Hann segir að hugsanlega væri
tæknilega mögulegt að vinna aðeins
að endurbótum í húsinu yfir sumar-
tímann, nokkur sumur í röð og að
skólanum væri alltaf komið í
kennsluhæft ástand áður en skóla-
hald hefst að hausti, en hann segir að
það væri mjög dýrt og því óæskilegt.
Best væri að ráðast í endurbyggingu
í einum áfanga.
Hermann segir að það ráðist af
fjárveitingum hvenær hægt verði að
ráðast í nýbyggingar og endurbætur
við skólann og segir að nú sé verið að
leggja lokahönd á úttekt um hvað
endurbyggingin muni kosta.
Borginni ekki skylt að taka
þátt í nýbyggingum
Ingibjörg Sólrún Gísladóttir borg-
arstjóri telur ekki vera rök fyrir því
að Reykjavíkurborg taki þátt í að
greiða kostnað sem hlýst af endur-
byggingu og viðhaldi bygginga MR,
nema þá vegna þess varðveislugildis
sem húsið hefur fyrir miðborgina.
Ingibjörg segir lögin um framhalds-
skóla frá árinu 1988 vera alveg skýr
um að sveitarfélögum beri ekki að
taka þátt í kostnaði sem hlýst af ný-
byggingum við skóla sem voru al-
gjörlega í eigu ríkisins áður en lögin
tóku gildi, en MR er einn þeirra. Í
Morgunblaðinu í gær sagði Björn
Bjarnason menntamálaráðherra að
það komi honum á óvart að borgar-
stjóri vilji ekki taka þátt í kostnaði
sem hlýst af viðhaldi og endurbygg-
ingum við skólann og segir að önnur
sveitarfélög hafi gert það.
Ingibjörg segir að nú sé verið að
endurskoða hlutverk sveitarfélaga
og ríkis og að þar sé m.a. í skoðun
hvort ríkið eigi að taka algjörlega við
því sem lýtur að rekstri framhalds-
skóla. Hún segir það vera samdóma
álit manna að það verði raunin. „Í
ljósi þess að þetta er handan við
hornið finnst mér enn meiri ástæða
til þess að ráðherra láti nú til skarar
skríða og hefji uppbyggingu þessa
skóla,“ segir Ingibjörg.
Hún segir að í álitsgerð Sigurðar
Líndal lagaprófessors komi skýrt
fram að sveitarfélögum sé ekki skylt
að taka þátt í stofnkostnaði við
stækkun eða endurbætur á húsnæði
framhaldsskóla sem stofnaðir höfðu
verið áður en lögin tóku gildi. „Ef
leggja ætti slíkar kvaðir á sveitar-
félög afturvirkt þyrfti að mæla fyrir
um það með skýrum hætti í lögum,“
segir í álitsgerð Sigurðar sem Ingi-
björg vitnar til.
Í viðtalinu sem birt var í gær sagði
Björn að þessi álitsgerð hafi ekki
verið kynnt honum, en segir Ingi-
björg að hún hafi verið kynnt og af-
hent fulltrúum ráðuneytisins í sam-
starfsnefnd borgar og ríkis um
málefni framhaldsskólanna. Ef þeir
hafi ekki kynnt ráðherra álitsgerð-
ina sé það innanhúsvandamál ráðu-
neytisins, en ekki borgaryfirvalda.
Ingibjörg segir að afstaða hennar
þurfi ekki að koma Birni á óvart, þar
sem afstaða borgarinnar hafi verið
sú sama allt frá því lögin tóku gildi
árið 1988. Hún segir að í tíð Mark-
úsar Arnar Antonssonar, þegar
borgin tók þátt í að kaupa byggingu
að Amtmannsstíg 2 fyrir MR, hafi
skýrt verið tekið fram af hálfu borg-
aryfirvalda í bréfi til fjármálaráðu-
neytisins, að hlutur borgarsjóðs tak-
markaðist aðeins við kaup á þessari
fasteign. Afstaða borgarinnar væri
að öðru leyti óbreytt og að Reykja-
víkurborg myndi ekki taka þátt í
stofnkostnaði annarra framhalds-
skóla í Reykjavík en þeirra sem
gerðir höfðu verði sérstakir samn-
ingar um.
Nýbyggingar forsenda
viðhalds bygginga MR
SKRÁNINGU í sjávarútvegs-
nefnd Framsóknarflokksins á að
ljúka í dag en í gær höfðu vel á
annað hundrað flokksmenn skráð
sig. Til samanburðar má geta þess
að 80 manns tóku þátt í störfum
Evrópunefndar flokksins sem
skilaði af sér skýrslu sl. vetur.
Fyrsti fundur nefndarinnar er
fyrirhugaður í dag í húsakynn-
umn Framsóknarflokksins við
Hverfisgötu í Reykjavík.
Jón Sigurðsson er formaður
sjávarútvegsnefndarinnar. Hann
sagði skráninguna staðfesta mik-
inn áhuga framsóknarmanna á
sjávarútvegsmálum. Nefndinni er
ætlað að fjalla um þær tvær mis-
munandi leiðir sem auðlinda-
nefndin benti á, þ.e. hvort fara eigi
fyrningarleið eða taka upp veiði-
leyfagjald. Einnig á nefndin að
fjalla almennt um sjávarútvegs-
mál og skila tillögum sínum fyrir
miðstjórnarfund flokksins, sem
áætlaður er í nóvember nk.
Nefndin mun notfæra sér tækni
Netsins og koma þar upp lokaðri
spjallrás fyrir þá sem skráðu sig
til þátttöku, líkt og gert var í Evr-
ópunefndinni með góðum árangri,
að sögn Jóns.
Framsóknarflokkurinn
Hátt í 200 skráðir í
sjávarútvegsnefnd