Morgunblaðið - 28.09.2001, Page 19

DUFT
HÚÐUN
HÚSGÖGN
KLÆÐNINGAR
ÁL/STÁL PRÓFÍLAR
GATAPLÖTUR
OFL.OFL
FRÁBÆR
YFIRBORÐS MEÐHÖNDLUN
Ofnasmiðjan
Flatahrauni 13
220 Hafnarfirði
Leitið tilboða
hjá okkur.
Sími 555-6100 Fax 555-6110
VIÐSKIPTI/ATHAFNALÍF
ALÞJÓÐLEG ráðstefna um ábyrg-
ar fiskveiðar í vistkerfi sjávar verður
haldin í Reykjavík 1.–4. október
næstkomandi (Reykjavik Confer-
ence on Responsible Fisheries in the
Marine Ecosystem). Ráðstefnan
er haldin á vegum Matvæla-
og landbúnaðarstofnunar
Sameinuðu þjóðanna
(FAO) í boði íslenskra
og norskra stjórnvalda.
Megintilgangur ráð-
stefnunnar er að bæta
framkvæmd á Siða-
reglum FAO um ábyrgð í
fiskimálum (FAO Code of
Conduct for Responsible Fisheries),
einkum með því að auka vistkerfis-
nálgun við stjórn á nýtingu á lifandi
auðlindum hafsins. Stefnt er að því
að yfirlýsing ráðstefnunnar feli í sér
stefnumörkun á því sviði.
Yfirlýsingin verður lögð fyrir leið-
togafund FAO um fæðuöryggi síðar í
haust og leiðtogafund Sameinuðu
þjóðanna um sjálfbæra þróun sem
haldinn verður á næsta ári í tilefni af
því að tíu ár verða liðin frá Ríóráð-
stefnunni um umhverfi og þróun.
Ráðstefnan í Reykjavík er sérstak-
lega mikilvæg í ljósi þess að þetta er
eina alþjóðaráðstefnan um sjávarút-
vegsmál sem haldin er á vegum Sam-
einuðu þjóðanna fyrir leiðtogafund-
inn í Jóhannesarborg.
Helztu fiskveiðiþjóðir
heims á ráðstefnunni
Helstu fiskveiðiþjóðir heims eiga
fulltrúa á ráðstefnunni auk sjávarút-
vegsráðherra fjölmargra ríkja. Alls
taka um 450 manns þátt í ráðstefn-
unni, þar af um 380 erlendir frá 85
ríkjum. Er þetta umfangsmesta al-
þjóðaráðstefna sem haldin hefur ver-
ið hér á landi. Ráðstefnan verður
sett í Háskólabíói næstkomandi
mánudag, 1. október 2001, með
ávörpum Jacques Diouf, aðalfram-
kvæmdastjóra FAO, Halldórs Ás-
grímssonar utanríkisráðherra og
Otto Gregussen, sjávarútvegsráð-
herra Noregs. Lagt hefur verið til að
Árni M. Mathiesen sjávarútvegsráð-
herra verði forseti ráðstefnunnar.
Sameiginlegt verkefni íslenzkra
og norskra stjórnvalda og FAO
Ráðstefnan er sameiginlegt verk-
efni íslenskra og norskra stjórnvalda
og Matvæla- og landbúnaðarstofn-
unar Sameinuðu þjóðanna og er
markmið hennar að efla skilning um
heim allan á sjálfbærri og ábyrgri
nýtingu sjávarauðlinda og vistkerf-
unum sem þær eru hluti af.
Undirbúningur ráðstefnunnar
hefur staðið í rúm tvö ár en hug-
myndin að henni kom fram í heim-
sókn forseta Íslands og þáverandi
sjávarútvegsráðherra til höfuð-
stöðva Matvæla- og landbúnaðar-
stofnunar Sameinuðu þjóðanna
(FAO) í Róm í nóvember 1998. Ráð-
stefnan er haldin í Háskólabíói 1. til
4. október.
Á ráðstefnunni er ætlunin
að fara yfir bestu vísinda-
lega þekkingu á efninu og
ræða hvernig megi beita
umhverfisnálgun í aukn-
um mæli í nýtingu auð-
linda hafsins. Ætlunin er
að í pólitískri yfirlýsingu
ráðstefnunnar verði lagðar
línur um hvernig best er að
nálgast þetta verkefni og hefjast
handa. Búist er við þátttöku fjórtán
ráðherra sjávarútvegsmála á ráð-
stefnunni. Ráðstefnan er í þremur
meginhlutum. Setningarathöfn á
mánudagsmorgun er tvískipt. Í fyrri
hlutanum ávarpa Jacques Diouf, að-
alframkvæmdastjóri FAO, Halldór
Ásgrímsson utanríkisráðherra og
Otto Gregussen, sjávarútvegsráð-
herra Noregs, ráðstefnugesti. Í síð-
ari hluta gera fimm fyrirlesarar, sem
jafnframt eru fulltrúar ólíkra hags-
munahópa, grein fyrir sýn sinni á
efni ráðstefnunnar.
Síðdegis á mánudag hefst vísinda-
hluti ráðstefnunnar. Hann skiptist í
þrjá hluta. Í þeim fyrsta er rætt um
samspilið í vistkerfi hafsins, í næsta
er horft á hlutverk mannsins í vist-
kerfi hafsins út frá mismunandi sjón-
arhornum og þriðji hluti fjallar um
hvernig hægt er að flétta vistkerfis-
nálgun inn í fiskveiðistjórnun.
Þriðji meginhluti ráðstefnunnar
er alþjóðleg ráðstefna þar sem
sendinefndir ríkja ræða áherslur
sínar hvað varðar vistkerfisnálgun.
Dagskrá fundarins er á heimasíðu
ráðstefnunnar, www.refisheries-
2001.org. Þar er einnig að finna út-
drátt úr erindum og erindi í heild.
Umfangsmesta alþjóðaráðstefna
sem haldin hefur verið hér á landi
Ábyrgar fisk-
veiðar ræddar
Tilkynning vegna rafrænnar
skráningar hlutabréfa
Hlutabréfasjóðs
Búnaðarbankans hf.
Þann 20. desember árið 2001 verða hlutabréf Hlutabréfasjóðs
Búnaðarbankans hf. tekin til rafrænnar skráningar hjá Verðbréfaskráningu
Íslands hf. Þar af leiðandi verða engin viðskipti með hlutabréf félagsins þann
dag. Frá þeim tíma ógildast hin áþreifanlegu hlutabréf í félaginu í samræmi
við ákvæði laga og reglugerðar um rafræna eignaskráningu verðbréfa. Öll
hlutabréf í Hlutabréfasjóði Búnaðarbankans hf. verða tekin til rafrænnar
skráningar, en þau eru öll í einum flokki, auðkennd raðnúmerum frá 0-
41.530 og gefin út á nafn hluthafa. Útgáfudags er getið á hverju bréfi.
Skorað er á alla eigendur ofangreindra hlutabréfa, sem telja nokkurn vafa
leika á því að eignarhald þeirra sé réttilega fært í hlutaskrá Hlutabréfasjóðs
Búnaðarbankans hf., að staðreyna skráninguna með fyrirspurn til rekstraraðila
sjóðsins, Búnaðarbankans Verðbréfa, Hafnarstræti 5, 155 Reykjavík. Komi
í ljós við slíka könnun að eigendaskipti hafi ekki verið skráð ber eigendum
að færa sönnur á þau gagnvart félaginu fyrir nefndan dag. Ennfremur er
skorað á þá sem eiga takmörkuð réttindi til ofangreindra hlutabréfa, s.s.
veðréttindi, að koma þeim á framfæri við fullgilda reikningsstofnun þ.e.
viðskiptabanka, sparisjóð eða verðbréfafyrirtæki, fyrir skráningardag.
Athygli hluthafa er vakin á því að hin áþreifanlegu hlutabréf í félaginu
verða ógild sjálfkrafa og því er ekki þörf á að skila þeim til félagsins. Jafnframt
er vakin athygli á að ferli rafrænnar skráningar hefur engin áhrif á möguleika
hluthafa til að eiga viðskipti með hluti sína í félaginu.
Að lokinni rafrænni skráningu verða hluthafar að fela reikningsstofnun,
sem hefur gert aðildarsamning við Verðbréfaskráningu Íslands hf., að hafa
umsjón með eignarhlut sínum í félaginu til að geta framselt hluti sína svo
sem vegna sölu eða skipta. Hluthöfum félagsins verður nánar kynnt þetta
bréfleiðis.
Stjórn Hlutabréfasjóðs Búnaðarbankans hf.
F
í
t
o
n
/
S
Í
A

F
I
0
0
3
3
7
4
ÞJÓÐHAGSSTOFNUN hefur nú
birt öðru sinni ársfjórðungslega
þjóðhagsreikninga og eru helstu nið-
urstöður fyrir 2. ársfjórðung þær að
landsframleiðslan er metin 3% meiri
en á 2. fjórðungi ársins 2000. Í frétt
frá Þjóðhagsstofnun segir að þessar
niðurstöður sýni enn talsverðan vöxt
í hagkerfinu þótt verulega hafi úr
honum dregið frá 1. ársfjórðungi.
Endurskoðuð tala um hagvöxt á 1.
fjórðungi ársins sýnir nú 6% vöxt á
þeim ársfjórðungi í samanburði við
sama ársfjórðung árið áður. Fjár-
festing dróst saman um rúm 20% á
2. ársfjórðungi 2001 miðað við 2. árs-
fjórðung 2000. Á sama tíma dróst
einkaneysla saman um 1% en sam-
neysla óx um tæp 4% og útflutning-
ur um tæp 6%. Innflutningur dróst
hins vegar saman um tæp 15%.
Verulegur samdráttur í innflutn-
ingi einkabifreiða hefur mikil áhrif á
einkaneyslu á þessu ári, samkvæmt
frétt Þjóðhagsstofnunar, en í þjóð-
hagsreikningum eru kaup á einka-
bifreiðum færð sem einkaneysla á
kaupári þótt um sé að ræða útgjöld
sem heimilin líta á sem fjárfestingu.
„Mat á ársfjórðungslegum þjóðhags-
stærðum getur breyst nokkuð í tím-
ans rás. Eins og eðlilegt er þá breyt-
ast tölur um nýliðna tíð mest. Þegar
einkaneysla 1. fjórðungs ársins 2001
var metin í júní sl. lágu fyrir tölur
um veltu einstakra atvinnugreina í
janúar og febrúar. Nú hafa bæst við
tölur um veltu í mars og apríl auk
fleiri gagna sem nýtast við mat á
einkaneyslu fyrsta ársfjórðungs,“
segir í frétt Þjóðhagsstofnunar.
Bent er á að ársfjórðungslegar
þjóðhagsstærðir fyrir tímabilið
1997–2000 breytist einnig miðað við
þær tölur sem birtar voru í júní.
Ástæðan sé sú að árstölur hafa verið
endurskoðaðar og mestu skipti
breytingar á mati á einkaneyslu.
„Vert er að vekja athygli á því að
þær reikningslegu aðferðir sem not-
aðar eru til að áætla ársfjórðung-
stölur í nokkrum tilfellum leiða til
þess að allar ársfjórðungstölur
breytast þegar ein árstala breytist.
Mati á birgðabreytingum hefur ver-
ið breytt þannig að nú eru ársfjórð-
ungslegar birgðabreytingar fyrir ál
og kísiljárn metnar með sömu að-
ferðum og notaðar hafa verið við mat
á árlegum birgðabreytingum í stað
þess að beita reikningslegum aðferð-
um til að skipta þeim niður á árs-
fjórðunga,“ segir í frétt Þjóðhags-
stofnunar.
Landsframleiðslan á 2. ársfjórðungi metin 3% meiri en á 2. ársfjórðungi í fyrra
Enn vöxtur
í hagkerfinu
MORGUNBLAÐIÐ FÖSTUDAGUR 28. SEPTEMBER 2001 19