Morgunblaðið - 25.01.2002, Síða 35

patar sem nota hómópatalyf (rem-
edíur), en virku efnin í þeim eru
það mikið þynnt að lítil sem engin
hætta er á aukaverkunum.
Landlæknir nefnir einnig ótta
við að „hjálækningar“ gætu hindr-
að fólk í að leita hefðbundinna
lækninga. Ég fullyrði að allir
ábyrgir meðhöndlarar vísa fólki til
læknis sjái þeir minnstu ástæðu til
þess. Ef meðhöndlari finnur að
eitthvað er ekki eins og það á að
vera þá er viðkomandi bent á að
leita læknis. Við hvorki hindrum
né letjum fólk til að leita í hefð-
bundna heilbrigðisþjónustu heldur
hvetjum við til þess að hún sé not-
uð.
Aðilar innan FÍSG, sem vinna
við heildrænar lækningar, sem í
gegnum tíðina hafa verið kallaðar
óhefðbundnar lækningar sem og
ýmsum miður traustvekjandi og
niðrandi nöfnum eins og skottu-
lækningar og nú síðast hjálækn-
ingar (eins og hjákona), eru ekki
ómenntað og varhugavert fólk sem
stofnar heilsu meðborgara sinna í
hættu, heldur hefur þetta fólk ann-
arskonar menntun en þeir sem
hafa lært vestræn læknavísindi.
Öll viljum við vinna að betra lífi
og bættri heilsu almennings. Okk-
ar von er, að einhverntímann, helst
í náinni framtíð, munum við vinna
saman að fyrirbyggjandi og upp-
byggjandi meðferðum okkur sjálf-
um og almenningi til góðs.
Þar sem landlæknir skilgreinir
ekki í framantöldum viðtölum, við
hverja hann á þegar hann talar um
skottulækna og hjálækna (en slík
starfsheiti eru ekki til), hljótum við
hjá FÍSG að krefjast þess að hann
geri grein fyrir því. Það er ekki
hægt að leggja starfsheiður okkar
að veði með upphrópunum og lítt
skilgreindum hugtökum.
Höfundur er formaður FÍSG og með-
höndlari á Nuddstofunni Umhyggju.
UMRÆÐAN
MORGUNBLAÐIÐ FÖSTUDAGUR 25. JANÚAR 2002 35
ÞAÐ er ekki of-
mælt, að fyrirhugað
ráðstefnu- og tónlist-
arhús í Reykjavík er
mesta framfaraspor
sem tekið hefur verið
í menningar- og at-
vinnulífi landsmanna
um langt árabil. Gríð-
arlegri grósku í tón-
listarlífi verður svarað
á viðeigandi og löngu
tímabæran hátt. Og
fullkomin ráðstefnu-
aðstaða til jafns við
það sem gerist í ná-
grannalöndum okkar,
er að mínu viti lyk-
ilatriði í frekari þróun
ferðaþjónustu í landinu umfram það
sem nú er.
Þrátt fyrir mikla umbrotatíma í
ferðaþjónustu og flugsamgöngum
þessi misserin, hallast menn þó að
því að hvað Ísland varðar geti verið
um sóknarfæri í stöðunni að ræða.
Allar spár benda til gríðarlegs
vaxtar í umfangi ferðaþjónustu í
heiminum, þrátt fyrir augljóst tíma-
bundið bakslag af völdum hryðju-
verkanna í Bandaríkjunum. Ráð-
stefnu- og fundahald er sá hluti
ferðaþjónustunnar sem er í hvað
mestri sókn. Það er talið að ráð-
stefnumarkaðurinn velti um 300
milljörðum bandaríkjadala á ári.
Um 7.500 árlegar ráðstefnur og
fundir samtaka og félaga eru á ferð
um heiminn líkt og síldartorfur í leit
að nýjum fundarstað á hverju ári.
Um 4.500 af þessum ráðstefnum og
fundum eru haldnir í Evrópu. Aukin
alþjóðavæðing hefur
kallað á meiri þörf fyrir
að skiptast á skoðunum
og þekkingu og þrátt
fyrir stóraukna mögu-
leika á samskiptum
heimsálfa á milli með
rafrænum hætti, er
maður alltaf manns
gaman.
Markaðssetning
tekur fimm ár
Ráðstefnuskrifstofa
Íslands er markaðsfyr-
irtæki á sviði ráðstefnu-
þjónustu í eigu Flug-
leiða, Ferðamálaráðs
Íslands og Reykjavík-
urborgar auk um 40 hagsmunaaðila
í greininni. Meginhlutverk Ráð-
stefnuskrifstofunnar er að vekja at-
hygli erlendra skipuleggjenda ráð-
stefna á Íslandi sem áfangastað.
Eðlilegt er að ætla, að þáttur Ráð-
stefnuskrifstofunnar verði mikill við
kynningu og markaðssetningu á
hinni nýju ráðstefnuhöll. Sam-
kvæmt reynslu nágrannaþjóða er
bráðnauðsynlegt að hefja slíka
markaðssetningu um leið og skrifað
er undir samkomulag um byggingu
hússins, jafnvel þótt 5–7 ár séu til
opnunar.
Ráðstefnugestum hingað til lands
hefur fjölgað jafnt og þétt. Á árinu
2000 urðu þeir flestir eða rúmlega
sautján þúsund, en í ár er gert ráð
fyrir a.m.k. 53 ráðstefnum og fund-
um með tæplega fimmtán þúsund
gestum. Og eftir miklu er að slægj-
ast. Skv. könnun Ferðamálaráðs
voru útgjöld ráðstefnugesta á Ís-
landi á árunum 1999 og 2000 um 3,7
milljarðar króna. Þrátt fyrir veru-
legar úrbætur og aukna þjónustu
þeirra þjónustuaðila, sem fyrir eru,
er ljóst, að fullkomin ráðstefnuað-
staða mun stórauka tekjumöguleik-
ana.
Mikil margföldunaráhrif
Ráðstefnuhús mun styrkja gagn-
kvæmt samspil menningar- og at-
vinnulífs, því ferðaþjónustan mun
án efa nýta sér framboð á menning-
arsviðinu í tengslum við ráðstefnu-
hald.
Það styrkir Reykjavík sem
áfangastað. Unnið er að því að
kynna borgina sem heilsuborg með
áherslu á laugarnar og útivist.
Það styrkir Flugleiðir og önnur
flugfélög sem hingað fljúga. Efnaðri
farþegar sem eingöngu eru á leið
hingað og héðan og greiða hærri
fargjöld en venjulegir ferðamenn.
Mun hærra hlutfall maka kemur
hingað til lands með ráðstefnuþátt-
takendum en til annarra staða og
mun fleiri fara í lengri eða styttri
ferðir fyrir eða eftir ráðstefnur hér
á landi en annars staðar.
Þessi þáttur styrkir hótel, verslun
og veitingaþjónustu i höfuðborginni
og ferðaþjónustu á landsbyggðinni
og eins eru ráðstefnur yfirleitt
haldnar utan hins hefðbundna
ferðamannatíma.
Yfir 300 þúsund ferðamenn komu
hingað til lands á síðasta ári. Það er
mín skoðun, að allar hugmyndir um
stórfellda aukningu á fjölda ferða-
manna séu varhugaverðar, m.a. með
tilliti til þolmarka ferðamannastaða.
Það er hins vegar mun meira keppi-
kefli að stórauka tekjur af þeim
ferðamönnum, sem hingað koma.
Það gerum við með fullkominni ráð-
stefnu- og tónlistarhöll, markaðs-
setningu með áherslu á öryggi og
fagurt umhverfi, menningarlíf og
fagmennsku í hvívetna.
Ræður úrslitum
í þróun ferðaþjónustu
Helgi
Pétursson
Nýbygging
Ráðstefnu- og tón-
listarhús, segir Helgi
Pétursson, er mesta
menningarspor hér-
lendis um árabil.
Höfundur er borgarfulltrúi og hefur
setið í stjórn Ráðstefnuskrifstofu
Íslands síðan 1994.
KVEN-
SÍÐBUXUR
3 SKÁLMALENGDIR
Bláu húsin við Fákafen.
Sími 553 0100.
Opið virka daga 10-18,
laugardaga 10-16.
HEILSUHRINGURINN
VILT ÞÚ FRÆÐAST?
Tímarit um holla næringu og
heilbrigða lífshætti.
Áskriftarsími 568 9933
Síðumúla 27 • 108 Rvík
Veffang: http:www.simnet.is/heilsuhringurinn/