Morgunblaðið - 05.07.2001, Qupperneq 12
HÖFUÐBORGARSVÆÐIÐ
12 FIMMTUDAGUR 5. JÚLÍ 2001 MORGUNBLAÐIÐ
VEGAGERÐIN kannar nú mögu-
leika á því að setja hringtorg á gatna-
mót Suðurlandsvegar og Breiðholts-
brautar við Rauðavatn en ekki hefur
verið tekin ákvörðun um hvort af því
verður eða hvort gatnamótin verði
ljósastýrð.
Að sögn Jónasar Snæbjörnssonar,
forstöðumanns Reykjanesumdæmis
Vegagerðarinnar, hefur verið haft
samráð við Reykjavíkurborg um
endurbætur á gatnamótunum vegna
slysatíðni þar. Eins hafi umferð verið
að aukast jafnt og þétt og fyrirsjáan-
legt sé að hún muni aukast hratt á
næstu tveimur árum vegna þeirrar
uppbyggingar sem fyrirhuguð er í
Norðlingaholti.
„Það eru bara tvær lausnir sem
koma til greina til að byrja með,“
segir Jónas. „Annaðhvort að setja
upp umferðarljós eða setja hringtorg
þar sem fyrirsjánlegt er að það er
langt í að þessi gatnamót verði byggð
mislæg,“ segir hann en um tíu ár eru
í þá framkvæmd.
Hann segir hringtorg betri kost
þar sem mörg alvarleg slys hafi orðið
á umræddum gatnamótum og ljóst sé
að ljósagatnamót séu ekki eins örugg
og hringtorg. „Menn eru hikandi við
að hafa þarna fyrstu ljósagatnamótin
þegar komið er af þjóðvegakerfinu
en það er engin truflun alla leiðina
frá Hveragerði til Reykjavíkur. Það
væri því betra að þarna kæmi hring-
torg og það er verið að skoða hvernig
mætti koma því fyrir og hvort við
fáum að fara í það fjárhagslega.“ Að
sögn Jónasar er hringtorg mun dýr-
ari kostur. „Að setja upp umferðar-
ljós myndi kosta á bilinu sex til tíu
milljónir en við höfum verið að skoða
bæði tvöfalt og einfalt hringtorg.
Okkur sýnist að það sé nægjanlegt að
setja þarna einfalt hringtorg en það
kostar hins vegar um 30 milljónir.“
Jónas segir ekki formlega ákveðið
hvor lausnin verði notuð en ef ekkert
verði af hringtorginu verði sett upp
umferðarljós annaðhvort í haust eða
næsta vor.
Hringtorg við Rauðavatn í athugun
Selás
ÞRÍR skemmtistaðir í mið-
borg Reykjavíkur hafa fengið
áminningu frá Heilbrigðiseft-
irliti Reykjavíkur, sem mælt
hefur hávaða við skemmtana-
hald, en áminning er veitt sé
hávaði innanhúss yfir leyfileg-
um mörkum.
Staðirnir eru Café Amster-
dam í Hafnarstræti 5, Kaffi
Reykjavík á Vesturgötu 2 og
Café Victor í Hafnarstræti
1–3. Í áminningu Heilbrigðis-
eftirlitsins er þess krafist að
gerðar verði ráðstafanir til
þess að hávaði innanhúss
verði framvegis ekki yfir
leyfilegum mörkum.
Þrír staðir áminntir
vegna hávaða
Miðborgin
FORMLEG afhending
kirkjugarðslóðar í Leirdal fór
fram í gær en þar mun Kópa-
vogskirkjugarður, nýr kirkju-
garður Reykjavíkurprófasts-
dæma, rísa. Að sögn Þórsteins
Ragnarssonar, forstjóra
Kirkjugarða Reykjavíkurpró-
fastsdæma, er garðurinn ætl-
aður íbúum Reykjavíkur,
Kópavogs og Seltjarnarness
og hafa sveitarfélögin þrjú
staðið sameiginlega að gerð
mikillar jarðvegsfyllingar í
Leirdal en á þessari fyllingu
mun Kópavogskirkjugarður
standa í framtíðinni. Garður-
inn verður væntanlega vígður
í sumarbyrjun 2004 og þá
verður fyrsta gröfin tekin.
Þórsteinn segir að svæðið í
heildina sé um tólf hektarar
en í fyrstu verði aðeins þrír
hektarar teknir í notkun.
„Núna er verið að setja dren-
lagnir í garðinn svo vatnið
renni eðlilega frá og holræsa-
kerfi og önnur jarðlagnakerfi,
ásamt því að gera götur fyrir
bíla og undirbúa göngustíga,“
segir hann en bendir jafn-
framt á að garðurinn verði
girtur af á þessu tímabili með
varanlegri girðingu og plant-
að verði í hann trjágróðri eftir
ákveðnu skipulagi. Loks verði
sáð í stóran hluta sem ekki
komi strax til með að verða
búinn undir kirkjugarð.
Hann segir að ætlunin sé að
þegar garðurinn verði vígður
2004 verði búið að koma upp
nauðsynlegri þjónustuað-
stöðu. Á því stigi verði ekki
kapella heldur eingöngu af-
drep fyrir þá sem komi í garð-
inn og fyrir þá sem þar vinni.
Kostnaður á þriðja
tug milljóna í sumar
Aðspurður um kostnað seg-
ir Þórsteinn að framkvæmdin
í sumar kosti yfir tuttugu
milljónir sem sveitarfélögin
og kirkjugarðarnir greiða. En
heildarkostnað við að koma
upp tíu til tólf hektara kirkju-
garði telur hann vera hátt á
annað hundrað milljónir.
„Sveitarfélögin eiga sam-
kvæmt lögum að afhenda
garðinn eins og þau gera núna
með ákveðnum skilyrðum,
garðurinn á að vera í réttri
hæð, með réttu moldarlagi og
svo framvegis. Svo taka
kirkjugarðarnir sjálfir við og
leggja stígana en samt með
þátttöku sveitarfélaganna,
þau koma inn í þann kostnað
líka,“ segir Þórsteinn.
Að sögn Þórsteins er líklegt
að Gufuneskirkjugarður verði
fullnýttur í kringum 2020 og
þá verði eingöngu grafið í frá-
tekin leiði. Hann telur að
greftranir í Gufunesi minnki
þegar búið er að taka Kópa-
vogsgarðinn í notkun. Þá hafi
íbúar Reykjavíkur, Kópavogs
og Seltjarnarness val um í
hvorum garðinum þeir verði
jarðsettir. „Við getum svo
sem ekki giskað mikið á
hversu lengi Kópavogsgarður
dugi en ég held að hann muni
endast 21. öldina, “ segir Þór-
steinn.
Morgunblaðið/Þorkell
Að sögn Þórsteins Ragnarssonar, forstjóra Kirkjugarða
Reykjavíkurprófastsdæmis, verður svæðið um tólf hekt-
arar en í fyrstu verða aðeins þrír hektarar teknir í notkun.
Kirkjugarður
21. aldarinnar
Kópavogur
NÍU athugasemdir hafa bor-
ist í tengslum við óformlega
hagsmunakynningu vegna
hugmynda að deiliskipulagi
fyrir Skeifuna og Fenin.
Unnið er að hugmyndum að
nýju deiliskipulagi fyrir svæð-
ið en meðal annars er ráðgert
að auka byggingarmagn og
breyta legu bílastæða. Að
sögn Árna Þórs Sigurðssonar,
formanns skipulags- og bygg-
ingarnefndar, er ráðgert að
skipulagið fari í formlega
kynningu að loknum fundi
nefndarinnar í næstu viku.
Samkvæmt drögum að
greinargerð með deiliskipu-
laginu, sem unnin er af vinnu-
stofunni Þverá ehf., afmark-
ast svæðið af reit milli
Miklubrautar, Suðurlands-
brautar, Grensásvegar og
Skeiðarvogs. Upphaflega var
svæðið skipulagt sem iðnaðar-
svæði en samkvæmt aðal-
skipulagi Reykjavíkur 1996 til
2016 er allur reiturinn nú skil-
greindur sem athafnasvæði.
Í greinargerðinni segir að
markmið með nýju deiliskipu-
lagi sé að endurskoða og sam-
ræma fyrri skipulagsáætlanir
á svæðinu en flestar þeirra
hafi aðeins náð yfir einstakar
lóðir en ekki svæðið í heild.
Einnig segir að ákveða verði
með hvaða hætti framtíðar-
uppbygging verði á svæðinu
og endurskilgreina þurfi
gatna- og göngustígakerfi
hverfisins en mikið sé um
akstur inn á einkalóðir án
þess að um skilgreindar götur
sé að ræða. Bent er á að rétt-
arstaða sé því oft óljós ef um-
ferðaróhöpp verða. Þá er
stefnt að fegrun umhverfisins
með auknum gróðri og betri
frágangi bygginga og um-
hverfis.
Fjallað er um skiptingu
svokallaðrar Iðngarðalóðar
milli núverandi eigenda og
einnig milli Reykjavíkurborg-
ar og núverandi eigenda. Seg-
ir að sú skipting sé forsenda
fyrir nýju deiliskipulagi, með-
al annars vegna skilgreininga
á nýjum götum sem verða á
borgarlandi. Aðkoma að
hverri lóð verður framvegis
frá götu í eigu Reykjavíkur-
borgar.
Þá er vikið sérstaklega að
bílastæðamálum en stefnt er
að því að eitt bílastæði verði á
hverja 50m2 í byggðum húsum
og eitt stæði á hverja 35m2 í
nýbyggingum. Þá segir að á
þeim lóðum þar sem bíla-
stæðakröfunni 1:50 sé ekki
fullnægt innan lóðar við
skipulagsbreytingu verði ekki
gerðar frekari kröfur til bíla-
stæða vegna þeirra húsa sem
þegar er búið að byggja. Segir
að þetta gildi um allar lóðir
nema lóð Iðngarða þar sem
séð verði fyrir bílastæðum á
sérstakri bílastæðalóð sem
liggur vestan Rúmfatalagers-
ins.
Gert er ráð fyrir tæplega
30.000 m2 viðbótarbyggingar-
magni en þar af eru rúmlega
16.000 m2 bílageymsluhús. Af
öðru sem tiltekið er í grein-
argerðinni eru niðurstöður
húsakönnunar sem Árbæjar-
safn stóð fyrir í maí 2001. Nið-
urstaða þeirrar könnunar var
að ekkert húsa í Skeifu hefði
listrænt eða byggingarsögu-
legt gildi. Þá er gerð sú krafa
að lóðarhafar skilgreini á
byggingarnefndarteikningum
þau svæði sem ætluð eru und-
ir gámageymslu en töluvert
er um að gámum sé stillt upp
á bílastæðum sem nýtast ekki
sem skyldi.
Að endingu er bent á að
götunöfn og númer húsa í
Skeifu og Fenjum verði tekin
til gagngerrar endurskoðunar
þegar framkvæmdum lýkur
samhliða nýju deiliskipulagi.
Bent er á að mjög ruglings-
legt kerfi sé í gangi og að að-
komuleiðir að húsum sam-
ræmist oft ekki götuheitum
viðkomandi húsa.
Kröfur um aukið
byggingarmagn
Alls hafa 9 athugasemdir
borist vegna tillögu að deili-
skipulagi fyrir svæðið í óform-
legri kynningu eins og áður
sagði. Forsvarsmenn lóðar við
Grensásveg 1 gera athuga-
semdir við að aukið bygging-
armagn sé ekki nægjanlega
mikið og sé lægra en almennt
tíðkast á lóðum Skeifunnar.
Að þeirra mati má auka
nýtingarhlutfallið með því að
koma fyrir bílastæðakjallara
á lóðinni. Í drögum að svari
við þeirri athugasemd segir
að til greina komi að hækka
byggingarmagn enn frekar
svo framarlega sem bíla-
stæðaþörf verði fullnægt.
Forsvarsmenn Grensás-
vegar 11 gera athugasemd við
að í deiliskipulagstillögu sé
eingöngu reiknað með 1000
m² stækkun á húsnæði og fara
fram á 1800 m² stækkun sam-
kvæmt samþykkt byggingar-
nefndar. Í svari við athuga-
semdinni er gert ráð fyrir að
lokið verði við bygginguna
samkvæmt samþykktum upp-
dráttum.
Nokkrir aðilar í Skeifunni
gera athugasemdir við fækk-
un bílastæða við húseignir
sínar sem kemur til vegna
gatnagerðaframkvæmda. Í
svari við athugasemdunum er
meðal annars bent á byggingu
bílastæðahúss á Iðngarðalóð
sem muni koma til móts við
bílastæðaþörf svæðisins í
heild, verði það byggt. Þá
kemur fram í athugasemdum
forsvarsmanna Grensávegar
13 að brýnt sé að fjölga bíla-
stæðum.
Kortið sýnir tillögur að breytingum á gatnakerfi og lóðarmörkum.
Hugmyndir að deiliskipulagi fyrir Skeifu og Fen
Byggingarmagn aukið
og bílastæðum breytt
Reykjavík