Morgunblaðið - 05.02.2002, Qupperneq 19

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 5. FEBRÚAR 2002 19
Starfsmenntaráðs verður haldinn
fimmtudaginn 7. febrúar 2002, kl. 12-13:30,
á Kornhlöðuloftinu, Bankastræti 2,
Reykjavík (bak við Lækjarbrekku).
Stefnumótun Starfsmenntaráðs.
Áherslur Starfsmenntaráðs við úthlutanir
úr starfsmenntasjóði 2002.
Dagskrá:
Starfsmenntaráð starfar
samkvæmt lögum nr.
19/1992 um starfsmenntun í
atvinnulífinu. Það úthlutar
styrkjum til starfsmenntunar
og er stjórnvöldum til
ráðuneytis um stefnumótun
og aðgerðir á sviði
starfsmenntunar.
Opinn fundur
ÞÖRF er á að fækka sveitarfélögum
á höfuðborgarsvæðinu í þrjú. Þetta
er mat Sigfúsar Jónssonar, landfræð-
ings og ráðgjafa hjá Nýsi hf., en hann
hélt erindi á ráðstefnu Borgarfræða-
seturs í gær.
Erindi Sigfúsar bar yfirskriftina
„Sveitarfélögin á höfuðborgarsvæð-
inu – hvert stefnir?“ Í samtali við
Morgunblaðið sagði Sigfús að fyrir-
lestur hans fjallaði um sérstöðu höf-
uðborgarsvæðisins hvað varðaði
fjölda sveitarfélaga. „Þetta eru átta
sveitarfélög sem ekki hafa sameigin-
lega yfirstjórn og þetta er eins og að
hafa átta húsmæður í sama eldhús-
inu!“
Hann telur mikla þörf á að fækka
sveitarfélögunum með því að sameina
þau. „Ég er ekki að halda fram einni
ákveðinni tillögu í því sambandi en
mér finnst alveg nóg að það séu u.þ.b.
þrjú sveitarfélög á höfuðborgarsvæð-
inu því það er allt of mikið að hafa þau
átta talsins. Þetta tíðkast ekki hjá
neinum borgum af þessari stærð í
kringum okkur í nágrannalöndunum.
Menn benda kannski á Kaupmanna-
höfn og segja töluvert um nágranna-
sveitarfélög þar í kring en þar erum
við líka að ræða um 1,3 milljónir
manna. Ef þú hins vegar þegar ferð á
borgasvæði á Norðurlöndunm með
2–300 þúsund manns er það bara eitt
til þrjú sveitarfélög í mesta lagi.“
Sigfús segir kostinn við að hafa
sveitarfélögin svona mörg fyrst og
fremst koma fram í góðri nærþjón-
ustu. „Í félags- og fræðslumálunum
er þetta jákvætt, en í tækni- og skipu-
lagsmálum, t.d. almenningssamgöng-
um, almannavörnum, brunavörnum,
veitum, og gatnakerfi er þetta nei-
kvætt því þú nærð ekki mikilli hag-
ræðingu á þeim sviðum.“
Að mati Sigfúsar er þetta ekki síð-
ur spurning um að búa til réttlátari
tekju- og útgjaldaskiptingu. „Ef mað-
ur skiptir þessu niður í þessa átta
hluta og setur upp tekjurnar og út-
gjöldin kemur ýmiss konar misræmi í
ljós. Maður getur tekið sem dæmi
Reykjavík. Hvers vegna eiga Reyk-
víkingar að borga 50 þúsund krónur á
mann í félagsþjónustu á meðan þeir í
Kópavogi borga bara 30 þúsund? Ég
er að tala um að það sé réttlátt að
dreifa byrðinni jafnt á alla.“
Löngu tímabært
svæðisskipulag
Fleira mælir með sameiningu að
mati Sigfúsar, eins og markvissari yf-
irstjórn og óhagkvæm landamörk
sem nú eru á milli sveitarfélaga.
Hann segir svæðisskipulagið sem nú
er verið að leggja lokahönd á löngu
tímabært. „Þetta er í fyrsta skipti
sem sveitarfélögin koma saman og
búa til sameiginlega sýn um þróun
svæðisins og eitthvert mesta fram-
fararspor sem hefur verið stigið í
sveitarfélögunum. Það er gríðarlega
gott samstarf sem hefur myndast
milli sveitarfélaga um þetta.“
Hann segir þetta hins vegar vekja
upp spurningar um lýðræðið. „Um
leið og þú ferð út í svona náið og gott
samstarf um að byggja upp svæðið
verða minnihlutarnir yfirleitt út und-
an því sveitarfélögin á höfuðborgar-
svæðinu eru sameiginlega farin að
taka ákvarðanir um meginlínur í
skipulagsmálum einstakra sveitarfé-
laga. Eina leiðin til að ná fram mark-
miði um lýðræði í þessum efnum er
að fækka sveitarfélögunum til að allir
hafi jafnan aðgang að ákvarðanatök-
unni.“
Sigfús segir einnig þurfa að huga
að verkaskiptingu ríkis og sveitarfé-
laga og þeim áhrifum sem hún hefur
á höfuðborgarsvæðinu. „Sem dæmi
þá eru málaflokkar á borð við fé-
lagsstarf aldraðra, félagslegar íbúðir,
menningarmál og fleira eiginlega
munaðarlausir. Þeir eru bæði á
ábyrgð ríkis og sveitarfélaganna og
lenda þannig á milli sem þýðir að
málaflokkurinn líður fyrir það að
vera ekki alveg á ábyrgð annars að-
ilans.“
Erindi sérfræðings á ráðstefnu Borgarfræðaseturs í gær
Vill sameiningu sveitarfé-
laga á höfuðborgarsvæðinu
Höfuðborgarsvæðið
ÞRJÁR nýjar íbúðir voru afhentar
húsnæðisnefnd Kópavogs í síðustu
viku en þær voru keyptar af verk-
takafyrirtækinu ÁF hús ehf. Um er
að ræða tvær 3ja herbergja íbúðir og
eina 4ra herbergja í nýju fjölbýlis-
húsi í Salahverfi í Kópavogi.
Í fréttatilkynningu frá Kópa-
vogsbæ segir að húsnæðisnefndin
hafi haft yfir að ráða samtals 590
íbúðum um síðustu áramót. Eignar-
íbúðir voru 347, íbúðir með kauprétti
68, félagslegar leiguíbúðir 110 og
íbúðir fyrir aldraða 65. Þá segir að
nefndin hafi úthlutað 39 íbúðum á
árinu 2001 auk þess að veita 172 við-
bótarlán í almenna húsnæðiskerfinu.
Það var Ágúst Friðgeirsson
byggingameistari sem afhenti
Höllu Halldórsdóttur, formanni
Húsnæðisnefndar Kópavogs-
bæjar, lykla að íbúðunum.
Húsnæðis-
nefnd fær
nýjar íbúðir
Kópavogur
SANNKALLAÐ handboltaæði hefur
gripið um sig meðal yngstu grunn-
skólakrakkanna á Seltjarnarnesi en
um 30 nýir liðsmenn mættu til leiks
á æfingu síðastliðinn föstudag.
Hildigunnur Hilmarsdóttir hand-
boltaþjálfari er ekki í vafa um að
gott gengi íslenska landsliðsins í
Evrópukeppninni í handknattleik
eigi ríkan þátt í þessum aukna
áhuga krakkanna.
„Við ákváðum í kjölfar árangurs
íslenska landsliðsins að bjóða krökk-
unum í sex og sjö ára bekk í Mýr-
arhúsaskóla að koma á prufuæfingu
og á föstudag mættu 60 stelpur og
60 strákar þannig að þetta var eins
og mauraþúfa,“ segir Hildigunnur
og hlær. Hún segir hafa gengið
ágætlega að stjórna krakkaskar-
anum þrátt fyrir að um 30 þessara
barna hafi ekki mætt áður á æfingu.
Hún er ekki í vafa um að Evr-
ópukeppnin hafi haft þarna sín
áhrif. „Krökkunum finnst þetta
spennandi eftir að hafa horft á leik-
ina. Eins er alls staðar verið að tala
um keppnina og börnin hafa hrifist
með.“ Hildigunnur segir stemmn-
inguna einnig einstaklega góða í
eldri hópunum vegna keppninnar
og sem dæmi hafi yfir 100 eldri
krakkar komið saman í íþróttahús-
inu síðastliðinn miðvikudag til að
horfa á leikinn á breiðskjá.
Gott að fá krakkana
svona unga
En hvað með framhaldið hjá nýju
liðsmönnunum? „Það ætla allir að
koma aftur í dag og svo verðum við
bara að sjá hvað gerist,“ segir Hildi-
gunnur. „Það væri gott ef bara
helmingurinn af þeim sem eru núna
héldi áfram því það er svo mikilvægt
að fá krakkana unga inn. Ef maður
fær svona stóran hóp af sex og sjö
ára börnum nær maður að byggja
svo vel upp fyrir framtíðina því
maður nær ekki jafnmiklum árangri
með þá sem byrja kannski 10–12 ára
eins og með þessa litlu krakka.“
Hildigunnur hefur þjálfað hjá
Gróttu í þrettán ár en segist aldrei
hafa orðið vör við annan eins áhuga
á handboltanum og nú. „Það eru all-
ir svo jákvæðir og allir vilja gera
eitthvað,“ segir hún og tekur Old
boys hópinn hjá Gróttu sem dæmi en
hann ætlar að nota ágóðann af nýaf-
stöðnu þorrablóti sínu til að ýta und-
ir áhuga yngri kynslóðarinnar.
„Þeir ætla að bjóða öllum krökkum
sem eru að æfa hjá Gróttu á bik-
arúrslitaleik kvenna, sem verður 16.
febrúar, en þar eru Grótta og ÍBV
að keppa,“ segir hún og bendir á að
allajafna þurfi krakkarnir að borga
sig inn á bikarleiki. Verða krakk-
arnir fluttir á leikinn í rútum auk
þess sem keyptir verða bolir handa
öllum, að sögn Hildigunnar.
Handboltaæði
hjá yngstu
kynslóðinni
Seltjarnarnes
Morgunblaðið/Sverrir
Það vantar ekki ákveðnina í 6 og 7 ára stelpurnar í Gróttu þegar handboltanum er þrusað í mark.