Morgunblaðið - 11.08.2001, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 11. ÁGÚST 2001 VERÐ Í LAUSASÖLU 190 KR. MEÐ VSK.
V i ð s k i p t a h u g b ú n a ð u r
á h e i m s m æ l i k v a r ð a
Borgar túni 37
Sími 569 7700W W W. N Y H E R J I . I S
NÝ röðun og uppbygging launakerfis
grunnskólakennara tók gildi 1. ágúst
samkvæmt kjarasamningi grunn-
skólakennara og launanefndar sveit-
arfélaga sl. vetur. Jafnframt samdist
um umfangsmiklar breytingar á
skólastarfi sem ganga í gildi við upp-
haf komandi skólaárs. Guðrún Ebba
Ólafsdóttir, formaður Félags grunn-
skólakennara, segir að misbrestur
hafi orðið á að kennarar fengju rétt
laun í samræmi við þessar breytingar
um síðustu mánaðamót.
Ekkert greitt úr launaflokka-
potti í 60% skóla í Reykjavík
,,Þetta er kannski eitthvað sem við
mátti búast og ég er sannfærð um að
flestir vildu gera allt sem í þeirra valdi
stóð til að borguð yrðu rétt laun. Hins
vegar var ekki alls staðar búið að
ganga frá greiðslum úr launaflokka-
potti sem skólastjórar úthluta úr eftir
tilteknum reglum. Þar vantar ein-
hverja launaflokka hjá langflestum
kennurum. Verið er að lagfæra þetta
núna og vonandi verða flestir komnir
með rétt laun 1. september. Sam-
kvæmt upplýsingum Fræðslumið-
stöðvar Reykjavíkurborgar var ekk-
ert borgað úr þessum potti í 60%
skóla í Reykjavík,“ segir hún. Skv.
ákvæðum kjarasamningsins um svo-
nefndan ,,launaflokkapott“ fá skóla-
stjórar fjármuni, sem samsvara
þremur launaflokkahækkunum á
hvern kennara, og eiga að útdeila
þeim til kennara með tilliti til starfs-
sviðs, ábyrgðar, álags, sérhæfingar
og persónulegrar færni kennarans.
Guðrún Ebba segir kennara hafa
sýnt mikla biðlund og skilning á þessu
þar sem verið væri að hrinda þessum
breytingum í framkvæmd í fyrsta
skipti. ,,En í framtíðinni á þetta að
liggja alveg ljóst fyrir að vori,“ segir
hún.
Grunnskólar hefja ekki allir
störf á sama degi
Kjarasamningurinn felur einnig í
sér fjölgun skóladaga nemenda um
tíu og undirbúningsdaga kennara um
tvo á komandi skólaári. Þá verður
skólum heimilt að taka upp vetrar-
leyfi nemenda og sveigjanlegt upphaf
og lok skólastarfs með samþykki
fræðsluyfirvalda hlutaðeigandi sveit-
arfélags. Guðrún Ebba segir mjög
mismunandi hvernig fjölgun skóla-
daga sé útfærð eftir sveitarfélögum
og grunnskólar landsins byrji því ekki
allir á sama degi, eins og verið hefur.
Mögulegt er að kalla kennara til
starfa 15. ágúst og nemendur hinn 20.
en Guðrún Ebba sagðist þó ekki hafa
heyrt að neinn skóli ætlaði að byrja
svo snemma.
Grunnskólarnir í borginni byrja al-
mennt 24. þessa mánaðar, sem er viku
fyrr en á síðasta skólaári, en þá var
skólasetning 1. september. Að sögn
Guðbjargar Andreu Jónsdóttur, for-
stöðumanns þróunarsviðs Fræðslu-
miðstöðvar Reykjavíkur, eru þó smá
frávik frá þessu þar sem Klébergs-
skóli á Kjalarnesi verður með skóla-
setningu tveimur dögum fyrr, eða
hinn 22. ágúst. Árbæjarskóli verður
settur 27. ágúst sem má rekja til
byggingarframkvæmda við skólann.
Miklar breytingar á skólastarfi og launakerfi í grunnskólum í upphafi skólaárs
Misbrestur á að kennarar
fengju úthlutað úr launapotti
SEX fyrirtæki sendu inn tilboð í
ráðgjöf vegna fyrirhugaðrar sölu
ríkisins á hlutabréfum í Lands-
banka Íslands hf., en tilboðin voru
opnuð síðdegis í gær. Þetta eru fyr-
irtækin KPMG Corporate Finance í
Danmörku, PricewaterhouseCoop-
ers (PWC) í London og Reykjavík,
ING BARINGS Limited, The Nort-
hern Partnership Limited, HSBC
investment bank og Deloitte og
Touche.
Verkefnið, sem fyrirtækin bjóða í,
felst í að semja skilmála samkvæmt
þeim óskum sem verkkaupi, það er
íslenska ríkið, hefur um fyrirkomu-
lag sölunnar. Einnig að auglýsa for-
val, taka við erindum í kjölfar þess,
gera tillögu um hverjir eigi að taka
þátt í lokuðu útboði, semja skilmála
og vinnureglur vegna lokaðs útboðs,
veita ráðgjöf um lágmarksverð, taka
við tilboðum, yfirfara þau og gera
tillögur um hvaða tilboði skuli tekið.
Hreinn Loftsson, formaður fram-
kvæmdanefndar um einkavæðingu,
segir að nú verði farið yfir tilboðin
og að föstudaginn 17. ágúst verði til-
kynnt að hvaða tilboði verður geng-
ið. Hann segist ekki geta sagt á
hvaða verðbili tilboðin eru, eða hvað
áætlað er að þessi hluti söluferlisins
kosti. Hreinn segir tilboð fyrirtækj-
anna vera mjög mismunandi. „Sum-
ir bjóða fasta fjárhæð í þetta, en
aðrir vilja hafa þetta árangurstengt.
Þetta er mjög mismunandi en nú
þurfum við bara að vega þetta og
meta,“ segir Hreinn.
Ánægður með þátttökuna
Hreinn segist vera mjög ánægður
með hversu mörg fyrirtæki buðu í
þetta verkefni. „Þetta eru allt mjög
virt og góð fyrirtæki. Þetta eru ein-
göngu erlend fyrirtæki og það er
eðlilegt því að við erum ekki síst að
leita eftir erlendum samstarfsaðila.
Innlendu fyrirtækin eru flest ef ekki
öll samkeppnisaðilar bankans,
þannig að það er heppilegra að fá
fyrirtæki sem er ekki í beinni sam-
keppni við Landsbankann til að
sinna þessu verkefni,“ segir Hreinn.
Það fyrirtæki sem verður valið
mun taka þátt í undirbúningi söl-
unnar með framkvæmdanefnd um
einkavæðingu í samstarfi við Lands-
bankann og er stefnt að því að salan
fari fram fyrir næstu áramót.
Sex fyrirtæki buðu í ráðgjöf
vegna sölu Landsbankans
MAGNÚS Jóhannesson, ráðu-
neytisstjóri í umhverfisráðu-
neytinu, telur líklegt að við út-
gáfu framkvæmdaleyfis fyrir
Kárahnjúkavirkjun verði að
fylgja endanlegum úrskurði
umhverfisráðherra um mat á
umhverfisáhrifum framkvæmd-
arinnar.
Magnús segir að verið sé að
skoða þetta álitaefni í ráðuneyt-
inu en eins og fram hefur komið
í Morgunblaðinu í máli Aðal-
heiðar Jóhannsdóttur, lögfræð-
ings og sérfræðings í umhverf-
isrétti, telur hún réttaróvissu
vera uppi vegna galla á ákvæði
laganna um mat á umhverfis-
áhrifum sem fjallar um úrskurði
Skipulagsstofnunar. Aðalheiður
telur að breyta þurfi lögunum
svo raunveruleg ábyrgð á því,
hvort fallist sé á framkvæmd
eða lagst gegn henni, sé ótví-
rætt hjá leyfisveitanda fram-
kvæmda.
Kæra má úrskurð Skipulags-
stofnunar til umhverfisráðherra
fyrir 5. september og er úr-
skurður ráðherra fullnaðarúr-
skurður á stjórnsýslustigi.
„Þó við séum ekki komin að
endanlegri niðurstöðu í málinu,
því það er að okkar dómi ekki al-
veg einfalt, þá sýnist okkur ým-
islegt frekar benda til þess að
endanlegur úrskurður um mat á
umhverfisáhrifum sé ekki bara
leiðbeinandi heldur sé hann
endanlegur úrskurður,“ segir
Magnús við Morgunblaðið í dag.
Ráðuneytisstjóri í
umhverfisráðuneyti
Líklegast
að fylgja
þurfi úr-
skurði
ráðherra
 Líklegt/6
LJÓSMYNDARI Morgunblaðsins
rakst nýverið á þennan unga öku-
þór í miðbæ Reykjavíkur, nánar
tiltekið í Austurstrætinu. Aron
Bessi heitir ungi maðurinn sem
var á rúntinum.
Ekki fylgdi þó sögunni hvert
ferðinni var heitið á fína gula
jeppanum.
Morgunblaðið/Golli
Ungur
ökuþór á
jeppa