Morgunblaðið - 13.01.2002, Blaðsíða 1

MORGUNBLAÐIÐ 13. JANÚAR 2002
10. TBL. 90. ÁRG. SUNNUDAGUR 13. JANÚAR 2002 PRENTSMIÐJA MORGUNBLAÐSINS
STOFNAÐ 1913
C
10
Íslenskir
ísaldarhestar
20
186 ekrur
og hænsni
B2
Nútímavandi
múslima
FULLTRÚAR heimastjórnar Pal-
estínumanna fordæmdu í gær þau
ummæli Colins Powells, utanríkis-
ráðherra Bandaríkjanna, að hernað-
araðgerðir Ísraelsmanna undanfarna
daga á heimastjórnarsvæðunum
væru „varnaraðgerðir“, til þess ætl-
aðar að koma í veg fyrir vopnasmygl
til palestínskra öfgamanna.
Talsmaður heimastjórnarinnar
sagði ekkert geta réttlætt þá eyði-
leggingu sem Ísraelsmenn hefðu
staðið fyrir en þeir hafa m.a. jafnað
við jörðu tugi húsa í flóttamannabúð-
um í bænum Rafah á Gaza og brotið
upp flugbrautir á alþjóðaflugvellinum
á Gazaströndinni. Í gærmorgun lét
ísraelski sjóherinn sprengjum rigna
yfir fiskiskipahöfnina í Gazaborg og
eyðilagðist eitt af skipum landhelg-
isgæslu Palestínumanna og hluti
húsakynna hennar við höfnina.
Ennfremur lagði ísraelski herinn í
rúst mannlaust hús í Rafah eftir að
hafa fundið göng sem notuð voru til
að smygla vopnum frá Egyptalandi,
að því er talsmenn hersins greindu
frá.
Sökuðu háttsettir fulltrúar úr
stjórn Ísraels Yasser Arafat, leiðtoga
Palestínumanna, um að hafa notað
einkaflugvél sína til að ferja vopn til
Palestínumanna og sögðu þeir þetta
ástæðu þess að unnið væri að eyði-
leggingu flugvallarins í Gaza.
Liðsmenn Hamas-samtakanna
hétu því hins vegar að hefna fyrir
skemmdarverkin.
Þrír handteknir í tengslum
við vopnasmyglið í fyrri viku
Árásin á fiskiskipahöfnina í Gaza
kemur í kjölfar ásakana þess efnis að
Palestínumenn hafi verið að smygla
vopnum til svæðisins, en í fyrri viku
tóku Ísraelsmenn skip á Rauðahafi
sem fullt var af vopnum. Talsmenn
heimastjórnarinnar hafa neitað ásök-
unum Ísraelsstjórnar þess efnis að
fulltrúar hennar hafi fyrirskipað
smyglið en hafa hins vegar greint frá
því að þrír meðlimir stjórnarinnar,
ráðgjafinn Fuad Shubaki, Fethi Raz-
em aðmíráll og Adel Moghrabi
vopnasali hafi staðið fyrir því. Hafa
þeir verið færðir til yfirheyrslu.
Reuters
Palestínskir sjómenn að störfum í höfninni í Gaza eftir að Ísraelsmenn höfðu látið sprengjum rigna yfir höfnina.
Ísraelsmenn
halda árásum
sínum áfram
Gazaborg, Jerúsalem. AFP.
Liðsmenn Hamas-samtakanna heita hefndum vegna skemmdarverka Ísraela á Gazaströndinni
ROBERT Mugabe, forseti
Zimbabwe, hefur umbreyst úr
einum allra besta leiðtoga Afr-
íkuríkis í brjálæðing. Þetta er
mat Desmonds Tutus, suður-afr-
íska erkibiskupsins fyrrverandi.
„Það er dapurlegt að sjá hvað
orðið hefur úr Mugabe forseta.
Hann var einn af bestu Afríku-
leiðtogunum, skær stjarna á
himninum, siðprúður maður,
vingjarnlegur og vel lesinn,“
sagði Tutu, sem er handhafi
friðarverðlauna Nóbels, í viðtali
við dagblað í Jóhannesarborg.
„Þegar maður lítur til þess
sem gerst hefur í Zimbabwe þá
virðist það eins og léleg flétta í
afar dramatískri og illa saminni
skáldsögu […] Mugabe virðist
vera orðinn algerlega geggjað-
ur,“ sagði Tutu.
Hefði átt að vera hættur
Fyrir helgi þrýsti Mugabe í
gegnum þing Zimbabwe lögum
sem gera andstæðingum hans
erfitt fyrir í komandi kosninga-
baráttu en forsetakosningar
fara fram í mars. Kveða lögin
m.a. á um að refsa megi þeim
sem gagnrýna Mugabe og lög-
reglan fær jafnframt vald til að
leysa upp fundi, sem haldnir eru
á opinberum vettvangi.
Tutu sagði aðgerðir Mugabes
gerræðislegar. „Hefði hann
hætt fyrir nokkrum árum hefði
hans verið minnst að góðu í sögu
landsins. Núna verður hans
minnst sem valdasjúks manns.“
Mugabe
orðinn
„geggj-
aður“?
Jóhannesarborg. AFP.
PAKISTANSKA lögreglan greindi
frá því í gær að hún hefði handtekið
meira en þrjú hundruð og fimmtíu
liðsmenn múslimskra öfgahópa í
samræmdum aðgerðum víðs vegar í
landinu. Var þetta gert til að koma í
veg fyrir hugsanlegar óeirðir vegna
ákvörðunar Pervez Musharraf,
forseta Pakistans, að banna starf-
semi hópanna, en líklegt þótti að
hann myndi tilkynna slíkt bann í
gær.
Fyrr um daginn höfðu fulltrúar
pakistanskra og bandarískra yfir-
valda reynt að draga úr væntingum
manna um að Musharraf myndi
greina frá meiri háttar eftirgjöf í
deilu Pakistana við Indverja í ræðu
sem forsetinn hugðist halda síðdeg-
is. Musharraf ætlaði að ávarpa þjóð
sína og var þar gert ráð fyrir að
hann tilkynnti hertar aðgerðir gegn
múslimskum öfgahópum sem hafst
hafa við í Pakistan.
Dagblöð í Pakistan sögðu um
ræðu Musharrafs að hann myndi
þar tilkynna að starfsemi nokkurra
samtaka múslimskra öfgamanna
yrði bönnuð. Einnig að settir yrðu á
laggirnar svonefndir herdómstólar
svo hægt væri að hraða málum, er
varða glæpi sömu hópa.
Ennfremur leiddu pakistanskir
fjölmiðlar líkur að því að Musharraf
myndi boða eftirlit með starfsemi
trúarskóla í því skyni að reyna að
draga úr líkum á því að einstakling-
ar gerist herskáir bókstafstrúar-
menn.
Styðja enn sjálfstæði Kasmír
Hins vegar var haft eftir ónafn-
greindum stjórnarerindrekum að
ekki kæmi til greina að Musharraf
léti af stuðningi við sjálfstæðishreyf-
ingu Kasmír-héraðs, en Kasmír hef-
ur verið helsta bitbein Pakistana og
Indverja um langt árabil. „Það ætti
undir engum kringumstæðum að
túlka vilja forsetans til að stuðla að
friðsamlegum samskiptum við Ind-
land á þann hátt að Pakistan hafi
breytt afstöðu sinni að því er varðar
Kasmír,“ sagði heimildarmaður dag-
blaðsins The Statesman.
Hermdu fregnir að einn óbreyttur
borgari hefði fallið Pakistan-megin
landamæranna í Kasmír í skærum
pakistanska og indverska hersins,
sem og fjórir pakistanskir hermenn.
Pakistanar
handtaka 350
Karachi, Islamabad, Muzaffarabad. AFP, AP.
Musharraf forseti kynnir
aðgerðir gegn öfgamönnum
EDMUND Stoiber, leiðtogi Kristi-
lega sósíalsambandsins (CSU), bros-
ir til blaðamanna fyrir fund þeirra
Angelu Merkel, leiðtoga Kristilega
demókrataflokksins (CDU), í gær-
morgun en flokksþing CDU stóð þá
sem hæst í Magdeburg í Þýskalandi.
Merkel hefur tilkynnt að þau Stoib-
er hafi náð samkomulagi um að
hann verði kanslaraefni flokkanna í
þingkosningum sem fram eiga að
fara í Þýskalandi í september.
Reuters
Sátt saman

Kanslaraefni/11