Morgunblaðið - 29.05.2002, Blaðsíða 7
FRÉTTIR
MORGUNBLAÐIÐ MIÐVIKUDAGUR 29. MAÍ 2002 7
Námsráðgjöf
Alla daga kl. 10:00–11:30 til 5. júní.
Námsstyrkir
34 nýstúdentar sem hefja nám við
Háskólann í Reykjavík í haust munu fá
námsstyrk í formi niðurfellingar skóla-
gjalda. Þeir nemendur sem standa
sig best geta fengið námsstyrk út
alla skólagöngu sína í Háskólanum
í Reykjavík.
Háskólinn í Reykjavík
• Tölvunarfræði • Viðskiptafræði • Lögfræði
• Háskólanám með vinnu • Fjarnám
ná lengra
Þitt tækifæri til að
Tölvunarfræði
Tölvunarfræðideild Háskólans í Reykjavík
býður krefjandi nám sem veitir traustan,
fræðilegan grunn en endurspeglar um
leið alþjóðlega tækniþróun – menntun
sem býr nemendur jöfnum höndum undir
störf og framhaldsnám.
Nemendur geta valið á milli
tveggja kjörsviða:
• Notendahugbúnaður
• Kerfishugbúnaður
Fjarnám
Hægt er að taka fyrstu þrjár annirnar
í fjarnámi.
Bandamenn Háskólans í Reykjavík
Stuðningur Bandamanna hefur gert
tölvunarfræðideild HR kleift að efla kennslu
og stórauka rannsóknir í tölvunarfræði.
Lögfræði
Við lagadeild Háskólans í Reykjavík er
boðið mjög metnaðarfullt og nútímalegt
laganám sem miðar að því að útskrifaðir
nemendur verði framúrskarandi
lögfræðingar sem skipi sér í fremstu
röð á sínu sviði.
Viðskiptafræði
Viðskiptadeild Háskólans í Reykjavík býður
framsækið og krefjandi nám þar sem rík
áhersla er lögð á persónulegt umhverfi
og náið samstarf kennara og nemenda.
Viðmið námsins eru alþjóðleg og rík áhersla
lögð á samvinnu við fyrirtæki með vinnu
hagnýtra verkefna.
Háskólanám með vinnu
Háskólanám með vinnu er valkostur fyrir
einstaklinga með umtalsverða starfsreynslu
sem vilja stunda fullgilt háskólanám í
viðskiptafræði samhliða vinnu.
Kennt er þrjá daga í viku kl. 16:15–19:00.
í samstarfi við Skýrr og Teymi
Umsóknarfrestur er til 5. júní.
Umsóknareyðublöð og allar nánari
upplýsingará www.ru.is
Háskólanám
– sem tekur mið af því besta
í alþjóðlegu viðskipta- og
tölvunarfræðinámi.
– í virkum tengslum við atvinnulífið.
– í fyrsta flokks starfsumhverfi.
– undir leiðsögn háskólakennara
sem leggja metnað sinn í að skila
frábærum árangri í kennslu.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
IR
1
78
74
05
/2
00
2
FIMM Bretar sem fluttir voru af
Flugfélagi Íslands til Grænlands nú
í vikunni hyggja á skíðaiðkun og
klifur í Gunnbjörnsfjöllum lungann
úr júnímánuði. Bretarnir lögðu
land undir fót á mánudag í um þrjú
þúsund metra hæð yfir sjávarmáli
áleiðis að Gunnbjörnsfjöllum sem
eru hæstu fjöll Grænlands.
Á myndinni eru Julian Davey,
Martin Hood, Paul Rose, Kate
Kedhane og Rose Scott við far-
angur sinn ásamt Bjarka Viðari
Hjaltasyni, flugstjóra hjá Flug-
félagi Íslands.
Stunda útivist
í Gunnbjörns-
fjöllum
Ljósmynd/Elmar Gíslason
HÉRAÐSDÓMUR Reykjavíkur
sýknaði í gær þrjá menn af ákæru
um að hafa brotið gegn 95. grein al-
mennra hegningarlaga með því að
„hafa smánað erlenda þjóð eða ríki
opinberlega“ með því að varpa bens-
ínsprengju á bandaríska sendiráðið
við Laufásveg í Reykjavík. Þeir voru
einnig sýknaðir af ákæru um
skemmdarverk.
Dómurinn var ekki tilbúinn þegar
dómsorðið var lesið í gær og því
liggja forsendur hans ekki fyrir.
Einn þeirra hafði við aðalmeðferð
málsins gengist við því að hafa útbú-
ið sprengjuna og játaði að hafa borið
eld að kveikiþræði og kastað
sprengjunni í sendiráðið. Hann kall-
aði verknaðinn heimskupör og bar
við ölvun. Annar sagði að aldrei hefði
verið ætlunin að kasta bensín-
sprengjunni á sendiráðið og þriðji
maðurinn sagðist ekki hafa tekið
þátt í að búa til sprengjuna. Hefði
hann ekki áttað sig á hvað gerst
hefði enda ofurölvi. Öryggisvörður í
sendiráðinu slökkti eldinn fljótlega
en nokkrar brunaskemmdir urðu á
framhlið hússins.
Sýknaðir
af bensín-
sprengjuárás
ÆTTINGJAR og vinir karlmanns á
áttræðisaldri, sem hnepptur var í
varðhald á Kanaríeyjum eftir að
sambýliskona hans lést þegar hún
féll af svölum hótels á eyjunum, eru
orðnir langeygir eftir að maðurinn
fái lausn sinna mála og fái að fara
heim til Íslands. Umræddur atburð-
ur átti sér stað 5. janúar sl. og var
maðurinn í gæsluvarðhaldi þar til
um miðjan febrúar.
Síðan hefur hann búið í íbúð á eyj-
unum og verið í farbanni. „Hann hef-
ur það ekki gott; er í sorg og miður
sín, einmana og langar heim,“ segir
dóttir mannsins. Maðurinn var fyrst
grunaður um að hafa hrint konunni
vísvitandi af svölum. Vitni staðhæfir
hins vegar að maðurinn hafi ekki
ætlað að hrinda konunni. Um slys
hafi verið að ræða. Hún segir að faðir
sinn sé peningalítill enda hafi hann
sjálfur þurft að halda sér uppi allan
tímann á eyjunum. Í fyrstu hafi hann
verið í mjög dýrri íbúð en ræðismað-
ur Íslands á Kanaríeyjum sé búinn
að útvega honum ódýrara húsnæði.
„Ég vil taka fram að ræðismaðurinn
og túlkur hans hafa gert allt sem í
þeirra valdi stendur til að létta föður
mínum lífið þarna úti,“ segir hún.
Pétur Ásgeirsson, rekstrarstjóri
hjá utanríkisráðuneytinu, segir að
utanríkisþjónustan hafi gert það sem
hún geti fyrir manninn. Málið sé hins
vegar til meðferðar hjá dómstólum á
Kanaríeyjum og því sé erfitt að hafa
áhrif á framgang þess. Pétur tekur
þó fram að ræðismaður Íslands á
Kanaríeyjum hafi frá upphafi verið
manninum innan handar og aðstoðað
hann eftir föngum.
Langeygir
eftir því að
maðurinn
komi heim
Kanaríeyjar
♦ ♦ ♦
♦ ♦ ♦
MAÐUR sem varð fyrir alvarlegri
líkamsárás í miðborg Reykjavíkur
um helgina og maður sem brenndist
illa í eldsvoða í húsi við Laugaveg
eru báðir taldir enn í lífshættu. Þeim
er haldið sofandi og eru þeir í önd-
unarvél.
Tveir menn hafa verið úrskurðaðir
í gæsluvarðhald til 4. júní vegna lík-
amsárásarinnar. Maðurinn sem fyrir
árásinni varð hlaut mikla höfuð-
áverka en hann varð bæði fyrir
höggum og spörkum frá mönnunum.
Líkamsárás og eldsvoði
Mennirnir enn
í lífshættu