Morgunblaðið - 09.10.2001, Blaðsíða 18
LANDIÐ
18 ÞRIÐJUDAGUR 9. OKTÓBER 2001 MORGUNBLAÐIÐ
Uppsettur í Auðbrekku 23, Kópavogi.
VESTAN ehf.,
Auðbrekku 23, Kópavogi,
s. 554 6171 og 898 4154.
Nýtísku granítáferð. Tvöfalt
vatnsnuddkerfi og loftnudd.
Marglit ljós o.fl. o.fl.
Stærð 2,35x2,35 m, 1.450 l.
Sértilboð kr. 680 þús.
Var kr. 900 þús.
Glæsilegur
acryl-nuddpottur
BÚNAÐARBANKINN Verðbréf
undirritaði nýlega kaupsamning við
Kjötumboðið hf. um kaup á eignum
þess á Hellu og í Þykkvabæ fyrir
hönd hóps bænda úr þremur sýslum
á Suðurlandi. Um er að ræða
stórgripasláturhús og pakkhús á
Hellu og sauðfjársláturhús í
Þykkvabæ. Kaupverð fasteignanna
þriggja er 45 milljónir króna.
Nýlega var haldinn undirbúnings-
fundur að stofnun hlutafélags um
kaup á sláturhúsinu á Hellu. Það
eru tólf bændur úr Rangárvalla-
sýslu, V.- Skaftafellssýslu og Árnes-
sýslu ásamt þeim Þorgils Torfa
Jónssyni, fyrrv. markaðs- og fram-
leiðslustjóra Þríhyrnings hf., og
Guðmari Jóni Tómassyni, sláturhús-
stjóra á Hellu, sem standa að stofn-
un félagsins. Á fundinum voru einn-
ig þeir Róbert Jónsson, frá
Atvinnuþróunarsjóði Suðurlands,
og Sigurður Sigurjónsson, lögmaður
á Selfossi.
Hlutafé var ákveðið 22 milljónir
króna og að lágmarks hlutur yrði 70
þúsund krónur. Mismunurinn verð-
ur greiddur með yfirtöku á lánum.
Til stendur að safna hlutafénu á
næstu dögum meðal bænda á Suður-
landi, þjónustuaðila við sláturhúsið
á Hellu, kjötkaupenda og annarra
velunnara þess að starfsemi slátur-
hússins fari aftur í gang. Einnig
verður leitað til sveitarfélaga á Suð-
urlandi um hlutafé. Ef hlutafjár-
söfnun fer eins og vonir standa til
verður stofnfundur félagsins sem
mun heita Sláturhúsið Hellu hf.
haldinn miðvikudaginn 10. október
nk. kl. 10:00. Verður þá tekin
ákvörðun um stjórn sem síðan ræð-
ur framkvæmdastjóra til starfa.
Hefja bráðlega starfsemi
Að sögn Þorgils Torfa Jónssonar
hefur engin slátrun farið fram í hús-
inu síðastliðna þrjá mánuði en takist
stofnun hlutafélagsins standa vonir
til að hún geti hafist um eða eftir
miðjan mánuðinn. Starfsemin kem-
ur til með að verða með sama sniði
og áður en þarna fór fram stórgripa-
slátrun og úrbeining á kjöti. Slát-
urgripir koma frá bændum úr
Rangárvalla-, Árnes- og V.-Skafta-
fellssýslum en einnig hafa A.- Skaft-
fellingar sýnt áhuga og sagði Torfi
að þeim yrði líka boðin aðild að fé-
laginu og að senda gripi sína til
slátrunar á Hellu.
Til að byrja með er um að ræða
störf fyrir sex manns en vonast er til
að starfsemin vaxi og dafni og bæta
megi við starfsmönnum í fyllingu
tímans.
Pakkhúsið á Hellu, sem hýst hef-
ur bygginga- og búvörudeild, hefur
hópurinn ekki í hyggju að reka
áfram og verður það selt. Einnig er
fyrirhugað að selja sláturhúsið í
Þykkvabæ en þar fór áður fram
sauðfjárslátrun. Ef úreldingarbæt-
ur fást út á þá fasteign á Kjötum-
boðið rétt á þeim og mun kvöðum
verða þinglýst á eignina.
Vilja hefja starf-
semi sláturhúss-
ins á Hellu á ný
Morgunblaðið/Anna Ólafsdóttir
Unnur Þórðardóttir, Guðmar Jón Tómasson, Þorgils Torfi Jónsson og
Ragnheiður Sigurðardóttir í tómum sal sláturhússins á Hellu, en vonast
er til að þar verði „líflegra“ innan hálfs mánaðar.
Hella
ÞAÐ var glatt á hjalla í félagsheimilinu Klifi í Snæ-
fellsbæ þegar eldri borgarar hófu vetrarstarfið á ný
eftir langt og gott sumar. Félag eldri borgara í Snæ-
fellsbæ var stofnað á síðastliðnu ári og stendur fyrir
ýmiss konar félagsstarfi ásamt því að vera hags-
munasamtök. Samverustund er í hverri viku á Klifi
og geta félagar ýmist tekið í spil eða unnið handa-
vinnu sína í góðum félagsskap. Boðið er upp á kaffi-
veitingar á vægu verði en einnig er hægt að kaupa
ýmislegt til handavinnunnar, svo sem úr gifsi og tré. Morgunblaðið/Elín Una
Eldri borgarar
hittast á ný
Ólafsvík
STJARNI, sem að líkindum er
einn elsti hestur landsins, er orð-
inn 35 vetra gamall. Hann er
fæddur og uppalinn til 6 vetra
aldurs í Kálfskinni á Árskógs-
strönd, en síðastliðin 29 ár hefur
hann hins vegar verið í eigu Ár-
manns Rögnvaldssonar í Syðri-
Haga á Árskógsströnd.
Ármann segir að hesturinn sé
enn notaður lítillega, í styttri
ferðir með ferðamenn, en ferða-
þjónusta er hluti af búskapnum í
Syðri-Haga. Einkum er hann not-
aður fyrir alls óvana, sem teymt
er undir. Ekki er vogandi að
sleppa ferðamönnum einum á
honum því að hann er mjög vilj-
ugur og vill gjarnan hlaupa þeg-
ar komið er á bak honum.
Í Syðri-Haga eru 11 hestar,
sem aðallega eru notaðir fyrir
ferðamenn og til að fara á í
göngur.
Stjarni í Syðri-Haga einn elsti hestur landsins er enn í fullu fjöri.
Í fullu fjöri 35 vetra
Ólafsfjörður
Morgunblaðið/Helgi Jónsson
MÁLÞING um jafnrétti í samstarfi
foreldra við fæðingu barns með yfir-
skriftinni Það læra börn … var haldið
í Stykkishólmi nýverið á vegum Jafn-
réttisstofu. Þingið er hið þriðja í röð
fjögurra, sem ætlað er að fylgja eftir
nýjum fæðingar- og foreldraorlofs-
lögum, vekja athygli á þeim og um-
ræðu um þau. Hin fyrri tvö voru hald-
in á Akureyri og Reyðarfirði og hið
síðasta verður í Reykjavík í nóvember
nk.
Þrjátíu konur og karlar víðs vegar
af landinu sóttu málþingið í Stykkis-
hólmi. Jón Kristjánsson, heilbrigðis-
og tryggingamálaráðherra, setti
þingið og fjallaði um tilkomu og til-
gang laganna. Katrín B. Ríkarðsdótt-
ir, sérfræðingur á Jafnréttisstofu,
greindi frá umræðum og niðurstöðum
frá fyrri þingunum og Þorgerður Ein-
arsdóttir, lektor við HÍ, fjallaði um
rannsókn sem hún gerði í tengslum
við verkefni Reykjavíkurborgar um
fæðingarorlof nokkurra karla.
Fyrirlesarar í pallborðum voru Ró-
bert Jörgensen, framkvæmdastjóri
St. Franciskusspítala, Aðalheiður
Lára Guðmundsdóttir, móðir í fæð-
ingarorlofi, Ólafur Þ. Stephensen rit-
stjóri, Hrefna Ólafsdóttir og Nanna
Sigurðardóttir félagsráðgjafar, Einar
Karlsson, formaður Verkalýðsfélags
Stykkishólms, og Óskar Eyþórsson
skipstjóri.
Fjallað var um fæðingar- og for-
eldraorlof, ábyrgð foreldra, vinnu-
markaðar og stjórnvalda, og hag
barnsins í nútímaþjóðfélagi. Þar kom
fram sú mikla breyting sem orðið hef-
ur á fjölskyldumunstri Íslendinga á
síðari árum, en nú er hin dæmigerða
kjarnafjölskylda, pabbi, mamma og
börn komin í minnihluta meðal barna-
fjölskyldna. Mikið var rætt um breytt
hlutverk feðra og þar með mæðra og
áhrif þess á uppeldi barna. Þá varð
mikil umræða um fæðingardeildir í
heimahéraði, mikilvægi þeirra og
áhættuþætti og byggða-, stétta-,
kynja- og einstaklingsbundinn mun á
möguleikum til að nýta orlofið. Tekin
voru til umræðu dæmi um mæður og
feður sem lenda milli stóla við út-
reikning á greiðslum úr fæðingaror-
lofssjóði og bent á hvernig slík mis-
munun bitnar á börnum þeirra.
Umræður voru fjörugar og vakti
ekki síst athygli hversu fjölbreytt
sjónarmið komu fram, enda ekki á
hverjum degi sem afar og ömmur,
ungbörn, mæður þeirra og feður,
forstjórar, skipstjórar, læknar, hjúkr-
unarfræðingar og forsvarsmenn
verkalýðsfélaga sitja að spjalli við
ráðherra, sveitarstjórnarfólk og sér-
fræðinga um málefni barna, mæðra
og feðra.
Málþing um jafnrétti í samstarfi foreldra við fæðingu barns
Það læra börn ...
Morgunblaðið/Gunnlaugur Árnason
Mæður sem hafa eignast börn á þessu ári höfðu ástæðu til að mæta á ráðstefnuna og taka þátt í umræðum.
Stykkishólmur
Frá vinstri Kristján Jósteinsson frá Jafnréttisstofu, Róbert Jörgensen,
framkvæmdastjóri sjúkrahússins í Stykkishólmi, Einar Karlsson, formað-
ur Verkalýðsfélagsins í Stykkishólmi, og Óskar Eyþórsson skipstjóri.
Hrei
nsum
viðar-, rimla-,
strimla-, plíseruð-
og sólargluggatjöld.
Hlíðarhjalla 26, s. 897 3634.