Morgunblaðið - 20.07.2001, Blaðsíða 14

AKUREYRI
14 FÖSTUDAGUR 20. JÚLÍ 2001 MORGUNBLAÐIÐ
ANDLIT manns og lands
Ljósmyndasýning Morgunblaðsins á Húsavík
Okkar menn, félag fréttaritara Morgunblaðsins, og Morgunblaðið efndu til
samkeppni um bestu ljósmyndir fréttaritara frá árunum 1999 og 2000.
Í veitingahúsinu Sölku á Húsavík er sýning á þeim myndum sem dómnefnd
taldi bestar.
Myndefnið er fjölbreytt en myndin hér að ofan er ljósmynd Hafþórs
Hreiðarssonar á Húsavík, Forsetaheimsókn.
Sýningin stendur til þriðjudagsins 31. júlí.
Myndirnar á sýningunni eru til sölu.
skemmta í kvöld laugardagskvöld
Opið öll kvöld frá kl. 20. Lokað á mánudögum.
Við Pollinn, Strandgötu 49, Akureyri
Stórpopparinn
Rúnar Júlíusson
ásamt Þóri Baldurssyni
og Júlíusi Guðmundssyni
TIL SÖLU
Renault Kangoo 1.4 RT
nýskr. 09/99. Ekinn 17.000 km
Upplýsingar í síma 893 0040
RÚMLEGA tvítugur karlmaður
var dæmdur í fjögurra mánaða
fangelsi skilorðsbundið til þriggja
ára, en hann var ákærður fyrir
manndráp með því að hafa skotið
þremur skotum úr riffli í höfuð föð-
ur síns með þeim afleiðingum að
hann lést.
Atburðurinn átti sér stað á heim-
ili þeirra í Bláhvammi í Suður-Þing-
eyjarsýslu í mars í fyrra.
Dómur í máli þessu var kveðinn
upp í lok september á síðasta ári og
var maðurinn þá sýknaður af kröfu
um manndráp en fundinn sekur um
manndráp af gáleysi og dæmdur í
fjögurra mánaða fangelsi skilorðs-
bundið til þriggja ára.
Ríkissaksóknari áfrýjaði málinu
til Hæstaréttar sem í febrúar síð-
astliðnum vísaði því til héraðsdóms
að nýju, þar sem við meðferð máls-
ins þótti skorta á að hugað væri að
ýmsum atriðum sem tilefni var til
að skoða frekar.
Í niðurstöðu dómsins kemur fram
að þegar litið væri til fjölda skot-
anna, tilrauna mannsins til að láta
líta úr fyrir að um sjálfsvíg væri að
ræða og þess að hann skýrði ekki
rétt frá þætti sínum í andláti föð-
urins, verði að telja fram komnar
líkur á því að hann hafi framið það
brot sem honum var gefið að sök í
ákæru. Það sé hins vegar álit dóms-
ins að meta verði umræddar athafn-
ir í ljósi andlegs ástands mannsins
eftir fyrsta skotið.
Þótti dómnum, þegar málið var
skoðað heildstætt, að fyrir hendi
væri skynsamlegur vafi á því að
maðurinn hafi af ásetningi orðið
föður sínum að bana eins og honum
hafi verið gefið að sök í ákæru. Því
yrði að sýkna hann af því broti
Hann hafi þó sýnt af sér gáleysi við
meðferð skotvopna með því að fara
inn í þröngt og myrkvað herbergi
föðurins og hlaða þar og handleika
riffil við hlið rúms hans sem leiddi
til dauða föðurins.
Í dómsorði segir að komi refsing
ákærða til framkvæmda hafi hann
þegar afplánað hana með gæslu-
varðshaldsvist sinni frá því í mars
og fram í september á síðasta ári.
Allur kostnaður sakarinnar greiðist
úr ríkissjóði.
Freyr Ófeigsson dómstjóri kvað
upp dóminn ásamt meðdómendun-
um Halldóri Halldórssyni dóm-
stjóra og Ásgeiri Pétri Ásgeirssyni.
Dæmdur fyrir manndráp af gáleysi
Hlaut fjögurra
mánaða skilorðs-
bundið fangelsi
MÖRG skemmtiferðaskip koma til
Akureyrar í sumar eða 30 alls og er
heildarstærð þeirra 707 þúsund
brúttólestir. Gert er ráð fyrir um 17
þúsund farþegum á þessum
skemmtiferðaskipum sumarsins og
um 10 þúsund manns eru í áhöfnum
þeirra. Það er ekki laust við að
margir hafi áhuga á að eiga við-
skipti við allt þetta fólk og hér er
einn ungur sölumaður, Björn Páll,
búinn að koma sér fyrir á Oddeyr-
arbryggju þegar farþegar af Astor-
ia stigu frá borði. Hann bauð hand-
unna trémuni til sölu úr barnavagni
og voru ferðamennirnir því ekki að
skoða barn í vagni heldur minja-
gripi.
Morgunblaðið/Rúnar Þór
Sölumað-
ur sýnir
farþegum
varning
♦ ♦ ♦
NÝR sýslumaður, Ástríður Sólrún
Grímsdóttir, hefur nýlega tekið til
starfa í Ólafsfirði.
Ástríður sagði það hafa verið til-
viljun að Ólafsfjörður varð fyrir val-
inu þegar hún sótti um. Hún hefði
verið búin að taka ákvörðun áður en
embættið var auglýst að breyta til og
hætta sjálfstæðum rekstri, einkum
vegna mikils vinnuálags. Henni
finnst spennandi og ögrandi að tak-
ast á við þetta starf. Hún þekkti nán-
ast ekkert til Ólafsfjarðar áður en
hún kom þangað og var Ólafsfjörður
einn af fáum stöðum á landinu þar
sem hún þurfti ekki að koma við á ár-
unum 1989 1991, en þá fór hún
nokkrar ferðir um landið yfir sum-
artímann á námsárum vegna fjár-
náma og uppboða. Ástríður segir að
hún hafi í nógu að snúast, ekki síst
þessar fyrstu vikur, en ýmislegt hafi
safnast upp vegna aðstæðna hjá
embættinu síðastliðið eitt og hálft ár.
Ástríður hefur frá árinu 1993 rek-
ið lögmannsstofu í Mosfellsbæ og
fasteignasölu að auki frá 1998, en
hún lauk námi við Háskóla Íslands
árið 1993.
Morgunblaðið/Helgi Jónsson
Ástríður Sólrún Grímsdóttir,
nýr sýslumaður í Ólafsfirði.
Nýr sýslumaður til
starfa í Ólafsfirði
Í nógu að
snúast
STARFSDAGUR verður í Laufási
næsta sunnudag, 22. júlí og stendur
frá kl. 14 til 17. Þá gefst gestum
tækifæri til þess að rifja upp vinnu-
brögð liðinnar tíðar.
Dagskráin hefst kl. 14.00 í Lauf-
áskirkju á helgistund sem séra Pétur
Þórarinsson stýrir. Að henni lokinni
verður tekið til hendinni við hey-
vinnu á Laufástúninu og þeir gestir
sem vilja spreyta sig á að slá með orfi
og ljá, binda bagga og setja á hest fá
aðstoð við það.
Innanhúss verður unnið að skyr-
og smjörgerð, steiktar lummur og
malað kaffi. Gestum og gangandi
verður boðið að bragða á góðgætinu.
Einnig verður boðið upp á hangi-
kjötsflís og sitthvað fleira. Á bað-
stofulofti verður setið við tóvinnu og
kveðnar rímur.
Fjöldi handverksfólks í Eyjafirði
hefur um árabil látið sér annt um
gamla bæinn í Laufási og unnið að
því að kynna þar og kenna gömul
handtök svo þau gleymist ekki.
Félag eldri borgara í Eyjafirði hefur
ekki síður lagt sitt af mörkum við að
gera þennan árvissa viðburð í Lauf-
ási eftirminnilegan.
Í nýja þjónustuhúsinu er hægt að
kaupa kaffi og þjóðlegt bakkelsi frá
klukkan 10–18 alla daga.
Starfsdagur í Laufási
Vinnu-
brögð lið-
innar tíðar
rifjuð upp