Morgunblaðið - 31.08.2001, Blaðsíða 26

LISTIR/KVIKMYNDIR
26 FÖSTUDAGUR 31. ÁGÚST 2001 MORGUNBLAÐIÐ
FRUMSÝNINGAR
PLANET OF THE APES
Háskólabíó, Bíóhöllin, Kringlubíó,
Laugarásbíó, Regnboginn, Stjörnubíó.
BLOW DRY
Stjörnubíó.
Shrek
Bandarísk. 2001. Leikstjórar Andrew And-
erson, Vicky Jenson: Handrit: Ted Elliott, ofl.
Teiknimynd. Fjörug og væmnislaus ævin-
týramynd um hressari teknimyndafígúrur en
menn eiga almennt að venjast. Pottþétt
skemmtun fyrir alla fjölskylduna. Bíóhöllin, Laugarásbíó, Kringlubíó.
Tilsammans
Sænsk. 2001. Leikstjóri og handrit: Lukas
Moodyson. Aðalleikendur: Lisa Lindgren,
Michael Nyqvist, Gustaf Hammarslen. Tragi-
kómedía frá lauslátum tímum kommúna,
blómabarna og frjálsra ásta í pipraðri
Gautaborg. Leikur, handrit, leikstjórn í
óvenju góðum höndum.
Háskólabíó.
Blinkende lygter
Dönsk. 2000. Leikstjórn og handrit: Anders
Thomas Jensen. Aðalleikendur: Sören Pil-
mark, Mads Mikkelsen, Nikolaj Lin Kaas.
Vel gerð, á köflum vel leikin og skrifuð en
grautarleg, oft óþægileg, dönsk ofbeldis-
grínmynd um fjóra smákrimma á flótta und-
an færeyskum óbótamanni og sjálfum sér.

Laugarásbíó.
Bridget Jones’s Diary
Bresk. 2001. Leikstjóri: Sharon Maguire.
Handrit: Helen Fielding. Aðalhlutverk: Renée
Zellweger, Hugh Grant, Colin Firth, Jim
Broadbent. Sagan um ástamál Bridget
verður að hæfilega fyndinni, rómantískri
gamanmynd. Zellweger gerir margt gott í tit-
ilhlutverkinu.

Bíóhöllin, Háskólabíó.
The Fast and the Furious
Bandarísk. 2001. Leikstjóri: Bob Cohen.
Handrit: Del Monte. Aðalleikendur: Vin
Diesel, Paul Walker, Jordana Brewster.
Kappakstursmynd sem heldur manni við
efnið og verður á endanum sæmilegasta
sumarafþreying.
Háskólabíó, Laugarásbíó, Bíóborgin, Bíó-
höllin, Kringlubíó, Nýja bíó, Akureyri, Nýja
bíó, Keflavík.
Jurassic Park III
Bandarísk. 2001. Leikstjóri: Joe Johnston.
Handrit: Peter Buchman, ofl. Aðalleikarar:
Sam Neill, Villiam H. Macy, Téa Leoni.
Fantagóð della sem slær hátt uppí fyrstu
myndina að gæðum. Fátt nýtt en allt er fag-
mannlega gert, spennan góð og leikararnir
fínir.
Laugarásbíó, Bíóhöllin.
Rush Hour 2
Bandarísk. 2001. Leikstjóri: Brett Ratner.
Handrit: Jeff Nathanson. Aðalleikendur:
Jackie Chan, Chris Tucker, John Lone. Þeir
ná vel saman, bardagajaxlinn og vélbyssu-
kjafturinn, annað skiptir ekki máli í grín- og
spennumynd þar sem þeir endasendast frá
Hong Kong til Vegas.
Laugarásbíó, Regnboginn.
Virgin Suicide
Bandarísk. 2000. Leikstjórn og handrit:
Sofia Coppola. Aðalleikendur: Kirsten
Dunst, Josh Hartnett, James Woods, Kat-
hleen Turner. Ljóðrænar og tregafullar
æskuminningar um drauma sem breyttust í
martröð. Vel leikin og gerð en skortir herslu-
muninn á flestum sviðum.
Háskólabíó.
Cats & Dogs
Bandarísk. 2001. Leikstjórn: Lawrence Gut-
erman. Handrit: John Rena. Aðalraddir: Alec
Baldwin, Sean Hayes, Susan Sarandon.
Einföld saga og spennandi fyrir krakka.
Annars ósköp klisjukennd og illa leikstýrt.
Háskólabíó, Bíóhöllin, Kringlubíó, Bíó-
borgin, Nýja Bíó Akureyri, Nýja Bíó Kefla-
vík.
Kiss of the Dragon
Bandarísk. 2001. Leikstjóri: Chris Nahon.
Handrit: Luc Besson. Aðalleikendur: Jet Li,
Bridget Fonda. Klisjukennd og einfeldnings-
leg um spillta varðstjórann, þöglu hetjuna
og hjartagóðu hóruna. Bardagaatriðin eru
fín, Jet Li flottur en myndin mætti hafa eitt-
hvað fleira að bera en það. Bíóborgin, Bíóhöllin, Kringlubíó.
Animal
Bandarísk. 2001. Leikstjóri og handrit: Luke
Greenfield. Aðalhlutverk: Rob Schneider,
Colleen Haskell, John C. McGinley Laugarásbíó, Regnboginn.
Antitrust
Bandarísk. 2001. Leikstjórn og handrit: Pet-
er Howell. Aðalleikendur: Ryan Phillippe,
Tim Robbins, Claire Forlani. Það eru áhuga-
verðir punktar í handriti, en hún er því mið-
ur bæði leiðinleg og illa leikin. Bíóborgin.
Brother
Japönsk. 2001. Handrit og leikstjórn: Tak-
eshi Kitano. Aðalhlutverk: Takeshi Kitano,
Omar Epps.Yfirgengileg gangstermynd sem
sækir sitthvað úr Scarface, en er hálfgert
furðuverk. Bíóborgin.
Evolution
Bandarísk. 2001. Leikstjórn: Ivan Reitman.
Handrit: Abraham Vincente Nicholas. Aðal-
leikendur: David Duchovny, Juliane Moore,
Orlando Jones. Loftsteinn hrapar á Jörðina
og getur af sér furðuskepnur í mislukkaðri
gamanmynd Stjörnubíó.
Pearl Harbor
Bandarísk 2001. Leikstjóri Michael Bay.
Handrit William Wallace. Aðalleikarar Josh
Hartnett, Ben Affleck, Kate Beckinsdale. Af-
skaplega langdregin og leiðinleg mynd sem,
þegar öllu er á botninn hvolft, fjallar ekki
um neitt. Bíóhöllin.
Tomb Raider
Bandarísk. 2001. Leikstjóri: Simon West.
Handrit: Martin Hudsucker. Aðalleikendur:
Angelina Jolie, Jon Voight, Iain Glen, Noah
Taylor. Bústinn barmur og bardagaatriði eru
í aðalhlutverki í þessari mynd, sem byggð er
á samnefndum tölvuleik. Ófrumlegur vitleys-
isgangur en Jolie er alvöru töffari. Laugarásbíó.
Dr Dolittle 2
Bandarísk. 2001. Leikstjóri og handrit
Steve Carr. Aðalleikendur Eddie Murphy.
Jeffrey Jones, Kevin Pollak, Kristen Wilson.
Agalega slök mynd um dýralækninn vin-
sæla. Sagan er of einföld og óáhugaverð og
húmorinn lélegur og ósmekklegur. Eddie
Murphy má fara að hugsa sinn gang.

Regnboginn.
Scary Movie 2
Bandarísk. 2001. Leikstjórn og handrit:
Keenan Ivory Wayans. Aðalhlutverk Keenan
Ivory, Damon og Marlon Wayans. Útþynntum
bröndurum fyrri myndarinnar gengur illa að
toga upp munnvikin og enginn er söguþráð-
urinn til að fylgjast með. Nú er illt í efni. ½
Regnboginn.
Bíóin í borginni
Sæbjörn Valdimarsson/Arnaldur Indriðason/Hildur Loftsdóttir
GEIMFARI lendir á undarlegri
plánetu og kemst að því að apar ráða
ríkjum, tala mannamál og elta uppi
mannskepnur og nota fyrir þræla
eða í vísindarannsóknir.
Þannig var söguþráðurinn í frægri
vísindaskáldsögu Pierre Boulle,
Apalánetunni, sem gerð var bíómynd
eftir árið 1968 með Charlton Heston
í aðalhlutverki. Myndin hefur nú
verið endurgerð eða „endursköpuð“
og er frumsýnd í dag í sjö kvik-
myndahúsum á Íslandi.
Með aðalhlutverkin fara Mark
Wahlberg, Tim Roth, Helena Bon-
ham Carter, Michael Clarke Dunc-
an, Kris Kristofferson, Estella
Warren, Paul Giamatti og David
Warner. Leikstjóri er Tim Burton.
„Ég hafði engan áhuga á því að
endurgera fyrri myndina eða gera
framhald hennar,“ er haft eftir Bur-
ton. „En ég vildi fara aftur inn í
þennan heim engu að síður. Fyrsta
myndin hafði mikil og sterk áhrif á
mig eins og svo marga aðra. Hún er
eins og undarleg goðsögn sem fylgir
þér alla tíð. Hugmyndin um að end-
urskapa þá goðsögn fannst mér
heillandi.“
Og áfram heldur hann: „Frum-
myndin er alveg sér á parti og við
reynum að sýna henni virðingu. Við
vonum að við getum notast við það
besta úr henni og í leiðinni kynna til
sögunnar nýjar persónur og aðrar
hliðar á sögunni, missa ekki sjónar af
kjarna sögunnar en búa til nýjan
heim.“
Burton fékk Mark Wahlberg til
þess að fara með aðalhlutverkið en
leikarinn er kunnur úr myndum eins
og The Perfect Storm og Boogie
Nights. „Ég hafði ekki einu sinni les-
ið handritið þegar ég samþykkti að
leika í myndinni,“ er haft eftir Mark
sem segir að það hafi nægt honum að
vita að Tim Burton ætlaði að gera
myndina. „Ég hitti Tim svo í ein-
hverjar fimm mínútur og sagði hon-
um að ég væri tilbúinn að gera hvað
sem er fyrir hann.“
Breska leikkonan Helena Bonham
Carter leikur apynjuna Ari. „Burton
hringdi í mig og sagði: Ekki taka
þessu sem móðgun en þú varst sú
fyrsta sem mér datt í hug í hlutverk
apynju í Apalánetunni. Ég tók það
alls ekki illa upp en ég varð að spyrja
hann hvers vegna honum datt ég í
hug og hann sagði að hann hefði það
á tilfinningunni að ég vildi takast á
við eitthvað nýtt og ólíkt öllu öðru
sem ég hafði gert áður. Hann hitti
naglann á höfuðið.“
Leikarar: Mark Wahlberg, Tim Roth,
Helena Bonham Carter, Michael Clarke
Duncan, Kris Kristofferson, Estella
Warren, Paul Giamatti og David Warner.
Leikstjóri: Tim Burton (Batman, Beetle-
juice, Edward Scissorhands, Ed Wood,
Sleepy Hollow).
Atriði úr Apaplánetunni sem Tim Burton leikstýrir.
Aftur til
plánetunnar
Regnboginn, Laugarásbíó, Sagabíó,
Kringlubíó, Háskólabíó, Nýja bíó Kefla-
vík og Borgarbíó Akureyri frumsýna
Apaplánetuna eftir Tim Burton.
KEPPNIR ýmiskonar hafa löngum
verið vinsælt umfjöllunarefni bíó-
mynda. Í bresku gamanmyndinni
Blow Dry, er keppnin nokkuð
óvenjuleg, þar sem keppendur berj-
ast um Englandsmeistaratitilinn í
hárgreiðslu.
Rakarar geta verið illvígir skratt-
ar undir oft vinalegu yfirborði.
Svo er farið um ýmsa þá sem taka
þátt í þessu stórmóti, sem fram fer í
bænum Keghley. Phil (Alan Rick-
man), var eitt sinn færasti hár-
greiðslumeistari landsins og vann
allar keppnir sem hann tók þátt í. Nú
er öldin önnur. Eftir að Shelley (Nat-
asha Richardson), kona hans, yfirgaf
hann og tók saman við Söndru
(Rachel Griffiths), fyrir nokkrum ár-
um, hefur allt gengið á afturfótun-
um. Þær stöllurnar mæta til leiks,
einnig Ray (Bill Nighy), gamall and-
stæðingur Phils, módelið er dóttir
hans, Christina (Rachel Leigh
Cook). Flestir hinna keppendanna
eiga í hinum ólíkustu vandamálum.
Þegar keppnin er komin á skrið lifna
gömul deilumál við og ýfingarnar og
hnútukastið eru í algleymingi undir
snyrtilegu yfirborðinu. Loftið er lævi
blandið og keppendur beita öllum
brögðum til að sigra. Það er greini-
lega meira í húfi hjá þeim flestum en
verðlaunagripurinn, Silfurskærin.
Höfundur handritsins er enginn
annar en Simon Beufoy, sá sem
skrifaði The Full Monty, vinsælustu
mynd Breta, fyrr og síðar. Eins og
sjá má er leikhópurinn prýddur
nokkrum af þekktustu nöfnunum í
breskum leiklistarheimi auk Josh
Hartnett og Rachel Leigh Cook,
Bandaríkjamannanna ungu og efni-
legu sem prýða hópinn að auki.
Leikarar: Alan Rickman, Natasha Rich-
ardson, Rachel Griffiths, Rachel Leigh
Cook, Josh Hartnett. Leikstjóri: Paddy
Breathnack (I Went Down).
Hárgreiðslumeist-
arar í hár saman
Atriði úr bresku myndinni Blow Dry, sem frumsýnd er í dag.
Stjörnubíó frumsýnir Blow Dry, með Al-
an Rickman, Natöshu Richardson og
Josh Hartnett.