Morgunblaðið - 05.02.2002, Blaðsíða 12

FRÉTTIR
12 ÞRIÐJUDAGUR 5. FEBRÚAR 2002 MORGUNBLAÐIÐ
Hótel úti á landi
Til sölu á Snæfellsnesi fallegt hótel með gistingu fyrir 40 manns.
Stórt og fullkomið eldhús. Notalegur veislusalur og góð heilsurækt-
araðstaða. Mikið sótt af útlendum sem innlendum gestum. Fastir
matargestir á veturna.
Á austfjörðum höfum við hótel sem er 350 fm, mikið uppgert og
í gamaldagsstíl. 7 tveggja manna herbergi, bar og matsalur sem
tekur um 60 manns. Setustofa með kamínu. Verð kr. 15 millj.
Áhv. kr. 6,2 millj. Er í leigu í dag en getur losnað strax.
Ýmis skipti möguleg.
Upplýsingar aðeins á skrifstofunni.

  
 




ALDREI í sögu mæðrastyrksnefnd-
ar sóttu jafnmargar fjölskyldur í
Reykjavík um aðstoð eins og í desem-
bermánði síðastliðnum, samkvæmt
því sem fram kemur í fréttatilkynn-
ingu frá nefndinni.
„Það gefur til kynna hversu slæmt
ástandið er hjá þeim sem minna hafa
handa á milli.
Alls afgreiddi nefndin umsóknir frá
1.335 fjölskyldum um aðstoð í desem-
ber sem er mjög mikil aukning frá því
í desember árinu áður. Það varð ljóst
strax í september að aðsókn til nefnd-
arinnar yrði mikil til áramóta því frá
byrjun septembermánaðar til 1 des-
ember var biðröð út á götu alla af-
greiðsludaga hjá nefndinni.
Umsóknir frá vinnandi konum í
láglaunastétt í desember voru um
190, einstæðar mæður, sem eru m.a.
öryrkjar, voru um 760. Umsóknum
frá atvinnulausum konum fjölgaði
töluvert í desember og voru þær um
220 talsins. Auk þess voru eldri borg-
arar, námsmenn og fl. meðal umsækj-
anda um 108 talsins. Að þessu sinni
afgreiddi nefndin aðeins 57 karlmenn
í desember, öðrum var vísað frá. Þá
var þó nokkuð um það að nefndin vís-
aði frá konum sem óskuðu aðstoðar
hjá nefndinni. Fjölskyldumeðlimir á
bak við allar þessar umsóknir voru
hátt í 3.000 talsins i.e. makar þegar
það átti við og börn. Samtals nutu á
fimmta þúsund einstaklingar aðstoð-
ar hjá nefndinni í desember 2001. All-
ir sem afgreiddir voru féllu undir þær
aðstæður sem nefndin vinnur eftir.
Aðstoð frá nefndinni hefur aldrei
verið jafnumfangsmikil og fyrir síð-
ustu jól og margþætt. Skjólstæðingar
nefndarinnar hafa aldrei notið eins
mikils velvilja fyrirtækja og einstak-
linga í landinu og að þessu sinni og í
krafti þess getur nefndin starfað,“
segir ennfremur í fréttatilkynningu
frá nefndinni.
Metfjöldi beiðna barst til Mæðrastyrksnefndar
Aðstoðaði yfir 1.300
fjölskyldur í desember
NAUÐSYNLEGT er að gera ítarlegt
stöðumat á ferðaþjónustu bænda áð-
ur en hafist verður handa við frekari
aðgerðir við uppbyggingu búgrein-
arinnar. Koma þarf á fót embætti
rannsókna- og gæðastjóra og mið-
lægu bókunarkerfi á Netinu. Þetta
kemur fram í skýrslu nefndar er
landbúnaðarráðherra skipaði til að
kanna hvernig styrkja mætti ferð-
þjónustu bænda, efla tengsl hennar
við samtök og stofnanir landbúnaðar-
ins og auðvelda aðgang hennar að op-
inberum sjóðum. Niðurstöður skýrsl-
unnar, sem ber heitið „Ferðaþjónusta
bænda, sóknarfæri til sveita“, voru
kynntar á blaðamannafundi í gær
sem Guðni Ágústsson landbún-
aðarráðherra boðaði til. Í máli hans
kom m.a. fram að mikilvægt væri að
huga að því að skipa hér á landi um-
boðsmann íslenska hestsins sem væri
ein öflugasta landkynning sem völ
væri á og mikið aðdráttarafl í ferða-
þjónustu. Sagði hann fjölþætt menn-
ingarhlutverk landbúnaðarins vera
þýðingarmikið þegar litið væri til
framtíðar. Ferðaþjónusta bænda
væri ný búgrein sem hefði eflst mikið
undanfarin ár og miklir möguleikar
væru að frekari uppbyggingu innan
greinarinnar.
Formaður nefndarinnar var Níels
Árni Lund, deildarstjóri í landbún-
aðarráðuneytinu, en auk hans áttu
sæti í nefndinni Guðrún Þóra Gunn-
arsdóttir kennari við Hólaskóla,
Hrafnkell Karlsson bóndi og Sævar
Skaptason framkvæmdastjóri.
Landbúnaðarráðuneytið hafi
forystu um stefnumótun
Tillögur nefndarinnar eru fjór-
þættar. Fyrst telur nefndin að stöðu-
mat sé nauðsynlegt og leggur til að
landbúnaðarráðuneyti hafi forystu
um stefnumótun fyrir ferðaþjónustu
bænda. Í skýrslunni kemur fram að
markmið með aðkomu landbún-
aðarráðuneytisins að ferðaþjónustu í
dreiflbýli er efling ferðaþjónustu
bænda sem vaxandi búgreinar sem
rennt geti styrkari stöðum undir bú-
setu í dreifðum byggðum landsins.
Slík stefnumótun verður að mati
nefndarinnar að taka mið af því hvers
konar ferðaþjónusta kemur sér best
fyrir dreifbýlið og atvinnulíf ein-
stakra svæða.
Í öðru lagi fela tillögur nefnd-
arinnar í sér nauðsyn fræðslu og
stuðnings við búgreinina. Nefndin
leggur til að komið verði á fót emb-
ætti rannsókna- og gæðastjóra ferða-
þjónustu bænda. Hlutverk hans yrði
m.a. að standa fyrir þróunarverk-
efnum er snerta ferðaþjónustu
bænda og ferðamál í dreifbýli al-
mennt. Þá leggur nefndin til að skip-
að verði fagráð ferðaþjónustu bænda.
Mikilvægt fyrir svæði
að skapa sér sérstöðu
Í þriðja lagi telur nefndin að efla
þurfi rekstrarumhverfi ferðaþjónustu
bænda. Leggur hún til að Lánasjóður
landbúnaðarins komi í auknum mæli
að lánveitingum til uppbyggingar
ferðaþjónustunnar. Lagt er til að
stofnaður verði nýr lánaflokkur þar
að lútandi.
Þá telur nefndin að auka og efla
þurfi þróunarverkefni tengd ferða-
þjónustu bænda. Er lagt til að gerður
verði miðlægur bókunargrunnur fyr-
ir ferðaþjónustubændur á Netinu.
Lagt er til að landbúnaðarráðuneytið
hafi frumkvæði að því að auka fjöl-
breytileika í vöruframboði og þjón-
ustu hjá ferðaþjónustubændum sem
byggist á fjölþættri úrvinnslu ís-
lenskrar landbúnaðarsögu, eðli henn-
ar og sérkennum. Einnig leggur
nefndin til að hefðir og verk í land-
búnaði verði notuð til að draga ferða-
menn að, s.s. smölun, tamningar og
mjaltir. Náin tengsl við náttúru
landsins og landbúnað væru mik-
ilvægir þættir sem leggja bæri enn
frekari áherslu á. Mikilvægt væri fyr-
ir svæði að skapa sér sérstöðu sem
ferðamenn telja eftirsóknarverða.
Leiðin til þess fælist ekki síst í
samstarfi og vöruþróun á meðal
rekstraraðila á hverju svæði. Á fund-
inum var rædd hugmynd um að
ákveðnir kjarnar myndu nýta sér
sameiginlega þá afþreyingu sem fyrir
er á hverju svæði og yrði byggð upp í
framtíðinni, t.d. stangveiði, göngu-
ferðir undir leiðsögn og svo mætti
áfram telja.
Nefndin leggur að lokum til að Fé-
lag ferðaþjónustubænda veiti hvatn-
ingarverðlaun þeim ferðaþjón-
ustubændum sem þykja hvað helst
skara fram úr í greininni.
Stefnt er að því að koma hluta til-
lagna nefndarinnar í framkvæmd á
þessu ári. Landbúnaðarráðherra
sagði ríkisstjórnina ætla að veita auk-
ið fjármagn til ferðaþjónustu í land-
inu í ár og til þeirrar fjárveitingar
yrði féð m.a. sótt.
Þá væru ákveðin verkefni sem get-
ið er í skýrslunni þegar komin í fram-
kvæmd.
Í nóvember 2001 voru 128 bæir
innan vébanda ferðaþjónustu bænda
með um 2.700 uppbúnum rúmum.
Niðurstöður nefndar um hvernig efla megi ferðaþjónustu sem búgrein kynntar
Hefðir landbúnaðarins verði not-
aðar til að draga að ferðamenn
Morgunblaðið/Ásdís
Guðni Ágústsson landbúnaðarráðherra hélt í gær blaðamannafund þar
sem niðurstöður nefndar sem kanna átti hvernig renna megi styrkari
stoðum undir ferðaþjónustu bænda voru kynntar.
TVEIR menn á tvítugsaldri
hafa játað að hafa í samein-
ingu ætlað að smygla samtals
tveimur kílóum af hassi til
landsins á sunnudag. Þeir
höfðu ferðast saman til og frá
Kaupmannahöfn.
Mennirnir voru stöðvaðir
við reglubundið eftirlit toll-
gæslunnar á Keflavíkurflug-
velli og í ljós kom að hvor um
sig hafði límt um eitt kíló af
hassi á líkama sinn.
Þeir voru færðir til yfir-
heyrslu hjá fíkniefnadeild lög-
reglunnar í Reykjavík. Að
sögn Ásgeirs Karlssonar, að-
stoðaryfirlögregluþjóns, telst
málið að fullu upplýst og var
mönnum sleppt úr haldi í
gær.
Smygluðu
saman 2
kílóum af
hassi
KARLMAÐUR var á fimmtu-
dag úrskurðaður í þriggja
vikna gæsluvarðhald í
tengslum við smygl á þremur
kílóum af hassi sem tollgæslan
á Keflavíkurflugvelli lagði hald
á hinn 22. janúar sl.
Fíkniefnadeild lögreglunnar
í Reykjavík hefur unnið að
rannsókn málsins og handtók
manninn á miðvikudag í síðustu
viku.
Hassið fannst í íþróttatösku
manns sem var að koma frá
Kaupmannahöfn. Sá var einnig
úrskurðaður í þriggja vikna
gæsluvarðhald.
Handtekinn
vegna smygls
á hassi
„NOTKUN á firmanafninu Blóm og
list ehf. brýtur gegn 2.málslið 25.
gr. samkeppnislaga nr. 8/1993“ eru
ákvörðunarorð samkeppnisráðs um
kvörtun blómaverslunarinnar Blóm
er list yfir nafni blómaverslunar-
innar Blóm og list ehf.
Eigandi verslunarinnar Blóm er
list, sem stofnuð var 1. ágúst 1999
og er til húsa við Núpalind 1 í Kópa-
vogi, kvartaði til Samkeppnisstofn-
unar vegna nafns verslunarinnar
Blóm og list sem er til húsa við Bæj-
arlind í Kópavogi. Var sú verslun
opnuð í nóvember 1999. Hafi strax
eftir opnun þeirrar verslunar borið
á ruglingi milli fyrirtækjanna en
bæði viðskiptavinir og seljendur
varnings hafi ruglast á versl-
ununum.
Samkeppnisráð vísar í 25. grein
samkeppnislaga þar sem segir að
sérhverjum sé bannað að nota auð-
kenni sem hann eigi tilkall til á
þann hátt að leitt geti til þess að
villst verði á því og öðru einkenni
sem annað fyrirtæki notar með full-
um rétti.
„Nöfnin eru það lík að það er mat
samkeppnisráðs að nafnið Blóm og
list gefi í skyn að þar sé um að ræða
sömu blómaverslun og hjá kvart-
anda eða a.m.k. nátengdan rekst-
ur,“ segir í ákvörðun ráðsins
Telur nafnið Blóm
og list brjóta gegn
samkeppnislögum
HÉRAÐSDÓMUR Reykjavíkur hef-
ur dæmt íslenska ríkið til að greiða
lögreglumanni rúmar 51 þúsund
krónur auk dráttarvaxta, vegna van-
goldinna launa. Stefnandi, lögreglu-
maðurinn, taldi að fjármálaráðuneyt-
ið hefði ekki staðið við
skuldbindingar sínar skv. samkomu-
lagi við Landssamband lögreglu-
manna og ekki orðið við áskorun
landssambandsins um að leggja fram
mat Hagstofu Íslands, eins og ráðu-
neytið hafði skuldbundið sig til að
gera með umræddu samkomulagi,
sem gert var árið 1993. Þar segir m.a.
að laun lögreglumanna skuli hækka
um 3% til bráðabirgða, liggi mat
Hagstofu Íslands ekki fyrir til launa-
vinnslu 1.júlí og 1. janúar fyrir síð-
asta viðmiðunartímabil.
Stefnandi byggði á því að ráðu-
neytið hefði með umræddu sam-
komulagi árið 1993, skuldbundið sig
til að hækka laun lögreglumanna um
3% 1. maí og 3% 1. nóvember ár hvert
ef fjármálaráðuneytið hefði ekki lagt
fram mat Hagstofu Íslands á kjara-
breytingum fyrir launavinnslsu 1.
júní og 1. desember ár hvert.
Dómurinn taldi að samkvæmt
orðalagi ákvæðisins í umræddu sam-
komulagi réði það úrslitum um hvort
til umræddrar hækkunar kæmi hvort
mat Hagstofu lægi fyrir eða ekki. Í
þessu tilviki lá það mat fyrir 11. sept-
ember 2000. Samkvæmt því bar fjár-
málaráðuneytinu að greiða stefnanda
3% bráðabirgðahækkun launa frá 1.
maí 2000 til septemberloka, en lækka
síðan frá 1. október 2000 með því að
mat Hagstofunnar var að launa-
hækkun lögreglumanna væri meiri
en viðmiðunarhópa.
Allan V. Magnússon héraðsdómari
kvað upp dóminn. Kristján B.
Thorlacius hdl. flutti málið fyrir
stefnanda og Guðrún M. Árnadóttir
hrl. hjá ríkislögmanni, fyrir stefnda.
Ríkið greiði lögreglumanni
vegna vangoldinna launa