Morgunblaðið - 25.01.2002, Side 4

FRÉTTIR
4 FÖSTUDAGUR 25. JANÚAR 2002 MORGUNBLAÐIÐ
BESSASTAÐAHREPPUR hefur
ákveðið að falla frá tæplega 6,7%
hækkun leikskólagjalda sem taka
átti gildi frá og með 1. janúar síðast-
liðinn og verða þannig við áskorun
ASÍ um að sveitarfélög endurskoði
gjaldskrárhækkanir á leikskólum.
Gunnar Valur Gíslason, sveitar-
stjóri í Bessastaðahreppi, segir að
hreppsráð hafi einnig lagt til að
breytingu á gjaldskrá Frístundar
Álftanesskóla, sem er vísir að heils-
dagsskóla og taka átti gildi 1. jan-
úar síðastliðinn, verði frestað til 1.
ágúst og að breytingartillagan verði
þá jafnframt endurskoðuð með hlið-
sjón af þróun verðlags. „Þá höfum
við einnig lagt til við hreppsnefnd
að gjaldskrár fé-
lagsþjónustu,
sundlaugar og
gæsluvallar á
þessu ári verði
ekki hækkaðar.“
Gunnar segir
að með hliðsjón
af umræðu í þjóð-
félaginu hafi
hreppsráð Bessa-
staðahrepps
ákveðið að leggja til við hrepps-
nefnd að fallið verði frá þegar
ákveðinni hækkun leikskólagjalda í
Bessastaðahreppi um 6,7% frá og
með 1. janúar 2002 og að gjöldin
verði ekki hækkuð á árinu.
„Þegar umræðan um að rauðu
strikin væru í hættu og fyrirtækin
fóru að bregðast við þá förum við að
hugsa okkar mál líka. Og þegar for-
sætisráðherra og forystumenn ASÍ
hvöttu sveitarfélögin til þess að end-
urskoða hækkanir á gjaldskrám þá
töldum við rétt að leggja okkar
skerf til málanna.“
Allra hagur að halda
verðbólgunni í skefjum
Aðspurður segir Gunnar að leik-
skólagjöld hafi síðast verið hækkuð
1. janúar 2001. „Verðbólgan var um
9% í fyrra og þetta þýðir því að
Bessastaðahreppur er að taka á sig
kostnaðarauka og við það bætist að
hækkun launakostnaðar vegna leik-
skóla var vel umfram hækkun vísi-
tölu neysluverðs. En miðað við
skuldastöðu sveitarfélaganna og þar
með okkar eigin þá hefur hvert pró-
sentustig í aukinni verðbólgu veru-
leg áhrif á skuldastöðu okkar. Við
teljum því mjög brýnt að halda
verðlagshækkunum og þá um leið
mögulegum launahækkunum í
skefjum.
Það er okkar skoðun að hags-
munir íbúanna hér í Bessastaða-
hreppi fari mjög vel saman við
hagsmuni ASÍ, Samtaka atvinnulífs-
ins og ríkisstjórnarinnar. Það er
allra hagur að verðbólgu sé haldið í
skefjum.“
Bessastaðahreppur tekur áskorun Alþýðusambands Íslands
Draga hækkun á leik-
skólagjöldum til baka
Gunnar Valur
Gíslason
FORYSTUMENN ASÍ áttu fundi
með bæjarstjórunum í Hafnarfirði,
Garðabæ og Kópavogi í gær, m.a.
vegna gjaldskrárhækkana í leik-
skólum og hækkunar fasteigna-
gjalda.
Gylfi Arnbjörnsson segir að er-
indið hafi verið mjög einfalt: „Við
óskum einfaldlega eftir því að þau
dragi til baka eða endurskoði gjald-
skrárhækkanir sínar, bæði hvað
varðar leikskóla, fasteignagjöld og
önnur gjöld. Þeir eru þátttakendur
og við viljum kalla þá til ábyrgðar
um að vera með okkur í þessari að-
gerð.“
Aðspurður segir Gylfi að við-
brögð af hálfu bæjarstjóranna hafi
í sjálfu sér verið nokkuð jákvæð.
„Við áttum ekki von á að fá neinar
skuldbindingar eða svör. Menn
tóku hins vegar jákvætt í erindi
okkar og þessi mál verða vænt-
anlega tekin til pólitískrar umræðu
á vettvangi sveitarfélaganna. Vafa-
laust munu svör ríkisstjórnarinnar
um það hvernig hún ætlar að mæta
þessu skipta máli. Við væntum þess
og eigum von á því að sveitar-
félögin almennt taki þessu erindi
með jákvæðum hætti þannig að við
getum átt von á því á næstu vikum
að fá því svarað hvaða ákvarðanir
þau taka.“
Hafnarfjarðarbær
fús til samstarfs
Í frétt á heimasíðu Hafnarfjarð-
arbæjar kemur fram að á fundi með
Magnúsi Gunnarssyni, bæjarstjóra,
hafi Grétar Þorsteinssson, formað-
ur ASÍ, lagt áherslu á að bætt lífs-
kjör fólks í landinu væru undir því
komin að árangur næðist í barátt-
unni við verðbólguna. Áframhald-
andi hækkun verðlags myndi með
skjótum hætti afmá þann bata í lífs-
kjörum Íslendinga sem náðst hefur
á undanförnum árum. Því þyrftu
allir að leggja sitt lóð á vogarskálar
til að tryggja stöðugt verðlag svo
umsamdar launahækkanir skiluðu
sér í bættum lífskjörum.
Haft er eftir Magnúsi að litlar
sem engar gjaldskrárhækkanir
hafi átt sér stað hjá Hafnarfjarð-
arbæ um síðustu áramót og að
álagning fasteignaskatta á íbúðar-
húsnæði hafi verið lækkuð úr
0,375% af fasteignamati niður í
0,32%. Þá hafi lóðarleiga verið
lækkuð úr 1% af fasteignamati nið-
ur í 0,5%. Hafnarfjarðarbær hafi þó
ákveðið að nýta til fulls útvars-
heimild og því hækkaði útsvar úr
12,70% í 13,03%.
Þá kemur fram að leikskólagjöld
hafi verið óbreytt frá 1. janúar
2001 og þau séu með lægsta móti
miðað við önnur sveitarfélög. Raf-
orkuverð hafi með samruna Raf-
veitu Hafnarfjarðar og Hitaveitu
Suðurnesja lækkað um 10% 1. mars
sl. og verið lækkað aftur í byrjun
september þannig að á árinu hafi
raforkuverð lækkað í heild um 14%.
Magnús lýsti því yfir að Hafn-
arfjarðarbær myndi ekki skorast
undan því að taka enn frekari þátt í
því þjóðþrifaverkefni að halda
verðbólgunni í skefjum; á næsta
fundi bæjarráðs yrði rætt með
hvaða hætti Hafnarfjarðarbær gæti
stigið viðbótarskref í þá átt.
Jákvæð viðbrögð
af hálfu stærstu
sveitarfélaganna
Frá fundinum í Hafnarfirði í gær: Halldór Árnason, framkvæmdastjóri
stjórnsýslu- og fjármálasviðs, Grétar Þorsteinsson, forseti ASÍ, Magnús
Gunnarsson bæjarstjóri og Gylfi Arnbjörnsson, framkvæmdastjóri ASÍ.
HÆKKUN á geymslugjöldum
hjá Skráningarstofunni var aug-
lýst fyrir mistök, að sögn Ingva
Hrafns Óskarssonar, aðstoðar-
manns dómsmálaráðherra.
Auglýst hækkun á verði núm-
eraplatna stendur.
Auglýst var að geymslugjald-
ið myndi hækka úr 600 kr. í 1500
kr. og að verð á númeraplötum
myndi hækka um 50%. „Það
stóð aldrei til að hækka
geymslugjöldin,“ segir Ingvi.
„Dómsmálaráðherra heimilaði
hækkun á númeraplötunum, en
andvirði þeirra rennur til fang-
elsismála. Ástæðan fyrir því að
númeraplöturnar voru hækkað-
ar er sú að fjárlögin gera ráð
fyrir því að fangelsin afli sér sér-
tekna yfir 60 milljónir króna og
miðað við þróun mála töldu
menn einsýnt að það myndi ekki
nást nema með því að hækka
verð platnanna. Stærsti hluti
sértekna fangelsanna eru tekjur
vegna skráningarnúmera.“
Geymslu-
gjöld
hækka
ekki
STJÓRNENDUR fyrirtækja sem
framleiða og flytja inn hreinlætis-
vörur telja verðhækkanir ekki hafa
verið umfram það sem eðlilegt geti
talist og hvað framtak Friggjar
snertir segja þeir mikilvægt að
skoða fyrri verðhækkanir hjá fyrir-
tækjum. Það að lækka verð um 3%
segi alls ekki alla söguna.
Baldur Guðnason, framkvæmda-
stjóri Mjallar, segir að menn séu að
skoða málin eins og væntanlega fleiri
fyrirtæki. „Við höfum verið mjög
hófsamir í hækkunum á okkar
vörum frá því að Mjöll og hreinlæt-
issvið Sjafnar og Sámur sameinuð-
ust í eitt fyrirtæki fyrir rúmu hálfu
ári þrátt fyrir gengishækkanir og
verðbólgu á þeim tíma. Staðreyndin
er sú að við erum fyrst og fremst að
keppa við innflutning og ef við horf-
um til hækkana á okkar vörum þá
eru þær vel undir þeim hækkunum
sem hafa orðið á innfluttum sam-
keppnisvörum.
Okkar aðalmarkaður er fyrir-
tækja- og stofnanamarkaður en ekki
neytendamarkaður en Frigg lækk-
aði bara verðið á neytendavörum
sem þeir framleiða sjálfir.
Við ætlum einfaldlega að skoða
betur hvernig við getum lagt okkar
af mörkum til þess að tryggja stöð-
ugleika. En við erum auðvitað líka að
bera saman hækkanir hjá keppi-
nautunum og okkur sjálfum.“
Einar Kristjánsson, fram-
kvæmdastjóri Danól, segir að ekki
hafi verið tekin ákvörðun um verð-
lækkun. Menn vilji bíða eftir nýrri
tollskrá og sjá hver þróun gengis og
skoða málin betur í byrjun næsta
mánaðar. Einar segir að verðhækk-
anir hjá Danól á síðasta ári hafi verið
í samræmi við breytingar á gengi og
ekki umfram það.
Guðmundur Aðalsteinsson, fram-
kvæmdastjóri Tandurs, segir að fyr-
irtækið starfi eingöngu á fyrirtækja-
markaði og Frigg hafi ekki lækkað
verð á þeim vörum. „Þær vörur sem
við framleiðum hafa hækkað minna
síðastliðið ár en sem nemur verð-
bólgu og hækkun aðfangaverðs
vegna gengisbreytinga, m.a. vegna
harðrar samkeppni. Það er engin
ástæða til þess að vera með flugelda-
sýningar, aðalmálið er að halda verð-
lagi í skefjum og þá ekki bara til 1.
maí, um það snýst málið.“
Þarf að
bera saman
fyrri verð-
hækkanir
ALMENNT gjald, miðað við
átta tíma vistun með mat í leik-
skólum á Seltjarnarnesi, hækk-
aði um 10% í fyrra.
Jónmundur Guðmarsson, for-
seti bæjarstjórnar Seltjarnar-
nessbæjar, segist undrast um-
mæli framkvæmdastjóra ASÍ
um gríðarlegar hækkanir sveit-
arfélaga á leikskólagjöldum. „Ég
tel þessa framsetningu nokkuð
villandi og ekki til þess fallna að
bæta skilning á því hvernig við
tökumst á við aðsteðjandi efna-
hagsvanda. Ljóst er að flest ef
ekki öll sveitarfélög glíma við
hækkanir á rekstarkostnaði,
m.a. vegna nýrra kjarasamninga
sem eru langt umfram umrædd-
ar gjaldskrárhækkanir.“
Jónmundur segir að almennt
gjald á leikskólum á Seltjarnar-
nesi hafi hækkað um 10% um
mitt ár í fyrra og hafi þá ekki
hækkað frá október árið 1999.
Rekstrarkostnaður leikskólanna
hafi hins vegar hækkað um 25%
milli ára eða 15% umfram hækk-
un leikskólagjaldanna.
„Til þess að halda sömu hlut-
deild foreldra og bæjar í rekstr-
arkostnaði hefði gjaldskrá því
þurft að hækka um 25%. Hækk-
un launakostnaðar á sama tíma
er t.d. rúmlega 11 milljónir eða
26%. Hjá okkur á Seltjarnarnesi
varð niðurstaðan hins vegar sú
að bæjarsjóður tæki á sig aukna
hlutdeild í þessum hækkunum.
Hlutdeild foreldra í rekstrar-
kostnaði leikskólanna var t.d.
um 47% fyrir mitt ár en er nú
um 36%. Þetta merkir einfald-
lega að á sama tíma og kostn-
aður hefur hækkað hefur hlut-
deild foreldra í honum lækkað.
Ég reikna með að svipaða sögu
sé að segja um mörg önnur
sveitarfélög og ég tel þetta innan
eðlilegra marka.“
Hlutur foreldra
hefur lækkað
Rekstrarkostnaður leikskóla á Seltjarn-
arnesi hækkaði um fjórðung í fyrra
SAMKVÆMT útreikningum Sam-
bands íslenskra sveitarfélaga hafa
sveitarfélögin í landinu hækkað
þjónustugjöld sín um 5,05% á síðustu
tólf mánuðum. Sambandið segir að
hækkunin sé því mun minni en sem
nemur almennri verðlagsþróun í
landinu en verðlag hækkaði á síðasta
ári um 9,4%.
Í umræðu síðustu vikna um verð-
lagsmál hefur gagnrýni beinst að
sveitarfélögunum. Samband ís-
lenskra sveitarfélaga hefur skoðað
gjaldskrárbreytingar sveitarfélag-
anna á síðasta ári og er niðurstaða
sambandsins að sveitarfélögin hafi
ekki farið offari í hækkunum. Þeir
þættir innan vísitölunnar sem eru á
ábyrgð sveitarfélaganna vega sam-
tals 5,61% af vísitölu neysluverðs.
Stærstu liðirnir eru rafmagn, hiti,
fasteignagjöld og dagheimili og
gæsluvellir.
Á síðustu tólf mánuðum hafa fast-
eignagjöld hækkað um 7,5%, hiti um
3,5%, strætisvagnagjöld um 13,6%,
gjöld sem innheimt eru af grunn-
skólanemum um 9% og gjöld vegna
veru barna á dagheimilum og gæslu-
völlum hafa hækkað um 9,3%. Engar
hækkanir hafa orðið á gjöldum í
sund, fjölskyldu- og húsdýragarðinn,
Borgarbókasafn eða vegna bíla-
stæða. Þá hefur rafmagn til lýsingar
lækkað um 0,4%. Samtals hafa því
gjöld sveitarfélaga hækkað um
5,05% á síðustu tólf mánuðum. Á
sama tíma hefur neysluverðsvísitala
hækkað um 9,4% og launavísitala um
9,6%.
Þjónustugjöld
hækkuðu um
5% í fyrra
Samband íslenskra sveitarfélaga