Morgunblaðið - 27.03.2002, Page 14

AKUREYRI
14 MIÐVIKUDAGUR 27. MARS 2002 MORGUNBLAÐIÐ
ODDUR Helgi Halldórsson bæjar-
fulltrúi skipar 1. sæti L-listans, Lista
fólksins fyrir bæjarstjórnarkosning-
ar á Akureyri í vor. Sama fólkið skip-
ar fyrstu fjögur sætin á listanum og
voru á honum við síðustu kosningar.
Marsibil Fjóla Snæbjarnardóttir
sjúkraliði er í 2. sæti, Ágúst Hilm-
arsson sölumaður í 3. sæti, Nói
Björnsson skrifstofumaður í 4. sæti,
Íris Dröfn Jónsdóttir háskólanemi í
5. sæti, Víðir Benediktsson stýri-
maður í 6. sæti, Sigurveig Berg-
steinsdóttir matráður í 7. sæti, Silja
Dögg Baldursdóttir framhaldsskóla-
nemi í 8. sæti, Tryggi Gunnarsson
sölumaður í 9. sæti, Þorsteinn J.
Haraldsson tækjamaður í 10. sæti og
Hulda Stefánsdóttir skrifstofumað-
ur er í 11. sæti listans.
„Ég er mjög ánægður með að hafa
fengið þetta fólk með mér aftur, ég
lagði á það töluverða áherslu að fá
það til liðs við mig á ný og þau voru
tilbúinn í slaginn,“ sagði Oddur
Helgi, en hann bauð L-listann fram í
fyrsta sinn fyrir kosningar 1998 en
hafði kjörtímabilið þar á undan setið
í bæjarstjórn fyrir Framsóknar-
flokkinn. Framboðið fékk einn mann
kjörinn og sagði Oddur að nú væri
stefnt að því að fá tvo menn kjörna.
„Það er ákveðinn sigur að hafa hald-
ið út í fjögur ár og vissulega velti ég
því vandlega fyrir mér hvort ég
myndi fara fram að nýju. Okkur þótti
vera þörf á framboði af þessu tagi,
við förum ekki eftir flokkslínum,
heldur er það áhuginn á málefnum
bæjarins sem knýr okkur áfram. Við
viljum hafa áhrif á það hvernig bæn-
um er stjórnað,“ sagði Oddur.
Framboðslisti L-listans samþykktur
Sömu fjórir í
fyrstu sætunum
Morgunblaðið/Kristján
Sex af átta efstu frambjóðendum á L-lista fólksins fyrir bæjarstjórn-
arkosningarnar á Akureyri í vor. F.v. Víðir Benediktsson, Íris Dröfn
Jónsdóttir, Oddur Helgi Halldórsson, Marsibil Fjóla Snæbjarnardóttir,
Nói Björnsson og Silja Dögg Baldursdóttir.
ÁTTA fatlaðir einstaklingar tóku
þátt í skíðanámskeiði í Hlíðarfjalli
um síðustu helgi og var líf og fjör í
fjallinu. Að námskeiðinu stóðu
vetraríþróttanefnd Íþrótta-
sambands fatlaðra og Vetr-
aríþróttamiðstöð Íslands, í sam-
vinnu við Skíðastaði í Hlíðarfjalli.
Að sögn Þrastar Guðjónssonar,
sem sá um framkvæmd námskeiðs-
ins, voru þátttakendur ánægðir
með hvernig til tókst, enda að-
stæður í fjallinu hinar ágætustu
bæði laugardag og sunnudag.
Þröstur sagði að í Hlíðarfjalli væri
til staðar útbúnaður fyrir fatlaða
og þar geti þeir fengið kennslu og
aðstoð með litlum fyrirvara. Þar
er bæði um að ræða búnað fyrir
alpagreinar og göngu, auk þess
sem til er búnaður fyrir þá sem
vilja fara á skauta í Skautahöllinni.
Jóhann Þór Hólmgrímsson í sérstakri skíðagrind í Hlíðarfjalli en hann á
erfitt með að halda jafnvægi. Jóhann Þór hefur stundað skíðaíþróttina í
þrjú ár. Honum til aðstoðar er Valdís Guðbrandsdóttir, nemi í iðjuþjálf-
un við Háskólann á Akureyri.
Fatlaðir á skíðum
SKÍÐASVÆÐIÐ á Dalvík verður
opið um páskana frá kl. 10–17 nema
laugardaginn 30. mars en þá verður
opið frá kl. 10–21. Hægt er að leigja
allan útbúnað á staðnum. Boðið verð-
ur upp á ýmsar uppákomur yfir há-
tíðarnar.
Farnar verða troðaraferðir upp
undir fjallsbrún á Böggvisstaðafjalli
eftir því sem aðstæður leyfa. Troð-
araferðirnar verða auglýstar nánar á
staðnum. Lukkudýr Skíðafélagsins,
hann Bjartur, mun verða á svæðinu í
tengslum við auglýsta viðburði.
Troðin verður göngubraut í hólunum
og einnig verður rudd göngubraut
inn á Böggvisstaðadal ef veður og
snjóalög leyfa, eins og segir á heima-
síðu Dalvíkurbyggðar.
Þá verður þrautabraut fyrir
yngstu kynslóðina uppi allan daginn,
boðið verður upp á einkakennslu fyr-
ir byrjendur á brettum og skíðum.
Einnig verður boðið upp á barna-
gæslu í fjallinu gegn vægu gjaldi.
Páskadagskrá
í Böggvis-
staðafjalli
FJÖLMARGAR athugasemdir bár-
ust við tillögu að deiliskipulagi 1.
áfanga Naustahverfis á Akureyri.
Nokkrar athugasemdir eru m.a.
gerðar við umferðartengingar svæð-
isins við aðra bæjarhluta og umferð-
arnet bæjarins. Skipulagssvæðið er
23,7 ha að stærð. Það afmarkast að
austan af Þórunnarstræti vestan
kirkjugarðs og að norðan af fyrir-
huguðum „Mjólkursamlagsvegi“
sunnan Teigahverfis. Tillagan gerir
ráð fyrir 327 íbúðum af fjölbreyttri
gerð á svæðinu, auk grunnskóla,
leikskóla og húsnæðis fyrir þjónustu.
Um er að ræða fyrsta áfanga
Naustahverfis, um 2.000 íbúða hverf-
is, sem áætlað er að teygi sig allt frá
núverandi byggð sunnan VMA og
suður undir Kjarnaskóg.
Gísli Kristinsson og Páll Tómas-
son benda m.a. á í athugasemdum
sínum að umferðartengingar
Naustahverfis við aðra bæjarhluta
séu verulega gallaðar. Vegna þeirrar
viðleitni að koma í veg fyrir að um-
ferð beinist á Þórunnarstræti verði
akstursleiðir óeðlilega langar og
krókóttar. Vegna legu sinnar sé Þór-
unnarstrætið eðlilegur farvegur fyr-
ir umferð að og frá Naustahverfi og
því sé réttara að ráðast í þær aðgerð-
ir á Þórunnarstræti, sem nauðsyn-
legar séu til þess að gatan geti tekið
á sig þessa umferð.
Árni Ólafsson telur mikilvægt að
nýta hið verðmæta byggingaland vel
og hann leggur því m.a. til að aug-
lýsta tillagan verði yfirfarin með það
að leiðarljósi að íbúðafjöldi í Nausta-
hverfi verði að lágmarki 2.800 íbúðir
og helst um 3.400 og í fyrsta áfang-
anum verði 500–550 íbúðir í stað
þeirra 330 sem tillagan gerir ráð fyr-
ir.
Haukur Haraldsson gerir m.a. at-
hugasemdir við að ekki sé gert ráð
fyrir fjögurra íbúða fjölbýlishúsum
og að betra sé að hafa bílskúra inni í
rað- og einbýlishúsum en stakstæða.
Helgi Snorrason, f.h. Hyrnu ehf., tel-
ur m.a. fjölbýlishús í mörgum tilvik-
um of löng og óskar skýringa á því
hvernig leysa eigi aðkomuleiðir að
hverfinu.
Lengra gengið í að
setja þrönga skilmála
Jóhannes Árnason leggur m.a. til
að vel skilgreind gönguleið verði
meðfram Mýrarvegi, til viðbótar við
gönguleið meðfram Þórunnarstræti.
Tryggvi Tryggvason og Þröstur
Sigurðsson telja m.a. að í skipulag-
inu sé gengið mun lengra en áður
hefur tíðkast í því að setja þrönga
skilmála og kvaðir, sem ekki þjóni
öðrum tilgangi en að auka bygging-
arkostnað og gera fólk fráhverft því
að byggja eða kaupa húsnæði í
hverfinu.
Vegna athugasemda sem lúta að
umferðartengingu hverfisins sam-
þykkti umhverfisráð að fela um-
hverfisdeild að yfirfara í samráði við
umferðarsérfræðinga og skipulags-
höfunda, forsendur, spár og rök-
semdir sem liggja til grundvallar
þeirri tilhögun gatna sem skipulags-
tillagan felur í sér og leggja síðan
fyrir ráðið álit á því hvort ástæða sé
til að endurmeta þessa þætti. Um-
hverfisráð bendir á að samkvæmt til-
lögunni séu 66% sérbýlisíbúða eða 78
af 119 með innbyggðan bílskúr en í
öðrum tilvikum hafi verið valdar aðr-
ar lausnir.
Æskilegt að stefna að fremur
þéttri byggð í Naustahverfi
Umhverfisráð tekur undir sjónar-
mið Árna Ólafssonar, að æskilegt sé
að stefna að fremur þéttri byggð í
Naustahverfi og leggur áherslu á að
því verði fylgt eftir í deiliskipulagi
næstu áfanga. Þá er gert ráð fyrir
gönguleið sem tengist gönguleið
meðfram Mýrarvegi. Í fyrirliggjandi
deiliskipulagstillögu er væntanleg
byggð mótuð með ákveðnari hætti
en almennt hefur tíðkast hér í bæ á
undanförnum árum. Að mati um-
hverfisnefndar er þetta ekki löstur á
skipulaginu heldur bein afleiðing af
markmiðssetningu sem fylgt hefur
verið mjög eindregið við gerð deili-
skipulagsins.
Tillaga að deiliskipulagi 1. áfanga Naustahverfis
Athugasemdir við
umferðartengingar
ÞORSTEINN Pétursson lög-
reglumaður, eða Steini P eins og
hann er jafnan kallaður, opnaði í
gær myndlistarsýningu á Gler-
ártorgi á Akureyri en það er ekki
á hverjum degi sem lögreglan
stendur fyrir myndlistarsýn-
ingum. Á sýningunni, sem stend-
ur fram yfir páska, eru um 200
verk, eftir jafn marga listamenn,
nemendur í 3. bekk í grunn-
skólum Akureyrar. Myndirnar
tengjast umferðarfræðslu sem
lögreglan hefur staðið fyrir í
skólunum í vetur og Steini P hef-
ur séð um. Svo skemmtilega vill
til að Steini kemur við sögu í
rúmlega 40 myndum og hann var
að vonum ánægður með það. „Ég
er svo góðlegur á myndunum.“
Steini sagði að lögreglan stæði
fyrir umferðarfræðslu tvisvar á
vetri í grunnuskólunum fyrir
nemendur upp í 5. bekk. Hann
sagði að sú umferðarfræðsla sem
börn fengju, hvort sem væri í
skólum eða á heimili skipti þau
máli fyrir lífstíð.
Myndlistarsýning á Glerártorgi
Morgunblaðið/Kristján
Þorsteinn Pétursson lögreglumaður er að vonum ánægður með mynd-
irnar á sýningunni enda kemur hann við sögu á rúmlega 40 þeirra.
Um 200 myndir tengd-
ar umferðarfræðslu