Morgunblaðið - 25.01.2002, Qupperneq 45

FRÉTTIR
MORGUNBLAÐIÐ FÖSTUDAGUR 25. JANÚAR 2002 45
Hluthafafundur
Hluthafafundur Baugs hf. verður haldinn að
Hótel Sögu, í Skála 2.hæð, Reykjavík,
fimmtudaginn 31. janúar 2002, kl. 16.00.
Dagskrá:
Tillaga frá stjórn félagsins um breytingu á 2.
mgr. 5. gr. samþykkta félagsins þess efnis
að reikningsár félagsins verði frá 1. mars til
síðasta dags febrúar ár hvert í stað
almanaksársins.
Önnur mál.
Stjórnin.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
BA
U
1
65
96
0
1/
20
02
5.000. hljóðbókin
Í frétt um 5.000. bókartitil
Blindrabókasafns Íslands í blaðinu á
miðvikudag var fyrirsögnin villandi.
Bókin var sögð á blindraletri en um
er að ræða 5.000. hljóðbókina.
Beðist er velvirðingar á vitleys-
unni.
LEIÐRÉTT
ÁRLEG plötusnúðakeppni Frosta-
skjóls verður haldin í dag, föstudag-
inn 25. janúar, í Frostaskjóli. Keppn-
in hefst kl. 20, en þetta er 16. árið í röð
sem hún er haldin. Keppnin hefur í
gegnum tíðina verið vettvangur upp-
rennandi plötusnúða til að sanna sig.
Keppendur koma úr félagsmið-
stöðvum landsins og hefur hver kepp-
andi 5–8 mínútur til þess að sýna hvað
í honum býr. Eingöngu er notast við
vínylplötur og heimilt er að spila allar
tónlistarstefnur. Húsið verður opið
fyrir alla sem vilja koma og það er
frítt inn. Athygli er vakin á því að
þetta er vímulaus skemmtun.
Plötusnúða-
keppni Frosta-
skjóls
STJÓRN Verkalýðsfélagsins
Vöku ályktaði eftirfarandi á
fundi sínum miðvikudaginn 23.
janúar sl.
„Stjórn Verkalýðsfélagsins
Vöku mótmælir því að láglauna-
fólk skuli þurfa að taka að sér
stjórn efnahagsmála í landinu.
Það er stjórnvöldum til hábor-
innar skammar að það skuli æ
og aftur vera nauðvörn verka-
lýðshreyfingarinnar að afsala
sér launahækkunum til að koma
böndum á verðbólguna. Þessi
sömu stjórnvöld hæla sér af góð-
æri og hagræðingu í ríkis-
rekstri, en telja sig þurfa að
margfalda álögur á námsmenn,
sjúklinga, aldraða og öryrkja,
hafa á sama tíma geð í sér til að
lækka skatta á fyrirtæki og há-
tekjufólk.
Stjórn Verkalýðsfélagsins
Vöku lýsir eftir aðgerðum rík-
isvaldsins til að stemma stigu
við verðbólgunni, styrkja geng-
ið, auka kaupmátt og lækka
vexti.
Stjórn Vöku telur að ríkis-
valdið hefði m.a. átt að:
 lækka hlut sjúklinga í læknis-
og lyfjakostnaði
 hækka persónuafslátt
 koma á skyldusparnaði ungs
fólks á vinnumarkaði
Þrátt fyrir að forysta ASÍ hafi
tekið ákvörðun um að fresta
endurskoðun launaliðs kjara-
samninga, án þess að gefa félög-
unum fyrst kost á því að segja
álit sitt, mun stjórn Vöku ekki
leggjast gegn þessari tilraun.
Hún vill þó minna á að það fólk
sem fær laun sín greidd eftir
umsömdum kauptöxtum ber
ekki ábyrgð á þenslu, launa-
skriði, veiku gengi eða óðaverð-
bólgu, samt er því ætlað að axla
ábygðina. Þetta fólk getur ekki
endalaust beðið eftir betri tíð
með blóm í haga.
Stjórn Verkalýðsfélagsins
Vöku óttast að ef ekki býr meiri
alvara og vilji að baki samkomu-
laginu frá 13. des. sl af hálfu við-
semjenda ASÍ, en að stunda
jólaföndur með vísitöluna fram
til 1. maí, þá hafi frestunin verið
til lítils.
Að lokum minnir stjórn Vöku
á að ekki kaupa allir landsmenn
í matinn í Hafnarfirði.“
Segja að láglaunafólk
eigi ekki að stjórna
efnahagsmálunum
OLÍS hóf í gær í þriðja sinn umferð-
arátak á bensínstöð félagsins við
Álfheima. Thomas Möller, fram-
kvæmdastjóri markaðssviðs þjón-
ustustöðva Olís, segir herferðina
„Öryggi í umferð“ hafa þann til-
gang að hvetja ökumenn til að gæta
að aðbúnaði ökutækja sinna þegar
sól sé lágt á lofti og aðstæður mis-
jafnar.
Thomas Möller vill benda öku-
mönnum á að þeir geti sjálfir gert
ýmislegt til að auka á öryggi, m.a.
með því að gæta þess að endurnýja
þurrkublöð og athuga að allar per-
ur séu í lagi. Átakið stendur fram í
mars og býður Olís viðskiptavinum
bílaöryggisvörur á sérkjörum, m.a.
perur og þurrkublöð. Þá er starfs-
fólk bensínstöðvanna boðið og búið
að aðstoða við að kanna helstu ör-
yggisþætti bíla, svo sem loftþrýst-
ing í dekkjum, perur og þurrku-
blöð, segir m.a. í frétt frá félaginu.
Morgunblaðið/Þorkell
Sigurbjörn Ólafsson, starfsmaður Olís, athugaði þurrkublöð og annan
öryggisbúnað á bíl Sigurðar Helgasonar hjá Umferðarráði.
Olís hvetur til
öryggis í umferð
♦ ♦ ♦
ÖKUMAÐUR bifreiðar var fluttur
á slysadeild eftir að hafa blindast
af sól við Bakkabraut í Kópavogi í
gær með þeim afleiðingum að
hann ók á stein og skall með höf-
uðið í framrúðu bifreiðarinnar þar
sem hann var ekki í bílbelti. Við
höggið brotnaði framrúðan og fékk
ökumaðurinn snert af heilahrist-
ingi.
Hann fékk að fara heim af
sjúkrahúsi eftir rannsókn.
Blindaðist af sól og ók á stein