Morgunblaðið - 31.08.2001, Blaðsíða 22

ERLENT
22 FÖSTUDAGUR 31. ÁGÚST 2001 MORGUNBLAÐIÐ
NORSKA stjórnin telur að Ástralar
séu að linast í andstöðu sinni við að
taka við 438 afgönskum flóttamönn-
um sem eru um borð í norska flutn-
ingaskipinu Tampa í grennd við
Jólaeyju á Indlandshafi sem er inn-
an ástralskrar lögsögu. Ástralskir
sérsveitarhermenn fóru um borð í
fyrradag en hafa ekki beitt valdi til
að þvinga skipstjórann, Arne Rinn-
an, til að sigla úr úr lögsögunni.
Rinnan hélt áleiðis til næstu hafnar,
þ.e. í Ástralíu, eftir að hafa tveim
dögum fyrr bjargað fólkinu sem var
á indónesískri ferju. Hann varð við
tilmælum ástralskra yfirvalda um
að koma fólkinu til hjálpar en ferjan
var þá að sökkva á rúmsjó.
Meðal fólksins er fjöldi barna og
að sögn Rinnans skipstjóra eru
nokkrir úr röðum flóttamannanna
alvarlega sjúkir, meðal annars hef-
ur blóðkreppusótt komið upp.
Ástandið mun þó hafa lagast í gær
en þá fóru ástralskir læknar um
borð. Matarbirgðir munu duga í
fimm eða sex daga en drykkjarvatn
gæti orðið vandamál þar sem aðeins
er hægt að vinna ferskvatn úr sjó ef
skipið er á hreyfingu. Rinnan neit-
aði sem fyrr staðfastlega að verða
við kröfum Ástrala um að hann
sigldi skipinu á ný út úr lögsögu
landsins.
John Howard, forsætisráðherra
Ástralíu, segist eingöngu vera að
framfylgja lögum um innflytjendur
og segir að nær ekkert af fólkinu
muni fá leyfi til að setjast að í land-
inu. Mikil andstaða er meðal ástr-
alskra kjósenda við að hleypa fleiri
innflytjendum frá Asíu til landsins
og stutt er í þingkosningar. Jens
Stoltenberg, forsætisráðherra Nor-
egs, segir að nokkrum klukkustund-
um áður en Tampa sigldi inn í ástr-
alska lögsögu hafi Howard haft í
hótunum. „Ég ætla að beita her-
valdi gegn skipinu,“ hefur hann eft-
ir Howard.
Norska blaðið Aftenposten gagn-
rýndi Ástrala harkalega í gær og
sagði þá haga sér eins og hrottar.
Kjell Magne Bondevik, fyrrverandi
forsætisráðherra Noregs, sagði að
ef Ástralar neituðu að taka við fólk-
inu ættu Norðmenn að gera það.
Stoltenberg sagði á hinn bóginn að
Ástralar, ekki Norðmenn, ættu að
veita flóttamönnunum hæli. Þeir
eru flestir frá Afganistan og að
sögn BBC reyndust þeir við taln-
ingu vera um 460 en ekki 438.
Talsmaður utanríkisráðuneytis-
ins í Ósló, Karsten Klepsvik, sagði í
gær að Thorbjørn Jagland utanrík-
isráðherra hefði rætt símleiðis við
ástralskan starfsbróður sinn, Alex-
ander Downer í gær og hefðu þeir
orðið ásáttir um að leysa bæri vand-
ann með samstarfi málsaðila. Að
sögn Klepsviks virðist afstaða How-
ards hafa breyst eftir að hann
ræddi í síma við Kofi Annan, fram-
kvæmdastjóra Sameinuðu þjóð-
anna. Mary Robinson, yfirmaður
flóttamannahjálpar SÞ, sem stödd
er í Durban í Suður-Afríku, hvatti í
gær Ástrala til að taka við flótta-
fólkinu og uppfylla þannig skyldur
sínar sem aðildarríki mannréttinda-
sáttmála SÞ.
Málið allt hefur vakið mikla at-
hygli vegna þess að alþjóðalög frá
1951 kveða á um að tekið skuli við
flóttafólki í neyð. Fjöldi flótta-
manna hefur aukist hratt í heim-
inum síðustu árin, ekki síst í kjölfar
endaloka kalda stríðsins. Einnig
hafa auknar samgöngur gert auð-
veldara fyrir marga að komast úr
landi.
Ástralar hvattir til að
taka við Afgönunum
Flóttafólkið um borð í norska flutningaskipinu Tampa
Ósló, Durban, Jólaeyju. AP.
BANDARÍSKA matvæla- og lyfja-
eftirlitið hefur samþykkt nýja, bylt-
ingarkennda gerð af hjartagang-
ráði. Þessi nýja gerð virkar með
þeim hætti að auka dælugetu hjart-
ans og kallast hjartaendursamstill-
ing (cardiac resynchronization).
Vænta hjartasérfræðingar þess að
þetta geti gagnast allt að 650 þús-
und langt gengnum hjartasjúkling-
um sem bestu læknisaðferðir nú-
tímans geta ekki hjálpað.
Tækið nefnist InSync og er fram-
leitt af fyrirtækinu Medtronic.
„Þetta eru mikil tímamót,“ sagði dr.
David B. DeLurgio, hjartasérfræð-
ingur við Emoryháskóla í Atlanta í
Bandaríkjunum, en hann tók þátt í
prófun tækisins fyrir Medtronic.
„Þetta hentar ekki öllum hjarta-
sjúklingum, en sumir gætu sann-
arlega haft gagn af.“
Þeir sem tækið mun gagnast eru
sjúklingar er þjást af blóðríkis-
hjartabilun, þ.e. þegar hjartað er
orðið veikt af elli, skemmdum
vegna hjartaáfalls eða annarra
sjúkdóma, missir kraft og á erfiðara
með að dæla blóði út um líkamann.
Gangráður er mikið notaður til að
gefa hjarta sem slær of hægt eða
óreglulega straum til að það nái
eðlilegum takti. Nýja tækið virkar á
annan máta og styrkir slátt veikl-
aðs hjarta. Rannsókn á 579 sjúk-
lingum leiddi í ljós að þeir sem not-
uðu nýja gangráðinn hlutu um-
talsverða bót, að því er fram kemur
í niðurstöðum matvæla- og lyfjaeft-
irlitsins.





/0  ! 11 2 
   3 4   !  31 4 1050  $ 1   
 6 !! 
11  31
01 
0 0 -616  4
   $
# $% 
   1
6     4       
0 10 $75
 6 !!
11 
 11 4  0 $81   2 0  0  2
$
 

 



 
 

 


 


  

 




  Ný gerð af
gangráði
Washington. AP.
MARIA Sung, t.v., hin suður-
kóreska eiginkona zambíska erki-
biskupsins Emmanuels Milingo,
svarar spurningum fréttamanna
úr glugga á Archangelo-hótelinu í
miðborg Rómar í gær, þar sem
hún átti fyrsta fund sinn með eig-
inmanninum í þrjár vikur. Að því
er segir í fréttatilkynningu frá
Páfagarði tjáði erkibiskupinn
konu sinni, sem hann gekk að
eiga í maí sl. í hópbrúðkaupi
Moon-safnaðarins, að hann gæti
ekki staðið við hjónabandið vegna
skuldbindinga sinna við kirkjuna.
Maria Sung sagðist hafa sætt sig
við ákvörðun Milingos. Hefur
þetta mál verið mjög vandræða-
legt fyrir kirkjuna þótt þau Mil-
ingo og Sung hafi ekki verið hjón
samkvæmt lögum þrátt fyrir
Moon-brúðkaupið.
Biskups-
hjónabandi
slitið
AP
TALSMENN Atlantshafsbanda-
lagsins (NATO) segjast bjartsýnir á
að hermenn bandalagsins nái að
ljúka söfnun vopna albanskra
skæruliða fyrir 26. september næst-
komandi og fari því ekki út fyrir um-
boð það sem þeim var fengið. Síðustu
fjóra daga hafa hermenn bandalags-
ins tekið við þriðjungi þeirra 3300
skotvopna sem skæruliðarnir hafa
heitið að láta af hendi og mun hlé
verða gert á vopnasöfnuninni í eina
viku meðan makedónska þingið ræð-
ir þær breytingar sem gera þarf á
stjórnarskrá landsins. Er það í sam-
ræmi við friðarsamningana sem
gerðir voru fyrr í þessum mánuði.
Breytingarnar eiga að færa fólki af
albönskum ættum frekari réttindi.
Undanfarna sex mánuði hafa
skæruliðar af albönskum ættum bar-
ist gegn makedónskum her- og lög-
reglumönnum og segjast hafa gert
það í því skyni að fá frekari réttindi
sínu fólki til handa, en ekki til að
kljúfa þau svæði sem albanski minni-
hlutinn byggir frá Makedóníu. Frið-
arsamningarnir sem undirritaðir
voru um miðjan mánuðinn fela í sér
að afvopnun og pólitískar aðgerðir
verði að haldast í hendur og þess
vegna er gert hlé á afvopnuninni nú,
meðan makedónskir þingmenn ræða
stjórnarskrárbreytingar.
Ef til vill nokkrum
dögum lengur
Robertson lávarður, fram-
kvæmdastjóri NATO, segir að
bandalagið hafi engu framtíðarhlut-
verki að gegna í landinu, en að hugs-
anlega verði hægt að framlengja
dvöl hermanna þess í Makedóníu um
nokkra daga gerist þess þörf.
Leiðtogi albanskra skæruliða, Ali
Ahmeti, sagði í gær að þegar skæru-
liðarnir hefðu afhent vopn sín myndu
þeir reiða sig á Evrópusambandið og
NATO til að tryggja réttindi sín og
öryggi. Sagði hann einnig að sam-
þykkti makedónska þingið ekki að
gera nauðsynlegar breytingar á
stjórnarskrá landsins „myndi það
ekki stuðla að friði“.
Vopnasöfnun
NATO er á áætlun
Búist við því að Makedóníuþing ræði
um breytingar á stjórnarskrá í dag
Brussel, London, Skopje. AP, AFP.
SÉRFRAMBOÐ Steinars Baste-
sens, Kystpartiet, stefnir á að koma
þremur mönnum inn á norska Stór-
þingið er Norðmenn ganga að kjör-
borðinu hinn 10. september næst-
komandi. Fylgi við Verkamanna-
flokkinn hefur aftur tekið dýfu, en á
dögunum mældist hann stærsti
flokkur Noregs í fyrsta sinn frá því
snemma í vor. Er fylgið nú 24,1%.
Inn á þing við
þriðja mann
Samkvæmt niðurstöðum skoðana-
könnunar sem Opinion gerði fyrir
dagblöð í Norður-Noregi og vitnað
er til í Aftenposten bendir allt til að
flokki Bastesens takist að tryggja
sér tvo þingmenn í kjördæminu
Nordland og einn í Troms-fylki.
Eins og nafnið bendir til eru
helztu baráttumál Kystpartiet að
beita sér fyrir hagsmunum sjávarút-
vegsbyggða Norður-Noregs. Stuðn-
ingur við flokkinn í Troms mældist
7,2%, sem nægir raunar ekki til að
koma að manni, en hann hefur hins
vegar aukist úr 4,1% á aðeins einni
viku.
Flokkur
Bastesens
í sókn