Morgunblaðið - 09.10.2001, Blaðsíða 14
HÖFUÐBORGARSVÆÐIÐ
14 ÞRIÐJUDAGUR 9. OKTÓBER 2001 MORGUNBLAÐIÐ
Nokkur frábær fyrirtæki
1. Raftækjaversl. Suðurveri er til sölu vegna veikinda eiganda.
Verslunin hefur verið starfrækt í húsinu frá því að það var byggt.
Vaxandi velta enda staðsetningin frábær og verður alltaf betri
og betri. Sérhæfir sig í skermum og fylgihlutum. Besti tími ársins
framundan. Laus strax. Einnig hentugur staður fyrir aðra starf-
semi. Mikil bílaumferð er framhjá allan sólarhringinn. Frábært
fyrir hjón.
2. Sælgætis- og skyndibitastaður á frábærum stað. Skyndibitasalan
er helmingur af sölunni. Mjög góð framlegð og mikil velta. Glæsi-
legur tækjakostur og innréttingar, það besta sem gerist. Skipti
á fasteign möguleg. Tvær bílalúgur og upphitað plan. Er einnig
með góða myndbandaleigu, mjög tæknivædda. Eigið húsnæði
sem gæti einnig verið með til sölu. Ótrúlega hagstætt verð.
3. Bakarí sem rekið hefur verið með hagnaði undanfarin ár og í
stöðugum vexti. Hefur tvo sölustaði og marga fasta stóra við-
skiptavini. Er á stór-Reykjavíkursvæðinu.
4. Falleg blómabúð sem selur einnig gjafavörur. Mikil viðskipti
við skreytingar, t.d. brúðkaup. Hægt að yfirtaka lán fyrir öllu
kaupverðinu á fasteignatryggingar.
5. Umboð fyrir einum stærsta pöntunarlista heims. Vel þekktur
hér á landi og hægt að hafa í heimahúsi, hentar vel fyrir heima-
vinnandi fólk eða með öðru. Sýnishorn á staðnum.
6. Nýlega endurnýjuð hársnyrtistofa til sölu í gömlu rótgrónu hverfi.
Mikil viðskipti. 5 stólar.
Erum með úrval fyrirtækja á skrá hjá okkur á hverjum tíma.
Upplýsingar aðeins á skrifstofunni.
MISLÆG gatnamót Breiðholts-
brautar, Nýbýlavegar og Reykja-
nesbrautar voru formlega tekin í
notkun í gær. Með tilkomu gatna-
mótanna er umferð um Reykjanes-
braut orðin hindrunarlaus þar sem
Breiðholtsbraut og Nýbýlavegur
tengjast nú á brú yfir Reykjanes-
braut.
Mikil umferð fer um þessi gatna-
mót og áður mynduðust oft miklar
umferðarteppur sem nýju gatna-
mótin eiga að koma í veg fyrir.
Áætlað er að um 50 þúsund bílar
fari um gatnamótin á hverjum sól-
arhring og að þeim komi til með að
fjölga í 100 þúsund fyrir árið 2030
þar sem umferðin eykst ört með
vaxandi byggð í Kópavogi, Hafn-
arfirði og Garðabæ.
Til stendur að leggja stíga og
gera undirgöng fyrir gangandi
vegfarendur um svæðið á næstunni
til að tengja stígakerfi nærliggj-
andi sveitarfélaga.
Gerð gatnamótanna er sam-
starfsverkefni Vegagerðarinnar,
Reykjavíkurborgar og Kópavogs-
bæjar og á öllum framkvæmdum að
verða að fullu lokið 1. júlí 2002.
Mislægu gatnamótin við Breiðholtsbraut tekin í notkun
Vaxandi umferð næstu árin
Morgunblaðið/Þorkell
Áætlað er að um 50 þúsund bílar muni fara um gatnamótin á hverjum sólarhring fyrst í stað.
Morgunblaðið/Þorkell
Sigurður Geirdal, bæjarstjóri Kópavogs, Ingibjörg Sólrún Gísladóttir
borgarstjóri og Sturla Böðvarsson samgönguráðherra voru kampakát
þegar þau klipptu á borðann og opnuðu þar með formlega mislæg
gatnamót Breiðholtsbrautar, Nýbýlavegar og Reykjanesbrautar.
Reykjanesbraut
VIÐ gerð svæðisskipulags á höf-
uðborgarsvæðinu var gerð ítarleg
spá um íbúaþróun á höfuðborg-
arsvæðinu fram til ársins 2032 og
íbúaþróunin sl. áratugi skoðuð.
Það sem hefur mest áhrif á fólks-
fjöldaþróunina er fæðingartíðni,
flutningur fólks til og frá lands-
byggðinni og flutningur fólks til og
frá landinu.
Forsendur fólksfjölgunar
Ef skoðaðar eru tölur um fæð-
ingartíðni á Íslandi frá árinu 1855,
mælt í fæddum stúlkubörnum á
hverja konu, kemur í ljós að fæð-
ingum fækkar hratt eftir 1960. Það
á væntanlega sínar skýringar í
breyttum þjóðfélagsháttum og
mikilli aukningu kvenna úti á
vinnumarkaði.
Nú er svo komið að fæðingar
eru að meðaltali ríflega eitt stúlku-
barn á hverja konu sem er svipað
og í öðrum vestrænum löndum og
er ekki búist við að mikil breyting
verði þar á næstu árin.
Fólksfjöldi á höfuðborgarsvæð-
inu sem hlutfall af heildarfjölda
landsmanna hefur aukist mikið.
Fólki á höfuðborgarsvæðinu hefur
fjölgað úr því að vera um 22%
landsmanna árið 1920 í um 60%
árið 1998. Fólksaukningin var
nokkuð jöfn á síðustu öld en þó
komu fyrir tvö áberandi tímabil
þar sem fólksfjöldaþróunin og að-
streymið til höfuðborgarsvæðisins
breytist. Fyrra tímabilið var í síð-
ari heimsstyrjöldinni þegar fólk
flutti mikið til höfuðborgarinnar í
atvinnuleit. Síðara tímabilið var á
áttunda áratug eftir útfærslu fisk-
veiðilandhelginnar og stækkunar
fiskveiðiflotans, einkum utan
höfuðborgarsvæðisins en þá hægði
á fólksfjölgun á höfuðborgarsvæð-
inu.
Ef sama þróun yrði áfram væru
allir landsmenn samankomnir á
höfuðborgarsvæðinu eftir um 70
ár. Slík þróun er sem betur fer
ekki líkleg og hefur í þessari áætl-
un verið gert ráð fyrir að nokkuð
dragi úr búferlaflutningum af
landsbyggðinni til höfuðborgar-
svæðisins og að um 70% lands-
manna búi á höfuðborgarsvæðinu í
lok skipulagstímans árið 2024.
Íbúum á höfuðborgarsvæðinu
fjölgar því samkvæmt þessari spá
úr 168.000 árið 1998 (voru 175.000
árið 2000) í um 228.000 árið 2024
eða um 60.000 manns. Náttúrleg
fjölgun núverandi íbúa svæðisins
er talin verða um 30.000 á þessum
tíma þannig að um helmingur
aukningarinnar verður aðflutt fólk
af landsbyggðinni eða frá útlönd-
um.
Á meðfylgjandi línuriti má sjá
aldurssamsetningu íbúa á höfuð-
borgarsvæðinu.
Ef aldurssamsetning íbúanna er
skoðuð sést á línuritinu hvernig
mismunandi aldurshópum fjölgar.
Á línuritinu er íbúunum skipt í 20
ára hópa, þeir yngstu 0-19 ára, síð-
an 20-39, 40-59 og þeir elstu allir
þeir sem eru 60 ára og eldri. Með-
alfjölgun allra aldurshópa er 34%
á tímabilinu en mjög misjafnt er
hvernig einstökum aldurshópum
fjölgar.
Yngsti hópurinn stækkar um
12% meðan sá elsti stækkar um
105% sem táknar að fullorðnu fólki
fjölgar mikið umfram aðra aldurs-
hópa. Allt sem viðkemur ungu
fólki fjölgar því ekki í samræmi
við fólksfjölgun allt frá barnadeild-
um spítala til framhaldsskóla. Hins
vegar fjölgar mjög ýmsum afþrey-
ingar- og þjónustustofnunum fyrir
aldraða á tímabilinu eins og þegar
eru farin að sjást merki um varð-
andi hjúkrunarheimili fyrir aldr-
aða.
Kynning á svæðisskipulags-
tillögu fyrir almenning
Almenningi er boðið til kynn-
ingar á svæðisskipulagstillögu fyr-
ir höfuðborgarsvæðið í Ráðhúsi
Reykjavíkur í dag milli kl. 16 og
21. Skipulagstillagan verður kynnt
í máli og myndum í Tjarnarsal
Ráðhússins og munu skipulagssér-
fræðingar sitja fyrir svörum milli
kl. 16:30 og 17:30. Þá munu for-
svarsmenn skipulagsmála sveitar-
félaganna á höfuðborgarsvæðinu
svara spurningum almennings
milli kl. 18 og 19.
Sigurður Einarsson, formaður
samvinnunefndar um svæðisskipu-
lag höfuðborgarsvæðisins, segir
skipulagið koma til með að hafa
mikla þýðingu fyrir svæðið. „Þeg-
ar hefur vinna við skipulagið orðið
til þess að efla samstarf milli sveit-
arfélaganna á svæðinu,“ segir Sig-
urður. „Með skipulagsvinnunni
hefur vilji til samstarfs aukist á
mörgum sviðum. Ég er sannfærð-
ur um að skipulagið muni efla
þetta samstarf enn frekar í fram-
tíðinni. Með því munu fást betri
upplýsingar um heildarþróunina á
svæðinu og sveitarfélögin verða
betur í stakk búin að takast á við
ýmis vandamál sem upp koma.“
Ýmsar forsendur fyrir fólksfjölg-
unarspám í Reykjavík og nágrenni
Fjölgun um
60.000 manns
næstu tvo
áratugi
Höfuðborgarsvæðið
Í VETUR mun Reykjavíkur-
borg, í samstarfi við Borg-
arfræðasetur Háskóla Ís-
lands, standa að morgun-
verðarfundaröð um málefni
borgarinnar. Fundaröðin
nefnist „Reykjavík í bítið“ og
verður fyrsti fundurinn á
morgun, miðvikudag. Hefst
hann kl. 8:30 á Grand hóteli
og verður að þessu sinni
fjallað um framtíð Vatnsmýr-
arinnar og þá uppbyggingu
sem þar er framundan. Páll
Skúlason, rektor Háskólans,
mun fjalla um þróun háskóla-
svæðisins og þá verður fyr-
irhugað þekkingarþorp einnig
til umræðu.
Fundurinn er öllum opinn,
en þátttakendur skulu skrá
sig á netfangið asakolka-
@rhus.rvk.is.
Aðgangseyrir er 1.000
krónur og er morgunverður
innifalinn.
Fundir
um mál-
efni borg-
arinnar
Vatnsmýrin