Morgunblaðið - 31.08.2001, Page 24

LISTIR
24 FÖSTUDAGUR 31. ÁGÚST 2001 MORGUNBLAÐIÐ

Ársalir - fasteignamiðlun
Ársalir - fasteignamiðlun


Ársalir - fasteignamiðlun
Ársalir -fasteignamiðlun

Höfum til leigu fyrrverandi skrifstofur LOGOS lögmanns-
þjónustu, sem er vandað skrifstofuhúsnæði, alls 880 fm,
sem skiptist í 525 fm á 2. hæð og 355 fm á 3. hæð, sem
geta leigst saman eða hvor hæð fyrir sig.
Laust í september nk.
ATVINNUHÚSNÆÐI TIL LEIGU
Borgartún 24 - Skrifstofur LOGOS
ÁRSALIR
FASTEIGNAMIÐLUN
sími
533 4200
FULLTRÚAR Nýlistasafnsins og
Menningarsjóðs Íslandsbanka undir-
rituðu í gær samstarfssamning sem
felur í sér fjögurra milljóna króna ár-
legan fjárstuðning bankans við Ný-
listasafnið til næstu þriggja ára. Með
þeim hætti vill bankinn styðja safnið
við að efla framsækna íslenska mynd-
list en jafnframt við að kynna
strauma og stefnur og koma lista-
verkaeign safnsins á framfæri við al-
menning.
Ósk Vilhjálmsdóttir, formaður
stjórnar Nýlistasafnsins, undirritaði
samninginn ásamt Vali Valssyni,
bankastjóra og formanni stjórnar
menningarsjóðsins, í útibúi bankans á
Kirkjusandi. Við sama tækifæri var
opnuð sýning á tíu verkum úr safn-
eign Nýlistasafnsins í útibúum Ís-
landsbanka.
Ný sýningarstefna
Í samtali við Morgunblaðið sagði
Ósk Vilhjálmsdóttir samstarfið
marka mikil tímamót fyrir starfsemi
Nýlistasafnsins. „Undanfarið hefur
stjórn safnsins unnið að því að móta
metnaðarfulla sýningarstefnu þar
sem gert er ráð fyrir að efla starfsem-
ina, m.a. með stórum sýningum sem
safnið á frumkvæði að, auk þess að
skapa hér vettvang fyrir fjölbreytta
listastarfsemi og umræðu. Íslands-
banki gengur inn í þessa sýningar-
stefnu og er samstarfssamningurinn
gerður með þeim skilyrðum að þeirri
stefnu sé haldið. Bankinn hefur hins
vegar engin áhrif á ákvarðanir og
framkvæmd að öðru leyti.“
Ósk bætir því við að samningurinn
sé að mörgu leyti táknrænn fyrir
breytta tíma í samskiptum listheims-
ins og viðskiptalífsins á Íslandi.
„Samvinna af þessu tagi er mjög já-
kvæð að mínu mati. Samningurinn
gerir okkur kleift að hrinda í fram-
kvæmd þeim hugmyndum sem við
höfum mótað um starfsemi safnsins.
Einn þáttur í þeirri framtíðarsýn er
að kynna og miðla listinni til breiðari
hóps en áður. Sýningin í Íslands-
banka er til dæmis skref í þá átt að
færa listina út til almennings.“ Ósk
segir að lokum að tími hafi verið kom-
inn til að Nýlistasafnið yxi úr grasi frá
þeirri sjálfboðavinnustofnun sem hún
hefur verið frá upphafi. „Við munum
þó eftir sem áður leggja áherslu á að
hlúa að grasrótinni, framsækni og til-
raunum í listsköpun,“ segir Ósk.
Viðamesti samningurinn
Samstarfssamningurinn er sá viða-
mesti sem Menningarsjóður Íslands-
banka hefur gert til þessa, að sögn
Vals Valssonar, formanns stjórnar
sjóðsins. Hann segir stjórnina hafa
tekið þá stefnu að sá stuðningur sem
sjóðurinn veitti yrði nægilega mynd-
arlegur og markviss til að hann skipti
sköpum við að efla myndlistarlífið í
landinu.
Þegar Valur er spurður um tildrög
þess að sjóðurinn ákvað að ganga til
samstarfs við Nýlistasafnið segir
hann það ætíð hafa verið markmið
sjóðsins að eiga frumkvæði að sam-
starfi í áhugaverðum verkefnum.
„Nýlistasafnið hefur um árabil verið
vettvangur nýrra strauma og til-
rauna, þar sem stöðugt endurmat
hefur verið í öndvegi. Erlendir
straumar hafa átt þangað greiða leið
og blandast þar íslenskum viðhorfum
til að skapa myndlist fyrir íslenskar
aðstæður. Það að safnið er alþjóðlegt
með fastar rætur í íslensku samfélagi
samræmist jafnframt vel starfsemi
Íslandsbanka og þeirri hugsun sem
við viljum sjálf temja okkur í fram-
sæknu fyrirtæki.“
Menningarsjóður Íslandsbanka og Nýlistasafnið gera með sér samstarfssamning til þriggja ára
„Tímamót fyrir
starfsemi Ný-
listasafnsins“
Valur Valsson, bankastjóri og formaður stjórnar Menningarsjóðs Íslandsbanka, og Ósk Vilhjálmsdóttir, formað-
ur stjórnar Nýlistasafnsins, skrifa undir samstarfssamninginn í húsakynnum bankans á Kirkjusandi í gærdag.
LEIKFÉLAG Reykjavíkur kynnti
væntanlega verkefnaskrá sína á
blaðamannafundi í Borgarleikhús-
inu í gær og kennir þar margra
grasa af nýjum íslenskum og er-
lendum toga.
Fyrsta frumsýning vetrarins
verður Kristnihald undir Jökli eftir
Halldór Kiljan Laxness í leikgerð
Sveins Einarssonar og leikstjórn
Bergs Þórs Ingólfssonar.
Meðal leikenda eru Gísli Örn
Garðarsson (Umbi), Árni Tryggva-
son (Jón Prímus) Sigrún Edda
Björnsdóttir (Úa) og Edda Heiðrún
Backman (Fína Jónsen). Tónlist er
eftir hljómsveitina Quarashi, bún-
ingar gerir Elín Edda Árnadóttir
og leikmynd Árni Páll Jóhannsson.
Blíðfinnur eftir Þorvald Þor-
steinsson í leikgerð og leikstjórn
Hörpu Arnardóttur verður frum-
sýnt 14. október á Stóra sviðinu.
Blíðfinn leikur Gunnar Hansson
og aðrir leikendur eru Ásta Sig-
hvats Ólafsdóttir, Árni Pétur Guð-
jónsson, Katla Margrét Þorgeirs-
dóttir, Edda Björg Eyjólfsdóttir,
Ólafur Guðmundsson, Jón Hjart-
arson og Guðrún Ásmundsdóttir.
Tónlist semur Hilmar Örn Hilm-
arsson, leikmynd og búninga gera
Snorri Freyr Hilmarsson og María
Ólafsdóttir.
Fjandmaður fólksins eftir Hen-
rik Ibsen birtist á Stóra sviðinu í
nóvember. Leikgerðin er eftir
Arthur Miller í þýðingu Sigurðar
Pálssonar. Leikstjóri er María
Kristjánsdóttir og Ingvar E. Sig-
urðsson og Halldóra Geirharðsdótt-
ir fara með aðalhlutverkin. Búninga
gerir Filippía I. Elísdóttir og leik-
myndina Vytautas Narbutas.
Nýtt leikrit eftir Ólaf Hauk Sím-
onarson, Boðorðin 9, verður frum-
sýnt á Stóra sviði í lok desember í
leikstjórn Viðars Eggertssonar.
Höfundur leikmyndar er Snorri
Freyr Hilmarsson.
Í mars verður frumsýnd ný leik-
gerð Hilmars Jónssonar og Guð-
rúnar Vilmundardóttur eftir skáld-
sögu Lauru Esquivel, Kryddlegin
hjörtu. Höfundur leikmyndar verð-
ur Finnur Arnar Arnarson.
Nýja sviðið opnað
í október
Nýtt svið verður tekið í notkun í
október með frumsýningu á Beðið
eftir Godot eftir Samuel Beckett í
þýðingu Árna Ibsen. Leikstjóri er
Peter Engkvist. Þar fara Hilmir
Snær Guðnason og Benedikt Erl-
ingsson með hlutverk flækinganna
Tónlist semur Sten Sandell, bún-
inga gerir Stefanía Adolfsdóttir og
leikmyndina Stígur Steinþórsson.
Í janúar er fyrirhuguð önnur
frumsýning á Nýja sviðinu – á
danska leikritinu Fyrst þarf nú að
fæðast eftir Line Knutzon (f. 1965).
Þýðandi er Þórarinn Eldjárn og
leikstjóri Benedikt Erlingsson.
Knutzon hefur unnið sér sess sem
eitt frumlegasta leikskáld Dan-
merkur. Leikarar eru Gunnar
Hansson, Halldór Gylfason, Harpa
Arnardóttir, Sigrún Edda Björns-
dóttir, Sóley Elíasdóttir og Þór
Tulinius.
Þriðja frumsýningin á Nýja svið-
inu er And Björk of course…, nýtt
leikrit Þorvaldar Þorsteinssonar í
leikstjórn Benedikts Erlingssonar.
Þar segir frá hjónunum Indriða og
Huldu sem reyna að skapa sér
þægilegan heim til að lifa í, þrátt
fyrir að Indriði sé alræmdur af-
brotamaður og Hulda virðist vera
látin.
Leikfélagið fer í samstarf við
Leiklistardeild Listaháskóla Ís-
lands undir vorið með sýningu á
Eftirlitsmanninum eftir Nikolaj
Gogol (1809–1852). Leikarar verða
nemendur Listaháskólans og leik-
arar LR. Leikmynd gerir Gretar
Reynisson og leikstjóri verður Guð-
jón Pedersen.
Af öðrum fyrirhuguðum sam-
starfsverkefnum má nefna Dauða-
dansinn eftir August Strindberg
(1849–1912), sem Strindberg-hóp-
urinn stendur að. Leikarar verða
Erlingur Gíslason, Helga Jónsdótt-
ir og Sigurður Karlsson. Þýðandi
er Jón Viðar Jónsson og leikstjóri
Inga Bjarnason. Frumsýning á
Litla sviði í október 2001. Í
tengslum við sýninguna verða flutt-
ir leiklestrar á þremur öðrum verk-
um Strindbergs: Föðurnum, Frök-
en Júlíu og Kröfuhöfum. Öll verkin
eru flutt í nýrri þýðingu Jóns Við-
ars Jónssonar.
Þá ætla LR og leikhópurinn
Þíbilja að eiga samstarf um sýn-
ingu á Gestinum eftir Eric-Emm-
anuel Schmitt, er samdi leikritið
Abel Snorko býr ekki hér. Leikarar
verða Gunnar Eyjólfsson, Ingvar
E. Sigurðsson, Jóna Guðrún Jóns-
dóttir og Kristján Franklín Magn-
ús. Þýðandi er Kristján Þórður
Hrafnsson, leikmyndina gerir Stíg-
ur Steinþórsson og leikstjóri er Þór
Tulinius.
Frá fyrra leikári verða tekin upp
fjögur leikrit, Með vífið í lúkunum,
Öndvegiskonur, Kontrabassinn og
Píkusögur.
Síðasta vetur var staðið fyrir
málfundum um ýmis málefni í for-
sal Borgarleikhússins. Í vetur verð-
ur þessum rabbkvöldum fundið
fastara form. Þriðjudagskvöld
verða tileinkuð margvíslegum mál-
efnum um menningu og samfélag
og á miðvikudagskvöldum verður
boðið upp á uppákomur af ýmsu
tagi, tónlist, leiklist, upplestur og
fleira. Einnig verður ýmislegt gert
fyrir börnin í samvinnu við skóla-
yfirvöld á höfuðborgarsvæðinu.
Loks er þess að geta að Borg-
arleikhúsið er með ýmiss konar til-
boð um miða og áskriftarkort. Nýj-
ung er að börnum 12 ára yngri
býðst ókeypis í leikhús með for-
eldrum sínum á sýningar aðrar en
söngleiki og barna- og unglinga-
leikrit.
Ný, fersk og
kryddlegin
leikrit í vetur
Morgunblaðið/Arnaldur
Leikarar og listrænir stjórnendur við Borgarleikhúsið veturinn 2001 til 2002.