Morgunblaðið - 13.01.2002, Blaðsíða 45

FRÉTTIR
MORGUNBLAÐIÐ SUNNUDAGUR 13. JANÚAR 2002 45
Jóhannes Ásgeirsson hdl., lögg. fasteignasali
F A S T E I G N A S A L A
SUÐURLANDSBRAUT 10, 2. HÆÐ F/OFAN BLÓMASTOFU FRIÐFINNS, 108 REYKJAVÍK
SÍMI 533 1616 FAX 533 1617
FYRIRTÆKI - STOFNANIR - FJÁRFESTAR
MIÐHRAUN 14 - GARÐABÆ
OPIÐ HÚS Í DAG KL. 13-16
Til sýnis í dag milli kl. 13 og 16 er nýtt og glæsilegt atvinnuhús-
næði í hinum ört vaxandi þjónustukjarna á mörkum Garðabæjar
og Hafnarfjarðar. Samtals er um að ræða rúmlega 3.200 fm sem
eru skiptanlegir í 36 einingar, allt frá 75 fm. Húsnæðið er allt hið
vandaðasta með góðum verslunargluggum, stórum innkeyrslu-
dyrum, mikilli lofthæð og er til afhendingar nú þegar fullbúið að
utan með malbikuðum bílastæðum og tilbúið til innréttinga. Leiga
jafnt og sala kemur til greina.
TILBOÐ ÓSKAST
í Ford Econoline E 250 árgerð 1997 vél 4,2
(m/bensínvél), sæti fyrir 5 í vsk. útfærslu.
Ennfremur óskast tilboð í aðrar bifreiðar,
er verða sýndar að Grensásvegi 9
þriðjudaginn 15. janúar kl. 12-15.
TJÓNABIFREIÐ
Tilboð óskast í Kia Sportage 4x4 árgerð 2000.
SKÓLARÚTA
Tilboð óskast í I.H.C. 36 farþega skólarútu
árgerð 1984 Model 1800.
VÉLSLEÐI
Tilboð óskast í Artic Cat. Powder Special EFi
árgerð 1999.
Tilboðin verða opnuð á sama stað kl. 16.
UMSÝSLUSTOFNUN VARNARMÁLA
SALA VARNARLIÐSEIGNA
FORSALIR 1 - KÓPAVOGI
3ja herbergja íbúð ásamt bílskýli
Um er að ræða nýja glæsilega
93 fm 3ja herbergja íbúð á
2. hæð í fjölbýlishúsi með bíl-
skýli og lyftu.
Innréttingar eru úr kirsuberja-
viði. Á gólfum er parket. Sér-
þvottahús er í íbúðinni. Stórar
suðursvalir. Innangengt er úr
sameigninni í bílskýlið. Topp-
eign á góðum stað. Stutt í alla
þjónustu.
Viðar Örn og Rósa Matthild-
ur taka vel á móti ykkur.
Skeifan fasteignamiðlun,
Suðurlandsbraut 46, sími 568 5556.
Opið hús í dag, sunnudag, milli kl. 14 og 17
MAÐUR er sífellt að verða fyrir vonbrigðum. Ef ekki yfirþví hvernig manni mistekst við ætlunarverkin, þá yfirþví hvað maður er misskilinn. Eða sniðgenginn. Eðavanmetinn. Eftir allt það sem maður er búinn að leggjaá sig og hefur til brunns að bera. Hvað á það til dæmis
að þýða þegar blöðin birta skoðanakannanir um kynþokkafyllsta fólkið,
og maður kemst ekki einu sinni á blað? Þetta er móðgun og í besta falli
gleymska, sem setur mann gjörsamlega úr skorðum og maður fer að
efast um hvort þjóðin hafi nokkurt vit á kynþokka, ef hún hefur þá
nokkurt vit yfirleitt!
Ef ég man rétt var ásóknin svo mikil á böllunum sem ég sótti, að lög-
reglan varð að skerast í leikinn til að forða öngþveiti í kringum mig. Ég
man ekki betur en það þyrfti að loka Vesturbæjarsundlauginni þegar
það spurðist um hverfið að ég væri mættur á svæðið! Annars hefðu
sundlaugarverðirnir ekki ráðið við aðsóknina!
Og nú er maður ekki einu sinni á blaði!
Konan mín hefur sagt mér að ástæðan sé ekki sú að ég hafi glatað
kynþokkanum, heldur hitt að það hefur enginn komið auga á hann.
Nema hún.
Svo kemur að könnun á vinsælustu stjórnmálamönnunum, og enn og
aftur er maður ekki á blaði. Nú hef ég að vísu ekki verið í pólitík í lang-
an tíma en þeir eru ekki einu sinni á listanum sem eru í pólitík! Heldur
aðallega þeir hinir sem eru hættir í pólitík. Eða segja sig úr flokkum út
af pólitík. Maður á sem sagt að segja sig frá pólitík til að vera eftirsóttur
í pólitík. Á þessu hef ég flaskað aftur og aftur. Ekki vegna þess að ég sé
ekki góður stjórnmálamaður ef út í það er farið, held-
ur hitt að ég hef ekki haft vit á því að vera stjórn-
málamaður þegar út í það er farið. Til að geta sagt sig
frá pólitík þegar á þarf að halda!
Almennt ættu stjórnmálamenn að gera meira af því
að hætta í stjórnmálum til að geta átt einhvern séns í
stjórnmálum. Að minnsta kosti svona rétt áður en
kosið er. Eða áður en valinn er stjórnmálamaður árs-
ins. Það tryggir framtíð þeirra í pólitíkinni.
Þá má ekki gleyma því að oft er kosið um vinsælasta mann þjóðar-
innar eða besta hugvitsmann þjóðarinnar eða valinn besti leikarinn eða
maður ársins eða maður aldarinnar og hétu þau ekki Edduverðlaunin,
sem úthlutað var fyrir að framleiða einu kvikmyndina á árinu og vera
með í eina þættinum sem sýndur var í sjónvarpinu? Því er ekki að neita
að oft hef ég legið andvaka á nóttunni eða gleymt mér í dagdraumum í
miðri umferðinni, þar sem ég sé fyrir mér verðlaunaafhendinguna þar
sem ég er kallaður upp á svið til að taka við viðurkenningu fyrir besta
þetta eða besta hitt. Og svo mæli ég nokkur vel valin orð til að lýsa auð-
mýkt minni og þakklæti fyrir þann heiður sem mér er sýndur við þessa
eða hina útnefninguna. Það er akkúrat svoleiðis ræða, sem mig hefur
dreymt um að halda, og er löngu búinn að semja hana í huganum og bíð
aðeins eftir þessu augnabliki í lífi mínu, þar sem lófaklappið og fagn-
aðarlætin berast upp á senuna og ég mæli af munni fram, blaðalaust,
þessa líka snilldarlegu ræðu, stutta en beinskeytta, raunar áfellisdóm
yfir þeirri hræsni og þeim hégóma sem felst í slíkum viðurkenningum.
En engum hefur dottið í hug að útnefna mig sem vinsælastan, bestan,
gáfaðastan, ritfærastan eða fallegastan og ræðan mín er enn óflutt og
stóra stundin er enn ekki runnin upp og alls kyns annað fólk er dregið
upp á hæstu senu lífs síns, til að sæma það verðlaunum fyrir það sem
mér hefur ekki fallið í skaut. Sem ég á þó fyllilega skilið, ef tekið er mið
af öllu því fólki, sem nær þessum árangri, án þess að eiga það skilið.
Það segir að minnsta kosti konan mín, þegar hún er að hugga mig og
hughreysta.
Ekki það að ég láti á neinum vonbrigðum bera, út á við, en þetta er
viðkvæmt heima hjá mér, vegna þess að ég hef verið að segja börnunum
frá afrekum mínum og hæfileikum og þau eiga erfitt með skilja hvers
vegna gengið er framhjá mér aftur og aftur og ég hef þurft að útskýra
fyrir þeim að laun heimsins eru vanþakklæti. Ekkert nema vanþakklæti
og öfund og auðvitað er pabbi bestur og stærstur og sterkastur og gáf-
aðastur ef út í það er farið.
Það veit bara enginn af því nema þau.
Já lífið er ekki alltaf dans á rósum og maður verður að taka þessu
mótlæti með jafnaðargeði. Með æðruleysi. Enda hef ég nóg af því, ykk-
ur að segja, og ef ekki væri fyrir æðruleysið og lítillætið væri ég löngu
búinn að fara með þetta mál fyrir dómstólana hér heima og mannrétt-
indadómstólinn í Strassbúrg og af hverju eru aldrei veitt verðlaun fyrir
lítillæti? Eða hógværð, góða dómgreind, jafnvel fátækt? Já af hverju
eru ekki veitt verðlaun fyrir að komast af, með því að vera fátækur? Er
það ekki meira afrek en hitt, að vera ríkur?
Og hvað þá að lifa þjóðfélagið af, sem venjulegur meðaljón? Fyrir það
eitt að vera til og pluma sig í hversdagslífinu, án þess að trana sér fram,
troða illsakir við annað fólk eða lifa dagfarsprúðu lífi án þess að abbast
upp á aðra?
Ég ætti að fá verðlaun fyrir þetta, þótt ekki sé annað.
En það er eins og áður, konan mín segir að enginn viti til þess. Eða
réttara sagt, það taki enginn eftir því. Enginn nema ég. Og ég sé fyrir
löngu búinn að fá verðlaun fyrir þá frammistöðu. Verðlaunin eru ein-
faldlega þau, að hafa fengið að vera eins og ég er. Fyrir að hafa hvorki
verið fallegastur, kynþokkafyllstur, ríkastur né gáfaðastur. Heldur
bara fyrir að vera eins og ég er. Og þið öll hin.
Guð gaf mér
æðruleysi
HUGSAÐ
UPPHÁTT
Eftir Ellert B.
Schram
ebs@isholf.is
HÓLASKÓLI, Aldan – stéttarfélag,
Stéttarfélagið Samstaða, ferðamála-
fulltrúarnir í Skagafirði og í Húna-
vatnssýslum ásamt fyrirtækjum í
ferðaþjónustu á svæðinu hafa tekið
höndum saman til að efla símenntun
starfsfólks í ferðaþjónustu.
Hólaskóli er framkvæmdaraðili
og hefur yfirumsjón með námskeið-
unum sem eru fyrirhuguð snemma
á árinu og fram á vor.
Námskeiðið er í fjórum hlutum
og er hver hluti afmarkaður fyrir
ákveðið efni. Fyrsti hlutinn er: „Það
eru að koma gestir“ og fjallar um
veitingar og framreiðslu, matar-
menningu og gæðamat. Ennfremur
verður kaffi og vín kynnt starfs-
fólki. Annar hlutinn nefnist: „Fræð-
andi ferðaþjónusta með þinni hjálp“
og fjallar um hvernig starfsfólk get-
ur betur gert sér grein fyrir menn-
ingarverðmætum í umhverfi sínu.
Þriðji hluti námskeiðsins heitir:
„Örugg afþreying fyrir alla“ og
verður einblínt á nauðsyn þess að
vera vel með á nótunum hvað varð-
ar öryggismál og gæði þjónustunn-
ar. Í fjórða hlutanum er rætt efnið:
„Ferðaþjónusta og umhverfismál“
en umhverfismál eru að verða æ
meira áberandi í ferðaþjónustunni
þar sem ferðamenn vilja frekar
velja sér áfangastaði í sátt við um-
hverfið. Ennfremur eru kröfur til
ferðaþjónustufyrirtækja hvað varð-
ar umhverfisstefnumótun að verða
æ meiri.
Einnig verður boðið upp á nám-
skeið fyrir sumarstarfsfólk í vor þar
sem áhersla verður lögð á að auka
færni sumarstarfsfólks í daglegum
störfum sínum og kallast námskeið-
ið „Gerum það gott í sumar“. Þar
verður lögð áhersla á þjónustu,
ímynd, framkomu og samskipti
starfsfólks sem vinnur í ferðaþjón-
ustu.
Námskeiðin eru 8 kennslustundir
og verður það fyrsta haldið í febr-
úar nk. Námskeiðaröðinni lýkur í
apríl.
Námskeiðsgjald verður í lág-
marki þar sem sótt verður í
fræðslusjóði verkalýðsfélaganna um
styrk til verkefnisins.
Áhugasömum er bent á að snúa
sér til ofangreindra aðila til þess að
fá nánari upplýsingar, segir í frétta-
tilkynningu.
Símenntun
í ferða-
þjónustu
JÓN Kristjánsson, heilbrigðis- og
tryggingamálaráðherra, hefur skip-
að nýja sjö manna samninganefnd
sem hefur það hlutverk að semja við
sjálfstætt starfandi heilbrigðis-
starfsmenn um greiðsluþátttöku al-
mannatrygginga vegna heilbrigðis-
þjónustu og við fyrirtæki og stofn-
anir vegna sambærilegrar þjónustu
sem þar er veitt.
Nefndin er þannig skipuð: Garðar
Garðarsson hrl. er formaður án til-
nefningar, Karl Steinar Guðnason,
forstjóri TR, og Kristján Guðjónsson
framkvæmdastjóri eru tilnefndir af
Tryggingastofnun ríkisins, en vara-
menn þeirra eru Ragnar M. Gunn-
arsson forstöðumaður og Ingibjörg
Þorsteinsdóttir deildarstjóri. Hall-
grímur Guðmundsson sérfræðingur
er tilnefndur af fjármálaráðherra, en
varamaður hans er Helga Jónsdóttir
sérfræðingur. Hrönn Ottósdóttir
deildarstjóri, Jón Sæmundur Sigur-
jónsson deildarstjóri og Sigurður
Gils Björgvinsson deildarstjóri eru
skipuð án tilnefningar og eru vara-
menn þeirra Magnús Skúlason deild-
arstjóri og Pétur Jónsson fram-
kvæmdastjóri.
Heilbrigðis-
ráðherra
skipar samn-
inganefnd
♦ ♦ ♦