Morgunblaðið - 25.01.2002, Síða 20

VIÐSKIPTI/ATHAFNALÍF
20 FÖSTUDAGUR 25. JANÚAR 2002 MORGUNBLAÐIÐ
Vinnustofa SÍBS • Hátúni 10c • Sími: 562 8500 • Fax: 552 8819 • Heimasíða www.mulalundur.is
TILBOÐ Á EGLA BRÉFABINDUM - VERÐ 274 KR / STK.
Tilboðið gildir til 31. janúar 2002
BIC Atlantis penni
Verð 91 kr/stkk
NOVUS MASTER
gatar 25 blöð.
Verð 382 kr
NOVUS heftari
heftar 30 blöð.
Verð 674 kr Borðmotturnar frá Múlalundi
ÍSLENSKA álfélagið, ISAL, hefur
komist að þeirri niðurstöðu að hag-
kæmara sé að auka framleiðslu-
getu álversins í Straumsvík meira
en fyrirhugað hafði verið. Hug-
myndir eru nú uppi um að fram-
leiðslugetan verði aukin í 460 þús-
und tonn á ári í tveimur áföngum í
stað 400 þúsund tonna á ári í fyrri
áætlunum.
Nýju hugmyndirnar gera ráð
fyrir að í fyrsta áfanga sem ljúki
eigi síðar en árið 2005 verði fram-
leiðslugetan aukin um 130 þúsund
tonn, í 330 þúsund tonn á ári. Öðr-
um áfanga á að ljúka á bilinu 2007
til 2010 og verði framleiðslugetan
þá orðin 460 þúsund tonn á ári.
Að sögn Hrannars Péturssonar,
upplýsingafulltrúa ISAL, er orðið
ljóst að hagkvæmast yrði að nota
330 kílóampera (KA) ker og í því
ljósi yrði hagkvæmast að hafa
framleiðslugetuna þetta mikla. Því
myndi meðal annars fylgja betri
nýting á byggingum.
Hrannar segir að enn sé umræð-
an um stækkun á hugmyndastigi,
engar ákvarðanir hafi verið teknar.
ISAL muni hins vegar skila mats-
skýrslu vegna hugmyndanna til
Skipulagsstofnunar í apríl og
Skipulagsstofnun muni líklega
skila niðurstöðu í júlí nk.
Skipulagsstofnun samþykkti
fyrri tillögu að matsáætlun með
skilyrðum í bréfi hinn 7. nóvember
sl. Að höfðu samráði við stofnunina
var ákveðið að endurgera tillögu að
matsáætlun með tilliti til viðkom-
andi breytinga á framleiðslugetu
álversins. Því er matsferli hafið að
nýju þar sem tillaga að matsáætlun
er kynnt og send Skipulagsstofnun
til umfjöllunar. Hægt er að gera
athugasemdir við tillöguna til 4.
febrúar en úrskurður stofnunar-
innar um tillöguna mun líklega
liggja fyrir 20. febrúar.
Ekki samningar við
orkuframleiðendur
Að sögn Hrannars er ekki sjálf-
gefið að mögulegt leyfi yrði nýtt til
fulls ef það fæst að loknu því ferli
sem nú er hafið. ISAL hefur nú
starfsleyfi fyrir 200 þúsund tonna
framleiðslu á ári en framleiðir um
170 þúsund tonn. „Við erum að
kanna hvort þetta er yfirhöfuð
mögulegt og í framhaldinu munum
við athuga hvort þetta geti verið
hagkvæmt og hvort þörf er fyrir
málminn.“
Núverandi orkuþörf ISAL er
2.750 gígavattstundir á ári en við
460 þúsund tonna framleiðslu yrði
orkuþörfin sjö þúsund GWst. Ekki
hafa verið gerðir samningar við
orkuframleiðendur um kaup á raf-
orku en að sögn Hrannars er verið
að skoða möguleikana.
Stækkun ISAL er matsskyld
framkvæmd, m.a. samkvæmt lög-
um um mat á umhverfisáhrifum.
Framkvæmdin er einnig háð öðr-
um leyfum, t.d. endurskoðun á nú-
gildandi starfsleyfi vegna fyrirhug-
aðra stækkana. Gert er ráð fyrir
að staðsetning nýrra kerskála
verði sunnan við núverandi skála
handan við Reykjanesbraut. Lóðin
er í eigu Hafnarfjarðarbæjar og á
eftir að semja um kaup á henni en
viðræður eru hafnar, að því er
fram kemur í tillögu um matsáætl-
un. Þar kemur einnig fram að
áætlað er að starfsmönnum fjölgi
um 180 í fyrsta áfanga og þeir
verði alls 710 þegar honum er lokið
en að loknum öðrum áfanga verði
þeir 850 alls.
Sambærilegt við fyrsta áfanga
Reyðarálsverkefnisins
Þórður Friðjónsson, forstjóri
Þjóðhagsstofnunar, segir í samtali
við Morgunblaðið að til að fá grófa
hugmynd um áhrif hugsanlega
aukinnar framleiðslugetu álvers
ISAL á þjóðarbúskapinn megi líta
til skýrslu Þjóðhagsstofnunar um
áhrif Reyðarálsverkefnisins á ís-
lenskt efnahagslíf til lengri og
skemmri tíma.
Hugmyndir um stækkun álvers
ISAL um 260 þúsund tonn í tveim-
ur áföngum eru sambærilegar við
fyrsta áfanga Reyðarálsverkefnis-
ins, eins og Þórður bendir á. Hann
segir þó ýmsar stærðir breytilegar
en stærðirnar er varða framlag til
landsframleiðslu ekki ólíkar í þess-
um verkefnum. Starfsmannafjöldi
er þó ekki sá sami og vinnuaflsþörf
ekki alveg sambærileg. Þetta verði
hins vegar skoðað í einstökum at-
riðum fyrir ISAL en fyrirtækið
hefur leitað eftir því við Þjóðhags-
stofnun að leggja mat á þjóðhags-
leg áhrif. Niðurstöður þess mats
verða birtar til upplýsinga í mats-
skýrslunni sem lögð verður fram
til Skipulagsstofnunar í apríl nk.
Í áðurnefndri skýrslu Þjóðhags-
stofnunar vegna Reyðarálsverkefn-
isins kemur fram að á tímabilinu
2002–2009 gæti þjóðarframleiðsla
orðið að jafnaði 2% hærri og lands-
framleiðsla 2,5% hærri en án verk-
efnisins. Tímasetningar eru að
sjálfsögðu mismunandi í verkefn-
unum tveimur.
Hugmyndir um meiri stækkun álvers ISAL í Straumsvík
Hagkvæmara að auka fram-
leiðslugetuna í 460.000 tonn
Morgunblaðið/Árni Sæberg
Síminn af-
skrifar 180
milljónir
vegna IP-
fjarskipta
LANDSSÍMI Íslands mun afskrifa
fjárfestingu sína í IP-fjarskiptum
að fullu á árinu 2001. Afskriftin
nemur 180 milljónum króna en árið
2000 voru 100 milljónir gjaldfærð-
ar, alls er því um 280 milljóna króna
tap að ræða. Eigendur IP-fjar-
skipta, sem eru auk Símans Opin
kerfi og Talenta-Hátækni, hafa alls
tapað um 370 milljónum króna með
fjárfestingum sínum í félaginu.
IP-fjarskipti er eignarhaldsfélag
sem stofnað var um 20% eignarhlut
íslenskra fyrirtækja í fjarskiptafyr-
irtækinu @IP Bell, sem síðar fékk
nafnið IP Communication og ber nú
nafnið Cascadent. Þrír fjórðu hlut-
ar IP-fjarskipta eru í eigu Símans,
Opin kerfi eiga 20% og Talenta-Há-
tækni 5%.
Fyrir fimmtungshlut íslensku
fyrirtækjanna í Cascadent voru
greiddar 350 milljónir króna á sín-
um tíma en hluturinn var keyptur
árið 1999. Á síðastliðnu ári var fé-
lagið orðið gjaldþrota en IP-fjar-
skipti keyptu úr þrotabúinu tækja-
búnað og aðstöðu félagsins fyrir
eitthvað um 15 milljónir króna í von
um að hægt yrði að bjarga hluta
fjárfestingarinnar í Cascadent. Alls
hafa því verið lagðar allt að 370
milljónir í Cascadent.
Samkvæmt upplýsingum frá
Símanum lagði Síminn alls um 280
milljónir í IP-fjarskipti. Þar af voru
um 100 milljónir afskrifaðar á árinu
2000. Þær 180 milljónir sem eftir
standa verða afskrifaðar í uppgjöri
Símans fyrir árið 2001 og hefur
eignarhlutur Símans í IP-fjarskipt-
um þá verið að fullu færður úr bók-
um fyrirtækisins.
Opin kerfi lögðu um 70 milljónir í
fjárfestinguna en í ársuppgjöri Op-
inna kerfa fyrir árið 2000 kemur
fram að eign félagsins í IP-fjar-
skiptum hafi það árið verið færð
niður um 20 milljónir króna. Frosti
Bergsson, stjórnarformaður Op-
inna kerfa, segir að eftir standi eitt-
hvað um 50 milljónir króna og áætl-
anir Opinna kerfa geri ráð fyrir að
þær verði að mestu leyti afskrifaðar
á árinu 2001.
Hlutur fjárfestingarsjóðsins Tal-
entu-Hátækni í IP-fjarskiptum
nam um 18 milljónum króna. „Við
erum löngu búnir að gera ráð fyrir
því í okkar bókum að þetta náist
ekki til baka,“ segir Bjarni Þor-
varðarson, framkvæmdastjóri Tal-
entu. Hann segir að fjárfestingin
verði afskrifuð að fullu á árinu 2001
en talsverður hluti hennar hafi ver-
ið færður niður strax árið 2000
enda hafi þá þótt ljóst að fjárfest-
ingin skilaði engu.
Á SÍÐASTLIÐNU ári fjölgaði
frystiskipum í viðskiptum við SH
um 12 skip og eru þau nú 44 talsins.
Af þessum skipum eru 17 íslensk en
27 eru erlend. Fjölgunin er því um
38%.
Hans Á. Einarsson deildarstjóri
þjónustu við frystiskip hjá SH þjón-
ustu segir að þessi aukning sé mjög
ánægjuleg. „Við finnum fyrir vax-
andi áhuga hjá erlendum útgerðum,
sem gera út frystiskip á Norður-
Atlantshafi, á þeirri þjónustu sem
við bjóðum.“
Í deildinni starfa fimm starfs-
menn sem hafa sérhæft sig í þjón-
ustu við frystiskip s.s. framleiðslu-
stjórnun, gæðamálum, ásamt ráð-
gjöf um fiskmat og vinnslustýringu.
Heildarmagn sem landað var úr
þessum skipum var rúmlega 40 þús-
und tonn í 235 löndunum, en rúmur
helmingur þess afla fór á markað í
Japan. Karfi var um helmingur þess
afla sem landað var, í öðru sæti var
grálúða með um fimmtung og í
þriðja sæti var þorskur.
„Á þessu ári stefnum við áfram að
því að treysta enn Icelandic vöru-
merkið sem er í leiðandi stöðu í sjó-
frystum afurðum á flestum mark-
aðssvæðum SH,“ segir Hans.
FRAMKVÆMDASTJÓRN Sam-
taka atvinnulífsins hefur samþykkt
að beina því til efnahags- og við-
skiptanefndar Alþingis að hún
beiti sér fyrir sjálfstæðri athugun
og skoðun á því að hvaða leyti ís-
lensku samkeppnislögin, nr. 8. frá
1993, með áorðnum breytingum frá
árinu 2000, sbr. lög nr. 107 frá
2000, séu frábrugðin viðkomandi
EES-reglum og sambærilegum
lagabálkum í öðrum löndum á Evr-
ópska efnahagssvæðinu.
Framkvæmdastjórnin vill að
sérstaklega verði skoðaðir IV og V
kafli laganna um bann við sam-
keppnishömlum og eftirlit, X kafli
laganna um upplýsingaskyldu og
XI og XIII kaflar laganna um
framkvæmd samkeppnisreglna
o.fl. skv. reglum EES og um við-
urlög.
Jafnframt er því beint til efna-
hags- og viðskiptanefndar Alþingis
að hún beiti sér fyrir sjálfstæðri
rannsókn og skoðun á því hvort
verið geti að framganga og vinnu-
aðferðir Samkeppnisstofnunar á
Íslandi, t.d. við haldlagningu
gagna, sbr. 40. gr. laganna, séu í
veigamiklum atriðum frábrugðin
þeim meginreglum sem í öðrum
löndum á Evrópska efnahagssvæð-
inu þykir sjálfsagt og eðlilegt að
fylgja.
Í ályktun framkvæmdastjórnar
SA kemur fram sú skoðun að sam-
keppnislög, túlkun þeirra og fram-
kvæmd víki verulega frá reglum
EES-réttarins og því sem tíðkast í
öðrum Evrópulöndum. Eðlilegt sé
að byggja á ESB-reglunum, enda
komi fram í greinargerð með frum-
varpinu til breytinga á samkeppn-
islögunum frá árinu 2000 að flest
aðildarríkin sæki fyrirmyndir að
sinni löggjöf þangað. Því sé brýnt
að fram fari hlutlaus skoðun á
reglum samkeppnislaga í saman-
burði við EES-reglur og löggjöf
annarra ríkja innan Evrópska
efnahagssvæðisins. Er það skoðun
Samtaka atvinnulífsins að eðlileg-
ast sé að sú vinna sé innt af hendi
undir forystu efnahags- og við-
skiptanefndar Alþingis en ekki
Samkeppnisstofnunar og við-
skiptaráðuneytis.
Samtök atvinnulífsins álykta um samkeppnismál
Telja að lögin víki verulega
frá reglum EES-réttarins
38% fjölgun
frystiskipa í við-
skiptum við SH