Morgunblaðið - 20.07.2001, Blaðsíða 17

LANDIÐ
MORGUNBLAÐIÐ FÖSTUDAGUR 20. JÚLÍ 2001 17
DRANGSNESINGAR halda sína
árlegu Bryggjuhátíð í sjötta sinn á
morgun, 21. júlí. Hátíðin hefur verið
með svipuðu sniði öll árin þó ein-
staka atriði bætist við eitt árið og þá
detti annað út.
Hátíðin hefst með dorgveiði kl. 10
og stuttu seinna verður fyrsta ferð út
í Grímsey. Bátar munu vera í förum
frá Drangsnesbryggju út í Grímsey
á hálftíma fresti frá kl. 11 um morg-
uninn og fram eftir degi. Fastur liður
á Bryggjuhátíð er myndlistarsýning
og í ár er það Gylfi Ægisson sem
verður með sölusýningu í grunnskól-
anum á Drangsnesi. Þar verður
einnig sett upp sýning á gömlum
ljósmyndum. Kallast hún Mannlíf í
Kaldrananeshreppi.
Sérkenni Bryggjuhátíðar er óneit-
anlega sjávarréttasmakkið en þar
gefst fólki kostur á að smakka ým-
islegt af því sem úr sjónum kemur,
svo sem grillaða signa grásleppu,
tindabikkjupaté, grafinn sel og grill-
aðan svo eitthvað sé nefnt. Endað
verður með balli í Baldri með hljóm-
sveitinni Bít.
Bryggjuhátíð á Drangsnesi dreg-
ur að fjölda gesta á hverju ári en
þrátt fyrir það er fjölmennið ekki
það mikið að hver og einn getur notið
sín til fulls og hver og einn skiptir
máli.
Morgunblaðið/Jenný Jensdóttir
Veiðimennirnir eru ekki allir
stórir og ekki heldur fiskarnir
sem þeir veiða.
Bryggju-
hátíð á
morgun
Drangsnes
ÞAÐ eru ekki allir háir í loftinu
þótt þeir séu vel liðtækir við hey-
skapinn. Árni Jón Þórðarson var að
pakka ilmandi nýslægjunni í plast í
Fljótsdalnum þegar fréttaritara
bar að.
Það verður ekki ónýtt að gefa
þessa töðu á garðann í vetur vegna
þess að hún kemur úr plastinu nán-
ast eins og þegar henni var pakkað
inn. Næringargildið fyrir bústofn-
inn tapast hvað minnst með þessari
heyverkun í rúllutækninni vegna
þess að ekkert súrefni kemst að
heyinu þegar búið er að pakka því
inn í plast.
Pakkar heyi í plast
Norður-Hérað
Morgunblaðið/Sigurður Aðalsteins
ALMENNT virðist fólk í Vestmann-
eyjum og á Höfn í Hornarfirði harma
þá ákvörðun Flugfélags Íslands að
hætta áætlunarflugi til þessara staða
en Morgunblaðið leitaði álits fulltrúa
atvinnulífs og ferðaþjónustunnar á
hvaða áhrif þeir teldu að þessi
ákvörðun mundi hafa.
„Þessar fréttir leggjast auðvitað
ekki vel í okkur. Það er mjög baga-
legt fyrir atvinnulífið og íbúa hér á
svæðinu að hafa ekki aðgang að
reglubundnu flugi. Við erum þannig í
sveit sett að við erum mjög langt frá
næsta flugvelli og það er um fimm
tíma akstur til Reykjavíkur. Þannig
að því leytinu til höfum við ákveðna
sérstöðu og manni finnst að ríkis-
valdið geti ekki horft á þetta með
óbreyttum hætti,“ segir Pálmi Guð-
mundsson, kaupfélagsstjóri Kaup-
félags Austur-Skaftfellinga. Hann
telur að það hljóti að vera umhugs-
unarefni hvort ekki eigi að tryggja
íbúum á öllu landinu aðgang að flugi.
Sums staðar þar sem flug hafi verið
lagt niður þá geti menn keyrt í einn
tíma til að fara á næsta flugvöll, en
hér sé ekki um það að ræða. Það sé
þriggja tíma keyrsla á næsta flug-
völl, á Egilsstöðum, þannig að menn
spari lítinn tíma að fara þangað. Það
séu meginrökin, auk þess séu reglu-
legar flugsamgöngur mikið öryggis-
atriði. Pálmi segist þó ekki trúa öðru
en það verði flugferðir til þessa
svæðis, en það sé spurning hvaða
þjónustu verði hægt að veita og
hversu reglubundið flugið geti orðið.
Tryggja samgöngur til
Reykjavíkur á lágmarkstíma
Rætt hefur verið að flug til Hafnar
hafi verið í mikilli samkeppni við
einkabíla og rútur. „Flugfargjöld eru
mjög há og til dæmis fjölskyldufólk
sem er að fara á milli sér sér ekki
hag í að nota flugið, það er alveg
ljóst. Við gerum okkur grein fyrir
því að flugfélagið þarf að reka sitt
fyrirtæki og það gengur ekki að við-
halda einhverri tapstarfsemi ár eftir
ár. En þetta vekur líka spurningar
um það hvort það eigi ekki að jafna
aðstöðu landans til að komast á höf-
uðborgarsvæðið, það er mikið af
þjónustu þar sem við verðum að
sækja með einum eða öðrum hætti,“
segir Pálmi og nefnir til samanburð-
ar ríkisstyrktar ferjusiglingar með
Herjólfi. Hann lítur svo á að Horn-
firðingar sitji ekki við sama borð og
aðrir af því að þeir séu þetta langt
frá Reykjavík og það séu ekki nið-
urgreiddar neinar samgöngur til
Reykjavíkur. Honum finnst að
stjórnvöld þurfi að íhuga hvort eigi
ekki að tryggja öllum landsmönnum
það að þeir komist til Reykjavíkur á
einhverjum lágmarkstíma og hvort
það sé ekki eðlilegt að ef svona að-
stæður séu að skapast á Hornarfirði
að það sé tekið tillit til þeirra.
Arngrímur Hermannsson er
stjórnarformaður Íslenskra ævin-
týraferða og reka þær Jöklaferðir á
Hornarfirði. Hann telur að þessi
ákvörðun Flugfélags Íslands komi
sér mjög illa fyrir ferðaþjónustuna,
sérstaklega á sumrin. „Þetta hefur
aðallega með dagsferðirnar okkar
inn á Vatnajökul að gera, það er
mjög mikilvægt að ferðamenn geti
flogið til Hafnar að morgni og aftur
heim að kvöldi. Þær náttúrlega
leggjast af ef ekkert reglulegt flug
verður,“ segir Arngrímur. Hann
segir að þetta séu mjög mikilvægar
ferðir, sem búið sé að byggja upp í
mörg ár og leggja til kostnað í að
selja þetta víða um heim. Hann von-
ast til að ekki þurfi að leggja þær af
næsta sumar en hefur verulegar
áhyggjur af því. „Við þurfum að fá þá
til að skoða málin í vor. Ef Jórvík eða
einhver önnur flugfélög taka við
fluginu er spurning hversu oft verð-
ur flogið og við munum þurfa að að-
laga okkur því. Þetta gæti sett strik í
reikninginn ef miðað er við það
markaðsstarf sem unnið hefur verið
hingað til,“ segir Arngrímur.
Að sögn Sigurgeirs Brynjars
Kristgeirssonar, framkvæmdastjóra
Vinnslustöðvarinnar í Vestmanna-
eyjum, líst fulltrúum atvinnulífsins í
Eyjum ekki vel á þetta. Hann segist
þó sannfærður um að eitthvað muni
koma í staðinn. „Það skiptir mjög
miklu máli að hafa reglubundið áætl-
unarflug og við sáum dálítið eftir Ís-
landsflugi á sínum tíma. En við
sjáum líka eftir Flugfélagi Íslands ef
þeir hætta. Ég skil sjónarmið þeirra
ef þeir eru að tapa á fluginu til Vest-
manneyja þá geta þeir ekki haldið
því uppi með endalausum taprekstri.
Það er hins vegar annað mál hvort
þetta sé skynsamleg nálgun hjá þeim
við að hætta fluginu til Vestmanna-
eyja,“ segir Sigurgeir.
Fréttirnar komu fólki á óvart
Að sögn Sigurgeirs komu þessar
fréttir fólki á óvart, þó það hafi verið
búið að ýja að þessu í eitt ár. „Það er
alveg fráleitt og ómöguleg niður-
staða að reglubundið flug til Reykja-
víkur leggist niður. Þetta mun kom
illa við atvinnulífið, það verður ekki
eins þjált að starfa hérna í Vest-
mannaeyjum eins og áður. Ég hef
samt ekki sérstaklega miklar
áhyggjur af því að það verði ekki
flogið til Vestmannaeyja. Ef þeir
gefast upp núna þá taka bara ein-
hverjir aðrir við. En það er náttúr-
lega mjög vond staða að Flugfélag
Íslands sé rekið með tapi,“ segir Sig-
urgeir.
Snýst um það að geta
ferðast sem ódýrast
Jóhann Heiðmundsson, hótelstjóri
Hótels Þórshamars í Vestmannaeyj-
um, telur að slæmt sé fyrir ferða-
þjónustuna að flug Flugfélags Ís-
lands leggist niður. Hann bendir á að
flugvöllurinn á Bakka sé ekki ríkis-
styrktur, heldur sé þar samkeppni
og hann telji að Flugfélag Íslands
hafi ekki svarað samkeppninni rétt,
ef miðað sé við fargjaldahækkanir og
það verðlag sem sé á flugi í dag.
Venjuleg fjölskylda geti ekki flogið á
milli, hún fari annaðhvort með Herj-
ólfi eða upp á Bakka.
„Það er voðalega erfitt að svara
hversu mikil áhrif þetta eigi eftir að
hafa á ferðaþjónustuna. Nú veit ég
ekki hversu mikið flugfélagið hefur
verið að flytja af ferðamönnum hér á
milli, þótt ég telji að það hafi verið
frekar í minna lagi undanfarið. En að
sjálfsögðu er þetta slæmt mál. Ég
hugsa að ferðamenn séu farnir að
fljúga meira frá Bakka og koma með
Herjólfi og það er bara eitt sem það
segir, það er mun ódýrara. Þetta
snýst mikið um það í dag að geta
ferðast sem ódýrast,“ segir Jóhann.
Að hans sögn hefur verið mikil um-
ræða um þetta mál í Vestmanneyj-
um og er á því skiptar skoðanir.
Hann segir að sumir telji að þetta sé
bara gott mál, þótt öðrum þyki þetta
miður. Það séu mjög margar hliðar á
þessu og margir möguleikar séu í
stöðinni. Jóhann minnist á Jórvík og
svo sé auðvitað flugfélag í Vest-
mannaeyjum, sem hann vilji gjarnan
sjá eflast og fljúga meðal annars til
Reykjavíkur og Hafnar.
Fulltrúar atvinnulífs og ferðaþjónustu í Vestmannaeyjum og á Höfn
„Reglulegar
flugsamgöngur
öryggisatriði“
Vestmannaeyjar – Höfn