Morgunblaðið - 25.01.2002, Page 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 25. JANÚAR 2002 VERÐ Í LAUSASÖLU 190 KR. MEÐ VSK.
HAGSMUNAAÐILAR í sjávarút-
vegi, samtök útvegsmanna og sjó-
manna, kynntu í gær sameiginlegar
tillögur um breytingar á lögum um
stjórn fiskveiða. Þær fela einkum í
sér takmörkun á framsali aflamarks
til og frá fiskiskipum og eru fyrst og
fremst til þess fallnar að fækka í
fiskiskipaflota landsmanna, koma í
veg fyrir þátttöku sjómanna í kvóta-
kaupum og draga úr brottkasti. Til-
lögurnar marka tímamót í samskipt-
um útvegsmanna og sjómanna.
Tillögurnar felast í meginatriðum
í því að heimild til framsals afla-
marks frá fiskiskipi verði 25% af út-
hlutun á hverju fiskveiðiári og að
ekki verði unnt að flytja meira afla-
mark til skips en jafngildi tvöfaldrar
kvótaúthlutunar þess.
Ljóst er að nái tillögurnar fram að
ganga munu þær hafa veruleg áhrif
á vel á annað hundrað skipa, einkum
þau sem hafa yfir litlum eða engum
aflaheimildum að ráða og byggja út-
gerð sína á leigumarkaðnum. Sjó-
menn og útvegsmenn segja að
markmiðið með tillögunum sé að
hefta óæskilega stækkun fiskiskipa-
flotans og um leið að koma í veg fyr-
ir brottkast á fiski en sýnt þyki að
brottkast sé mest á kvótalitlum
skipum. Það hafi Fiskistofa m.a.
staðfest. Þá hafi útgerðir kvótalítilla
skipa hvað eftir annað verið staðnar
að því að brjóta ákvæði laga og
kjarasamninga um uppgjör til sjó-
manna.
Árni M. Mathiesen, sjávarútvegs-
ráðherra, hefur þegar fengið tillög-
urnar í hendur. Hann segir það mik-
il tíðindi að þessir aðilar hafi náð
samkomulagi, enda séu þeir fulltrú-
ar yfirgnæfandi meirihluta þeirra
sem starfa í atvinnugreininni. Því
verði hann að taka tillögurnar alvar-
lega, vandlega verði farið yfir þær
og kostir þeirra og gallar metnir.
Munu vega þungt
Tillögurnar ganga í veigamiklum
atriðum þvert á álit meirihluta end-
urskoðunarnefndarinnar svokölluðu,
einkum hvað varðar flutning á afla-
marki frá skipum en nefndin lagði til
að framsal aflamarks frá skipi yrði
miðað við 75% af úthlutuðu afla-
marki. Eins leggja sjómenn og út-
vegsmenn til að aðeins verði unnt að
skrá aflamark og aflahlutdeild á
skip en ekki á fiskvinnslustöðvar
eins og nefndin lagði til.
Árni segist ekki vera bundinn af
áliti endurskoðunarnefndarinnar.
„Tillögurnar munu vega mjög þungt
í þeirri endurskoðunarvinnu sem nú
er í gangi í ráðuneytinu, enda taka
þær á umdeildustu þáttum fiskveiði-
stjórnunarinnar, á eftir gjaldtöku-
hugmyndum,“ segir Árni.
Sjómenn og LÍÚ leggja fram tillögur um takmörkun á framsali aflamarks
Hefðu áhrif á útgerð
yfir 100 fiskiskipa

Verulega/30
FRAMLEIÐSLUGETA álversins í
Straumsvík verður aukin í 460 þús-
und tonn á ári í tveimur áföngum,
samkvæmt nýjum hugmyndum Ís-
lenska álfélagsins (ISAL). Í fyrri
áformum félagsins var gert ráð fyrir
að framleiðslan yrði 400 þúsund
tonn á ári. Í þessu felst aukin hag-
kvæmni, m.a. með betri nýtingu á
byggingum. Engar ákvarðanir hafa
hinsvegar verið teknar varðandi
stækkunina en ISAL mun skila
matsskýrslu til Skipulagsstofnunar í
apríl nk.
ISAL hefur leitað eftir því við
Þjóðhagsstofnun að hún meti þjóð-
hagsleg áhrif þessarar stækkunar.
Þórður Friðjónsson, forstjóri Þjóð-
hagsstofnunar, bendir á að hug-
myndir um stækkun álvers ISAL
séu sambærilegar við fyrsta áfanga
Reyðarálsverkefnisins. Hann segir
þó ýmsar stærðir breytilegar en
stærðirnar er varða framlag til
landsframleiðslu séu þó ekki ólíkar í
þessum verkefnum. Í skýrslu Þjóð-
hagsstofnunar vegna Reyðaráls-
verkefnisins kemur fram að á tíma-
bilinu 2002–2009 gæti þjóðarfram-
leiðsla orðið að jafnaði 2% hærri og
landsframleiðsla 2,5% hærri en án
verkefnisins.
Hugmyndir um frekari stækkun í Straumsvík
Framleiðslan aukin
í 460 þúsund tonn

Hagkvæmara/20
YFIRBORÐ Kleifarvatns stóð
nánast í stað fram eftir vetri, en
vegna mikillar úrkomu á svæðinu
í janúar hefur bæst heldur meira
í vatnið en nemur rennslinu úr
því, að sögn Kristjönu Eyþórs-
dóttur, jarðfræðings hjá Vatna-
mælingum Orkustofnunar. Nú er
vatnsborðið hinsvegar tekið að
lækka lítið eitt á ný samfara
minni úrkomu. Hverir sem fyrir
nokkrum dögum voru undir yf-
irborði vatnsins eru komnir á
þurrt. Landslagið minnir kannski
helst á það sem finna má á tungl-
inu.
Kristjana segir að vel sé fylgst
með stöðu yfirborðs Kleifarvatns
hjá Vatnamælingum. Hún segir
ánægjulegt að almenningur sýni
breytingum við vatnið mikinn
áhuga og fjöldi ferðamanna hefur
aukist síðan vatnsborðið tók að
lækka í kjölfar jarðhræringa á
Suðurlandi. Hefur vatnsborðið
ekki verið lægra í rúm 100 ár.
Morgunblaðið/RAX
Hver á
þurru við
Kleifarvatn
INGIBJÖRG Sólrún Gísladóttir
borgarstjóri mun skipa áttunda sæti
Reykjavíkurlistans við komandi
borgarstjórnarkosningar. Vinstri-
hreyfingin – grænt framboð fær
fyrsta sætið, Framsóknarflokkurinn
annað sæti og Samfylkingin það
þriðja. Skipa flokkarnir síðan þrjá
fulltrúa hver til viðbótar en uppstill-
ingarnefnd velur tvo frambjóðendur.
Þetta er samkvæmt tillögu við-
ræðunefnda flokkanna þriggja sem
kynnt var í gær. Kosningabandalag
flokkanna byggist annars vegar á
samstarfsyfirlýsingu og hins vegar á
málefnasamkomulagi sem hvort
tveggja verður lagt fyrir fundi flokk-
anna til afgreiðslu laugardaginn 2.
febrúar næstkomandi.
VG fær
efsta sæti
R-listans

Jafnræðisregla/31
FLUGFÉLAGIÐ Atlanta hefur að
undanförnu bætt við sig um 60 flug-
mönnum og flugvélstjórum vegna
pílagrímaflugsins sem nú stendur
yfir. Alls starfa því nú um 180 flug-
menn og flugvélstjórar á B747-
þotum félagsins. Þegar fluginu lýk-
ur í apríl–maí verður hins vegar að
fækka áhöfnum á B747-breiðþot-
unum en í staðinn þarf að fjölga
flugmönnum á B767-þotum félags-
ins.
Hafþór Hafsteinsson, forstjóri
Atlanta, sem nú er staddur í Jeddah,
segir að pílagrímaflugið hafi gengið
vel. Tólf B747-þotur sinna fluginu
og er einkum flogið milli Jeddah og
Medina og Indónesíu, Malasíu og
Singapúr.
Þegar kemur fram á sumar verð-
ur B747-þotum fækkað um fimm til
sex og verður Atlanta þá með níu til
tíu slíkar í rekstri. Hins vegar verð-
ur bætt við tveimur til þremur B767-
þotum og verður félagið þá með
fimm til sex þotur af þeirri gerð í
rekstri. Þeir B747-flugmenn Atlanta
sem þegar hafa réttindi á B767-
þotur flytjast yfir á þær og segir
Hafþór að reynt verði að komast hjá
því að mestu að leggja út í kostnað
við tegundaþjálfun flugmanna.
Atlanta réð 60 flug-
menn og flugvélstjóra
vegna pílagrímaflugs
LÍKAMLEGT ofbeldi gegn börnum
er vangreint vandamál hér á landi að
því er fram kemur í samtali við Gest
Pálsson og Jón R. Kristinsson barna-
lækna á Barnaspítala Hringsins.
Samkvæmt upplýsingum frá Barna-
verndarstofu bárust barnaverndar-
nefndum 2.728 tilkynningar vegna
barna í vanda árið 2000. Þörf var tal-
in á afskiptum í 84% tilvika. Eftir
könnun á högum barnanna var talið
að 31 barn hefði verið beitt líkamlegu
ofbeldi. Hlutfallslega fáar tilkynn-
ingar berast frá heilsugæslustöðvum
eða sjúkrahúsum. Alls bárust 109 til-
kynningar frá heilsugæslustöðvum
eða sjúkrahúsum árið 2000.
„Við verðum að gera okkur grein
fyrir því að ofbeldi gagnvart börnum
er hluti af íslenskum veruleika,“ seg-
ir Gestur. Vakin er athygli á því að
tilkynningaskylda samkvæmt barna-
verndarlögum er hafin yfir þagnar-
skyldu heilbrigðisstarfsfólks.
Líkamlegt ofbeldi
gegn börnum
Vangreint
vandamál

Barnið njóti vafans/B4–5
♦ ♦ ♦
Kl
ippstopp
2
8
.FEB R Ú AR
20
0
2