Morgunblaðið - 29.05.2002, Blaðsíða 43
BRÉF TIL BLAÐSINS
MORGUNBLAÐIÐ MIÐVIKUDAGUR 29. MAÍ 2002 43
Vönduð 3ja vikna dansnámskeið fyrir börn og unglinga verða haldin
í Bjarkarhúsinu, Hafnarfirði, í júní.
Kenndir verða nýjustu dansarnir í freestyle og street jazz beint frá USA.
HAFNARFJÖRÐUR, GARÐABÆR OG NÁGRENNI
DANSNÁMSKEIÐ
Freestyle - Street jazz - Freestyle - Street jazz - Freestyle - Street jazz
Kennarar:
Selma Björnsdóttir,
söng- og leikkona
Birna Björnsdóttir
danskennari
Aldurshópar: 6-9 ára, 10-12 ára, 13-16 ára.
Námskeiðin hefjast 10. júní
Skráning er hafin í síma 863 9999 og 694 5355
Sjáumst! Selma og Birna
LÚÐA
399kr. kg.
ÚRVAL Á GRILLIÐ
FISKBÚÐIN VÖR
Höfðabakka 1, sími 587 5070
Sjáumst í sumarskapi
GEÐSJÚKDÓMUR getur verið lífs-
hættulegur sjúkdómur sem höggvið
hefur alltof stórt skarð í mannauð
þjóða.
Hvaða skoðun hefur almenningur á
geðsjúkdómum ?
Jú, það er um að gera að láta alla
geðsjúka afskiptalausa, því þeir eru
svo hættulegir!
Hvers eigum við að gjalda sem er-
um að berjast við þennan sjúkdóm?
Hægt er að bera saman krabba-
mein og geðsjúkdóma. Almenningur
hefur skilning á sjúkdómi eins og
krabbameini. En sá sjúkdómur er
ekki mikið frábrugðinn því hann er
oft á tíðum ólæknandi en hægt að
halda niðri með lyfjum.
Þegar kemur að því að tala um geð-
lyf þá er oft sagt að fólk sé í dópinu!
Við skulum ekki gleyma að það er
mikill munur hvort fólk er á lyfjum að
læknisráði eða hvort það er að mis-
nota lyf. Geðlyf eru af hinu góða, því
ef þau væru ekki til þá þyrfti að grípa
til ráða sem notuð voru áður fyrr. Það
var að notast við að setja sjúklinga til
skiptis í heit og köld böð. Þetta var
gert því það voru ekki til lyf. Hvernig
haldið þið að það hafi verið? Það er
kominn tími til að almenningur að fari
að átta sig á þessum sjúkdómi því
mikið hefur verið skrifað um þessi
mál. En betur má ef duga skal. Þegar
geðsjúklingur veikist þá loka margir
á hann af hræðslu við að vita ekki
hvernig á að koma fram við hann. Það
er það versta sem við hann er gert. Í
því felst höfnun og hún getur verið
sár.
Sem betur fer þá höfum við lækna
og hjúkrunarfólk og samsjúklinga
sem skilja okkur.
Við getum víst ekkert að því gert að
fá þennan sjúkdóm. Óskandi væri
samt að almenningur gæti skilið þetta
betur og léti ekki stjórnast af gömlum
fordómum.
Í dag eru komin athvörfin Dvöl,
Vin, Laut (á Akureyri) og samtök eins
og Geðhjálp og Geysir. Ég tel að þessi
úrræði séu það sem koma skal. Ég hef
kynnst þeim persónulega.
Þarna vinnur yndislegt fólk með
mikla manngæsku sem tekur geð-
sjúkdómum vel og kemur fram við
geðsjúka eins og venjulegt fólk. Jafn-
framt er reynt að virkja einstakling-
inn og fá þannig fram það jákvæða
sem í honum býr. Ég tel að þetta sé
framtíðin, þessir staðir hafa náð ótrú-
legum árangri og því er minna um
innlagnir á spítala. Einnig eru komin
ný lyf sem hjálpa mikið, jafnframt
getur samtalsmeðferð virkað vel og
jafnvel betur en geðlyf.
Ég vona að almenningur taki geð-
sjúka í sátt og eins og hverjum öðrum
manneskjum. Því geðsjúkir eru einn-
ig manneskjur.
Ég vona að framtíðin beri í skauti
sér meiri skilning og stuðning.
ALFA JÓHANNSDÓTTIR,
(gestur í Dvöl), Reynihvammi 43,
Kóp.
Geðsjúkdómur, hvað er það?
Frá Ölfu Jóhannsdóttur:
JÓGAFRÆÐIN eru ekki einungis
fyrir fullorðna. Börn geta einnig haft
mikið gagn og gaman af því að læra
einfaldar jógaæfingar, öndunaræf-
ingar og slökun. Með því að stunda
jóga gefst börnum tækifæri á að öðl-
ast aukna sjálfsvirðingu, gleði, sveigj-
anleika, styrk, líkamsmeðvitund og
einbeitingu. Mörg börn eru í þeirri
aðstöðu að hreyfa sig lítið og ná ekki
fótfestu í íþróttum. Þeim gæti
gagnast að gera einfaldar styrkingar-
og liðkunaræfingar án þeirrar pressu
sem fylgir oft keppnisíþróttum. Börn
sem stunda íþróttir gætu líka átt er-
indi í jóga til að auka sveigjanleika,
einbeitingu og líkamsmeðvitund.
Börnum má að sjálfsögðu ekki
kenna eins og fullorðnum. Jógaæfing-
ar bera margar dýranöfn. Má gera
meira úr þeirri hlið þegar börnum eru
kenndar æfingarnar og minna úr ná-
kvæmri líkamsstöðu. Einnig skiptir
máli að brosa mikið og hafa gaman,
blanda leikjum saman við kennsluna
og láta börnunum líða vel. Fullorðið
fólk leitar mikið að hugarrónni sem
jógaæfingar, öndun og slökun veita.
Börn þurfa minna á því að halda en
þau þurfa samt að læra að nota lík-
ama sinn og tengja hann við hugann.
Jógafræðin ganga út á jafnvægi
milli líkama, hugar og sálar. Slíkt
jafnvægi er vandfundið í þessum
heimi og mikill tími fer oft í að laga
það sem aflaga hefur farið á fullorð-
insárum. Því fyrr sem börn fá tæki-
færi til að byggja upp góðan grunn að
andlegu og líkamlegu jafnvægi, því
betra. Ég get ekki hugsað mér neitt
skemmtilegra verkefni en að kenna
þeim börnum sem fá þetta tækifæri
en það er einmitt það sem ég mun
gera í sumar. Þeir sem vilja vita meira
um jóga fyrir börn er bent á vefsíðuna
www.gbergmann.is. Gefum börnun-
um góðan grunn til að byggja framtíð-
ina á!
GUÐJÓN BERGMANN,
jógakennari,
gbergmann@strik.is.
Jóga er
líka fyrir
börn
Frá Guðjóni Bergmann: