Morgunblaðið - 31.08.2001, Blaðsíða 15

SUÐURNES
MORGUNBLAÐIÐ FÖSTUDAGUR 31. ÁGÚST 2001 15
„MÉR HEFUR lengi fundist menn
líta meira til þess sem betur mætti
fara en til þess sem er jákvætt hér í
bæjarfélaginu en það er svo fjöl-
margt. Út frá því kviknaði hugmynd-
in um að lýsa upp Bergið sem aftur
leiddi af sér ljósanótt,“ segir Stein-
þór Jónsson, hótelstjóri í Keflavík.
Hann er höfundur útilistaverksins
Lýsing Bergsins í Keflavík. Kveikt
var á ljósunum í fyrrahaust og í
tengslum við þá athöfn var efnt til
menningarnætur undir nafninu
ljósanótt í Reykjanesbæ. Menning-
arnóttin verður haldin öðru sinni
næstkomandi laugardag.
Steinþór segir að hugsanir í þá
veru sem hann lýsir hér að framan
hafi orðið til þess að hann fór að líta
til Bergsins. Það sé glæsilegur
klettaveggur alveg við bæjardyrnar
og fá byggðarlög geti státað af slíku
náttúrufyrirbrigði. „Sumarið 1998
fór ég að hugsa um hvernig hægt
væri að vekja meiri athygli á Berg-
inu og datt í hug hvort hugsanlegt
væri að lýsa það upp. Ég orðaði þetta
við nokkra vini mína og allir töldu
hugmyndina skemmtilega en vissu
ekki hvort hún væri framkvæman-
leg, þetta væri svo mikið verk.“
Steinþór fékk hönnuði ítalska
ljósaframleiðandans iGuzzuni til liðs
við sig um hönnun lýsingarinnar. Þá
fékk hann fyrirtæki í Reykjanesbæ
til að fjármagna uppsetningu lamp-
anna.
Ákveðið var að kveikja á listaverk-
inu fyrsta laugardaginn í september
í fyrra. Þegar sá tími fór að nálgast
kom upp hugmyndin um að gera
meira úr athöfninni, efna til menn-
ingarnætur. Steinþór tók málið upp
á vettvangi markaðs- og atvinnu-
málaráðs þar sem hann er varafor-
maður og þar var ákveðið að halda
ljósanótt.
„Það var í upphafi hugmynd mín
með ljósanótt að hún yrði vettvangur
til að taka í gagnið einhverja fram-
kvæmd sem myndi lífga upp á bæinn
og bæjarlífið. Í fyrra var það lýsingin
á Berginu og í ár verður minnis-
merki sjómanna flutt og lýst upp.
Einnig var hugmyndin með ljósahá-
tíð að hafa hátíð fyrir bæjarbúa sem
þeir sjálfir myndu framkvæma. Ekki
er hægt að gera þetta nema á þeim
grundvelli.
Á þeim stutta tíma sem var til
stefnu þegar hugmyndin varð að
veruleika tókst þetta ótrúlega vel.
Fólk var tilbúið að vera með. Hugur
bæjarbúa liggur ljós fyrir. Þeir tóku
þátt í fyrra en yfir tíu þúsund manns
voru á ljósanótt þegar skemmtunin
náði hámarki. Er þetta fjölmennasta
samkoma sem haldin hefur verið í
Reykjanesbæ. Nú hringir ólíkleg-
asta fólk til að bjóða fram atriði á
dagskrá og ég vonast til að aðsóknin
verði ekki minni. Dagskráin verður
enn fjölbreyttari en á síðasta ári og
meira í hana lagt. Við höfðum meiri
tíma til undirbúnings og gott sam-
starf hefur verið í undirbúnings-
nefndinni,“ segir Steinþór.
Menning fyrir almenning
Hann vill ekki gera upp á milli
dagskrárliða. Neitar því þó ekki að
frumflutningur Norðuróps á óper-
unni Zetu – ástarsögu sé stærsti ein-
staki listviðburðurinn. En í allt séu
yfir tuttugu listviðburðir sem allir
hafi sinn sjarma. Að þessu sinni er
gerð stuttmynd úr gömlum mynd-
um, Glefsur úr bæjarlífinu, og sýnd á
hátíðinni. Fólki gefst kostur á að
kaupa myndina á spólu og vonast
Steinþór til að hægt verði að gera
eina slíka mynd fyrir hverja ljósa-
nótt og safna þannig saman heillegri
mynd af bæjarlífinu fyrr á árum.
Dagskránni er skipt upp í fimm
þætti: Dagskrá fyrir börnin, íþróttir
og leiki, sýningar og tónlist, söfnin
og kvölddagskrá. Að lokum verða
ljósaböll um allan bæ. „Menningin er
aðalatriði ljósanætur en við þurfum
að hafa meira. Ég hef alltaf talið að
gera þurfi menningu og listir aðlað-
andi fyrir allan almenning. Með því
kryddi sem við bjóðum upp á fáum
við fleiri til að vera með og fólk verð-
ur opnara fyrir listinni,“ segir Stein-
þór.
Ekki baggi á
bæjarfélaginu
Segir Steinþór að ljósanótt hafi
vonandi fest sig í sessi sem árlegur
viðburður í bæjarlífinu. Sem formað-
ur undirbúningsnefndar hefur hann
lagt áherslu á að koma framkvæmd-
inni í ákveðinn farveg fyrir framtíð-
ina.
Þá segist hann leggja áherslu á að
ljósanótt verði ekki baggi á bæjar-
félaginu. Reykjanesbær leggur eina
og hálfa milljón til hátíðarinnar. „Á
því má sjá hvað fyrirtæki og bæj-
arbúar sjálfir leggja mikið til þess-
arar glæsilegu hátíðar. Við bæjarbú-
ar eigum að geta lagt eitthvað af
mörkum sjálfir. Það sem við gefum
af okkur skilar sér margfalt til
baka,“ segir Steinþór Jónsson.
Steinþór Jónsson vinnur að enn fjölbreyttari og glæsilegri ljósanótt en í fyrra
Menningin aðgengilegri
fyrir almenning
Menningarhátíðin ljósanótt í Reykjanesbæ
verður haldin á morgun, laugardag,
enn fjölbreyttari og glæsilegri en í fyrra.
Helgi Bjarnason ræddi við frumkvöðulinn,
Steinþór Jónsson hótelstjóra.
Morgunblaðið/Helgi Bjarnason
Steinþór Jónsson tyllir sér niður við höfnina, Bergið sést í fjarska.
Reykjanesbær
helgi@mbl.is
Fyrri land-
eigendur
hafa for-
leigurétt
HREINSUN yfirborðsmannvirkja á
Neðra-Nikkelsvæði í Ytri-Njarðvík
verður boðin út á næstu vikum.
Fulltrúar varnarmáladeildar utanrík-
isráðuneytisins og Reykjanesbæjar
hafa hafið viðræður um ráðstöfun
landsins að hreinsun lokinni. Fyrri
landeigendur hafa þó forleigurétt.
Framkvæmdasýsla ríkisins vinnur
að undirbúningi útboðs á hreinsun
tanka, húsa og annarra mannvirkja
sem eru ofanjarðar á Neðra-Nikkel-
svæðinu. Gunnar Gunnarsson, sendi-
herra og skrifstofustjóri varnarmála-
skrifstofu utanríkisráðuneytisins,
segir að útboðið verði auglýst á næstu
vikum. Segir hann að verkið verði
unnið á haustmánuðum. Ráðuneytið
leggi áherslu á að drífa þetta af sem
fyrst. Neðra-Nikkelsvæðið er gamalt
olíubirgðasvæði sem Varnarliðið er
fyrir löngu hætt að nota. Íslenskir að-
alverktakar vinna að því á vegum
Varnarliðsins að grafa upp leiðslur og
önnur mannvirki sem eru neðanjarð-
ar. Eftir er að ganga frá því hvernig
unnið verður að hreinsun mengaðs
jarðvegar. Áætlað er að flytja þurfi í
burtu um 50 þúsund rúmmetra.
Gunnar Gunnarsson segir að verið sé
að skoða lausnir á þeim þætti.
Viðræður hafnar
við Reykjanesbæ
Bandaríski flotinn mun afhenda ís-
lenskum stjórnvöldum Neðra-Nikk-
elsvæðið að hreinsun lokinni.
Bæjaryfirvöld í Reykjanesbæ hafa
áhuga á að fá landið til ráðstöfunar
enda er litið á það sem mikilvægt
byggingarland í hjarta bæjarins, á
milli Keflavíkur og Njarðvíkur.
Utanríkisráðuneytið hefur boðið
fulltrúum bæjarstjórnar Reykjanes-
bæjar til viðræðna um það og nefnt að
til greina komi að leigja bænum það
eða selja. Fyrsti viðræðufundur aðila
var í fyrradag.
Fyrri eigendur landsins, landeig-
endur í Ytri-Njarðvík, eiga forleigu-
rétt að landinu samkvæmt samningi
við ríkið frá því í janúar 1956. Verður
hugsanlegur samningur ríkisins og
Reykjanesbæjar um landið því lagður
fyrir þá, áður en hann öðlast gildi.
Neðra-Nikkelsvæði
Bátar Gríms til sýnis
BÁTAFLOTI Gríms Karlssonar
verður til sýnis í Duushúsunum í
Keflavík á morgun, á svokallaðri
Ljósanótt. Reykjanesbær eignaðist
57 bátalíkön eftir Grím Karlsson,
skipstjóra og módelsmið, síðasta vet-
ur. Nú er unnið að því að gera lík-
önunum viðeigandi umgjörð í Duus-
húsunum sem standa við smábáta-
bryggjuna í Grófinni. Endurbygging
húsanna er hafin og áætlað að fyrsti
hlutinn, sá sem hýsir bátalíkönin,
verði tilbúinn í vor. Fólki gefst nú
kostur á að skoða líkönin á morgun,
laugardag, frá 10 til 22. Í fréttatil-
kynningu frá menningarfulltrúa
Reykjanesbæjar er varkin athygli á
því að bátarnir verði aðeins til sýnis
þennan eina dag vegna þess að nú er
unnið að endurbótum húsnæðisins.
Reykjanesbær
FJÓLA Jóns mun halda mál-
verkasýningu á vinnustofu sinni í
Keflavík á morgun, laugardag.
Sýningin er aðeins opin þennan
eina dag, í tilefni af ljósanótt í
Reykjanesbæ.
Vinnustofa Fjólu er á þriðju
hæð í Tjarnargötu 2 í Reykja-
nesbæ. Þar mun hún sýna myndir
unnar með olíu á striga en hún
hefur verið að vinna að þeim und-
anfarið ár. Sýningin verður opin á
milli klukkan 14 og 18.
Fjóla hefur sótt menntun sína í
myndlist allt frá árinu 1993, með-
al annars til myndlistarskóla
Hafnarfjarðar og Reykjavíkur,
auk þess sem hún hefur notið leið-
sagnar Reynis Katrínarsonar
myndlistarmanns. Hún hefur
hingað til sýnt myndir unnar á
silki ásamt olíu og akríl.
Þetta er fjórða einkasýning
Fjólu, ásamt því sem hún hefur
tekið þátt í fjölda samsýninga.
Sýnir í
vinnu-
stofunni
Keflavík
Sjávargyðjur Fjólu Jóns verða
til sýnis á vinnustofunni.
LJÓST er að framkvæmdum við
Bláalónsveg til Grindavíkur lýkur
ekki fyrr en á næsta ári. Öllum til-
boðum í verkið verður hafnað.
Fyrirhugað var að ljúka lagningu
Bláaalónsvegar í haust, það er að
segja vegar frá baðstaðnum vestur
fyrir fjallið Þorbjörn og til Grinda-
víkur. Þar er nú þegar vegarslóði.
Leggja átti burðarlag og tvöfalda
klæðningu á veginn. Í útboði sem
fram fór á dögunum bárust tvö tilboð
og voru bæði langt yfir kostnaðar-
áætlun Vegagerðarinnar. Að sögn
Jónasar Snæbjörnssonar, umdæmis-
stjóra Vegagerðarinnar, liggur fyrir
eftir skoðun á málinu að báðum til-
boðunum verður hafnað. Segir Jónas
að Vegagerðin muni sjálf láta vinna
hluta af verkinu í haust. Keyra út
burðarlag og snyrta til þannig að
vegurinn verði betur akfær. Klæðn-
ing verði væntanlega að bíða næsta
vors.
Klæðning frestast
Grindavík
Tilboðum í Bláa lónsveg hafnað