Morgunblaðið - 03.03.2002, Side 55

MORGUNBLAÐIÐ SUNNUDAGUR 3. MARS 2002 55
Smástrákur
(Baby Boy)
Drama
Bandaríkin 2001. Skífan VHS. Bönnuð
innan 16 ára. ( mín.) Leikstjórn og hand-
rit John Singleton. Aðalhlutverk Tyrese
Gibson, Taraji P. Henson, Omar Gooding
og Ving Rhames.
JOHN Singleton skaust með því-
líkum látum fram á sjónarsviðið árið
1991 með frumraun sinni, Boyz N
The Hood. Skemmst er frá því að
segja að myndin sú er í hópi þeirra
magnaðri er taka á málefnum
blökkumanna í Bandaríkjum sam-
tímans og hreint ótrúleg staðreynd
að hún hafi verið
gerð af nýgræð-
ingi. Enda var
hann líka tilnefnd-
ur til tvennra Ósk-
arverðlauna fyrir
afrekið.
En eins og svo
oft vill verða er
menn byrja með
slíkum ágætum
hefur drengurinn átt í hinu mesta
basli með að fylgja eftir velgengninni
og er óhætt að segja að hann hefur
ekki staðið undir þeim væntingum
sem gerðar voru til hans. Poetic Jus-
tice, Higher Learning, Rosewood og
Shaft eru allar ágætar sem slíkar en
þó ekki hálfdrættingar á við frum-
raunina og maður satt að segja far-
inn að velta fyrir sér hvort Singleton
eigi nokkurn tímann eftir að ná þeim
hæðum aftur.
Sjötta mynd hans, Baby Boy, sem
Singleton hefur sjálfur lýst sem ein-
hvers konar afturhvarfs til rótanna,
heimsókn í gamla hverfið, veitir
manni blessunarlega vonarneista um
að hann eigi enn fullt inni. Að snilldin
sé enn til staðar og einungis spurs-
mál um hvenær hlutirnir smella sam-
an að nýju.
Það er auðséð hvað hann meinar
þegar hann talar um afturhvarfið.
Baby Boy er líkust Boys N The Hood
af öllum hans myndum og svei mér
þá ef hún kemst henni ekki einnig
næst að gæðum. Myndin fjallar um
ráðlausan og eigingjarnan mömmu-
strák sem á í mesta basli með að vaxa
úr grasi, yfirgefa hreiðrið og axla þá
ábyrgð sem nýbökuðum föður ber að
gera. En sambland af vanþroska og
þrýstingi frá umhverfi og félögum
veldur því að hið áhyggjulausa líf
æskunnar togar of mikið í hann.
Myndin hefur vissulega sína galla.
Hún grípur mann t.d. ekki nándar
nærri eins mikið og títtnefnd frum-
raun en hún gnæfir samt sem áður
vel yfir meðalmennskunni og það er
hin mesta synd að ekki gafst færi á
að njóta hennar í bíó.
Skarphéðinn Guðmundsson
Myndbönd
Mömmu-
strákur Optical Studio
– hagstæð gleraugnakaup –
OPTICAL STUDIO
DUTY FREE STORE
LEIFSSTÖÐ - KEFLAVÍKURFLUGVELLI
SÍMI 425 0500 - FAX 425 0501
Þjónustu- og ábyrgðaraðilar:
OPTICAL STUDIO RX / OPTICAL STUDIO SÓL, SMÁRALIND - GLERAUGNAVERSLUNIN Í MJÓDD - GLERAUGNAVERSLUN KEFLAVÍKUR - GLERAUGNAVERSLUN SUÐURLANDS
OPTICAL STUDIO
LEIFSSTÖÐ
(TAX & DUTY FREE)
OPTICAL STUDIO RX
SMÁRALIND