Morgunblaðið - 03.11.2001, Side 18

SUÐURNES
18 LAUGARDAGUR 3. NÓVEMBER 2001 MORGUNBLAÐIÐ
ÓÐINSGATA - LAUS
Mjög góð og mikið endurnýjuð 2ja herb. íbúð á jarðhæð með sérinngangi
í tvíbýlishúsi. Parket og flísar. Góðar innrétt. Gler, gluggar og rafmagn
endurnýjað. Hús nýlega málað. Verð 6,8 millj. LAUS STRAX. 1820
VEGHÚS – BÍLSKÚR
Rúmgóð og vel skipulögð 123 fm
íbúð á 2. hæð ásamt 27 fm góðum
bílskúr. 3 góð svefnherb. Góð
stofa/sjónvarpshol. Þvottahús í
íbúð. Vandaðar innr. Suðursvalir.
Áhv. 5,9 millj. Byggsj. rík. Verð 14,9
millj. Góð staðsetning. Gott hús.
1703
KLAPPARSTÍGUR – BÍLSKÚR
Falleg og björt 4ra herb. endaíbúð á 1. hæð í lyftuhúsi og stæði í bílskýli.
2 svefnherb. Góð stofa. Parket. Ljósar innréttingar. Stærð 107,8 fm.
Verð 17,3 millj. 1821
Skrifstofan er opin í dag frá kl. 12.00-14.00
Á MILLI 200 og 300 lítrar af dísil-
olíu láku í Sandgerðishöfn í gær-
morgun þegar verið var að dæla
brennsluolíu á milli tanka í Jóhönnu
GK 150, sem lá við enda norð-
urgarðsins í höfninni. Nokkurt
magn af olíu flæddi upp um önd-
unarop og dreifðist um allan norð-
urgarðinn í allhvassri suðvestanátt,
þar á meðal yfir bíla og báta og
langt upp eftir bryggjunni. Slökkvi-
lið Sandgerðis mætti þegar á svæð-
ið og skolaði bryggju og bíla sem
þar voru, en erfitt var um vik vegna
vindstrekkings.
Að sögn Björns Arasonar hafn-
arstjóra er talið að um 200 til 300
lítrar hafi farið í höfnina og ein-
hverjir tugir lítra frussast yfir bíla
og bryggju. Hann sagði dísilolíuna
brotna frekar fljótt niður í sjónum,
en það sé hins vegar alltof algengt
að olía fari í sjóinn þegar verið sé
að dæla milli tanka í bátum og skip-
um.
Ljósmynd/Hilmar Bragi Bárðarson
Slökkviliðsmenn að störfum við hreinsun á bryggjunni í Sandgerði.
Olíuleki í Sandgerðishöfn
Sandgerði
HALDINN verður fjölskyldudagur
6. nóvember nk. í Stapa til styrktar
Félagi langveikra barna, en dag-
urinn er haldinn að frumkvæði lík-
amsræktarstöðvarinnar Perlunnar
í Keflavík. Þar verður ýmislegt á
dagskrá fyrir alla fjölskylduna og
mun allur aðgangseyrir renna til
stuðnings langveikum börnum.
Frítt verður á skemmtunina fyrir
börn en fullorðnir greiða 500 krón-
ur í aðgangseyri. Að sögn Sigríðar
Kristjánsdóttur hjá Perlunni hefur
þegar safnast nokkuð fé hjá fyr-
irtækjum í Reykjanesbæ, en Spari-
sjóður Keflavíkur er stærsti styrkt-
araðilinn. Þar er búið að stofna
reikning sem allir geta lagt fram-
lög inn á og er númer reikningsins
444445.
Dagskrá fjölskyldudagsins hefst
klukkan 18.15 með því að Emilía
frá Jazzballett Emilíu verður með
leiki fyrir börnin. Hálftíma síðar
tekur Guðbjörg Finnsdóttir alla
fjölskylduna í létta upphitun og síð-
an sýnir Unnur Pálmadóttir frá
Planet Pump, Kung Fu Fighting.
Orvil og trommuleikarar frá Kram-
húsinu sýna afródans og Matthildur
Gunnarsdóttir jógakennari verður
með jógateygjur í lokin. Einnig
verður kynning á fæðubótarefnum
og krakkar fá andlitsmálningu.
Kynnar verða kraftakarlarir Andr-
és og Hjalti Úrsus.
Styrkja langveik börn
Reykjanesbær
SÍFELLD fjölgun sílamáfa er vax-
andi vandamál á Suðurnesjum og
hafa Samtök sveitarfélaga á Suður-
nesjum samþykkt að láta kanna ítar-
lega leiðir til að ná árangri við að
halda stofni sílamáfa niðri. Í ályktun
samtakanna frá síðasta aðalfundi er
samþykkt að leita eftir samráði við
Samtök sveitarfélaga á höfuðborgar-
svæðinu, umhverfisráðuneytið, Veiði-
stjóraembættið, HES og embætti
flugvallarstjórans á Keflavíkurflug-
velli. Gert er ráð fyrir að tillögur liggi
eigi síðar fyrir en í byrjun apríl á
næsta ári.
Í greinargerð með ályktuninni
kemur fram að fjölgun sílamáfa er
vaxandi vandamál sem taka verður
fastari tökum en hingað til hefur verið
gert. Sveitarfélögin hafa lagt í kostn-
að við að ráða aðila til að skjóta síla-
máfa en það hefur skilað litlum ár-
angri, samkvæmt skýrslum frá
Veiðistjóraembættinu. Til þess að ná
árangri er talið að skjóta þyrfti 30–
40% af fullorðnum fugli, eða um
15.000 fugla árlega í 15 ár, til að halda
stofninum niðri. Með takmörkuðum
veiðum er talið að aðeins náist tíma-
bundið að fæla fuglinn frá ákveðnum
svæðum.
Hættur að skjóta vargfugl
í Sandgerði
Í síðustu fundargerð bæjarráðs
Sandgerðisbæjar kemur fram að
Haraldur Grétarsson tók þá ákvörð-
un að gefa ekki lengur kost á sér til að
skjóta vargfugl fyrir bæjarfélagið þar
sem hann taldi m.a. engan áhuga á
slíkri baráttu af hálfu bæjaryfirvalda.
Einnig taldi hann mjög skiptar skoð-
anir um málið.
Bæjarráð tekur undir þau sjónar-
mið Haralds að nauðsynlegt sé að
fækka vargfugli, en telur jafnframt
nauðsynlegt að góður árangur náist
með samstilltu átaki sveitarfélaga á
Suðurnesjum, flugmálastjórnar á
Keflavíkurflugvelli og sveitarfélaga á
höfuðborgarsvæðinu undir stjórn
veiðimálastjóra. Hins vegar tekur
bæjarráð fram að bæjarstjórn hafi
samþykkt að greiða skotfæri fyrir
nokkra skotveiðiáhugamenn sem ósk-
að hafa eftir því við bæjarstjórn að
skjóta vargfugl. Jafnframt sé mögu-
leiki á að þessir áhugamenn fái greitt
fyrir þessa vinnu ef þeir taka höndum
saman um framkvæmd þessara mála.
Fjölgun sílamáfa
vaxandi vandamál
Reykjanes
SSS kanna leiðir til að fækka máfum