Morgunblaðið - 20.07.2001, Blaðsíða 40

40 FÖSTUDAGUR 20. JÚLÍ 2001 MORGUNBLAÐIÐ






 




  
 

 
 

  

 
     




!  
 

"   
 

  

#
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í Morgunblaðinu 11. júlí 2001 er stutt
grein eftir Reyni Ragnarsson sem
nefnist Landsmót UMFÍ – Landsmót
hverra?
Ég get ekki stillt mig um að svara
henni með fáeinum orðum. Ragnar
hlýtur að vita að þessi mót eru aðeins
haldin á þriggja ára fresti og þau eru
aðeins haldin fyrir þá sem eru í ung-
mennafélögum vítt og breitt um land-
ið. Þess vegna er mjög eðlilegt að þeir
sem ekki kjósa að vera í þeim sam-
tökum eigi ekki keppnisrétt þar.
Þetta er mesta íþróttamót sem haldið
er utan Reykjavíkur en hvað skyldu
mörg landsmót í íþróttum vera haldin
árlega í Reykjavík árlega? Auðvitað
er það sjálfsagt að öll stórmót sem
haldin eru á hverju ári séu haldin á
mestu þéttbýlisstöðunum og er ég alls
ekki á móti því. En landsmót UMFÍ
sem hefur verið haldið hingað og
þangað víðsvegar um landið hafa tví-
mælalaust gert mjög mikið gagn. Í til-
efni af þeim hefur fjöldi mannvirkja
verið byggður til þess að hægt væri að
halda þessi mót og hafa þau orðið til
þess að auka iðkun íþrótta á lands-
byggðinni. Eftir að þessum stöðum
fjölgar aukast möguleikar unga fólks-
ins til að æfa og iðka íþróttir í sinni
heimabyggð, en þurfa ekki að flytja á
suðvesturhorn landsins til að stunda
sínar íþróttir þar. Þetta er með öðrum
orðum hluti af byggðastefnunni og
ekki sá þýðingarminnsti.
Ég man ekki betur en að Breiða-
blik í Kópavogi sé ungmennafélag, að
minnsta kosti var það lengi skamm-
stafað sem UBK. Það er langt síðan
að UÍA var stofnað hér á Austurlandi
með því að gera ungmennafélögin og
íþróttafélögin hér að einu og sama
félaginu og ég tel að það hafi gefist
vel. Af hverju má ekki sameina
íþróttahreyfinguna í Reykjavík og
öðrum þéttbýlisstöðum, auðvitað yrði
hver íþróttagrein deild í slíkum
félagsskap? Að lokum vil ég benda á
að margir af bestu íþróttamönnum
landsins hafa komið af landsbyggð-
inni. Má meðal annars nefna Vilhjálm
Einarsson og son hans Einar Vil-
hjálmsson en þeir eru báðir hér frá
Egilsstöðum og mér fannst tilvalið að
nefna nýja íþróttavöllinn hér eftir Vil-
hjálmi.
Svo óska ég að þetta mót gangi sem
allra best, og að nýi íþróttavöllurinn
hér stuðli að stórauknum íþróttaár-
angri Austfirðinga.
SIGURÐUR LÁRUSSON,
Árskógum 20B, Egilsstöðum.
Landsmót
UMFÍ 2001
Frá Sigurði Lárussyni:
ÉG verð að hripa nokkur orð um mína
fyrstu sólarlandaferð, þar sem hún var
frekar sérstæð og mun ekki gleymast.
Við vorum tvenn hjón sem sömdum
við Ferðaskrifstofuna Sól um ferð 25.
maí til 8. júní til Portúgals. Af hverju
Sól varð fyrir valinu, jú gott boð, allt
viðmót hjá starfsfólki til fyrirmyndar,
jákvæðar auglýsingar, ekki auglýst á
kostnað annarra, eins og ein stærsta
ferðaskrifstofan gerði, slík fyrirtæki
eru komin í þrot og ættu að taka til hjá
sér, ekki meira um það að sinni.
Við komum til Faró um kl. 20 og þar
tóku á móti okkur fararstjórar með
Sólarbros og traustið geislaði frá þeim,
sem reyndi vel á síðar. Fóru margir á
Hótel Paraiso, en við hjónin ásamt
vinafólki okkar fórum á frekar lítið en
notalegt hótel með stúdíóíbúðum, sem
heitir Santa Eulália. Við áttum mjög
góða daga í 29°C til 38°C hita með og
án fararstjóra þar til að kveldi 28. maí.
Þar byrjuðu fyrst raunveruleg kynni
mín af fararstjórum Sólar.
Ég varð fyrir því óláni að fótbrjóta
mig. Þegar við sáum að það var alvara
á ferð, var haft samband við farar-
stjóra, sem var kominn að vörmu spori
og læknir skömmu síðar, sem deyfði
mig svo mér liði betur meðan beðið var
eftir sjúkrabíl. Ég var fluttur á sjúkra-
hús í Alvor, sem Sól er með samning
við. Var þar tekið mjög vel á móti mér
og fann ég mikla hlýju frá starfsfólki,
var ég myndaður og því næst settur í
gifs.
Að morgni 29. maí fórum við hjónin
að ræða við vinafólk okkar um breytta
stöðu mála, þar sem ég komst ekki um
þetta hótel í hjólastól. Ekki þurftum
við að hafa langvarandi áhyggjur af því
þar sem fararstjóri okkar kom og tjáði
okkur að við yrðum flutt á Hótel Par-
aiso þar sem ég kæmist víða um. Um
kl. 19.30, rétt um 24 stundum eftir að
ég brotnaði, vorum við komin í hinar
bestu hótelíbúðir og vinafólk mitt var
líka flutt og sett í íbúð við hliðina á
minni íbúð, geri aðrir betur!
Þar sem ég komst ekki út fyrir lóð
hótelsins, hafði ég nægan tíma til þess
að fylgjast með því sem var að gerast
og létti það mér margar stundir, þar
sem starfsfólk á Paraiso var með af-
brigðum kurteist, elskulegt og ekkert
annað en hjálpsemin. Samferðafólki
mínu öllu, ungu sem öldnu, þakka ég
alla umhyggjuna sem ég fékk.
En þrautagöngu minni var ekki lok-
ið. Hinn 7. júní voru margir að fram-
lengja dvölina vegna veðurblíðu. Þá
varð ég að framlengja vegna blóðtappa
og lungnabólgu. Var ég þá fluttur í
skyndi til Avor á sjúkrahús og lá þar í
eina viku. Get ég seint fullþakkað öllu
því starfsfólki, sem þar starfar, hvern-
ig það bar mig á höndum sér.
Heim komst ég hinn 15. júní og var
fluttur á Landspítalann, en þar fékk ég
ekki jafngóðar móttökur, en ef ég
greini frá því verður það að vera efni í
aðra grein.
Um leið og ég þakka öllum fyrir allt
það sem fyrir mig var gert bíð ég eftir
að komast til starfa, vonandi í lok
ágústmánaðar.
Af minni reynslu get ég hvatt þig,
lesandi góður, til að ferðast með Sól-
arbros á vör, með ferðaskrifstofunni
Sól.
KARL JENSEN SIGURÐSSON,
Laugavegi 146, Reykjavík.
Ferðaskrifstofan
Sól fær 10+
Frá Karli Jensen Sigurðssyni: