Morgunblaðið - 09.10.2001, Blaðsíða 16

AKUREYRI
16 ÞRIÐJUDAGUR 9. OKTÓBER 2001 MORGUNBLAÐIÐ
FJÓRÐUNGSSJÚKRAHÚSIÐ
Á AKUREYRI
Aðstoðarmaður á
myndgreiningardeild
Staða aðstoðarmanns við myndgreiningardeild er laus
til umsóknar frá og með 26. október nk. Starfshlutfall
er 80% en verður tímabundið hærra í upphafi. Næsti
yfirmaður er yfirgeislafræðingur. Starfið er fólgið í því
að taka til gögn vegna rannsókna, frágangi á þeim,
bókanir í tölvukerfi, umönnun sjúklinga og fleira.
Æskilegt er að umsækjandi hafi grunntölvukunnáttu,
góða framkomu og þjónustulund. Vinnutími getur ver-
ið breytilegur frá mánudegi til föstudags á dagvinnu-
tíma auk tilfallandi helgarvinnu. Laun eru samkvæmt
kjarasamningi STAK og fjármálaráðherra.
Umsóknir á þar til gerðum eyðublöðum skulu berast
fyrir 19. október nk., ásamt fylgiskjölum, til Laufeyjar
Baldursdóttur, yfirgeislafræðings, sem jafnframt veitir
nánari upplýsingar í síma 463 0257 eða í netfang
laufeyb@fsa.is .
Öllum umsóknum verður svarað.
GRÍÐARLEG úrkoma var á Akur-
eyri á laugardagskvöld og fram á
sunnudagsmorgun. Úrkoman mæld-
ist 52 mm frá kl. 18 á laugardag og
fram til kl. 9 á sunnudagsmorgun og
mun það vera metúrkoma, að sögn
Björn Snorrasonar aðstoðarvarð-
stjóra hjá Lögreglunni á Akureyri.
„Þetta var ekki rigning heldur
buna,“ sagði Björn.
Slökkvilið Akureyrar var kallað
til aðstoðar vegna vatnsleka í íbúð-
arhúsi við Stekkjargerði og einnig
vegna þess að vatn flæddi upp um
niðurföll í kjallara við Skólastíg. Þá
voru starfmenn Akureyrarbæjar
kallaðir út um miðnætti vegna
vatnselgs í miðbænum og lokaði lög-
reglan miðbænum í rúma klukku-
stund vegna þessa.
Betur fór en á horfðist í húsinu
við Stekkjargerði og tjónið minna
en talið var í fyrstu. Kristján Skarp-
héðinsson húsráðandi þar vaknaði
upp við vondan draum um kl. 4.30
en þá hafði vatn flætt í gegnum loft-
ventla á þaki hússins og niður í stofu
og salerni.
Á húsi Kristjáns er nokkuð flatt
þak, þó með halla að niðurfalli inni á
þakinu og köntum út við þakbrún.
Laufblöð höfðu stíflað niðurfallið,
þar myndast 30-40 cm djúpur pollur
og því flæddi vatn inn um loftventl-
ana. Kristján fékk aðstoð frá 5
slökkviliðsmönnum sem hann sagði
hafa verið vel tækjum búna og
kunnað til verka. Dælt var af þaki
hússins og niðurfallið svo hreinsað
en við það myndaðist loftrúm og
flæddi þá vatn upp um niðurföll í
kjallara hússins og í sturtubotni
uppi.
Hundruð lítra í kjallaranum
Kristján sagðist ótryggður fyrir
tjóni sem þessu en hann taldi sig
hafa sloppið ótrúlega vel, þrátt fyrir
að hundruð lítra hafi flætt í kjall-
arann og töluvert magn lekið niður í
stofu og salerni uppi. „Það skipti
sköpum að ég þurfti á salernið þetta
snemma og eins ég sagði við konuna
þá hefði ég ekki boðið í þetta ef við
hefðum sofið til kl. 7,“ sagði Krist-
ján.
Ingimar Eydal varðstjóri hjá
Slökkviliði Akureyrar sagði að þar á
bæ hafi menn verið í startholunum
en að það hafi komið sér á óvart
hversu langt var liðið á nóttina áður
en leitað var eftir aðstoð þeirra,
miðað við hversu mikil úrkoma var.
Það sé hins vegar til marks um að
nýja dælukerfið á Eyrinni virki
mjög vel.
Vatnselgur í miðbænum
Jóhann Jóhannsson verkstjóri hjá
Akureyrarbæ sagði að vegna sjáv-
arstöðunnar hafi verið töluverður
mótþrýstingur í lögnum í sjónum og
því hafi myndast mikill vatnselgur í
miðbænum. Starfsmenn bæjarins
hafi unnið að því að hreinsa niðurföll
og veita vatninu í réttan farveg.
Hann sagði að vel hafi verið fylgst
með niðurföllum og dælustöðvum og
að ekki hafi komið til neinna vanda-
mála, þrátt fyrir þessa gríðarlegu
úrkomu. Starfsmenn bæjarins stóðu
vaktina frá miðnætti á laugardags-
kvöld og fram eftir degi á sunnudag
og fór allt vel að sögn Jóhanns.
Metúrkoma á Akureyri um helgina
„Þetta var ekki rign-
ing heldur buna“
VERIÐ er að leggja bundið slitlag á
Kröfluveg um 5 km leið frá hring-
vegi austan Námafjalls norður und-
ir virkjun. Verkið var boðið út síð-
sumars og bauð Iðufell, fyrirtæki
Vilhjálms Konráðssonar, hagstæð-
ast í uppbyggingu vegarins allt
norður að Víti um 8,5 km. Nú eru
þeir að skila af sér fyrsta hluta
verksins og munu halda áfram
fram á haustið eftir því sem tíð-
arfarið gefur tilefni til, en verkinu í
heild á að ljúka næsta sumar.
Bygging Kröfluvirkjunar hófst
fyrir alvöru 1975 og uppbyggður
malarvegur var lagður 1976. Síðan
hefur umferð á þessari leið farið
mjög vaxandi, ekki síst ferðamann-
aumferð, en vegurinn opnaði mönn-
um aðgang að vinsælum ferða-
mannastöðum svo sem Víti,
Leirhnjúk, Hrafntinnuhrygg og
Gjástykki. Fram undir 1990 var
vegurinn í eigu Landsvirkjunar en
Vegagerðin er veghaldari nú síðari
ár. Landsvirkjun lagði fram fé til að
af þessari samgöngubót gæti orðið
nú, en kostnaður er áætlaður yfir
40 milljónir króna.
Morgunblaðið/BFH
Bundið slitlag
á Kröfluveg
Mývatnssveit
KARLMAÐUR á áttræðisaldri hef-
ur í Héraðsdómi Norðurlands eystra
verið dæmdur í 45 daga fangelsi,
skilorðsbundið til tveggja ára, vegna
hegningar- og umferðarlagabrots.
Þá var hann sviptur ökurétti í fimm
mánuði og gert að greiða sakar-
kostnað.
Maðurinn var ákærður fyrir hegn-
ingar- og umferðarlagabrot með því
að hafa ekið bifreið sinni norður
Drottningarbraut og beygt án nægi-
legrar aðgæslu vestur Þórunnar-
stræti í veg fyrir bifreið sem ekið var
suður Drottningarbraut. Við árekst-
ur bifreiðanna tveggja hlaut öku-
maður þeirrar sem ekið var í suður-
átt það mikla áverka að hann lést á
sjúkrahúsi skömmu síðar, en farþegi
hlaut áverka. Slysið varð 11. febrúar
síðastliðinn.
Maðurinn bar fyrir dómi að hann
hefði ekki tekið eftir bifreiðinni fyrr
en hún var alveg komin að honum og
árekstri því ekki forðað. Orsök
árekstrarins sagði hann hafa verið
augnablikseinbeitingarleysi af sinni
hálfu.
Dæmdur í skil-
orð og sviptur
ökurétti
SKRIFAÐ hefur verið undir samskiptasamning
milli Akureyrarbæjar og Íþróttabandalags Akur-
eyrar, en markmiðið með honum er að efla tengsl
milli bæjarins og ÍBA.
Kristján Þór Júlíusson bæjarstjóri sagði að með
samningnum vildi bærinn m.a. tryggja að það fé
sem bæjarsjóður leggur til bygginga og rekstrar
íþróttamannvirkja og íþróttafélaga nýttist sem best
bæjarbúum sem vilja stunda íþróttir. Starfi íþrótta-
félaganna yrði hagað með þeim hætti að öllum bæj-
arbúum gæfist tækifæri til að stunda íþróttir og
viðurkennt æskulýðsstarf.
Íþróttafélögunum eru samkvæmt samningnum
tryggð afnot af mannvirkjum utan hefðbundins
skólatíma.
Samningurinn gerir ráð fyrir að bærinn greiði
3,5 milljónir króna vegna rekstrar skrifstofu ÍBA,
þá greiðir hann 25,7 milljónir króna vegna húsa-
leigu og æfingatíma í íþróttamannvirkjum, 9 millj-
ónir í afreks- og styrktarsjóð og 4,5 milljónir króna
vegna þjálfunar barna og unglinga. Einnig mun
bærinn greiða ferðakostnað ákveðinna hópa og ein-
staklinga á landsmót og til þátttöku í Evrópu-
keppni sem og kostnað við íþróttaskóla, en fjárveit-
ingar vegna þessara verkefna hafa enn ekki verið
ákveðnar.
ÍBA mun vinna að fjárhagsáætlun fyrir íþrótta-
hreyfinguna og leggja fyrir íþrótta- og tómstunda-
ráð sem og að ábyrgjast eftirlit með fjárveitingum
sem berast aðildarfélögum bandalagsins.
Samningurinn gildir í fjögur ár.
Akureyrarbær og Íþróttabandalag Akureyrar
Markmiðið að efla tengslin
Morgunblaðið/Kristján
Þröstur Guðjónsson, formaður ÍBA, og Kristján
Þór Júlíusson, bæjarstjóri á Akureyri, takast í
hendur eftir undirskrift samningsins.
FÓLKSBIFREIÐ fór út af Kjarna-
vegi, norðan Kjarnaskógar, sl. föstu-
dagskvöld. Fimm ungmenni voru í
bílnum og voru þrjú þeirra flutt til
aðhlynningar á slysadeild FSA en
meiðsli þeirra eru ekki talin alvarleg.
Ökumaður bílsins, sem var á norð-
urleið, missti stjórn á bíl sínum með
þeim afleiðingum að hann hafnaði
utan vegar, lenti þar á stólpa og
staðnæmdist loks með afturendann
ofan í skurði. Bíllinn skemmdist mik-
ið.
Bílslys á
Kjarnavegi
STARFSMANNAFÉLAG Akur-
eyrarbæjar hefur boðað til verkfalls
hjá tónlistarkennurum frá og með
miðnætti 22. október næstkomandi.
hafi kjarasamningar ekki tekist á
milli aðila.
Atkvæðagreiðsla tónlistarkennara
um boðun verkfalls fór fram síðasta
föstudag. Á kjörskrá voru 14 og kusu
allir. Já sögu 14 eða 100%.
Verkfall hjá tón-
listarkennurum
LIONSKLÚBBUR Akureyr-
ar hefur gefið Heilsugæslu-
stöð Akureyrar nýjan önd-
unarmæli en hann leysir af
hólmi öndunarmæli sem
klúbburinn gaf stöðinni ár-
ið 1988.
Valdimar Brynjólfsson
formaður Lionsklúbbs Ak-
ureyrar afhenti mælinn og
gat þess að vonandi myndu
fleiri gjafir berast heilsu-
gæslustöðinni síðar. Pétur
Pétursson yfirlæknir á
Heilsugæslustöðinni á Ak-
ureyri sagði klúbbinn áður
í samvinnu við Vitaðsgjafa
hafa gefið hjartalínurit og
eyrnasmásjártæki. Hann
sagði nýja tækið bjóða upp
á margvíslega möguleika,
en mikilvægt væri að
greina lungnasjúkdóma
rétt og myndi tækið hjálpa
mjög til þess.
Lionsklúbbur Akureyrar
Valdimar Brynjólfsson, formaður Lions-
klúbbs Akureyrar, prófar tækið.
Heilsugæslustöðin
fær öndunarmæli
Morgunblaðið/Kristján
♦ ♦ ♦