Morgunblaðið - 11.08.2001, Blaðsíða 27

LISTIR
MORGUNBLAÐIÐ LAUGARDAGUR 11. ÁGÚST 2001 27
„ÞETTA er einstök upplifun,“ segir
Eiður Guðnason, aðalræðismaður Ís-
lands í Winnipeg í Kanada, um hátíð-
arhöldin í kringum Íslendingadaginn
í Gimli, sem fóru fram um nýliðna
helgi.
Að vanda var fjölbreytt dagskrá,
en auk hefðbundinna liða var tekin
upp sú nýbreytni að vera með ís-
lensk-kanadíska kvikmyndahátíð,
The 1st Gimli Film Festival, og voru
kvikmyndagerðarmennirnir Friðrik
Þór Friðriksson og Sturla Gunnars-
son séstakir gestir hennar. Neil Bar-
dal, kjörræðismaður Íslands í Gimli,
flutti minni Íslands og Markús Örn
Antonsson, útvarpsstjóri, minni Kan-
ada. Hjálmar W. Hannesson, sendi-
herra Íslands í Ottawa, flutti ræðu og
nokkrir menn fluttu ávörp, þar á
meðal Eiður Guðnason og Gary Doer,
forsætisráðherra Manitoba. Margret
Lovisa Bjornson Wishnowski var
fjallkona og Álafosskórinn, undir
stjórn Helga Einarssonar, söng, en
hann hélt tónleika í Calgary, Edmon-
ton, Gimli og Riverton. Brett Arna-
son sýndi íslenska hesta og keppni
fyrir alla fjölskyldumeðlimi var í
ýmsum greinum eins og til dæmis
sandkastalabyggingum á ströndinni,
strandblaki, koddaslag á stólpa við
höfnina og hlaupum. Á laugardaginn
fór jafnframt fram athöfn í Riverton,
þar sem minnst var 125 ára landnáms
Íslendinga á því svæði, en við það
tækifæri fluttu Eiður og Hjálmar
ræður og fjallkonan lagði blómsveig
að minnisvarða um landnámið.
Vel heppnuð hátíð
Íslendingadagurinn var nú haldinn
hátíðlegur í 112. sinn. Hann var
fyrstu árin haldinn hátíðlegur í
Winnipeg en hátíðin var flutt til Gimli
1932 og hefur verið þar síðan.
„Hátíðin tókst sérstaklega vel,“
segir Harley Sigurdur Jonasson, for-
seti Íslendingadagsnefndar undan-
farin tvö ár. „Kvikmyndahátíðin vakti
mikla athygli og var frábær og Ála-
fosskórinn stóð sig með mikilli
prýði.“
Um 100 manns voru í undirbún-
ingsnefnd hátíðarhaldanna og um 100
manns unnu að auki í sjálfboða-
liðsvinnu á hátíðinni sjálfri um
helgina. Harley Sigurdur Jonasson
segir að allt hafi gengið samkvæmt
áætlun. „Það var mjög heitt og rakt á
laugardaginn, um 35 stiga hiti, og um
kvöldið voru eldingar sem lýstu upp
himininn eins og um flugeldasýningu
væri að ræða. Það var stórfengleg
sjón.“
Engin vandamál
Um 50.000 gestir sóttu hátíðar-
höldin sem stóðu yfir í þrjá daga, rétt
eins og skemmtanir um verslunar-
mannahelgina á Íslandi. En þessi
fjölmennasta hátíð Manitoba ár hvert
er laus við vandamál eins og nauðg-
anir, líkamsmeiðingar, fíkniefna-
neyslu og ölvun. „Þetta er órafjarri
útihátíðarhöldunum sem setja svip
sinn á verslunarmannahelgina heima
en hér er fyrst og fremst um fjöl-
skylduhátíð að ræða,“ segir Eiður
Guðnason og bætir við að kvik-
myndahátíðin hafi sett mikinn svip á
hátíðina. Íslensku myndirnar hafi
vakið mikla athygli og sérstaklega
hafi fólk verið snortið og hugfangið af
Englum alheimsins og myndin hafi
haft mikil áhrif á áhorfendur.
Kvikmyndahátíðin tókst vel
Jón Einarsson Gústafsson, kvik-
myndagerðarmaður, átti hugmynd-
ina af kvikmyndahátíðinni, sem
stjórn Íslendingadagsnefndar og
skrifstofa aðalræðismanns Íslands í
Winnipeg í samvinnu við íslenska
sendiráðið í Ottawa stóðu að. „Ég er
óhemju ánægður með árangurinn og
held að kvikmyndahátíðin hafi tekist
vel,“ segir Jón.
Að sögn Jóns er stefnt að því að
kvikmyndahátíðin verði fastur liður í
tengslum við Íslendingadaginn. Um
sé að ræða nýjan vettvang fyrir ís-
lenskar myndir. „Vonandi verður ís-
lenski hlutinn áfram stór og sterkur
þó önnur lönd bætist við en hug-
myndin er að þetta verði alþjóðleg
kvikmyndahátíð í framtíðinni,“ segir
hann og bætir við að hún geti opnað
ýmsar dyr. „Verði draumurinn að
veruleika er ljóst að þarna koma leik-
stjórar og framleiðendur í stærri
mæli og þá getur þetta orðið dyr fyrir
íslenskar myndir inn í Kanada. Eins
vil ég að hátíðin verði flutt á milli
staða í Kanada og í því sambandi má
nefna að Englar alheimsins og 101
Reykjavík verða sýndar í Ottawa á
sunnudag, en stjórn kvikmyndahátíð-
arinnar og íslenska sendiráðið í Ott-
awa standa að því.“
Eiður Guðnason segir það mikla og
ánægjulega lífsreynslu að taka þátt í
umræddri hátíð. Allir Íslendingar
hafi heyrt talað um Íslendingadaginn
í Gimli og nokkuð margir hafi verið
viðstaddir hátíðarhöldin í áranna rás,
en þau séu einstök. Hann segir að
þessi gífurlegi fjöldi fólks hafi komið
sér mest á óvart og hversu ættræknir
Vestur-Íslendingar séu. „Það er ekk-
ert í veröldinni sem er eins og þetta.“
Um 50.000 manns á Íslendingadeginum í Gimli í Kanada
„Einstök upplifun“
Ljósmynd/Markús Örn Antonsson
Við minnisvarða um landnám Íslendinga í Riverton fyrir 125 árum. Frá
vinstri: Anna Birgis sendiherrafrú, Hjálmar W. Hannesson, sendiherra
Íslands í Kanada, Margret Lovisa Bjornson Wishnowski fjallkona, Harl-
ey S. Jonasson, forseti Íslendingadagsnefndar, Eiður Guðnason, að-
alræðismaður Íslands í Winnipeg, og kona hans, Eygló H. Haraldsdóttir.
Ljósmynd/Jón Einarsson Gústafsson

 

   
Um 50.000 manns sóttu hátíðarhöldin í tengslum við Íslendingadaginn,
en Brett Arnason á hestinum til hægri fór fyrir skrúðgöngu dagsins.