Morgunblaðið - 13.01.2002, Page 29

LISTIR
MORGUNBLAÐIÐ SUNNUDAGUR 13. JANÚAR 2002 29
Lyfja:
Lágmúla, sími: 533 2308 • Laugavegi, sími: 552 4045
Smáralind, sími: 530 5800 • Smáratorgi, sími: 564 5600
Kringlunni, sími: 568 1600 • Spönginni, sími: 577 3500
Garðatorgi, sími: 565 1321 • Setbergi, sími: 555 2306
útibú Grindavík
Lyfja býður þjónustu við mælingar og ráðgjöf
varðandi heilsu. Nú er hægt að fá mælingar á
blóðfitu og blóðsykri í Lyfju Lágmúla, Laugavegi,
Smáralind, Smáratorgi og Setbergi. Við mælingar
eru notuð nákvæm tæki frá Cholestech í
Bandaríkjunum.
Einnig er hægt að fá mælingar á beinþéttni í
Lyfju Smáralind, Lyfju Laugavegi og Lyfju
Smáratorgi og í öllum verslunum Lyfju er hægt
að fá mælingu á blóðþrýstingi.
- fyrir heilsuna
Boðið er upp á
eftirfarandi mælingar:
- blóðfita og sykur í blóði í einni
og sömu mælingu
í Lyfju Laugavegi, Smáratorgi,
Smáralind, Lágmúla og Setbergi
- beinþéttnimælingar
í Lyfju Laugavegi, Smáratorgi
og Smáralind.
- blóðsykur
í Lyfju Laugavegi, Smáratorgi,
Smáralind, Lágmúla og Setbergi
- blóðþrýstingur
í öllum verslunum Lyfju
Þér líður betur
ef þú fylgist
með heilsunni
Beinþéttni- og
kólesterólmælingar
www.lyfja.is
ÉG verð að segja sem svo margir
aðrir að ég bjóst við miklu af þessari
mynd. Ég meina vá! sjáiði alla
gæjana sem leika í henni, auk þess
að vera eftir Soderbergh sem hefur
hlaðið niður góðum myndum og
verðlaunum undanfarin ár. En nei.
Þetta er alls ekki nógu góð mynd.
Ocean (Clooney) losnar út úr fang-
elsi og hans fyrsta verk er, einsog
sönnum krimma sæmir, að finna
saman menn í lið til að framkvæma
glæpinn sem hann skipulagði á með-
an hann sat inni. En það er hvorki
meira né minna en að ræna þrjú
spilavíti í Las Vegas.
Bíðið nú við, eiga svona myndir
ekki að vera spennandi? Þegar mér
var farin að finnast bóla á kinn kær-
astans og loftið í Háskólabíó áhuga-
verðari en það sem var að gerast á
tjaldinu varð ég að viðurkenna að
þessi mynd var ekki í líkingu við það
sem ég hafði vonast eftir. Ég var að
vonast eftir spennu og meiri tilþrif-
um en bara töffarastælum og
skemmtilegum karakterum. Reynd-
ar voru tveir leikarar sem fóru á
kostum, þeir Elliot Gould og Carl
Reiner sem voru langbestu týpurn-
ar. Eitthvað voru töffararnir litlaus-
ir, maður man varla eftir Brad Pitt
(og þá er eitthvað að!) hvað þá Matt
Damon (mér er svo sem sama), Andy
Garcia var ekki nógu sterkur og
Julia Roberts hefði mátt láta meira
af sér gusta. George Clooney sýndi
engin stórtilþrif en hann var rétti
klassagæinn sem þurfti í þetta hlut-
verk (sem Frank Sinatra lék í upp-
runalegu myndinni frá 1960).
Það er greinilega ekki nóg að
hlaða niður stjörnum í myndina sína
og hafa hann röff og útlitið töff til að
hún virki. Mestur hluti myndarinnar
fer í að hugsa út og útskýra hvernig
glæpurinn á að vera framinn á með-
an þessir ellefu menn eru kynntir til
sögunnar. Og þar er hreinlega ekki
nógu vel haldið utan um hlutina til að
vekja áhuga manns, hvorki á glæpn-
um né persónunum, hvað þá flétt-
unni sem er allgötótt, blessunin.
Það er ekki einsog Soderbergh
kunni ekki að vera töff. Hann sýndi
það nú efttirminnilega í kvikmynd-
inni Out of Sight og ekki síður í The
Limey, sem voru fínar myndir. En
ég vonast samt til að eftir þetta „feil-
spor“ Soderberghs fari hann aftur að
segja sögur af sönnu fólki og sögur
sem skipta máli. Það er til meira en
nóg af þessum yfirborðslegu kvik-
myndaleikstjórum.
KVIKMYNDIR
Sambíóin og Háskólabíó
Leikstjóri: Steven Soderbergh. Handrit:
Ted Griffin eftir eldra handriti. Kvik-
myndataka: Steven Soderbergh (undir
leyninafninu Peter Andrews). Aðal-
hlutverk: George Clooney, Brad Pitt,
Matt Damon, Andy Garcia, Julia Roberts
og Elliot Gould. USA 116 mín. Warner
Bros. 2001
OCEAN’S ELEVEN / ELLEFU MENN
OCEANS
Yfirborðs-
kenndir
töffarar
Hildur Loftsdóttir