Morgunblaðið - 28.09.2001, Qupperneq 46

AP
Brúðarkjóll frá Gianfranco Ferre.
Í VIKUNNI hefur staðið yfir mik-
il tískuveisla í ítölsku borginni
Mílanó. Margir af nafntoguðustu
hönnuðum í dag afhjúpuðu þar
vor- og sumarlínu sína fyrir árið
2002 enda ekki seinna vænna því
kuldaskræfur eru vafalítið nú
þegar farnar að láta hugann
reika fram til betri tíðar.
Merkja mátti að hryðjuverkin í
Bandaríkjunum sitja enn þá mjög
í tískuheiminum. Notuðu sumir
hönnuðir sviðsljósið til þess að
halda fram skoðunum sínum á
ástandi heimsmálanna og voru
áherslur ólíkar eins og gengur og
gerist. Á meðan sumir hvöttu til
friðsamlegra lausna ólu aðrir á
þjóðerniskennd og stolti því sem
borið hefur svo mjög á vest-
anhafs í kjölfar árásanna.
Ítölsku hönnuðirnar Dominico
Dolce og Stefano Gabbana tóku
upp á því að gefa öllum áhorf-
endum á tískusýningu sinni í Míl-
anó í gær, stuttermabol með
skilaboðunum „Ég elska New
York“. Sýningarstúlkurnar
klæddust einnig bolunum. Þeir
gera þetta til heiðurs fórn-
arlömbum hryðjuverkaárásanna á
tvíburaturnana World Trade
Center í New York hinn 11. sept-
ember.
Áhrifa hryðjuverkanna gætir
ennfremur á tískuhátíðinni í því
að öryggisgæsla hefur verið hert
til muna og er framkvæmd hátíð-
arinnar með töluvert breyttu
sniði þess vegna.
Enn frekari áhrifa mun þó
væntanlega gæta á tískuvikunni í
París sem hefst 5. október. Cerr-
uti hefur fyrir það fyrsta aflýst
þátttöku sinni vegna hryðjuverk-
anna á meðan aðrir sem þátt
munu taka hafa lýst yfir að þeir
muni leggja sig í líma til að sýn-
ing þeirra verði ekki á nokkurn
hátt meiðandi eða tillitslaus í
garð þeirra sem eiga um sárt að
binda.
Þannig hafa Gaultier og
Miyake tilkynnt að þeir hafi
breytt sínum sýningum og gert
þær tilhlýðilegri.
AP
Dolce & Gabbana dreifði til gesta á
sýningu sinni bolum með áletruninni
„Ég elska New York“.
AP
Ítalska leikkonan Rosalinda Cel-
entano kom fram í fötum frá
Gattinoni og hélt á friðarkerti.
AP
„Engin vörumerki“ er kald-
hæðnisleg fyrirskipun frá
Dolce & Gabbana.
Reuters
Lorenzo Riva
Reuters
Biblos Gattinoni
Reuters
Gattinoni
Reuters
Rocco Barocco
Ég elska New York!
Fórnarlömb hryðjuverkanna studd á tískuvikunni í Mílanó
Reuters
De Brecco
De
Brecco
Reuters
APReuters
Rocco
Barocco
FÓLK Í FRÉTTUM
46 FÖSTUDAGUR 28. SEPTEMBER 2001 MORGUNBLAÐIÐ