Morgunblaðið - 11.08.2001, Blaðsíða 2

FRÉTTIR
2 LAUGARDAGUR 11. ÁGÚST 2001 MORGUNBLAÐIÐ
Fylgstu
með
nýjustu
fréttum
www.mbl.isÖruggur sigur hjá
Stjörnumönnum/B2
Örn Ævar og Ólafur jafnir
eftir tvo hringi/B3
4 SÍÐUR16 SÍÐUR
Sérblöð í dag
Á LAUGARDÖGUM
SVEITARFÉLAGIÐ Dalabyggð
lagði síðdegis í gær inn kæru til Sam-
keppnisstofnunar fyrir hönd sauð-
fjárbænda í Dalabyggð. Kæruefnið
er fyrirhuguð lokun sláturhúss Goða
hf. í Búðardal þar sem sveitarfélagið
og bændur telja að meint misnotkun
á markaði hafi átt sér stað, sem
brjóti í bága við samkeppnislög. Ver-
ið sé að koma í veg fyrir samkeppni á
þessum markaði með því að meina
öðrum aðgang að sláturhúsinu með
sölu eða leigu á því, líkt og vilji hefur
staðið til meðal bænda að gera.
Telja bændur í Dalabyggð að þeir
eigi ekki annarra kosta völ en að
leggja inn dilka hjá öðrum sláturhús-
um Goða fyrir lægra verð og á lakari
kjörum.
Heimamenn í Dalabyggð hafa
ennfremur gert formlegt tilboð í
leigu á sláturhúsi Goða í Búðardal og
er óskað eftir að svar liggi fyrir ekki
seinna en á hádegi á mánudag.
Starfshópur landbúnaðarráðherra
um aðgerðir vegna þess vanda sem
búfjárslátrun á við að etja skilaði
bráðabirgðaskýrslu til ráðuneytisins
í gær, en ekki verður gert uppskátt
um hvað felst í tillögum starfshóps-
ins að svo komnu samkvæmt upplýs-
ingum landbúnaðarráðuneytisins.
Haraldur L. Haraldsson, sveitar-
stjóri í Búðardal, sagði í samtali við
Morgunblaðið að óskað hefði verið
eftir því við kaupfélagsstjórann í
Borgarnesi að Dalamenn kæmu inn í
viðræður um fyrirkomulag slátrun-
ar. Þá hefði lögfræðingur þeirra sent
Goða bréf þar sem ítrekaðar væru
fyrri óskir um viðræður um leigu á
sláturhúsinu í Búðardal. Þar væri
Goða einnig gert formlegt tilboð um
leiguverð fyrir húsið. Jafnframt væri
óskað eftir því að svar við tilboðinu
og/eða viðræður hæfust ekki seinna
en á hádegi á mánudaginn kemur.
Forsendur fyrir úrelding-
aráformum brostnar
Haraldur sagðist ekki sjá annað
en að forsendur fyrir úreldingar-
áformum Goða væru brostnar eftir
það samkomulag sem gert hefði ver-
ið um leigu á sláturhúsum fyrir aust-
an. Sláturhúsið á Breiðdalsvík virtist
komið þar inn og þar með væru eng-
ar forsendur lengur fyrir því að úti-
loka húsið í Dalabyggð. Það gæti
ekki verið á forsendum úreldingar-
sjónarmiða og því hlytu að verða
teknar upp viðræður við Dalamenn í
framhaldinu.
Haraldur sagðist aðspurður telja
öruggt að slátrað yrði í húsinu í
Dalabyggð í haust. Þeir undirbyggju
málið með tilliti til þess. Viðræður
við bankastofnanir um afurðalán
væru hafnar, auk þess sem þeir teldu
sig vera komna með 30–35 þúsund
dilka skráða til slátrunar í Búðardal í
haust, sem væri svipuð tala og slátr-
að hefði verið í húsinu í fyrra. Það
þýddi að tuttugu ársverk héldust í
byggðarlaginu. Ef ákvörðun um
slátrun lægi fyrir í dag eða á morgun
mundi dilkunum örugglega fjölga
enn frekar, sem væri mun meira en
talað væri um að slátra í þeim kaup-
félagshúsum, sem verið væri að
semja um. Hann sæi því ekki hvaða
réttlæti það væri að loka á þetta slát-
urhús eitt og sér.
Guðmundur Sigþórsson, skrif-
stofustjóri í landbúnaðarráðuneyt-
inu, sagði að starfshópur landbúnað-
arráðherra hefði kynnt ráðherra
drög að tillögum sínum, en ekki yrði
gerð grein fyrir þeim að svo komnu.
Það yrði ekki gert fyrr en tillögurnar
hefðu tekið á sig endanlegt form.
Málið yrði til áframhaldandi með-
ferðar og unnið yrði að því eins hratt
og mögulegt væri.
Tilboð hefur verið lagt fram um leigu á sláturhúsi Goða í Búðardal
Bændur kæra
til Samkeppn-
isstofnunar
VIÐARSTAUR sem settur var upp í
vor við hlið þar sem ekið er inn á
skjólbeltissvæði við Sætún á Kjal-
arnesi hefur sýnt og sannað að hann
er ekki dauður úr öllum æðum,
enda tók hann upp á því að laufgast
eins og hvert annað lifandi tré.
Gunnsteinn Olgeirsson, verk-
stjóri hjá garðyrkjudeild Reykja-
víkur, segir að í vetur hafi síma-
staur, sem hafi verið notaður í
hliðið, brotnað og því hafi nýr verið
settur í staðinn í vor. Segir hann að
núverandi staur sé ösp sem söguð
hafði verið niður en aspir eigi það
til að skjóta rótum nánast hvar sem
er eins og gerðist í þessu tilfelli.
Aspirnar væru því hálfgert illgresi.
„Ég vissi svo sem að þetta myndi
gerast þar sem öspin gerir þetta
alltaf. Hún laufgast yfirleitt fyrsta
sumarið eftir að hún er söguð niður,
en oftast drepst hún. Hún er bara
að nýta forðabúr sem hún hefur í
stofninum,“ segir Gunnsteinn.
Að sögn hans þekkist slíkt nánast
eingöngu hjá öspum en þó einnig
hjá víði. Aspirnar séu þó kröftug-
astar hvað þetta varðar. Gunn-
steinn segir jafnframt að þetta sé
kostur þar sem erfitt sé að rækta
tré hér á landi en víða erlendis séu
aspirnar litnar hornauga þar sem
ræturnar dreifast svo víða.
Morgunblaðið/Billi
Staurinn hefur laufgast talsvert en aspir eiga það til að skjóta rótum nánast hvar sem er.
Staurinn laufgaðist
Morgunblað-
inu fylgir
blaðauki, „Ísa-
fjarðarbær um
aldamót“.
RÍKISSTJÓRNIN samþykkti á
fundi sínum í gær þá tillögu iðnaðar-
og viðskiptaráðherra að fela ráðu-
neytisstjórum forsætis-, fjármála-
og iðnaðarráðuneyta að leita lausna
á vandkvæðum sem upp hafa risið
vegna kröfulýsingar ríkisins um
þjóðlendumörk í Vestur-Skaftafells-
sýslu. Hætta er á að áform Kötluvik-
urs ehf. um vikurnám í löndum sem
tilheyra jörðunum Reynisbrekku,
Höfðabrekku og Hjörleifshöfða í
Mýrdal fari út um þúfur verði námu-
svæðið að hluta eða í heild lýst þjóð-
lenda.
Kötluvikur ehf., sem er í eigu land-
eigenda framangreindra jarða,
KPMG ráðgjafar, KPMG Sinnu og
Hönnunar hf., hyggst reisa verk-
smiðju í Vík, er vinni vikur til notk-
unar í landbúnaði, til að mynda sem
byggingarefni, og skapa muni um 20
störf. Hafa undirbúningur og rann-
sóknir staðið frá árinu 1998 og munu
erlendir fjárfestar hafa sýnt málinu
áhuga en þátttaka þeirra er forsenda
þess að unnt sé að ráðast í verkið.
Kröfulýsing ríkisins mun hins veg-
ar hafa leitt til þess að fjárfestar
halda að sér höndum. Því hefur rík-
isstjórnin falið ráðuneytisstjórunum
m.a. að kanna hvort ríkið geti veitt
tryggingu fyrir því að kröfulýsing
um þjóðlendumörk haggi ekki rétti
Kötluvikurs ehf. til námavinnslu
samkvæmt samningi, sem eigendur
framangreindra jarða stóðu að.
Ráðuneytisstjórar
settir í starfshóp
Vikurnám
í uppnámi
vegna
þjóðlendu-
krafna
ÚRSKURÐARNEFND fjarskipta-
og póstmála hefur staðfest þá
ákvörðun Póst- og fjarskiptastofn-
unar að Lína.Net hafi ekki form-
lega heimild til notkunar á tíðni-
sviði sem Gagnaveitan ehf., sem
sameinaðist Línu.Neti, hafði.
Nefndin fellir jafnframt úr gildi þá
ákvörðun stofnunarinnar að
Gagnaveitan hafi ekki fengið leyfi
til rekstrar almenns fjarskiptanets
á örbylgjusviði eða verið úthlutað
tíðnisviði.
Reyndar voru sættir í málinu en
án árangurs og að loknum mál-
flutningi lögmanna deiluaðila var
málið tekið til úrskurðar. Málsaðil-
ar hafa sex mánaða frest til að
bera þennan úrskurð undir dóm-
stóla.
Óheimilt að
framselja leyfi
Lína.Net sendi kæru til úrskurð-
arnefndarinnar sl. vor þar sem
þess var m.a. krafist að fyrirtækið
teldist formlega réttur handhafi
þeirra leyfa sem Gagnaveitan hafði
frá Póst- og fjarskiptastofnun.
Lína.Net krafðist þess einnig að
Póst- og fjarskiptastofnun yrði
gert skylt að gefa út leyfisbréf þar
sem stofnunin hefði tekið bindandi
ákvörðun um að veita Gagnaveit-
unni leyfi til rekstrar fjarskipta-
nets á örbylgjusviði.
Úrskurðarnefndin vísar í niður-
stöðu sinni til ákvæðis í fjarskipta-
lögum þar sem segir að heimild til
tíðninotkunar skuli vera bundin við
nafn og framsal á þeirri heimild sé
óheimilt. Rekstrarleyfið sé heldur
ekki framseljanlegt, hvorki að
hluta né í heild.
Því er það niðurstaða úrskurð-
arnefndarinnar að rekstrarleyfi
Gagnaveitunnar og tíðniheimildir
hafi ekki verið yfirtekin af Línu.-
Neti við samruna fyrirtækjanna í
apríl á þessu ári.
Úrskurðarnefnd fjarskipta- og póstmála
Línu.Neti óheimilt
að nýta tíðnisvið
Gagnaveitunnar
BÍLVELTA varð á Bjarnar-
fjarðarhálsi í gær. Að sögn
lögreglunnar voru ökumaður
og farþegi fluttir á heilsu-
gæsluna á Hólmavík.
Ekki var talið að um alvar-
leg meiðsl væri að ræða. Bíll-
inn er ónýtur.
Bílvelta á
Bjarnar-
fjarðarhálsi
NÆRRI tuttugu smærri jarð-
skjálftar mældust skammt
norður af Grímsey frá hádegi í
gær og fram á kvöld.
Samkvæmt upplýsingum frá
jarðeðlissviði Veðurstofu Ís-
lands eru skjálftar frekar al-
gengir á þessu svæði en í gær
mældist sterkasti skjálftinn
tæplega 2 stig á Richters-
kvarða. Flestir voru skjálftarn-
ir í kringum 1 stig.
Jarðskjálftar
við Grímsey