Morgunblaðið - 22.02.2002, Page 60

FÓLK Í FRÉTTUM
60 FÖSTUDAGUR 22. FEBRÚAR 2002 MORGUNBLAÐIÐ
BRESKA söngdrottningin Dido
vann tvenn af helstu verðlaunum
Brit-tónlistarverðlaunahátíð-
arinnar sem haldin var í Lund-
únum með viðhöfn á miðvikudags-
kvöldið. Hún var útnefnd besta
breska söngkonan og metsölup-
lata hennar No Angel var valin
besta breska platan.
Þessi þrítuga Lundúnamær sem
nær enginn þekkti fyrir ári fékk
þar með flest verðlaun á hátíðinni
ásamt annarri söngdrottningu, ár-
strölsku þokkadísinni Kylie Min-
ogue sem fékk sambærilegar út-
nefningar í flokki alþjóðlegra
listamanna, þ.e. var valin besta al-
þjóðlega söngkonan og plata
hennar Fever hlaut útnefninguna
besta alþjóðlega platan. Það var í
gegnum ólátabelginn Eminem
sem heimsbyggðin kynntist Dido
þegar hún söng blíðlegri engla-
röddu á móti honum í laginu
„Stan“. Kom á daginn að laglínan
sem hún söng var úr hennar eigin
lagi, „Thank You“, sem er einmitt
að finna á verðlaunaplötu Dido,
ásamt öðrum lögum sem náð hafa
miklum vinsældum á borð við
„Here With Me“ og „Hunter“. Svo
merkilega vill til að heil 5 ár eru
síðan Dido gerði No Angels þann-
ig að það hefur tekið sinn tíma
fyrir hana að öðlast frægð og við-
urkenningu.
Minogue tekin framyfir Björk
Minogue var gráti næst þegar
hún tók á móti verðlaunum sem
besta alþjóðlega söngkonan úr
höndum landa síns, leikarans
Russells Crowe. Með sigrinum
skaut hún stórstjörnunum Björk,
Anastaciu, Aliciu Keys og Nelly
Furtado ref fyrir rass.
Af öðrum stærri verðlaunum
má nefna að Robbie Williams var
valinn besti breski söngvarinn í
þriðja sinn en var hvergi sjá-
anlegur til að taka við verð-
launum. Besta breska hljómsveitin
var valin Travis og besta al-
þjóðlega sveitin Destiny’s Child.
Írsku altarisdrengirnir í West-
life fengu síðan verðlaun fólksins,
„Bestu poppararnir“, sem áhorf-
endur tónlistarþáttarinns CD:UK
á ITV-sjónvarpsstöðinni, lesendur
götublaðsins The Sun og SMS-
notendur BT símafyrirtækisins,
völdu. Brian McFadden var
ákveðinn þegar hann þakkaði
stuðninginn fyrir hönd félaganna
og sagði að það kæmi frá hjart-
anu: „Og ég er ekki bara að segja
það, eins og hvert annað þvaður
sem aðrir láta út úr sér hérna.“
McFadden var greinilega í víga-
hug á miðvikudag því hann lenti í
samstuði við bílskúrsdansklíkuna
So Solid Crow þannig að örygg-
isgæslan þurfti að ganga á milli
þegar flöskur voru farnar að
fljúga um salinn.
Teiknimyndafígúrurnar í Gor-
illaz fóru tómhentar heim þótt til-
nefndar hefðu verið til flestra
verðlauna, sem og Craid David,
sem varð af verðlaunum annað ár-
ið í röð.
Kynnir kvöldsins var grínistinn
og sjónvarpsmaðurinn Frank
Skinner, sem m.a. hefur unnið sér
til frægðar að hafa verið með-
söngvari í einu vinsælasta
fótboltastuðningslagi síðustu ára,
„Three Lions“. Kímni Skinners
féll í æði grýttan jarðveg í þetta
skiptið. Hann þótti alltof dónaleg-
ur við stjörnurnar og móðgaði
m.a. söngkonuna Sophie Ellis-
Bexton afar pínlega með því að
setja út á útlit hennar, þegar hann
kynnti hana á svið. Sýndi hún þá
og sannaði að hún kann að svara
fyrir sig: „Það væri mjög auðvelt
að láta nokkur dónaleg orð falla í
þinn garð en ég er dama.“
Sting voru að lokum færð sér-
stök heiðursverðlaun fyrir fram-
lag sitt til tónlistarinnar.
AP
Sting kann klárlega að striplast
enda ern maður.
AP
Kylie Minogue söng „Can’t Get
You Out of My Head“.
Reuters
Dido hefur átt ótrúlegri
velgengni að fagna síðasta árið.
AP
The Strokes voru útnefndir bestu alþjóðlegu nýliðarnir en þeir ætla
einmitt að halda tónleika á Íslandi 1. apríl næstkomandi.
Dido drottnaði á Brit
Reuters
Brian Mcfadden úr Westlife
þakkar fyrir sig frá hjartanum,
og meinar það!
Lord of the Rings: The
Fellowship of the Rings/
Hringadróttinssaga
Bandarísk. 2001. Leikstjóri: Peter Jackson.
Aðalleikendur: Elijah Wood, Ian McKellen,
Christopher Lee, Cate Blanchett.
Þessi fyrsti hluti kvikmyndalögunar Ný-Sjá-
lendingsins Peters Jacksons á Hringadrótt-
inssögu J.R.R. Tolkiens er hrein völund-
arsmíð. Aðrar ævintýra- og tæknibrellu-
myndir fölna í samanburði, um leið og
hvergi er slegið af kröfunum við miðlun hins
merka bókmenntaverks Tolkiens yfir í kvik-
myndaform. (H.J.) Smárabíó, Laugarásbíó
Moulin Rouge/Rauða myllan
Bandarísk. 20001. Leikstjórn og handrit:
Baz Luhrman. Aðalleikendur: Nicole Kid-
man, Ewan McGregor, Jim Broadbent.
Sannkölluð himnasending í skammdeginu.
Stórfengleg afþreying sem er allt í senn:
Söng- og dansamynd, poppópera, gleði-
leikur, harmleikur, nefndu það. Baz Luhr-
man er einn athyglisverðasti kvikmynda-
gerðarmaður samtímans sem sættir sig ekki
við neinar málamiðlanir og uppsker einsog
hann sáir; fullt hús stiga. (S.V.) Regnboginn
Amélie
Frönsk 2001. Leikstjóri: Jean-Pierre Jeunet.
Aðalleikendur: Audrey Tautou, Mathieu
Kassovitz, Yolande Moreau, Dominique Pin-
on. Yndislega hjartahlý og falleg kvikmynd
um það að þora að njóta lífsins. Stórkost-
legur leikur, frábær kvikmyndataka og sterk
leikstjórn Jeunet gera myndina að góðri og
öðruvísi skemmtun en við flest erum vön.
(H.L.) Háskólabíó
Elling
Noregur 2001. Leikstjóri: Peter Næss. Aðal-
leikendur: Per Christan Ellefsen, Sven Nord-
in, Pia Jacobsen. Norsk mynd tvo létt geð-
fatlaða náunga sem fá íbúð saman og
þurfa að læra að bjarga sér. Bráðfyndin og
skemmtileg mynd með fullri virðingu fyrir
aðalpersónunum. (H.L)
Háskólabíó
Jalla Jalla
Sænsk. 2001. Leikstjórn: Fares Fares. Að-
alleikendur: Fares Fares, Torkel Peterson,
Tuva Novotny, Laleh Pourkarim. Bráðfyndin
og falleg rómantísk gamanmynd, þar sem
bakgrunnurinn er innflytjendur í Svíþjóð og
samruni tveggja menningarheima. Örlítið
farsa- og formúlukennd mynd en þrælgóð
skemmtun fyrir alla. (H.L.)
Regnboginn
Mávahlátur
Tilkomumikil kvikmynd Ágústs Guðmunds-
sonar byggð á samnefndri skáldsögu Krist-
ínar Marju Baldursdóttur. Þar skapar leik-
stjórinn söguheim sem er lifandi og
heillandi, og hefur náð sterkum tökum á
kvikmyndalegum frásagnarmáta. Frammi-
staða Margrétar Vilhjálmsdóttur og Uglu Eg-
ilsdóttur er frábær. (S.V.)
Háskólabíó
Monsters Inc./Skrímsli hf.
Bandarísk. 2001. Leikstjóri: Peter Docter.
Raddsett teiknimynd. Tölvuteiknuð barna-
og fjölskyldumynd um skrímslin í skápnum.
Sem reynast jafnvel hræddari við börn en
börn við þau. Létt og skemmtileg fyrir alla
fjölsklduna. (S.V.)
Sambíóin, Reykjavík, Keflavík og Akur-
eyri. Háskólabíó
Regína
Íslensk. 2001. Leikstjóri: María Sigurðar-
dóttir. Aðalleikendur: Sigurbjörg Alma Ing-
ólfsdóttir, Benedikt Clausen, Baltasar Kor-
mákur, Halldóra Geirharðsdóttir. Fyrsta
íslenska dans- og söngvamyndin. Bráð-
skemmtileg mynd fyrir alla aldurshópa, vel
skrifuð og uppfull af ferskum listrænum
víddum. (H.J.)
Háskólabíó
Shallow Hal/
Grunnhyggni Hallur
Bandarísk. 2001. Leikstjórar: Bobby og
Peter Farrelly. Aðalhlutverk: Gwyneth Paltr-
ow, Jack Black, Jason Alexander. Hlýlegri og
rómantískari en áhorfendur eiga að venjast
frá bræðrum í dæmisögu um að oft býr
flagð undir fögru skinni – og öfugt. Black og
Paltrow fara á kostum í bestu mynd Farr-
ellyanna um hríð. (S.V.)
Smárabíó, Regnboginn
Training Day/Þolrifin reynd
Bandarísk. 2001. Leikstjóri: Antonie Fuqua.
Aðalleikendur: Denzel Washington, Ethan
Hawke, Glenn Scott. Washington tekur mót-
leikarana í nefið og drottnar yfir harðsoðn-
um trylli í Óskarstilnefningarstuði í hlutverki
ómennis. (S.V.)
Sambíóin
Gemsar
Íslensk. 2002. Leikstjórn: Mikael Torfason.
Aðalleikendur: Halla Vilhjálmsdóttir, Andri
Ómarsson, Guðlaugur Karlsson. Hversdags-
líf, þ.e. sukk og sex nokkurra borgarbarna á
bílprófsaldri skoðað í hálfgildings heimild-
armyndarstíl. Unglingarnir í aðalhlutverkun-
um standa sig upp og ofan og eru misjafn-
lega skýrt mótuð. Strákarnir betur dregnir,
sterkari og eftirminnilegri. (S.V.)
Háskólabíó
Hearts in Atlantis/
Hjörtu í Atlantis
Leikstjóri: Scott Hicks. Aðalleikendur: Anth-
ony Hopkins. Vönduð, en fullvæmin kvik-
myndaaðlögun á nóvellu eftir Stephen King,
er lýsir þroskasögu drengs þar sem æsku-
rómantík og kaldranalegur veruleiki skella
saman. Myndin á sterka fleti en er í heild-
ina mótsagnakennd. (H.J.)
Sambíóin
American Outlaws/
Amerískir útlagar
Leikstjóri: Les Mayfield. Aðalleikendur: Col-
in Farrell, Scott Caan, Harris Yulin. Úrhrökin
í James/Younger genginu gerð að Hróa
hattar-eftirlíkingum í ævintýramynd sem á
ekkert skylt við raunveruleikann. Vel kembd
nýstirni og bærilegar átakasenur en gerir
0,0 fyrir vestraformið og áhuga á því. (S.V.)
Sambíóin
Vanilla Sky/Opnaðu
augu þín
Bandarísk. 2001. Leikstjóri: Christopher
Crowe. Aðalleikendur: Tom Cruise, Penélope
Cruz, Cameron Diaz. Áferðarfalleg Holly-
wood-útgáfa hinnar spönsku Abre Los Ojos,
hefur litlu við að bæta nema hvað helst
myndugum leik Diaz. Fjöldaframleidd eft-
irlíking. (S.V.)
Sambíóin, Háskólabíó
Atlantis: Týnda borgin/
Atlantis: The Lost Empire
Bandarísk. 2001. Leikstjóri: John McHarris.
Teiknimyndi með enskri og íslenskri talsetn-
ingu. Af þessari teiknimynd um týndu borg-
ina Atlantis má sjá að Disney-risinn færist
sífellt nær hinni stöðluðu Hollywood-
spennumynd í teiknimyndagerð sinni.
Myndin er víða bráðfyndin en heildin er
óttaleg samsuða. (H.J.) Sambíóin
Just Visiting/Gestirnir
Bandarísk. Leikstjóri: Jean-Marie Poiré. Að-
alleikendur: Jean Reno, Christian Clavier,
Christina Applegate. Tveir 13. aldar náung-
ar ferðast gegnum tímann inn í nútíðina,
þar sem allt er heldur betur framandi. Þessi
bandaríska eftirgerð frönsku gamanmynd-
arinnar Les Visiteurs er misheppnuð, þrátt
fyrir að einstaka atriði sé fyndið ef maður
hefur ekki séð frönsku myndina. (H.L.) Stjörnubíó
Spy Game
Bandarísk. Leikstjóri: Tony Scott. Aðalleik-
endur: Robert Redford, Brad Pitt. Njósna-
mynd í Tony-stíl, semsagt pottþétt útlit en
innihald rýrt og sundurlaust. Maður bíður
eftir að eitthvað fari að gerast í Berlín, Kína,
Beirút og í höfuðstöðvum CIA en til lítils og
flest heimskulegt. Bærileg afþreying, aum
rómantík og undarleg plott. (S.V.) Sambíóin, Háskólabíó
Out Cold/Úti í kuldanum
Bandarísk. 2001. Leikstjóri: Brendan
Malloy. Aðalleikendur: Jason London, Lee
Majors. Unglingamynd sem hefur ýmislegt
til að bera, s.s. flott snjóbrettaatriði og
skemmtilega hrátt umhverfi, en slappt
handritið er uppfullt af afturendabröndurum
og lágkúru. (H.J.) BÍÓIN Í BORGINNI
Sæbjörn Valdimarsson/Hildur Loftsdóttir/Heiða Jóhannsdóttir




Meistaraverk


Ómissandi

Miðjumoð
Tímasóun 0 Botninn
Sæbjörn Valdimarsson telur tölvu-
teiknimyndina Skrímsli hf. hina fín-
ustu fjölskylduskemmtun.