Morgunblaðið - 27.03.2002, Page 48

MINNINGAR
48 MIÐVIKUDAGUR 27. MARS 2002 MORGUNBLAÐIÐ
ATVINNU-
AUGLÝSINGAR
I
I
Vaktmaður
Fiskeldisfyrirtækið Silfurstjörnuna hf. vantar vakt-
mann til starfa í eldisstöð fyrirtækisins í Öxarfirði.
Einnig vantar starfsmann í mötuneyti.
Allar nánari upplýsingar gefa Benedikt eða
Rúnar í síma 465 2319 og Benedikt á kvöldin
í síma 465 2332.
Atvinna í boði
Óskum eftir þjónustuliprum starfsmanni, eldri
en 20 ára, til starfa á verkstæðismóttöku okkar
fyrir sjónvarpstæki, hljómtæki og skyldar vörur.
Æskilegt er að viðkomandi hafa áhuga á tækj-
um og viðgerðum. Vinsamlega sendið uppl.
um aldur og starfsferil merktar: 12139, til
auglýsingadeildar Mbl. fyrir 3. apríl 2002.
Löglærður fulltrúi
Laus er til umsóknar staða löglærðs fulltrúa
við sýslumannsembættið á Blönduósi.
Laun eru samkvæmt kjarasamningi Stéttar-
félags lögfræðinga.
Æskilegt er að viðkomandi geti hafið störf
fljótlega.
Umsóknum skal skilað til Bjarna Stefánssonar,
sýslumanns, Hnjúkabyggð 33, 540 Blönduósi.
Nánari upplýsingar um starfið veita sýslumað-
ur og Þórhallur Haukur Þorvaldsson, fultrúi
sýslumanns.
Blönduósi, 19. mars 2002.
Sýslumaðurinn á Blönduósi.
Grindavík
Skrifstofustarf
Laust er til umsóknar skrifstofustarf á skrifstof-
unni á Víkurbraut 25, Grindavík. Um er að ræða
50% starf og er vinnutími frá kl. 8—12.
Laun eru samkvæmt kjarasamningi fjármála-
ráðuneytisins og BSRB (SFR). Tölvukunnátta
er nauðsynleg.
Umsóknir, ásamt upplýsingum um menntun
og fyrri störf, óskast sendar til sýslumannsins
í Keflavík, Vatnsnesvegi 33, Keflavík, fyrir
10. apríl 2002.
Nánari upplýsingar veitir Börkur Eiríksson,
skrifstofustjóri í síma 420 2422 (beint innval)
eða 420 2400.
Sýslumaðurinn í Keflavík,
21. mars 2002.
Jón Eysteinsson, sýslumaður.
Valsárskóli,
Svalbarðsströnd,
601 Akureyri
Lausar stöður við Valsárskóla
Í skólanum eru tæplega 80 nemendur
í 1.—10. bekk
Skólinn er mjög vel staðsettur í fallegu, fjöl-
skylduvænu umhverfi, um 12 km frá Akureyri.
Aðstaða í skólanum er nokkuð góð og býður
upp á ánægjulegan vinnustað.
Aðstoðarskólastjóri
Auk góðra mannlegra eiginleika umsækjenda
er kennslureynsla í samkennslu æskileg, skipu-
lagshæfileikar og tölvukunnátta nauðsynleg.
Kennarar
Fyrir starfsama kennara er einnig laust
til umsóknar við skólann:
● Umsjónarkennsla samkennsluhópa.
● Íþróttakennsla, hálf staða.
● Smíðakennsla.
● Íslenskukennsla í 9.–10. bekk.
● Valgreinakennsla.
● Heimilisfræðikennsla.
● Tónmenntakennsla.
Áhugasamir eru beðnir að hafa samband sem
fyrst.
Umsóknarfrestur er til 15. apríl nk.
Upplýsingar veitir Hólmfríður Sigurðardóttir,
skólastjóri, í símum 462 3105, 891 7956,
hs. 462 6822
R A Ð A U G L Ý S I N G A R
TIL SÖLU
Til sölu
lager og innréttingar úr þrotabúi Marion tísku-
verslunar. Lagerinn samanstendur af kven-
fatnaði og innréttingum af afgreiðsluborði,
slám, peningakassa o.fl.
Áhugasamir hafi samband við skiptastjóra.
Stefán Bj. Gunnlaugsson, hdl.,
skiptastjóri þrotabús Marion,
sími 555 1500.
ÞJÓNUSTA
ísl. handritin úr dönsku herskipi í
Reykjavíkurhöfn til að skila þeim
aftur eftir langa útivist. Það var
drengskaparbragð. Það var Vil-
hjálmur Þór, þáverandi stjórnar-
maður, sem fékk tillögu um þessa
miklu gjöf samþykkta í stjórn Sam-
bandsins 1940. Áratugum síðar kom
það í hlut Erlends Einarssonar, þá-
verandi forstjóra Sambandsins, að
framkalla fjármuni til greiðslu á
þessum miklu kirkjuklukkum, sem
steyptar voru í Hollandi. Þegar við
heyrum hljóm þessara miklu
klukkna berast yfir borgina og land-
ið – í RÚV á hádegi um helgar – þá
minnumst þessara öndvegismanna,
Vilhjálms og Erlends, eftirmanns
hans hjá Sambandinu. Blessuð sé
þeirra minning.
Hermann Þorsteinsson.
Hinn 5. september árið 1960 var
haldinn í Þjóðleikhúskjallaranum
stofnfundur félags ungra kaupsýslu-
manna (Junior Chamber of Comm-
erce). Á þessum fundi var ákveðin
stofnun félags sem hlaut nafnið Jun-
ior Chamber of Iceland.
Tildrög þessa fundar má rekja til
bréfaskrifta, sem áttu sér stað milli
Erlendar Einarssonar forstjóra SÍS
og Lennart Edin í Svíþjóð, sem lýsti
áhuga á stofnun JC-hreyfingar á Ís-
landi.
Þessi bréfaskipti urðu til þess að í
maí 1960 fara þeir Erlendur Einars-
son og Pétur Pétursson til Svíþjóðar
til að kynna sér starfsemina betur.
Jákvæð niðurstaða þessarar ferð-
ar varð til þess að Ingimar Liljen-
quist, sem þá var landsforseti í Sví-
þjóð, var beðinn um að mæta á
stofnfund á Íslandi.
Fyrsta stjórn hreyfingarinnar var
skipuð Ingvari Helgasyni sem var
formaður og með honum í stjórn
voru Hjalti Pálsson, Erlendur Ein-
arsson, Haraldur Sveinsson og Ás-
mundur Einarsson. Síðan hefur mik-
ið vatn runnið til sjávar og Junior
Chamber hreyfingin á Íslandi hefur
náð því að vaxa og dafna þar sem
framtakssamir félagsmenn hafa með
dugnaði og atorku byggt upp sterka
og góða hreyfingu. Því má fyrst og
fremst þakka þeirri atorku og frum-
herjastarfi er menn eins og Erlend-
ur Einarsson unnu á sínum tíma. Er-
lendur vann mikið og óeigingjarnt
starf á upphafsárum hreyfingarinn-
ar og var alla tíð einn af máttarstólp-
um hennar.
Junior Chamber Ísland vottar að-
standendum dýpstu samúð með ósk
um að minning Erlendar muni
geymast með JC hreyfingunni um
ókomin ár.
Örn Sigurðsson,
landsforseti
Junior Chamber Íslands.
Höfðingi er horfinn af sjónarsvið-
inu. Hann hafði mikil áhrif á samtíð
sína. Segja má að hann hafa verið í
forustu um að skapa framtíðina um
miðja síðustu öld. Ég varð fyrst
þeirrar gæfu aðnjótandi að kynnast
Erlendi skömmu áður en hann lét af
störfum sem forstjóri Sambandsins.
Hann var fágætur höfðingi í hugsun
og viðmóti án þess þó að ég hafi
nokkurn tíma heyrt að hann ætti til
hroka eins og oft vill verða með þá
sem veljast til forustu. Þau eru ófá
skiptin sem við Freyja höfum notið
gestrisni þeirra hjóna í unaðsreitn-
um sem sumarhús þeirra við Segl-
búðir austur í Meðallandi er. Ég
gleymi aldrei fölskvalausri gleði Er-
lendar þegar að ég kom til baka úr
gönguferð upp eftir Grenlæknum
með stóran sjóbirting. Það var mín
fyrsta veiði þar og hann hafði tekið
fluguna sem Erlendur hafði gefið
mér „Mickey Finn“. Erlendur lagði
mér lið sitt ómælt sem og ýmisr aðrir
á öndverðum níunda áratugnum við
það verkefni að reyna að gera bygg-
ingu tónlistarhúss að veruleika. Það
hefur enn ekki tekist og er önnur
saga sem ekki á heima hér en það var
ekki vegna þess að Erlendur lægi á
liði sínu, nema síður væri. Stundum
er eins og manni sé ekki ætlað að
skila árangri í lífinu en ég held að ég
geti fullyrt að við unnum að málinu
af fullri trúmennsku. Ég varð þess
m.a. aðnjótandi að kynnast manni
eins og Erlendi og fá að telja hann til
vina minna. Þótt ekki kæmi það í
stað tónlistarhúss var það mér og
okkur hjónum báðum mikils virði.
Ég held að Erlendi hafi verið eðl-
islæg ræktarsemi í garð annarra.
Það brást sjaldan ef rætt var um ein-
hvern einstakling að Erlendur vissi
út í hörgul hverra manna viðkom-
andi var. Einn af sameiginlegum
vinum okkar sökum tengsla og
áhuga okkar á Frakklandi og tónlist
var Jean Pierre Jacquillat sem var
aðalhljómsveitarstjóri sinfóníunnar
um árabil. Hann lést af slysförum
langt fyrir aldur fram árið 1985 og
skömmu seinna beitti Erlendur sér
fyrir stofnun sjóðs til minningar um
hann með þann tilgang að efla tón-
listartengsl Frakklands og Íslands
og styrkja efnilega Íslendinga til
framhaldsnáms í tónlist. Það eru
margir styrkþegar sem hafa bætt
við menningu okkar með aðstoð það-
an.
Erlendur aðstoðaði mig á alla lund
við fyrstu skref mín á frímúrara-
brautinni og verð ég honum ætíð
þakklátur fyrir það og alltaf þegar
leiðir okkar hafa legið saman, sem
hefur verið alloft undanfarin ár þar
sem við urðum nágrannar á Kirkju-
sandi, þá hafa verið fagnaðarfundir
að hitta hann og hans einstaka lífs-
förunaut Margréti. Missir hennar er
vissulega stór og leitun hefur verið á
jafninnilega samstilltum hjónum.
Megi hinn hæsti vera þér huggun,
kæra vinkona, í þeirri vissu að góður
drengur hefur lifað góðu lífi og skilað
góðu dagsverki.
Við sendum ykkur Margrét,
Edda, Helga, Einar og öllum öðrum
aðstandendum, okkar samúðar-
kveðjur.
Ármann Örn og Freyja.
ERLENDUR
EINARSSON
✝ Margrét Krist-jánsdóttir fædd-
ist á Sauðárkróki
14. desember 1933.
Hún lést á líknar-
deild Landsspítalans
í Kópavogi 18. febr-
úar síðastliðinn.
Foreldrar hennar
voru Kristján Ei-
ríksson smiður og
Sigrún Sigurðar-
dóttir húsfreyja og
eru þau bæði látin.
Margrét var fjórða
elst af fjórtán systk-
inum. Hún giftist 26.
september 1955 Þórhalli Stefáni
Ellertssyni vélstjóra, d. 10. apríl
1963. Börn þeirra eru: 1) H. Sig-
rún, gift Borgþóri Baldurssyni,
synir þeirra eru Stefán Björn og
Andra Fannar. 2) Hafdís, gift
Margeiri Sigurðssyni og eiga
þau börnin: a) Guð-
mund Skúla, sam-
býliskona Alma
Erna Ólafsdóttir,
þau eiga Margeir
Óla, b) Írisi Dögg,
c) Dórótheu Rún, d)
Helgu Margréti og
e) Sigurð Kristján
Snæfeld. 3) Þórhall-
ur Finnbogi, sam-
býliskona Honeyly
Limbaga, sonur
þeirra er Kristófer
Limbaga. Þórhallur
Finnbogi á Brynjar
Frey frá fyrri sam-
búð. Margrét giftist 31. desem-
ber 1974 eftirlifandi eiginmanni
sínum, Jóhannesi G. Haraldssyni
vaktmanni, og eiga þau ekki
börn saman.
Útför Margrétar fór fram frá
Fossvogskirkju 26. febrúar.
Daginn sem þú fæddist var rign-
ing því Guð var að gráta, því hann
hafði misst bestu stjörnuna sína. En
nú þegar besta stjarnan er komin
aftur getur hann tekið gleði sína á
ný.
Elsku amma ég trúi ekki að þú
sért farin strax. En ég veit að þetta
er þér fyrir bestu því nú þarft þú
ekki að kveljast lengur vegna veik-
inda þinna en þetta er mikill missir.
Manstu laugardaginn 9. febrúar
talaði ég um að koma í heimsókn til
þín þegar ég fengi bílprófið. Ég sagði
við mömmu að ég vonaðist til að þú
værir á lífi á afmælisdaginn minn
hinn 14. febrúar og þú varst það og
er ég þér mjög þakklát. En ég fékk
ekkert tækifæri til að heimsækja
þig. Ég keypti mér bíl 19. febrúar en
það var um seinan að heimsækja þig
á spítalann. Ég er staðráðin í því að
heimsækja þig oftar þar sem þú hvíl-
ir. Ég gæti haldið endalaust áfram
en ég geymi minningarnar í hjarta
mér og verða seint gleymdar.
Ég vona að Þórhallur afi hafi tekið
þér opnum örmum og að þér líði
miklu betur núna. Ég skal heim-
sækja afa eins oft og ég get og sjá til
þess að hann verði ekki einmana.
vertu sæl, elsku amma, og við
sjáumst.
Íris Dögg Margeirsdóttir.
MARGRÉT
KRISTJÁNSDÓTTIR
Handrit afmælis- og minningargreina skulu vera vel frá gengin, vélrituð eða tölvusett. Sé
handrit tölvusett er æskilegt, að disklingur fylgi útprentuninni. Senda má greinar til blaðsins
í bréfsíma 569 1115, eða á netfang þess (minning@mbl.is). Nauðsynlegt er, að símanúmer höf-
undar/sendanda fylgi. Nánari upplýsingar má lesa á heimasíðum. Það eru vinsamleg tilmæli
að lengd greina fari ekki yfir eina örk A-4 miðað við meðallínubil og hæfilega línulengd — eða
2.200slög. Höfundar eru beðnir að hafa skírnarnöfn sín en ekki stuttnefni undir greinunum.