Morgunblaðið - 28.09.2001, Qupperneq 18

VIÐSKIPTI/ATHAFNALÍF
18 FÖSTUDAGUR 28. SEPTEMBER 2001 MORGUNBLAÐIÐ
DAGSKRÁ:
1. Kosning stjórnar.
2. Önnur mál.
K E F L A V Í K U R V E R K T A K A R
Stjórn Keflavíkurverktaka hf.
HLUTHAFAFUNDUR
KEFLAVÍKURVERKTAKA HF.
Stjórn Keflavíkurverktaka hf. boðar til
hluthafafundar í félaginu, sem haldinn
verður föstudaginn 5. október 2001
kl. 14:00 á Veitingahúsinu Ránni,
Hafnargötu 19a, Keflavík.
Hö
nn
un
:V
ík
ur
fré
tti
re
hf
Au
gl
ýs
in
ga
sm
ið
ja
00
6
STJÓRN Keflavíkurverktaka
hf. hefur boðað til hluthafa-
fundar í félaginu föstudaginn
5. október næstkomandi.
Þetta kom fram í tilkynningu
frá félaginu á Verðbréfaþingi
Íslands í gær. Þar sagði einn-
ig að Bjarni Pálsson hefði
fyrir hönd Eisch Holding SA,
sem er eigandi 40,4% hluta-
fjár í félaginu, óskað eftir því
að hluthafafundur yrði hald-
inn í félaginu við fyrsta
mögulega tækifæri. Sérstak-
lega var tekið fram að Bjarni
hefði óskað eftir því að í fund-
arboðinu kæmi fram að
stjórnarkjör yrði á dagskrá
fundarins.
Stjórnarmaður hættir
Einnig var greint frá því í
tilkynningu á Verðbréfaþingi
Íslands í gær að Skúli Skúla-
son, stjórnarmaður, hefði selt
allt hlutafé sitt í félaginu og
jafnframt sagt sig úr stjórn
þess.
Þá kom fram í tilkynning-
unni að Grétar Magnússon,
meðstjórnandi, tekur sæti
Skúla í stjórn félagsins.
Greint var frá því síðastlið-
inn þriðjudag að Eisch Hold-
ing hefði keypt hlutabréf í
Keflavíkurverktökum að
nafnvirði um 65,6 milljónir
króna. Hlutur Eisch Holding
í Keflavíkurverktökum jókst
við þessi kaup úr 20,1% í
40,4%. Bjarni Pálsson er eig-
andi Eisch Holding.
Keflavíkurverktakar eru
eina félagið sem er á tilboðs-
markaði Verðbréfaþings Ís-
lands. Lokaverð á hlutabréf-
um félagsins var í gær 4,60.
Hluthafafundur boð-
aður hjá Keflavík-
urverktökum
Stjórn-
arkjör
verður á
dagskrá
ÖLL efnahagsleg rök mæla með
skattalækkunum á fyrirtæki og yrðu
slíkar aðgerðir fyllilega í samræmi
við trausta og aðhaldssama efna-
hagsstefnu. Þetta er mat Bolla Þórs
Bollasonar, skrifstofustjóra efna-
hagsskrifstofu fjármálaráðuneytis-
ins, og kom fram á ráðstefnu við-
skiptafræðinema um skattaum-
hverfi fyrirtækja á Íslandi.
Bolli benti á að fyrir tæpum ára-
tug hafi staða efnahagsmála á Ís-
landi verið mjög ólík því sem nú er.
Íslensk fyrirtæki hafi ekki verið bú-
in undir að mæta auknu frjálsræði
og breytingum á alþjóðamarkaði,
fjármagnskostnaður hafi aukist með
tilheyrandi gjaldþrotum og atvinnu-
leysi. Við þessu hafi meðal annars
verið brugðist með skattalegum að-
gerðum, en tekjuskattar fyrirtækja
hafi þá verið mjög háir en einnig
hafi háir tekjuskattar og aðstöðu-
gjöld gert fyrirtækjum erfitt fyrir.
Tekjuskattar hafi því verið lækkaðir
niður í 33% árið 1993, aðstöðugjöld
felld niður og launagjöld samræmd
milli allra atvinnugreina. Þessar að-
gerðir hafi verið tímabærar og
skattalegt umhverfi með þeim orðið
með því besta sem þekktist meðal
OECD-ríkjanna. Sagði Bolli að
skattalækkunin hafi átt töluverðan
þátt í efnahagsuppsveiflu síðasta
áratugar.
Bolli sagði að á undanförnum ár-
um hafi enn á ný orðið verulegar
breytingar á rekstrarumhverfi fyr-
irtækja. Alþjóðaumhverfið hafi
breyst og skilað sér í aukinni fram-
leiðslu og auknum útflutningi. Þess-
um breytingum hafi hinsvegar fylgt
aukin samkeppni og ríkisstjórnir
ýmissa ríkja mætt henni með því að
lækka tekjuskatt og fellt niður
eignaskatt. Íslandi hafi þannig tapað
niður því forskoti sem náðist fyrir
tæpum áratug. Íslenskt atvinnulíf
búi því við erfiðar aðstæður að þessu
leyti.
Bolli sagði að skattalækkanir
myndu örva atvinnulífið, samkeppn-
isstaða yrði betri og skapaði for-
sendur fyrir uppbyggingu atvinnu-
lífs. Þar með myndi hagvöxtur
glæðast á nýjan leik. Hann sagði
fullvíst að meira en helmingur tekju-
taps ríkissjóðs vegna skattalækkana
myndi skila sér til baka með skatt-
lækkunum og líklega mun meira.
Hann benti á að tekjur ríkissjóðs
hafi tvöfaldast, þrátt fyrir lækkun
tekjuskattshlutfalls, sem væru mun
meiri áhrif en búist hefði verið við.
Morgunblaðið/Ásdís
Frá ráðstefnu viðskiptafræðinema Háskóla Íslands.
Skattaumhverfi fyrirtækja á Íslandi
Öll efnahagsleg
rök mæla með
skattalækkun
SÍMINN og Norðurljós hafa gert
með sér samkomulag um dreifingu
og endursölu á sjónvarpsrásum í
gegnum breiðband Símans. Þá nær
samkomulagið einnig til markaðs-
setningar á samstarfi fyrirtækjanna
og samvinnu um nýtt sjónvarpsefni.
Með samkomulaginu tekur Sím-
inn að sér dreifingu á sjónvarps-
stöðvum Norðurljósa, það er á Stöð
2, Sýn, Popptíví og Bíórásinni, í
gegnum breiðband Símans. Á breið-
varpinu verða því allar íslensku sjón-
varpsstöðvarnar, 28 erlendar sjón-
varpsstöðvar, flestar íslenskar
útvarpsstöðvar og 10 erlendar þema-
útvarpsstöðvar.
Norðurljós söluaðili fyrir breiðvarpið
Þórarinn V. Þórarinsson, forstjóri
Símans, sagði á blaðamannafundi
sem efnt var til í gær þegar hann og
Hreggviður Jónsson, forstjóri Norð-
urljósa, undirrituðu samkomulag
fyrirtækjanna, að um væri að ræða
mikinn áfanga, ekki einungis fyrir
fyrirtækin tvö heldur einnig fyrir
húseigendur. Þeir sem hafi aðgang
að breiðbandi Símans fái nú einfald-
an, öruggan og afbragðsgóðan að-
gang að sjónvarpi með miklu meiri
myndgæðum en áður hafi þekkst.
Hreggviður sagðist afar ánægður
með samkomulag fyrirtækjanna.
Norðurljós séu að verða söluaðilar
fyrir breiðvarp Símans, en það sé
stefna fyrirtækisins að geta boðið
viðskiptavinum Norðurljósa upp á að
velja um það sjónvarpsefni sem sé í
boði á markaðnum.
Breiðbandið nær til um 30 þúsund
heimila á höfðuborgarsvæðinu, eða
um 50% þeirra, og til flestra heimila
á Húsavík. Í Reykjanesbæ og Stykk-
ishólmi, Ísafirði, Egilsstöðum og Ak-
ureyri er uppbygging á breiðbandi
hafin en þjónusta er ekki tilbúin.
Fram kom á fundinum að stöðugt sé
unnið að frekari eflingu og út-
breiðslu breiðbandsins. Frá árinu
1995 hefur það verið lagt inn í öll ný
hverfi svo og þar sem veitustofnanir
hafa verið að endurnýja lagnir, svo
sem hitaveitu- eða neysluvatnslagn-
ir. Þórarinn V. Þórarinsson sagði að
gert væri ráð fyrir svipuðum upp-
byggingarhraða breiðbandsins á
næstu árum eins og verið hefur.
Samningur Símans og Norður-
ljósa gerir ráð fyrir að allir þeir sem
nú hafa breiðbandið og tengjast því í
framtíðinni muni eiga aðgang að
stöðvum Norðurljósa í gegnum það.
Fram kom á fundinum að viðskipta-
vinir Norðurljósa, sem hafa breið-
bandið, munu áfram nota sömu
myndlykla en geta nú tekið sjón-
varpsmerkið um breiðbandið, og
þurfa ekki að greiða sérstaklega fyr-
ir það.
Þeir Þórarinn og Hreggviður
sögðu að í bígerð væri frekara sam-
starf milli Símans og Norðurljósa
um nýjar sjónvarpsrásir og nýjung-
ar í sjónvarpsþjónustu, svo sem sam-
starf um stafrænt sjónvarp.
Stöðvar Norð-
urljósa á breið-
band Símans
Hreggviður Jónsson og Þórarinn V. Þórarinsson handsala samkomulagið.
LANDSVIRKJUN og Orkuveita
Reykjavíkur hafa skrifað undir vilja-
yfirlýsingu um sameiningu Tetralínu
og Stiklu í eitt fyrirtæki. Gert er ráð
fyrir að eigendur Tetralínu eignist
51% í nýju fyrirtæki og eigendur
Stiklu 49%.
Tetralína, áður Irja, er í eigu
Línu.Nets, sem Orkuveita Reykja-
víkur á að stærstum hluta, en Stikla
er að jöfnum hlutum í eigu Símans,
Tölvumynda og Landsvirkjunar, sem
Reykjavíkurborg á nærri helming í.
Annað kerfið verður selt
Sameiningin miðar að því að
byggja einungis eitt Tetra-kerfi upp
á landsvísu í stað tveggja kerfa á tak-
mörkuðum svæðum. Stikla og Tetra-
lína reka bæði Tetra-fjarskiptakerfi,
hið fyrrnefnda frá Nokia en hið síð-
arnefnda frá Motorola. Fram kom á
blaðamannafundi þar sem samein-
ingaráformin voru kynnt að tekið
yrði til athugunar að sameiningu lok-
inni hvort kerfið yrði notað. Síðan
yrði reynt að koma því kerfi sem ekki
verður notað í sem best verð.
Í tilkynningu segir að mikilvægt sé
vegna almenningshagsmuna að
neyðaraðilar hafi aðgang að einu og
sama kerfinu. Þannig verði öll sam-
hæfing og verkstjórn skilvirkari auk
þess sem rekstur kerfisins verði hag-
kvæmari.
Guðmundur Þóroddsson, forstjóri
Orkuveitu Reykjavíkur og stjórnar-
maður í Línu.Neti, segir Landsvirkj-
un og Orkuveituna verða kjölfestu-
fjárfesta í sameinuðu fyrirtæki en
símafyrirtækin tvö Landssíminn og
Lína.Net muni draga sig út úr
rekstrinum. Tölvumyndir munu
áfram eiga þar hlut og viðræður eru
hafnar um aðild Neyðarlínunnar.
Guðmundur segir að til hafi staðið að
sameina reksturinn NMT-kerfi
Landssímans og að Síminn og Lína.-
Net stæðu saman að rekstrinum en
Samkeppnisstofnun hafi gert at-
hugasemdir við það.
„Þá snerum við dæminu við og
ákváðum að orkufyrirtækin tækju
þetta að sér.“
Sameinaða fyrirtækið er metið á
um 1.100 milljónir króna og eigið fé
þess á um 500 milljónir. Eignir þess
eru metnar á um 900 milljónir króna.
Stefnt er að því að sameiningu verði
lokið um áramót.
Sameining Stiklu og Tetralínu
Eitt Tetra-kerfi
á landsvísu