Morgunblaðið - 09.10.2001, Blaðsíða 17

SUÐURNES
MORGUNBLAÐIÐ ÞRIÐJUDAGUR 9. OKTÓBER 2001 17
SPARPERUTÍÐ
SJÁÐU HEIMINN Í NÝJU LJÓSI
Árvirkinn
Austurv. 9/Eyrarvegi 29, Selfossi
Geisl i
Flötum 29, Vestm.eyjum
G.H.LJÓS
Garðatorgi 7, Garðabæ
Ljósgjafinn
Glerárgötu 34, Akureyri
Ljós & Orka
Skeifunni 19, Reykjavík
Glitnir
Brákarbraut 7, Borgarnesi
Lónið
Vesturbraut 4, Höfn
Rafþj. Sigurdórs
Skagabraut 6, Akranesi
Rafbúð R.Ó.
Hafnargötu 52, Keflavík
Straumur
Silfurtorgi 5, Ísafirði
S.G. Raftækjaverslun
Kaupvangi 12, Egilsstöðum
EL longlife
m/birtuskynjara
5 ára ábyrgð
Dulux S
9 W
OSRAM PERUBÚÐIR
EL longlife
5 ára ábyrgð
Economy
2ja ára ábyrgð
Tilboð
2.590 kr.
Tilboð
1.390 kr.
Tilboð
390 kr.
Tilboð
990 kr.
SVEITARSTJÓRNIR á Suðurnesj-
um leggja áherslu á að fjármagn fáist
til að hefja framkvæmdir við stækkun
Fjölbrautaskóla Suðurnesja. Í fjár-
lagafrumvarpi fyrir næsta ár er gert
ráð fyrir 20 milljóna króna fjárveit-
ingu vegna frumathugunar á við-
byggingunni.
Skúli Þ. Skúlason, formaður Sam-
bands sveitarfélaga á Suðurnesjum
(SSS), segir að mikil þörf sé á stækk-
un Fjölbrautaskóla Suðurnesja í
Keflavík. Stórir árgangar komi upp
úr grunnskólunum á næstu árum.
„Það hafa verið rúmlega 200 nýnemar
á hverju hausti en fara yfir 300 eftir
árið 2003. Það þarf að stækka skólann
til að mæta þessu og auk þess er
áhugi á að bæta við námsgreinum,“
segir Skúli.
Samkomulag hefur náðst við
menntamálaráðuneytið um að þörf sé
á 3.000 fermetra viðbyggingu og ljóst
að hún kemst fyrir á lóð skólans.
Nokkru fé hefur verið varið til und-
irbúnings en ekki verið ákveðið að
ráðast í framkvæmdir.
Vekur Skúli athygli á því að fram-
haldsskólinn sé á verksviði ríkisvalds-
ins, frumkvæðið þurfi að koma þaðan,
en hann segist þó viss um að sveit-
arstjórnarmenn á Suðurnesjum séu
opnir fyrir samstarfi um málið, verði
eftir því leitað. Síðast þegar byggt var
við skólann tóku sveitarfélögin að sér
að annast framkvæmdina og tókst vel
til, að sögn Skúla.
Áætlað er að viðbyggingin kosti ríf-
lega 500 milljónir kr. Í frumvarpi til
fjárlaga er gert ráð fyrir 20 milljóna
króna fjárveitingu vegna frumathug-
unar viðbyggingar Fjölbrautaskóla
Suðurnesja á næsta ári og í drögum
að áætlun ráðuneytisins um fram-
kvæmdir er gert ráð fyrir samtals 135
milljóna króna fjárveitingu til verks-
ins til ársins 2006.
Geti lokið
námi heima
Hann vekur einnig athygli á spenn-
andi þróun í háskólanámi á Suður-
nesjum. Nú sé 61 nemandi í fjarnámi
við Háskólann á Akureyri, fyrir milli-
göngu Miðstöðvar símenntunar á
Suðurnesjum. Níu eru í fullu námi í
hjúkrunarfræði, 25 á leikskólakenn-
arabraut og 27 í rekstrarfræðum.
„Mikil þörf er á fólki með þessa
menntun í atvinnulífi og á stofnunum
ríkis og sveitarfélaga hér á Suður-
nesjum. Námið hófst sem tilrauna-
verkefni en ég tel mikilvægt að það sé
tryggt að nemendurnir geti lokið
náminu á heimaslóð. Dreift háskóla-
nám er orðin staðreynd og það hjálp-
ar okkur að auka menntunarstig
svæðisins,“ segir Skúli.
Langþráður áfangi
Suðurnesjamenn hafa lengi barist
fyrir byggingu svokallaðrar D-álmu
við sjúkrahúsið í Keflavík. Því verk-
efni er nú að ljúka. Heilbrigðisstofnun
Suðurnesja er um þessar mundir að
taka í notkun hluta húsnæðisins.
Meginhluti þess verður þó ekki opn-
aður fyrr en um mitt næsta ár, sam-
kvæmt samningum sveitarfélaganna
við ríkisvaldið, en það er hjúkrunar-
rými fyrir aldraða. Sveitarfélögin
tóku að sér að flýta því að fjármagna
bygginguna.
„Það mun hafa mikla þýðingu fyrir
sjúka og aldraða á Suðurnesjum þeg-
ar D-álman verður tekin í notkun.
Langþráð verkefni í höfn,“ segir
Skúli.
Leggja áherslu á viðbygg-
ingu Fjölbrautaskóla
Keflavík
SOSSA opnar einkasýningu í
Kaupmannahöfn næstkomandi
föstudag, á menningarnótt. Hún á
einnig myndir á listkynningu sem
danska listablaðið Kunstavisen
stendur fyrir í Köge.
Sossa, Margrét Soffía Björns-
dóttir, myndlistarmaður í Keflavík,
hefur í mörg ár verið í samvinnu
við Galleri Sct. Gertrud sem er
gamalgróið og virt listhús við
Hyskenstræde, skammt frá versl-
unargötunni Strikinu. Síðustu árin
hefur hún verið með sýningu þar á
menningarnótt Kaupmannahafnar
og svo verður einnig nú og þá í
fjórða skiptið í röð.
Segir Sossa að gaman sé að taka
þátt í menningarnótt í Kaup-
mannahöfn. Sýningin verður opn-
uð um klukkan 18 og stendur fram
að miðnætti þann dag. Hún verður
viðstödd þennan eina dag. Hún
segir að mikið líf og fjör sé á menn-
ingarnóttinni, svipuð stemmning
og á menningarnótt í Reykjavík,
tónlist í götunni, tilboð í verslunum
og margir á ferli.
Sossa sýnir um það bil tuttugu
frekar stór olíumálverk í Galleri
Sct. Gertrud. Hún segist hafa valið
þemað, fólk úti í náttúrunni, eftir
síðustu menningarnótt og unnið að
sýningunni síðan. Myndirnar hafi
verið málaðar frá því í vor. „Þetta
tekur sinn tíma og það hefur því
lítið verið að gerast hjá mér hérna
heima á meðan,“ segir Sossa. Hún
hélt þó sýningu í Keflavík í júní en
þá var hún að ljúka ferli sínum sem
listamaður Reykjanesbæjar og nýr
að taka við. Sýningin í galleríinu í
Kaupmannahöfn stendur til 3. nóv-
ember.
Sossa hefur selt töluvert af
myndum í Danmörku, út á sýn-
ingar sínar þar. Smám saman hef-
ur orðið til fastur hópur sem kem-
ur á sýningarnar. Meðal annars
hafa bankar og stórfyrirtæki keypt
verk. „Ég kvarta ekki en aðallega
finnst mér skemmtilegt að sýna
þarna,“ segir Sossa.
Eini útlendingurinn
Sossa á þrjú verk á listkynningu
sem mánaðarritið Kunstavisen
stendur fyrir í Köge í tilefni af tutt-
ugu ára afmæli sínu. Sýnd eru verk
flestra helstu myndlistarmanna
Dana og Sossa hefur það fyrir satt
að hún sé eini útlendingurinn sem
hafi fengið boð um þátttöku. Hún
segist því miður ekki hafa getað
verið viðstödd opnunina.
„Ég mála allt öðru vísi en Dan-
irnir og ritstjóri Kunstavisen er
hrifinn af því. Hann kemur á allar
mínar sýningar og fylgist með því
sem ég er að gera. Það er sjálfsagt
ástæðan fyrir því að mér var boðið
að vera þarna með,“ segir Sossa.
Ljósmynd/Hilmar Bragi Bárðarson
Sossa á vinnustofunni við eitt verka sinna.
Í fjórða sinn á
menningarnótt
Keflavík
Sossa opnar sýningu í Kaupmannahöfn
Morgunblaðið/Arnór Ragnarsson
Heiðursborgari Gerðahrepps, Sólveig Sigrún Oddsdóttir, og Sigurður
Ingvarsson oddviti halda á skjali til staðfestingar á nafnbótinni. Til
vinstri á myndinni er sonur Sólveigar Sigrúnar, Jón Hjálmarsson, sem
einnig fékk viðurkenningu fyrir gott starf í þágu hreppsins.
HEIÐURSKONAN Sigrún Odds-
dóttir á Nýjalandi í Garði var gerð
að heiðursborgara Gerðahrepps
sl. sunnudag í afmælishófi sem
hún hélt ásamt yngsta syni sínum,
Jóni Hjálmarssyni, í Samkomuhús-
inu í Garði. Tildrög kaffisamsæt-
isins eru þau að Sigrún verður 85
ára nk. fimmtudag, 11. október, og
sonur hennar varð fimmtugur 13.
september. sl.
Á annað hundrað manns sóttu
samkomuna. Þeirra á meðal voru
þingmenn kjördæmisins og
hreppsnefndarmenn Gerðahrepps
en það var Sigurður Ingvarsson
oddviti sem kvaddi sér hljóðs með-
al annarra og tilkynnti Sigrúnu
heiðursborgaranafnbótina.
Þetta er í annað sinn sem Gerða-
hreppur veitir þessa viðurkenn-
ingu fyrir farsælt starf innan
byggðarlagsins en Björn Finn-
bogason, fyrrverandi oddviti, var
fyrsti heiðursborgari Gerðahrepps
en hann er látinn fyrir allmörgum
árum.
Sigrún Oddsdóttir hefir búið all-
an sinn aldur í Garðinum, lengst af
á Nýjalandi enda ætíð kennd við
þann stað. Hún gegndi fjölda trún-
aðarstarfa fyrir hreppinn, sat í
hreppsnefnd í tólf ár, stýrði kven-
félaginu í áratugi, komst til æðstu
meta í stúkunni, söng í kirkjukórn-
um og þannig mætti lengi telja.
Þess má einnig geta að Sigrún
situr enn í fegrunarnefnd Gerða-
hrepps og loks að Morgunblaðið
naut starfskrafta hennar en hún
var umboðsmaður blaðsins í Út-
Garðinum í árafjöld.
Sigrún
Oddsdóttir
kjörin heið-
ursborgari
Garður