Morgunblaðið - 16.10.2001, Qupperneq 17

LANDIÐ
MORGUNBLAÐIÐ ÞRIÐJUDAGUR 16. OKTÓBER 2001 17
SÍÐASTLIÐINN laugardag var
haldin mjög umfangsmikil björgun-
aræfing á Snæfellsnesi.
Um var að ræða landsæfingu
slysavarnafélagsins Landsbjargar,
en í henni tóku þátt björgunarsveitir
frá öllum landshlutum. Auk þess
sem fjöldi annarra viðbragðsaðila,
svo sem lögregla, slökkvilið, heil-
brigðis starfsmenn, Landhelgis-
gæsla og varnarlið tóku þátt í æfing-
unni.
Margskonar krefjandi verkefni
voru framkvæmd á æfingunni. Hér
var að líkindum um að ræða einn
umfangsmesta viðburð á sviði björg-
unarmála sem verið hefur á þessu
ári og voru hátt í 500 manns sem
komu að æfingunni.
Stór þáttur æfingarinnar var
rústabjörgun, þar sem æfð var
björgun fólks úr húsarústum í kjöl-
far jarðskjálfta, sprenginga eða ann-
arra hamfara.
Voru björgunarsveitarmenn sam-
mála um að í þjálfunarbúðunum á
Gufuskálum væri besta aðstaðan til
rústabjörgunar á Íslandi í dag.
Sama dag voru þjálfunarbúðirnar á
Gufuskálum vígðar formlega af
Sturlu Böðvarssyni samgönguráð-
herra.
Þóttu æfingarnar takast mjög vel
og engin vandkvæði voru við fram-
kvæmdina og gekk njög vel að reyna
nýju aðstöðuna á Gufuskálum
Aðalatriðið var að stefna öllum
þessum fjölda björgunarmanna
saman, og voru skipuleggjendur af-
ar ánægðir með samæfinguna og
samvinnuna sem náðist milli björg-
unarsveita.
Hér er æfð mannsbjörgun úr rústum.
Morgunblaðið/Alfons
Þyrla landhelgisgæslunnar hífir mann úr björgunarskipinu Björg.
Mikil og krefjandi
björgunaræfing
Ólafsvík
STAÐIÐ hefur yfir athugun á stofn-
un húsnæðissamvinnufélags í Skaga-
firði sem fyrst og fremst væri ætlað
til að byggja og reka íbúðarhúsnæði
fyrir eldra fólk sem er á síðari hluta
starfsferils eða hætt störfum. Nefnd
á vegum Félags eldri borgara og
sveitarfélagsins Skagafjarðar hefur
unnið að þessu undanfarna mánuði.
Þá hefur hópur annarra áhuga-
manna verið að vinna að því sama, þó
þannig að þar væri ekki aldursmark
til þáttöku í byggingaráföngum.
Á vegum þessara aðila verður efnt
til fundar til kynningar á málinu.
Verður hann haldinn í Félagsheim-
ilinu Ljósheimum, miðvikudaginn
17. október kl. 16.
Fundurinn er öllum opinn.
Húsnæðissam-
vinnufélag í
Skagafirði
ÞAÐ er orðinn árviss atburður að
Rauða kross deildin á Skaga-
strönd gefi yngstu nemendum
grunnskólans reiðhjólahjálma.
Pétur Eggertsson, formaður
deildarinnar, kom í skólann og
afhenti hjálmana og hjólaveifur
en þetta mun vera í áttunda sinn
sem hann kemur þannig færandi
hendi í heimsókn til litlu krakk-
anna.
Fram að þessu hafa hjálmarnir
verið gefnir á vorin áður en að-
alreiðhjólatíminn gengur í garð
en að þessu sinni fór afhendingin
fram í byrjun október. Það hefur
nefnilega komið í ljós oftar en
einu sinni að hjálmarnir geta líka
komið að góðum notum þegar
krakkarnir eru að renna sér á
sleðum, þotum eða skautum.
Með Pétri í för var Sólrún Sig-
urðardóttir skólahjúkrunarfræð-
ingur sem sýndi krökkunum fram
á notagildi hjálmanna með eggj-
um og litlum hjálmi.
Krakkarnir kunnu vel að meta
gjöfina eða eins og einn þeirra
sagði: „Vá mar, þarna var ég sko
heppinn, það kom nebblega gat á
gamla hjálminn minn í sumar.“
Morgunblaðið/Ólafur B.
Skagastrandardeild RKÍ
gefur reiðhjólahjálma
Skagaströnd