Morgunblaðið - 29.05.2002, Blaðsíða 17

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 29. MAÍ 2002 17
KASSAMIÐSTÖÐIN í Færeyjum
hefur staðfest kaup á samtals 6.000
460 lítra kerum frá Sæplasti hf.
Þetta er stærsti samningur sem Sæ-
plast hf. hefur gert um sölu á fiski-
kerum til eins kaupanda á einu ári og
er andvirði hans á annað hundrað
milljónir króna.
Þórir Matthíasson, sölu- og mark-
aðsstjóri Sæplasts, fagnar þessum
samningi, enda lýsi hann miklu
trausti Færeyinga á framleiðsluvör-
ur Sæplasts.
„Kassamiðstöðin í Færeyjum hef-
ur verið í mikilli sókn á síðustu miss-
erum, en fyrirtækið er til helminga í
eigu samtaka fiskvinnslustöðva og
útgerða skipa og báta í Færeyjum.
Fyrirtækið kaupir og á fiskikerin og
leigir þau síðan til sjávarútvegsfyr-
irtækja í Færeyjum. Kassamiðstöðin
hefur lengi haft 660 lítra og 1000 lítra
ker frá Sæplasti til leigu í Færeyjum
og reynslan af þeim hefur verið svo
góð að fyrirtækið hefur nýverið gert
samning um kaup á 2.000 kerum til
viðbótar við þau 4.000 ker sem fyr-
irtækið hafði fyrr á þessu ári staðfest
kaup á. Um er að ræða 460 lítra ker,
svokölluð MPC ker, sem eru endur-
vinnanleg,“ segir í frétt frá Sæplasti.
Þórir Matthíason segir að kaup
Kassamiðstöðvarinnar á 6.000 ker-
um frá Sæplasti séu til marks um að
nú sé hafin keravæðing færeyska
fiskiskipaflotans, fiskikössum sé
skipt út fyrir fiskikerin rétt eins og
hafi gerst í íslenskum sjávarútvegi á
síðustu árum. „Það er ánægjulegt að
þessi þróun sé hafin í Færeyjum og
við getum ekki annað en lýst mikilli
ánægju með að Kassamiðstöðin hafi
valið að kaupa sex þúsund ker frá
okkur,“ sagði Þórir.
Kerin eru öll framleidd í verk-
smiðju Sæplasts hf. á Dalvík og er
ljóst að samningurinn við Kassa-
miðstöðina í Færeyjum styrkir mjög
verkefnastöðu fyrirtækisins út þetta
ár.
Sæplast selur 6.000
fiskiker til Færeyja
VÆNTINGAR neytenda til næstu
sex mánaða í efnahagslífinu hafa
ekki áður mælst eins miklar sam-
kvæmt væntingavísitölu Gallup, að
því er m.a. kemur fram í Morgun-
korni Íslandsbanka. Væntingavísi-
talan mælir m.a. tiltrú á efnahags-
lífið og mat á atvinnuástandi.
Væntingavísitala Gallup hækkaði
um tæp 11 stig í maí. Vísitalan er nú
110,9 stig og hefur ekki mælst hærri
frá því mælingar hófust í mars á síð-
asta ári. Mat á atvinnuástandinu er
eini hluti vísitölunnar sem lækkar á
milli mánaða.
Væntingavísitalan náði sínu
lægsta gildi í nóvember sl. og hefur
hækkað um 49,1 stig síðan þá. „Af
þessum mælikvarða má því dæma að
bjartsýni neytenda hafi aukist á und-
angengnum mánuðum,“ segir m.a. í
Morgunkorninu.
Væntingavísitalan hækkar
FULLTRÚAR Samtaka veiðimanna
og sjómanna á Grænlandi, KNAPK,
eru staddir hér á landi í þeim tilgangi
að komast í samband við Íslendinga
sem gætu lagt til móðurskip til að
taka við þorski af Grænlandsmiðum.
Grænlenski þorskstofninn er á upp-
leið eftir langvarandi niðursveiflu og
hefur KNAPK átt viðræður við sveit-
arfélög á Grænlandi um að þau stofni
sjálfstæð hlutafélög um útgerð og
leggi jafnvel fram áhættufjármagn til
samstarfsverkefnisins.
KNAPK hefur unnið með NASF,
Verndarsjóði villtra laxastofna, sem
er undir forystu Orra Vigfússonar, að
þróunarverkefnum fyrir ný atvinnu-
tækifæri á norðlægum slóðum, t.d.
veiðum og vinnslu á grásleppu og
snjókrabba. Orri stendur fyrir komu
þeirra Siverth Amondsen, fram-
kvæmdastjóra KNAPK, og Tønnes
O.K. Berthelsen ráðgjafa til Íslands.
Þeir munu dveljast hér á landi til
fimmtudags og eiga fundi með áhuga-
sömum Íslendingum, auk þess að
funda með forsvarsmönnum Lands-
sambands smábátaeigenda og heim-
sækja bátasmiði.
Samstarf Íslendinga og
Grænlendinga mikilvægt
„Við höfum góða reynslu af sam-
starfinu við NASF og Orra Vigfússon
og höfum mikinn áhuga á auknu sam-
starfi við Íslendinga. Það er að okkar
mati mikilvægt að Íslendingar og
Grænlendingar vinni saman,“ segir
Amondsen í samtali við Morgunblað-
ið. „Þorskstofninn við Grænland er á
uppleið aftur eftir að hafa horfið í tíu
ár. Tækjabúnaður og sérfræðiþekk-
ing vegna þorskveiða er ekki nægi-
lega fyrir hendi á Grænlandi og því
hefur KNAPK tekið frumkvæðið að
því að leita eftir samstarfi utan Græn-
lands. Við vonumst eftir að ná ein-
hvers konar samstarfi við íslensk fyr-
irtæki.“
Leita eftir sérfræðiþekkingu
Berthelsen segir sérfræðiþekkingu
og tækjabúnað Grænlendinga hvað
varðar rækjuveiðar í fremstu röð en
þegar kemur meðal annars að þorsk-
veiðunum vilji þeir leita samstarfs.
„Við leggjum til auðlindina en við
leitum eftir samstarfsaðila sem legg-
ur til móðurskip. Við leitum að sam-
starfsaðila sem hefur sérfræðiþekk-
ingu á útflutningi og markaðssetn-
ingu á þorski,“ segir Berthelsen. „Við
höfum rætt við forystumenn nokk-
urra sveitarfélaga sem eru tilbúnir til
að leggja fram áhættufjármagn til
reksturs af þessu tagi ef okkur tekst
að fá samstarfsaðila,“ segja þeir
Berthelsen og Amondsen.
Morgunblaðið/Golli
Siverth Amondsen, framkvæmdastjóri KNAPK, Tønnes O.K. Berthelsen
ráðgjafi og Orri Vigfússon, framkvæmdastjóri NASF.
Grænlendingar leita
samstarfs í útgerð