Morgunblaðið - 31.08.2001, Blaðsíða 52

FÓLK Í FRÉTTUM
52 FÖSTUDAGUR 31. ÁGÚST 2001 MORGUNBLAÐIÐ
Ath! Tónleikar með Bubba Morthens nk
Spútnik
leikur í kvöld og laugardagskvöld
Vesturgötu 2, sími 551 8900
KVIKMYNDIN The FastAnd The Furious er20.000 hestafla bensín-skrímsli sem trekkir
áhorfandann á slíkan máta að eftir
bíó vill hann drífa sig heim og láta
loksins verða af því að mála eldhús-
ið, læra á trommur eða laga til í bíl-
skúrnum. Hraðinn er mikill frá upp-
hafi til enda. Og eftir skemmtilega
lífshættulegan eltingarleik og gíf-
urlega hraðskreiða lokasenu neyð-
ast tvær aðalpersónur myndarinnar
loksins til að taka ákvörðun um
hvort skiptir þá meira máli – vin-
áttan eða lögin.
Poul Walker leikur unga og
hungraða leynilögreglu (Brian
O’Conner) í þrálátri leit að ökuþór-
um sem stunda það að ræna vöru-
flutningatrukka öllum verðmætum.
Alríkislögreglan og önnur yfirvöld
eru staðráðin í að stöðva gengið,
koma í veg fyrir stríð, áður en
trukkabílstjórarnir taka lögin í sín-
ar hendur.
Dominic Toretto, sem leikin er af
Vin Diesel, er hverfishetjan, virtasti
kappaksturstöffari strætanna, leið-
togi og fyrirmynd allra þeirra sem
þátttakendur eru í götukappakst-
urs-„kúltúrnum“. Brian og Dominic
verða miklir vinir og eyða dögum
sínum undir húddi ökutækja sinna
en að næturlagi keppa þeir við aðra
bílaeigendur á götum Los Angeles-
borgar, löggæslu til mikillar
gremju. En eru Dominic og gengi
hans þeir sem Brian leitar? Veit
Dominic að Brian er lögga? The
Fast and the Furious skilar því sem
hún þarf og ætlar að skila. Sætar
kynæsandi stelpur, hraði og lífs-
hætta. Kannski má líkja henni við
tölvuleik á breiðtjaldi sem límir höf-
uð leikmannsins aftur, án stýri-
pinna.
Eltingarleikir og áhættuspenna
gengur fullkomlega upp og bílaat-
riðin eru með þeim flottari og æsi-
legri sem sést hafa á hvíta tjaldinu.
Að finna réttu bílana var erfið
áskorun fyrir leikstjóra myndarinn-
ar. Rob Cohen útskýrir: „Bílarnir
urðu að hafa rétta útlitið, rétta
kraftinn, og síðast en ekki síst réttu
gredduna. Þessi eldflaugatækni í
japönskum sportbílum er nýtt fyr-
irbæri hér í Bandaríkjunum.
„Vöðvabílarnir“ okkar byggjast á
vélum með 8 strokkum en þessir
innfluttu japönsku sportbílar byggj-
ast á tölvustýrðum innspýtingum.
Bílarnir eru í rauninni í stóru auka-
hlutverki. Þetta eru ökutæki 21.
aldarinnar. Krakkar geta tekið
Hondu-skrjóð móður sinnar og
breytt honum í hraðskreiðan kapp-
akstursbíl. Á nýju máli eru þessir
bílar kallaðir „hrísgrjónaflaugar“
sem ýjar að uppruna þeirra – Asíu.
Oft eru þeir innfluttir til Ameríku í
pörtum og síðan settir saman af
áhugasömum eigendum sínum sem
bæta við allskyns aukahlutum til
þess að bæta útlit og auka kraft vél-
arinnar.“ Aðalleikarinn Vin Diesel
hefur sjálfur ástríðu fyrir hrað-
skreiðum ökutækjum og fagnaði
tækifærinu að fá að leika Dominic
Toretto.
„Bílar og hraði hafa alltaf heillað
mig. Á háskólaárum mínum átti ég
GSX-R sem við vinirnir ókum til
skiptis á ógnarhraða um stræti New
York-borgar. Ég var yngri og vit-
lausari á þeim tíma, ástfanginn af
frelsinu sem hraði færði mér. En ég
hef róast...í dag er ég meiri jeppa-
kall.“ Mótleikari Diesels, Poul
Walker, tók bíladelluna og flutti inn
7 milljóna króna bíl frá Japan eftir
að tökum lauk en Diesel segist
blessunarlega hafa sloppið við þá
bakteríu.
„Ég hafði engan tíma til að hrær-
ast neitt frekar í þessum heimi þar
sem mín beið strax hlutverk í ann-
arri mynd. Ég neyddist til að losa
mig algjörlega við Dominic og
skapa þann næsta fyrir Diablo.“
Kvikmyndin Diablo er svo væntan-
leg í kvikmyndahús í mars.
Þreifar sig áfram í hlutverki
vondu kallanna
Nafnið Vin Diesel þekkja ekki
margir í dag en honum er þó spáð
miklum vinsældum í Hollywood.
Aðdáendahópur hans fer ört vax-
andi og einir 40 netklúbbar eru ein-
göngu tileinkaðir honum. Sagt er að
hann sé á hraðri leið að leysa af
hólmi eldri hasarmyndahetjur, s.s.
Schwartzenegger og Stallone, og
breyta í leiðinni gömlu formúlunni
af hetju sem drepur 100 vopnaða
hermenn með túttu- eða teygju-
byssu einni saman. Viðræður standa
einnig yfir um að Diesel leiki á móti
Arnold í Terminator 3. Hinn 34 ára
gamli leikari er nú þegar kominn
upp í 10 milljón dollara markið á
mynd en það fékk hann borgað fyrir
njósnatryllinn „XXX“, mynd sem er
einnig í leikstjórn Rob Cohens. Rich
Wilkes (Airheads) skrifar handrit
þeirrar myndar en tökur á henni
hefjast undir lok þessa árs og er
hún ætluð í kvikmyndahús um mitt
sumar 2002.
Diesel á lukku og láni sínu Steven
Spielberg að þakka. Eftir að hafa
séð stuttmyndina Multi-Facial (sem
Diesel skrifaði og leikstýrði sjálfur)
bætti Spielberg hlutverki fyrir hann
í seinniheimsstyrjaldarstórmynd
sína, Saving Private Ryan. Eftir
það fóru hjólin að snúast. Næst
landaði hann aðalhlutverki í mynd-
inni Pitch Black og síðan hefur leið-
in legið beint upp. Í The Fast and
the Furious, rétt eins og í Pitch
Black, leikur Vin Diesel vonda karl-
inn en samt standa áhorfendurnir
með honum. Er það sérstök tækni
eða einföld tilviljun? „Ég hef verið
að þreifa mig áfram í hlutverkum
vondu karlanna og hef reynt að
teygja það hugtak eins langt og ég
mögulega get. Persónulega hef ég
engan áhuga á að horfa á „hvít-
flibba“-hetjur í bíómyndum, þessa
týpísku hetju sem lítur alltaf vel út
og gerir allt rétt. Þannig persónur
vekja engar tilfinningar með okkur.
Ef fólk á að tengja sig við viðkom-
andi persónu verða hlutverkinu að
vera gefnir einhverjir kvillar.“
Einkalífið fyrir sjálfan sig
Diesel hóf tökur nú í ágúst á
kvikmyndinni Knockaround Guys. Í
henni leikur hann bófa af Kúbu-
ættum á móti Dennis Hopper. En í
daglegu lífi reynir hann að fara
leynt og leyndardómslega með eigið
þjóðerni.
„Ég hef verið heppinn að fá að
leika allar þessar mismunandi per-
sónur. Ég hef t.d. leikið gyðing með
stjörnu Davíðs húðflúraða yfir allan
handlegginn. Ég vil ekki verða að
einhverri erkimanngerðarklisju og
reyni því að halda sumum hlutum
fyrir sjálfan mig.“ En skyldi það
vera erfitt að standa jafnfætis og
vera sannur, nú þegar frægð og
frami eykst með hverjum deginum?
„Ég virði fræga leikara sem hafa
ekki fallið á eigin velgengni eða
tamið sér stjörnustæla út í eitt. Ein-
hvers staðar las ég að Harrison
Ford hafi sagt: „Ef ég tala of mikið
um einkalíf mitt, og þú ferð að sjá
mig í bíó, þá munt þú hugsa um
skilnaðinn minn eða eitthvað álíka.
Ekki myndina sem þú ert að horfa á
mig í.“ Ég vil forðast að tala um
einkalífið eins mikið og ég get.
Þetta er, og á að vera, allt um vinn-
una, verkefnið,“ segir hann stað-
fastur að lokum.
„Í dag er
ég meiri
jeppakall“
Blaðamaður minnist þess að fljúga út úr bíó
eftir Súperman, boxa sig í gegnum mann-
þröngina eftir Rocky og þora ekki í bað eftir
að hafa séð myndina Jaws. Á leiðinni í viðtal
við leikarann Vin Diesel úr myndinni The
Fast And The Furious átti Hálfdan Ped-
ersen erfitt með að virða umferðarreglur.
Vin Diesel hnyklar vöðvana og stúlkurnar skríkja.
Vin Diesel og Paul Walker í hlutverkum sínum.
Viðtal við Vin Diesel, aðalleikara The Fast and the Furious