Morgunblaðið - 16.10.2001, Page 16
SUÐURNES
16 ÞRIÐJUDAGUR 16. OKTÓBER 2001 MORGUNBLAÐIÐ
LANDIÐ
SAUTJÁN mjólkurframleiðendur í
Eyjafirði og Suður-Þingeyjarsýslu
hætta rekstri á þessu ári og virðist
sem fækkun kúabúa haldi áfram eins
og verið hefur undanfarin ár.
Árið 1980 voru 233 innleggjendur
mjólkur á svæði Búnaðarsambands
Eyjafjarðar, en verða 123 nú í árslok,
og á svæði mjólkursamlagsins á
Húsavík voru 152 innleggjendur
1980, en verða 72 í lok þessa árs. Þar
með hafa 190 kúabú verið lögð niður
frá árinu 1980, en á sama tíma hafa
mörg bú stækkað umtalsvert svo
ekki er um minnkandi mjólkurfram-
leiðslu að ræða í öllum sveitum.
Að sögn Guðmundar Steindórs-
sonar, nautgriparæktarráðunautar
hjá Búnaðarsambandi Eyjafjarðar,
má reikna með að framleiðendur á
Eyjafjarðarsvæðinu verði orðnir inn-
an við eitt hundrað eftir fá ár ef sú
þróun heldur áfram sem verið hefur.
Í Kelduhverfi hefur mjólkurfram-
leiðsla alfarið verið lögð niður, en þar
voru lengi vel tveir framleiðendur
eftir sem lögðu mjólk sína inn í sam-
lagið á Húsavík. Á Tjörnesi voru 5
kúabú í upphafi þessa árs, en einn
bóndi hefur lagt niður framleiðslu á
árinu þannig að þau verða fjögur í
árslok.
Þróun þessi er nokkuð hraðari en
menn héldu og á mörgum þeim býl-
um þar sem kúabúskap hefur verið
hætt hefur annar búskapur einnig
verið lagður niður. Þá hefur því verið
spáð að kúabú í Suður-Þingeyjar-
sýslu verði innan við þrjátíu eftir tíu
ár.
Morgunblaðið/Atli Vigfússson
Spáð er að kúabú í Suður-Þingeyjarsýslu verði innan við 30 eftir 10 ár.
Mikil fækkun kúabúa
á Norðausturlandi
Laxamýri
FRÁ því á vormánuðum hefur staðið
yfir, á vegum Rauða krossins, und-
irbúningsvinna vegna Þjóðahátíðar
Austfirðinga sem verður á Reyð-
arfirði laugardaginn 20. október nk.
Þar munu Austfirðingar af erlendu
bergi brotnir standa fyrir menning-
arviðburðum af ýmsu tagi. Um þess-
ar mundir býr á Austfjörðum fólk
frá 35 löndum, alls um 300 manns.
Dagskrá hátíðarinnar hefst í
íþróttahúsinu á Reyðarfirði kl. 14.
með ávarpi forseta Íslands, Ólafs
Ragnars Grímssonar, segir í frétta-
tilkynningu. Tilgangur þjóðahátíð-
arinnar er að auka samgang Aust-
firðinga allra og draga fram í
dagsljósið hvað aðkomufólk hefur
fram að færa til samfélagsins annað
en þau störf sem það sinnir.
Á Þjóðahátíð Austfirðinga verður
fjölbreytt skemmtidagskrá á sviði
þar sem m.a. verður boðið uppá
dans, söng, hljóðfæraleik og fleira.
Þá verða kynningar á þjóðlönd-
unum með fjölbreyttum hætti, m.a.
þjóðlegum réttum. Íslensk menning
verður kynnt á sérstökum bás.
Þjóðahátíð
Austfirðinga
NÚ liggur hluti síldveiðiskipanna í
höfn á Djúpavogi. Það hefur því ver-
ið mikil umferð við höfnina. Þetta
kemur þó ekki til af góðu því þau
komu inn vegna brælu. Suðvestan-
strekkingur hefur nú hamlað veiðum
í tvær nætur. Fimm skip lágu við
gömlu höfnina auk þess sem eitt
línuskip var að landa.
Tvö skip lágu inni á nýju höfninni
við Gleðivík og er það vígsla á henni
en hún var tilbúin til notkunar síð-
astliðið sumar. Júpíter ÞH var því
fyrsta fiskiskipið sem lagðist að
bryggju í nýju höfninni, Grindvík-
ingur GK og Ásgrímur Halldórsson
bættust þar við skömmu síðar. Höfn-
in mun breyta allri aðstöðu fyrir
bræðslu Gautavíkur hf. á komandi
loðnuvertíð. Við gömlu höfnina lágu
Jóna Eðvalds SF, Svanur RE, Odd-
eyrin EA, Steinunn SF, Örn KE og
línuveiðarinn Fjölnir ÍS var að
landa. Auk þeirra lá Björg Jónsdótt-
ir úti á firði.
Síldarskipin hafa verið að veiðum í
Berufjarðarál og aflabrögð verið
sæmileg en mættu vera betri að sögn
skipverja.
Koma skipanna lífgar upp á bæj-
arlífið þó svo að menn hefðu kosið að
þau hefðu verið með síld innanborðs.
Morgunblaðið/Sólný
Síldarflotinn í biðstöðu
Djúpivogur
Tækið er notað til að brenna
fyrir æðar við skurðaðgerðir í
stað þess að binda fyrir eins og áð-
ur var gert. Svipað tæki hefur ver-
ið til á Heilbrigðisstofnun Suð-
urnesja en það er komið til ára
sinna.
Klúbburinn styrkti á starfsárinu
ýmis önnur samtök og félög.
LIONESSUKLÚBBUR Keflavíkur
færði nýlega Heilbrigðisstofnun
Suðurnesja Force Ez brennara
sem notaður er við aðgerðir í kvið-
arholi. Með fylgihlutum er verð-
mæti gjafarinnar hátt í 900 þús-
und krónur.
Lionessur og stjórnendur á Heilbrigðisstofnun Suðurnesja við tækið.
Gefa æðabrennara til HSS
Keflavík
RÚNA í Mangó, eða Rúna Reynis,
er nafn sem heyrist ósjaldan nefnt á
götum Keflavíkur. Guðrún Reynis-
dóttir er 35 ára verslunareigandi, en
hún hefur átt verslunina Mangó síð-
astliðin 7 ár og rekið af miklum
myndarskap og dugnaði.
Verslunin, sem hefur verið við
Hafnargötu 32 síðan 1998, hefur get-
ið sér gott orð víða um land og ekki
þá síst í höfuðborginni og þónokkuð
er um að konur og stúlkur geri sér
ferð til Keflavíkur til að líta inn.
Dót frá mömmu
Rúna hefur lifað og hrærst í tísku
allt frá því hún var 17 ára gömul og
fór að vinna í tískuvöruverslunum í
Keflavík og Reykjavík. En hvernig
vildi það til að hún ákvað að opna
eina slíka sjálf?
„Hugmyndin um að opna tísku-
verslun fyrir dömur kviknaði þegar
ég kom heim eftir sumardvöl á Spáni
1994 og var uppfull af hugmyndum.
Ég sá að það bráðvantaði verslun í
Keflavík fyrir stelpur og ákvað að
henda mér út í þetta. Ég veðsetti
íbúðina mína, leigði húsnæði á Hafn-
argötunni og innréttaði það með dóti
úr kompunni hjá mömmu. Pabbi
hjálpaði mér að mála og gera klárt,
en þetta var nú hálfgerð „búlla“ til að
byrja með.
Það má segja að ég hafi hitt á hár-
réttan tíma til að opna verslunina, en
ég efast um að þetta væri hægt í dag.
Þeir sem opna slíkar verslanir um
þessar mundir þurfa að gera það
með pomp og prakt og láta arkitekta
sjá um hönnunina.
Ég byrjaði strax þá að láta sauma
fatnað á saumastofunni Liljunum í
Keflavík, eftir mínum eigin hug-
myndum ásamt því sem ég sá í tíma-
ritum og blöðum. Ég hef alltaf haft
ákveðnar skoðanir á því hvernig föt
eiga að líta út og jafnan gert breyt-
ingar á þeim fötum sem ég hef keypt
í gegnum tíðina.
Ég myndi ekki vilja standa í þessu
nema hafa saumastofu því þar get ég
látið sérsauma, breyta og bæta eftir
þörfum og óskum viðskiptavinanna.
Ég tek aðallega inn vörur frá
London og París og ferðast þangað
að meðaltali um átta sinnum á ári, en
svo er ég líka með vörur sem ég fæ í
Reykjavík, svo sem merkin Gas og
Diesel.“
Röð á útsölunum
– Hvernig skýrirðu þessar geysi-
legu vinsældir verslunarinnar?
„Ég held að númer eitt sé gott
starfsfólk sem fólk treystir. Svo hef-
ur það líka mikið að segja að margt
af því sem við höfum látið sauma er
hvergi til annars staðar.
Raunar var systir mín að hefja
nám við Verslunarskóla Íslands um
það leyti sem ég opnaði og hún gekk
alltaf í fötum frá mér. Í kjölfarið
komu margar vinkonur hennar hing-
að til að kaupa inn og þannig spurð-
ist þetta út. Það má líka geta þess að
Dísa, sem sér um þáttinn Panorama
á Stöð 2, er alltaf í fötum frá Mangó
og það er mjög góð auglýsing.
Þá hafa útsölurnar líka verið mjög
vinsælar, en ég veit að fólk kann að
meta góðar útsölur. Á þeim reyni ég
að losna við allan umframlager, því
ég hef ekkert að gera með einhver
gömul föt í hrúgu á lager. Ég vil
heldur að fólk geti notað fötin, enda
er röð niður hálfa Hafnargötuna
þegar útsalan er opnuð.
Annars er það líka bara mikilli
vinnu og góðum viðskiptavinum að
þakka hvað þetta gengur vel.“
Mikill skóli
Rúna varð ófrísk aðeins mánuði
eftir opnun verslunarinnar og þurfti
hún að ferðast víða til að kaupa inn
fyrir Mangó á þeim tíma.
„Ég var eiginlega alein í þessu öllu
saman og stóð í búðinni alveg fram á
síðasta dag meðgöngunnar. Þetta
var náttúrlega mikil ábyrgð þar sem
ég var með allt mitt undir í búðinni
og hreinlega varð að láta það ganga,
ásamt því að reyna að búa okkur
mæðgunum gott heimili. Foreldrar
mínir voru mér ómetanleg hjálp í
gegnum þetta allt saman og hefur
heimili þeirra verið annað heimili
Telmu, dóttur minnar, allt frá upp-
hafi, en hún er nú orðin sex ára.
Það var enginn tími fyrir mig til að
taka fæðingarorlof þar sem þetta var
mín verslun og ég þurfti að fara utan
frá Telmu þegar hún var aðeins
þriggja vikna gömul. Það vildi svo
heppilega til að Telma var alveg
ótrúlega gott og meðfærilegt barn
en annars var þetta mikill skóli,“
segir Guðrún.
Konur víða að gera sér ferð í verslunina Mangó
Hitti á réttan tíma
Morgunblaðið/Sigríður Hjálmarsdóttir
Guðrún Reynisdóttir, eigandi verslunarinnar Mangó í Keflavík.
Keflavík
DREGIÐ hefur verið úr aðgerðum
eins og mögulegt er á sjúkrahúsi
Heilbrigðisstofnunar Suðurnesja í
Keflavík vegna verkfalls sjúkraliða.
Aðeins eru gerðar aðgerðir á sjúk-
lingum sem geta farið strax heim.
Um það bil 40 sjúkraliðar eru í 30
stöðugildum við sjúkrahúsið. Allir
eru í Sjúkraliðafélagi Íslands og eru
því í öðru þriggja daga verkfalli fé-
lagsins sem hófst aðfaranótt mánu-
dags. Að vísu sótti sjúkrahúsið um
og var í gær með undanþágur fyrir
sjö sjúkraliða vegna brýnustu starfa.
Að sögn Ernu Björnsdóttur,
hjúkrunarforstjóra sjúkrahússins,
eru nú gerðar aðgerðir á sjúklingum
sem geta farið fljótlega heim til sín
en ekki þeim sem þurfa að leggjast
inn, nema í bráðatilvikum.
Dregið úr aðgerðum
Keflavík
HREINSUN yfirborðsmann-
virkja af Neðra-Nikkelsvæði í
Njarðvík hefur verið boðin út.
Verkið á að vinnast fyrir 15.
febrúar í vetur.
Neðra-Nikkelsvæði er gam-
alt olíubirgðasvæði sem varn-
arliðið er fyrir löngu hætt að
nota. Það telst varnarsvæði en
utanríkisráðuneytið hefur boð-
ið Reykjanesbæ til samninga
um sölu landsins eða leigu.
Neðra-Nikkelsvæðið er í miðju
Reykjanesbæjar, á milli byggð-
arinnar í Njarðvík og Keflavík,
og er áhugi á að nýta það sem
framtíðarbyggingarland.
Varnarliðið hóf í sumar að
hreinsa burt neðanjarðar-
mannvirki en ríkið tók að sér
hreinsun yfirborðsmannvirkja.
Framkvæmdasýsla ríkisins
býður út hreinsunina fyrir
hönd utanríkisráðuneytisins. Í
auglýsingu kemur fram að fjar-
lægja á fimm eldsneytistanka
og jafnmörg hús, 3,6 kílómetra
af eldsneytislögnum, fjögur
hlaðin byrgi, 45 tréstaura,
spennistöðvar, PCB-mengaðan
jarðveg og fleira.
Neðra-Nikk-
elsvæðið
hreinsað í
vetur
Njarðvík