Morgunblaðið - 05.02.2002, Side 11

FRÉTTIR
MORGUNBLAÐIÐ ÞRIÐJUDAGUR 5. FEBRÚAR 2002 11
Heimsferðir opna þér leiðina til Ítalíu í sumar á hreint
ótrúlegum kjörum og opna þér dyrnar að þessu stór-
kostlega landi á verði sem hefur aldrei sést fyrr á Ís-
landi. Vikulegt flug alla fimmtudaga til Verona,
einnar fegurstu borgar Ítalíu, þar sem þú getur notið
ótrúlegrar fegurðar hennar og sögu, dvalið við
Gardavatn í magnaðri náttúrufegurð eða notið hinn-
ar fögru strandar á Rimini við glæsilegan aðbúnað.
Verona er í hjarta Ítalíu, frábærlega staðsett og héðan
er örstutt til allra átta og þú velur úr glæsilegustu
verslunum heimsins og listasöfnum og nýtur lífsins í
þessu menningarhjarta Evrópu.
Skógarhlíð 18, sími 595 1000. www.heimsferdir.is
Verð kr. 22.300
Gildir fyrir fyrstu 300 sætin sem
bókuð eru til Verona í sumar. M.v.
hjón með 2 börn, 2–11 ára.
Skattar, kr. 2.950 fyrir fullorðinn,
kr. 2.260 fyrir barn, ekki innifaldir.
Verð kr. 24.800
Flugsæti fyrir fullorðinn, fargjald A.
Takmarkað magn í hverju flugi í boði.
Skattar kr. 2.950, ekki innifaldir.
Beint flug.
300
sæti til
Ítalíu
í sumar
frá 22.300*
Toscana, Feneyjar, Róm,
Flórens eða Pisa
Frábært verð á flug og bíl og þú getur valið um ótrúlegan
fjölda spennandi áfangastaða í aðeins nokkurra klukku-
stunda akstursfjarlægð:

Flórens
Assisi
Verona
Feneyjar
Róm
Pisa

Lago di Garda
Lago di Como
Nice
Munchen

Zurich
Salzburg
Vín
Beint flug alla fimmtudaga
Brottför frá Keflavík kl. 17.30
Flug heim á þriðjudagsmorgnum
Kynnstu fegurstu borg Ítalíu
Kynntu þér Ítalíubækling
Heimsferða
HUGMYNDIR Samfylkingarinnar
um stofnun þjóðgarðs norðan Vatna-
jökuls ef af Kárahnjúkavirkjun verð-
ur fá misjöfn viðbrögð annarra
stjórnmálaflokka á Alþingi.
Valgerður Sverrisdóttir, iðnaðar-
og viðskiptaráðherra, segir aðspurð
ekkert að því að skoða þá möguleika
sem Samfylkingin sé að velta fyrir
sér þ.e. skoða það hvernig þjóðgarð-
ur geti fallið að hugmyndum um
virkjun, en virkjun sé stóra málið í
hennar huga.
„Ég er ekki andvíg þessari hug-
mynd fyrirfram. Þetta eru allt
möguleikar sem þarf að fara yfir –
hvort sem um er að ræða virkjun
innan þjóðgarðs eða utan – og síðan
þarf að taka pólitískar ákvarðanir í
framhaldi af því,“ segir Valgerður.
Arnbjörg Sveinsdóttir, þingmaður
Sjálfstæðisflokksins á Austurlandi,
segir ekkert nýtt vera í þessum hug-
myndum Samfylkingarinnar. Það
hafi alltaf legið fyrir að hægt væri að
stofna þjóðgarð á þessu svæði, sé
áhuginn til staðar, og óháð því hvort
ráðist verði í virkjanir eða ekki. Hér
sé um aðskilin mál að ræða. Hún tel-
ur að þetta sé aðferð Samfylking-
arinnar til að snúa sér út úr „und-
arlegri“ umræðu flokksins um
virkjanamál.
„Meginmálið varðandi þessa um-
ræðu er hvernig við ætlum að reka
þá þjóðgarða sem við erum nú þegar
búin að stofna. Við höfum ekki getað
rekið þjóðgarðana af miklum glæsi-
leik og fjárhagsgrundvöllurinn hefur
verið tæpur. Ef af stofnun þjóðgarðs
norðan Vatnajökuls verður þarf að
liggja fyrir hvernig hann verður rek-
inn, hver verður tilgangurinn og
hvar mörkin eiga að vera. Að mörgu
þarf að hyggja þar,“ segir Arnbjörg.
Lakara að plokka
rúsínurnar úr kökunni
Steingrímur J. Sigfússon, formað-
ur Vinstrihreyfingarinnar – græns
framboðs, segist ekki hafa kynnt sér
hugmyndir Samfylkingarinnar til
hlítar en sér hugnist betur að stofna
þjóðgarð að ósnortnu svæði. Þó geti
verið skárra að bjarga því sem
bjargað verður. Hann hefur alla fyr-
irvara á hugmyndinni.
„Það er alltaf lakara að bera kök-
una á borð þegar búið er að plokka
úr henni rúsínurnar. Við erum að
tala um talsvert annan hlut en þann
að ná þessu stóra ósnortna svæði
sem Vatnajökuls- og hálendisþjóð-
garð á heimsmælikvarða. Enn er
hægt að stofna hann í dag en hann
verður öðruvísi ef umtalsverð mann-
virki verða komin norðan jökulsins.
Umhverfisáhrifin af þessari virkjun
eru óviðunandi og að okkur snýr
núna að taka afstöðu til þess en ekki
gefast upp fyrirfram og fara að sýsla
með eitthvað sem þá er
eftir. Mér finnst þetta
vera „haltumér-
slepptumér-nálgun“
sem ég reyni að láta
ekki trufla mig,“ segir
Steingrímur.
Hann telur æski-
legra að fá niðurstöðu í
þá glímu sem núna
stendur yfir. Þetta létti
ekki þeim öflum róður-
inn sem séu að reyna
að andæfa „ofurefli rík-
isvalds og fjármagns-
aðila“ sem ætli að
keyra þessar fram-
kvæmdir í gegn.
„Ég hefði frekar vilj-
að sjá þau öfl, sem
gætu átt samleið, sam-
einast í varðstöðunni
um hálendið í stað þess
að kraftarnir dreifðust
út á óljósar hugmyndir
um að lágmarka skað-
ann,“ segir Steingrím-
ur.
Fylgjandi
skynsamlegri
náttúruvernd
Sverrir Her-
mannsson, formaður
Frjálslynda flokksins,
segist aðeins hafa séð
hugmyndir Samfylk-
ingarinnar á skotspón-
um. Hann segir sinn flokk vera fylgj-
andi skynsamlegri náttúruvernd. Ef
hugmyndirnar teljist til þess þá sé
flokkurinn fylgjandi þeim.
„Flokkurinn hefur tekið náttúru-
vernd á sína stefnuskrá, líkt og aðr-
ir. Auðvitað þarf að girða fyrir að
menn gangi of mikið á landið en það
má ekki fara út í öfgar,“ segir Sverr-
ir.
Hann segist ekki hafa andmælt
Kárahnjúkavirkjuninni sem slíkri en
allar forsendur vanti til að hann geti
greitt henni atkvæði á Alþingi.
„Alfa og ómega virkjunarinnar er
hvort hún verður arðbær. Ekkert
hefur verið lagt fram sem segir okk-
ur það. Hafi Landsvirkjun upplýs-
ingar þá liggur hún á þeim,“ segir
Sverrir.
Steingrímur J.
Sigfússon
Sverrir
Hermannsson
Valgerður
Sverrisdóttir
Misjöfn viðbrögð ann-
arra stjórnmálaflokka
Hugmyndir Samfylkingarinnar
um stofnun þjóðgarðs norðan Vatnajökuls
Arnbjörg
Sveinsdóttir
Iðnaðarráðherra
ekki andvígur
hugmyndunum
fyrirfram
SAMKEPPNISRÁÐ hefur bannað
sveitarfélaginu Ölfusi að greiða nið-
ur sólbekkjarþjónustu með því að
bjóða viðskiptavinum ókeypis að-
gang að sundlaug. Er vísað til b liðar
17. gr. samkeppnislaga sem heimilar
ráðinu að grípa til aðgerða gegn at-
höfnum opinberra aðila sem kunna
að hafa skaðleg áhrif á samkeppni.
Forsagan er sú að einkaaðilar
kvörtuðu yfir rekstri sveitarfé-
lagsins á sólbekk. Segja þeir sveitar-
félagið laða til sín viðskiptavini með
því að bjóða þeim sem nýta sér sól-
bekkinn frítt í sundlaugina á sama
stað. Verð í sólbekkinn er 500 kr. en í
sund kostar 200 kr. Telja þeir sem
kvarta að með því að bjóða gestum
ljósalampans frítt í sund sé ljóst að
fjárhagslegur aðskilnaður sé ekki
fyrir hendi. Einnig að aðstaða sveit-
arfélagsins, sem ekki sé í samkeppni,
sé notuð til að styrkja samkeppnis-
stöðu þess rekstrar sem sé í sam-
keppni.
Af hálfu sveitarfélagsins er því
haldið fram að rekstur sólbekkjar sé
eðlilegur hluti af rekstri sundlaugar
og telur sveitarfélagið einnig að
reksturinn sé aðskilinn frá öðrum
rekstri Íþróttamiðstöðvarinnar.
Samkeppnisráð er þeirrar skoðun-
ar að sú „háttsemi sveitarfélagsins
að bjóða þeim sem kaupa sér tíma í
sólbekk Íþróttamiðstöðvar Þorláks-
hafnar ókeypis í sundlaug sveitarfé-
lagsins feli í sér niðurgreiðslu í skiln-
ingi 14. gr. samkeppnislaga,“ segir í
niðurstöðu samkeppnisráðs og bann-
ar sveitarfélaginu slíka niður-
greiðslu. Í þeirri lagagrein segir að
ráðið geti mælt fyrir um fjárhags-
legan aðskilnað hjá opinberum að-
ilum annars vegar milli rekstrar í
frjálsri samkeppni og hins vegar
rekstrar sem nýtur opinbers einka-
leyfis eða verndar. Þá er sveitarfé-
laginu gert að hátta verðlagningu í
sólbekk sinn þannig að verðið standi
undir þeim kostnaði sem af þjónust-
unni hlýst þar með er töldum hús-
næðis-, orku- og vinnukostnaði.
Óheimilt að
greiða niður að-
gang í sólbekk
Styttist í
fyrsta
úrskurð
óbyggða-
nefndar
ÓBYGGÐANEFND kveður upp úr-
skurð um þjóðlendur í norðanverðri
Árnessýlu 21. mars næstkomandi.
Svæðið markast af Þjórsá í austri, í
vestri af mörkum Árnessýslu og
Borgarfjarðarsýslu og vestur- og
suðurmörkum Þingvallalands. Í
norðri af suðurmörkum Hofsjökuls
og Langjökuls og á milli jöklanna
mörkum milli afréttar Biskups-
tungnahrepps í Árnessýslu og Auð-
kúluheiðar í Húnavatnssýslu.
Hreppar sem þarna eiga hlut að
máli eru Þingvallahreppur, Gríms-
nes- og Grafningshreppur, Laugar-
dalshreppur, Biskupstungnahrepp-
ur og Gnúpverjahreppur. Afréttir
eru afréttir ofangreindra hreppa auk
afréttar Flóa- og Skeiðamanna.
Úrskurður óbyggðanefndar er
endanleg afgreiðsla innan stjórn-
sýslunnar og verður því ekki kærður
til ráðherra sem æðra stjórnvalds.
Sá sem vill ekki una úrskurði
óbyggðanefndar getur hins vegar
höfðað einkamál.