Morgunblaðið - 11.08.2001, Blaðsíða 35

manna um kaupverðið til Jóhanns
Óla. Honum ætti alla vega að vera
orðið þetta ljóst nú. Það blasir við,
að hér var gerð tilraun til að af-
henda þessum stóra hluthafa í LÍ
fjármuni út úr félaginu, sem nema
sýnilega meira en 700 milljónum
króna, fyrir ekki neitt. Það er sér-
kennilegt, svo ekki sé meira sagt,
að formaður bankaráðs Seðlabank-
ans skuli ekki bara hafa viljað taka
þátt í þessu, heldur halda sig við
réttmæti málstaðarins nú, eftir að
staðreyndir málsins hafa verið
upplýstar. Svo bítur hann höfuðið
af skömm sinni með því að veitast
opinberlega með svikabrigslum að
þeim mæta manni Margeiri Pét-
urssyni, sem var meðal þeirra sem
áttu heiðurinn af því að koma í veg
fyrir þessa óskammfeilnu sjálf-
töku.
Hótun um minnisblöð
Í viðtalinu við DV hótar Ólafur
G. Einarsson að draga fram í dags-
ljósið, „ef málið haldi áfram“,
minnisblöð undirrituð upphafsstöf-
um stjórnarmanna í LÍ. Þau sanni
að Margeir hafi verið með í ráðum
hvað varðar hin umdeildu kaup á
Frumafli. Að vísu er ekki þörf á að
sanna þetta, þar sem það hefur
legið fyrir allan tímann, að Mar-
geir var með í þessum ráðum, þó
að Ólafur virðist ekki hafa skilið
það. Ég skora á Ólaf að birta þessi
minnisblöð opinberlega. Fyrir því
hlýtur hann að hafa fengið fullt til-
efni. Það verður fróðlegt að fá að
sjá þessi leyndardómsfullu blöð. Í
dómsmálinu, sem gekk alla leið til
Hæstaréttar, lá frammi minnisblað
undirritað með upphafsstöfum
stjórnarmanna. Var við málflutn-
inginn deilt hart um þýðingu þess.
Raunar hafði áður verið aflað ekki
færri en tveggja lögfræðiálita um
minnisblaðið. Ég vona Ólafs vegna
að það séu einhver önnur minn-
isblöð sem hann hefur undir hönd-
um.
Ég óska Ólafi G. Einarssyni vel-
farnaðar í starfi sem formaður
stjórnar Seðlabanka Íslands.
Höfundur er hæstaréttarlögmaður.
UMRÆÐAN
MORGUNBLAÐIÐ LAUGARDAGUR 11. ÁGÚST 2001 35
K
O
R
T
E
R
ÁGÚST Einarsson, prófessor og
varaþingmaður, heldur því fram á
vefsíðu sinni í þessari viku að
samningsdrög Reyðaráls hf. við
Hydro Aluminium séu fáránleg,
svo notað sé hans eigið orðalag.
Þessa fullyrðingu hefur prófess-
orinn síðan endurtekið í fjölmiðl-
um síðustu tvo daga. Það sem
Ágúst telur aðfinnsluvert er að
Reyðarál muni kaupa hluta að-
fanga af og selja fullunnar afurðir
í gegnum Hydro Aluminium.
Það er með ólíkindum að maður
sem hefur ekki séð samningsdrög
Reyðaráls við Hydro Aluminium
telji sig vera í þeirri stöðu að geta
dæmt um kosti og galla þeirra
samninga. Slíkt ber vott um
óvönduð vinnubrögð, sem sæma
ekki hagfræðiprófessor.
Við gerð samninga milli Reyð-
aráls og Hydro Aluminium hefur
Hæfi hf. farið með alla samnings-
gerð fyrir hönd Reyðaráls. Í þeim
samningum hafa samningamenn
Hæfis leitast við að tryggja Reyð-
aráli traust flæði aðfanga á alþjóð-
legu markaðsvirði. Reyðaráli hef-
ur ekki borið nein skylda til þess
að kaupa aðföng af Hydro Alum-
inium, en það er ekki óeðlilegt að
Reyðarál kaupi aðföng af öðrum
eiganda sínum eða fyrir milli-
göngu hans, ef þau aðföng fást á
alþjóðlega samkeppnishæfum
kjörum. Þetta á við um tiltekin að-
föng – önnur aðföng verða keypt
af öðrum aðilum. Jafnframt hefur
verið unnið að gerð samninga um
sölu afurða fyrir milligöngu
Hydro Aluminium á alþjóðlegum
markaðskjörum. Allir þessir
samningar verða til afmarkaðs
tíma, eins og tíðkast í viðskiptum
sem þessum. Sú fullyrðing Ágústs
að „[Hydro] skammti okkur í báða
enda, það sem þeir vilja,“ er því
ekki einungis hrokafull í garð
samningamanna Hæfis heldur al-
röng.
Það ber einnig merki um ótrú-
lega vanþekkingu prófessorsins á
verkefnisfjármögnun stóriðju að
hann skuli telja eitthvað óeðlilegt
við samninga sem þessa. Það er
þvert á móti mjög eðlilegt að
helstu aðföng og sala afurða sé
tryggð með langtíma samningum,
a.m.k. meðan verið er að greiða
niður fjárfestingarlán verksmiðj-
unnar. Slíkt dregur úr áhættu
fjárfesta (lánardrottna og hlut-
hafa) og styrkir verkefnið. Það er
því verið að gera verkefnið að
betri fjárfestingarkosti fyrir
væntanlega hluthafa Hæfis.
Erlendur Magnússon
Fáránleg fullyrð-
ing prófessorsins
Höfundur er stjórnarformaður
Hæfis hf., sem á helmingshlut í
Reyðaráli hf. á móti Hydro
Aluminium.
inniskór í
miklu úrvali
Miðbæ Háaleitisbraut 58-60
Sími 553 2300
Ráðgjöf á fimmtud. kl. 14-18 og laugard. kl. 10-14.
Skóbúðin