Morgunblaðið - 29.05.2002, Blaðsíða 41
FRÉTTIR
MORGUNBLAÐIÐ MIÐVIKUDAGUR 29. MAÍ 2002 41
MORGUNBLAÐINU hefur borist
eftirfarandi yfirlýsing frá Erni Sig-
urðssyni fyrir hönd A-lista Höfuð-
borgarsamtakanna:
„Stjórn Höfuðborgarsamtakanna
gerir athugasemdir við frammistöðu
fjölmiðla í aðdraganda borgarstjórn-
arkosninga í Reykjavík 25. maí 2002.
Samkvæmt stjórnskipun Íslands
og vestrænni lýðræðishefð gegna
fjölmiðlar því veigamikla hlutverki
að veita ráðandi öflum og valdastofn-
unum (hinu þrískipta valdi) aðhald.
Á fjölmiðlunum, fjórða valdinu, hvílir
sú skylda að upplýsa almenning, við-
halda jafnræði þegnanna og virkni
lýðræðisins. Hlutverk þeirra er einn-
ig að verja lýðræðið og samfélagið
gegn óheftum og óæskilegum ytri
áhrifum.
Stjórn Höfuðborgarsamtakanna
telur að helstu fjölmiðlar landsins
hafi brugðist hlutverki sínu og skyld-
um fyrir borgarstjórnarkosningar í
Reykjavík 2002. Með mismunun
gagnvart framboðum höfðu þeir af-
gerandi áhrif á niðurstöður kosning-
anna.
Eins og kunnugt er þarfnast lýð-
ræðið stöðugrar endurnýjunar.
Þessi endurnýjun kemur aldrei ofan
frá heldur úr grasrótinni. Í þessum
kosningum lögðust ráðandi öfl og
fjölmiðlar á eitt um að kæfa gras-
rótina, sem í þessum kosningum
spratt af þörf til að endurnýja borg-
ina og sjálft lýðræðið.
Stjórn Höfuðborgarsamtakanna
bendir á að bregðast þurfi við þeirri
vá, sem af kann að hljótast nú þegar,
ef ekki á illa að fara.“
Gera athuga-
semdir við
frammistöðu
fjölmiðla
GUÐJÓN Bergmann jógakennari
heldur námskeið í jóga fyrir börn í
jógastöð sinni í Ármúla 38 í sumar.
Námskeiðin verða sambland af jóga-
leikfimi, öndunaræfingum, slökun,
einbeitingaræfingum og leikjum. Tólf
börn komast á hvert námskeið og
verður þeim skipt niður í hópa eftir
aldri. Kl. 8.30–11.30 fyrir 7–9 ára og
kl. 13.30–16.30 fyrir 10–12 ára. Einn
til tveir aðstoðarmenn verða á hverju
námskeiði. Ef veður leyfir verður far-
ið með börnin í Laugardalinn og æf-
ingarnar gerðar undir berum himni.
Hvert námskeið stendur í viku og
hægt er að panta fleiri en eina viku.
Skráning er hafin á netfanginu
gbergmann@strik.is og á heimasíð-
unni www.gbergmann.is. Fimm daga
námskeið (15 tímar) kostar 6.900 kr.
Fjögurra daga námskeið (í kringum
17. júní) kostar 5.900 kr., segir í
fréttatilkynningu.
Jóga fyrir börn
dag. Tilgangur samkomunnar á
laugardag er að rifja upp gamlar
minningar, njóta samverunnar og
sýna börnum og barnabörnum Vífils-
staði.
Þar segir jafnframt að ef veður
verður gott hittist gestir í leguskál-
anum en annars verði farið í setu-
stofuna í spítalanum. Grillað verður
og boðið upp á pylsur og gos við
vægu verði.
Allir sem tök eiga á, bæði fólk sem
bjó og starfaði á staðnum, sem og
fyrrverandi sjúklingar eru velkomn-
ir. Þeir sem eiga myndir frá árum
áður mættu koma með þær, segir í
fréttatilkynningu. Nánari upplýsing-
ar um endurfundina veita Elías F.
Hansen, Hilmar Harðarson, Ingvar
Viktorsson, Sigurður Þorleifsson og
Smári Sigurðsson.
UNDANFARIN misseri hafa Vífils-
staðir verið mikið í umræðunni. Eins
og kunnugt er var Vífilsstaðaspítali
stofnaður 1910 og þá sem berklaspít-
ali. Hann starfaði lengstum sem slík-
ur. Nú er komið að því að leggja skal
niður alla starfsemi hinnar stóru og
glæsilegu byggingar sem svo margir
eiga minningar bundnar við.
Þess vegna hafa nokkrir einstak-
lingar sem fæddust og ólust upp á
Vífilsstöðum, tekið sig til og boða nú
til endurfunda laugardaginn 1. júní
kl. 14 á Vífilsstöðum, samkvæmt því
sem fram kemur í fréttatilkynningu
frá þeim sem standa fyrir endur-
fundunum. Á sínum tíma starfaði
mikill fjöldi fólks við spítalann og
Vífilsstaðabúið. Einnig var mikill
samgangur starfsfólks og sjúklinga
og stofnað til kynna sem standa enn í
Endurfundir
velunnara Vífilsstaða
SELÁSSKÓLI í Reykjavík fékk í
dag Grænfánann sem viðurkenn-
ingu fyrir framúrskarandi starf að
umhverfisvernd og umhverfis- og
náttúrufræðslu.
Grænfáninn er umhverfismerki
sem nýtur virðingar víða í Evrópu
sem tákn um góða fræðslu og um-
hverfisstefnu í skólum. Fánann fá
skólar í kjölfar þess að hafa leyst
fjölþætt verkefni sem efla vitund
nemenda, kennara og annarra
starfsmanna skólans um umhverf-
ismál. Verkefnin eru bæði til
kennslu og til að bæta daglegan
rekstur skóla. Þau efla þekkingu
nemenda og skólafólks og styrkja
grunn að því að tekin sé ábyrg af-
staða og innleiddar raunhæfar að-
gerðir í umhverfismálum skóla.
Jafnframt sýnir reynslan í Evr-
ópu að skólar sem taka þátt í verk-
efninu geta sparað talsvert í
rekstri. Að baki Grænfánanum
stendur Sjálfseignarstofnun sem
heitir Foundation for Environ-
mental Education (FEE) og var
stofnuð árið 1981. Aðildarfélög
stofnunarinnar eru 21 frjáls félaga-
samtök frá jafn mörgum Evrópu-
ríkjum Landvernd á aðild að FEE
og hefur umsjón með Grænfán-
anum á Íslandi.
Morgunblaðið/Þorkell
Umhverfisráðherra, Siv Friðleifsdóttir, Ólöf Guðný Valdimarsdóttir,
formaður Landverndar, og Gerður Óskarsdóttir, fræðslustjóri í Reykja-
vík, færðu Selásskóla Grænfánann. Það ríkti mikil gleði meðal kennara
og nemenda vegna þessa merka áfanga í starfi skólans.
Grænfáninn til Selásskóla
ÞINGVALLAVATNIÐ hefur
tekið vel við sér síðustu daga og
æ fleiri fregnir berast þaðan af
skemmtilegum skotum. Þannig
var veiðimaður einn þar á laug-
ardaginn og fékk sex 2–3 punda
bleikjur á skömmum tíma eftir að
hafa staðið lengi án þess að verða
var. Þessi mikla lukka varð til
þess að hann skrapp aftur austur
á sunnudagskvöldið, fékk þá
fimm fiska í viðbót, m.a. 6 punda
urriða og 4 punda bleikju. Veiði
þessi náðist öll í Vatnskoti.
Ekki hefur enn frést af risaurr-
iðum, 7 punda verið stærstir og
um helgina bættist einn slíkur
við. Risarnir eru þarna þó og um
helgina þreytti veiðimaður í Þjóð-
garðinum gríðarlega skepnu all-
lengi áður en taumurinn gaf sig.
Hann sá fiskinn aldrei og líkur
bentu til að þarna hafi mjög stór
fiskur verið á ferðinni.
Líflegt í Hæðargarðsvatni
Prýðisveiði hefur verið á stund-
um í Hæðargarðsvatni við
Kirkjubæjarklaustur. Það er
reyndar lítið stundað vatn, helst
að þar veiði menn sem hafa leyfi í
sjóbirting í Hörgsá, en hafa vatn-
ið til vara ef birtingurinn gefur
sig ekki. Fyrir nokkrum eyddu
tveir félagar þar helgi, fengu eng-
an fisk í Hörgsá, en hins vegar 18
stykki í Hæðargarðsvatni. Allt
var þetta 2–3 punda urriði og
veiddur bæði á maðk og makríl.
Vel veiðist einnig á spón og flugu,
þá helst straumflugur. Beitukarl-
arnir geta slitið upp fiska öllum
stundum, en spón- og flugukarl-
arnir fá helst veiði er rökkva tek-
ur og urriðinn fer að elta hornsíli
inn á grunnið.
Fyrstu laxarnir
Eins og fram hefur komið í
fréttum síðustu daga hafa laxar
sést víða, t.d. í Norðurá, Laxá í
Leirársveit, Korpu og jafnvel víð-
ar og kemur ekki á óvart, örstutt
er í vertíðina. Í gærmorgun sáust
t.d. 8 laxar í Laxá í Kjós, sex í
Laxfossi og tveir í Kvíslafossi.
Ásgeir Heiðar leigutaki sagði
fregnir um tvo fiska í ánni fyrir
fjórum dögum úr lausu lofti
gripna og skemmtileg fregn væri
að þetta væri tíunda sumarið í röð
sem fyrstu laxarnir í ánni sjáist
28.mai.
Á laugardagsmorgun verður
Norðurá opnuð. 5. júní koma síð-
an Þverá og Blanda. Þá Kjarrá 7.
júní og Laxárnar í Kjós og Að-
aldal 10. júní. Síðan rekur hver
opnunin aðra.
Vænir fiskar
á Þingvöllum
Morgunblaðið/Einar Falur
Silfurgljáandi bleikjur, 2–3
punda, úr Hlíðarvatni.
ERU
ÞEIR AÐ
FÁ’ANN?
HÓLASKÓLI, Hólum í Hjaltadal,
býður upp á nýtt 30 eininga fram-
haldsnám í fiskeldi á háskólastigi
næsta haust. Námið er ætlað starf-
andi fiskeldisfræðingum og þeim sem
vilja bæta við sig þekkingu um fisk-
eldi að loknu öðru háskólanámi. Sér-
staklega verður fjallað um ýmsa
þætti sem tengjast fiskeldi á Íslandi,
nýjungum í greininni og þeim nýju
möguleikum sem menn eygja í fisk-
eldi í framtíðinni.
Námið felst í fyrirlestrum og verk-
efnavinnu ásamt mikilli áherslu á
verklega kennslu. Sérfræðingar í
fiskeldi hérlendis munu annast
kennslu auk erlendra gestafyrirles-
ara. Stefnt er að því að bjóða hluta af
náminu í fjarkennslu. Um árabil hef-
ur Hólaskóli boðið upp á eins árs
grunnnám í fiskeldi, auk umfangs-
mikilla rannsókna á þessu sviði. Þetta
viðbótarnám byggist á þessari
reynslu.
Hólaskóli er miðstöð rannsókna og
kennslu í fiskeldi, ferðamálum í dreif-
býli og hestamennsku og hrossarækt,
segir í fréttatilkynningu. Skólinn
byggir þróun námsins í nánu sam-
starfi við viðkomandi atvinnugreinar.
Ferðamálanámið er ársnám og er á
háskólastigi. Hestanámið er alls þrjú
ár, en hvert námsár er sjálfstætt og
gefur sérstaka prófgráðu. Síðasta ár-
ið er á háskólastigi.
Á Hólum eru starfræktir nem-
endagarðar fyrir einstaklinga og fjöl-
skyldur og á staðnum eru bæði leik-
skóli og grunnskóli. Umsóknarfrest-
ur um skólavist næsta haust er 10.
júní.
Nánari upplýsingar um námið
ásamt ýmsum upplýsingum um Hóla-
skóla, starfið og lífið á Hólum er að
finna á heimasíðu skólans www.hol-
ar.is.
Framhaldsnám
í fiskeldi í Hólaskóla
STUÐNINGSHÓPUR kvenna
sem fengið hafa krabbamein í
eggjastokka heldur rabbfund í
húsi Krabbameinsfélagsins að
Skógarhlíð 8 í Reykjavík í dag,
miðvikudaginn 29. maí kl. 17.
Kaffi á könnunni.
Fundur um
eggjastokka-
krabbamein
♦ ♦ ♦