Morgunblaðið - 29.05.2002, Blaðsíða 12
FRÉTTIR
12 MIÐVIKUDAGUR 29. MAÍ 2002 MORGUNBLAÐIÐ
Nýstúdentar við Verzlunarskólann
Þorvarður Elíasson skólastjóri afhendir Ingunni Agnesi Kro dúx og Önnu Gyðu Pétursdóttur þýskuverðlaun.
VERZLUNARSKÓLI Íslands út-
skrifaði 213 stúdenta laugardaginn
25. maí síðastliðinn við hátíðlega
athöfn í Háskólabíói. Aldrei hafa
fleiri nemendur fengið ágætis-
einkunn en 14 nemendur fengu yfir
9,0 í aðaleinkunn. Dúx skólans að
þessu sinni var Ingunn Agnes Kro
með 9,7 í aðaleinkunn og er það
einstakur árangur þegar litið er til
þess að Ingunn Agnes var í stjórn
nemendafélags Verzlunarskólans í
allan vetur. Nýtt met var einnig
sett í 3. bekk en þar fengu 20 nem-
endur ágætiseinkunn.
Í ræðu Þorvarðar Elíassonar
skólastjóra kom fram að ráðgert er
að stækka skólann um 2.000 fer-
metra á næstunni og standa yfir
viðræður við menntamálaráðu-
neytið um málið. Í kjölfarið mun öll
aðstaða aukast til muna og skólinn
verður fær um að taka við fleiri
nemendum en áður.
Ný tölvu- og upplýsingadeild
tekur til starfa næsta haust og er
það viðbót við þá stefnu skólans að
færa námið nær atvinnulífinu. Þor-
varður sagði einnig að í ár myndi
Verzlunarskólinn bjóða hæstu
grunnskólanemendum á sam-
ræmdu prófunum fría skólavist
fyrsta árið.
ÚRSLIT í hreppsnefndum þar sem
kosið var á milli lista í sveitarstjórn-
arkosningunum um helgina urðu eft-
irfarandi:
Akrahreppur
Í hreppsnefnd Akrahrepps í
Skagafjarðarsýslu fékk K-listi 71,3%
atkvæða og fjóra fulltrúa kjörna, þá
Agnar Gunnarsson, Guðrúnu Hilm-
arsdóttur, Þórarinn Magnússon og
Þorleif Hólmsteinsson. Af H-lista,
sem fékk 28,7% atkvæða, komst
Svanhildur Pálsdóttir í hreppsnefnd.
Á kjörskrá voru 168 og kjörsókn var
87,5%.
Arnarneshreppur
Í Arnarneshreppi í Eyjafirði fékk
M-listi 61,7% atkvæða og þrjá full-
trúa, þá Hjördísi Sigursteinsdóttur,
Hannes V. Gunnlaugsson og Jósavin
Gunnarsson. P-listi fékk 38,3% fylgi
og tvo fulltrúa, þá Sigurð Aðalsteins-
son og Jón Þór Benediktsson. Á
kjörskrá voru 134 og kjörsókn var
89,5%.
Bárðdæla-, Háls-, Ljósavatns-
og Reykdælahreppur
Í sameiginlegu sveitarfélagi Bárð-
dæla-, Háls-, Ljósavatns- og Reyk-
dælahreppi í S-Þingeyjarsýslu fékk
E-listi 59,5% fylgi og fjóra fulltrúa,
þá Harald Bóasson, Ásvald Ævar
Þormóðsson, Friðriku Sigurgeirs-
dóttur og Þórunni Jónsdóttur. J-listi
fékk 40,5% atkvæða og þrjá menn;
Sigurlaugu Svavarsdóttur, Hlöðver
Pétur Hlöðversson og Garðar Jóns-
son. Á kjörskrá voru 537 og kjörsókn
var 86,2%.
Eyjafjarðarsveit
Í Eyjafjarðarsveit fékk F-listi
59% atkvæða og fjóra fulltrúa, þá
Hólmgeir Karlsson, Jón Jónsson,
Dýrleifu Jónsdóttur og Gunnar Val
Eyþórsson. H-listi fékk 41% fylgi og
þrjá menn; Arnar Árnason, Valgerði
Jónsdóttur og Einar Gíslason. Á
kjörskrá voru 579 og kjörsókn var
89,6%.
Fellahreppur
Í Fellahreppi á Héraði fékk L-listi
flest atkvæði, eða 35%, og tvo full-
trúa, þá Baldur Pálsson og Önnu
Guðnýju Árnadóttur. B-listi fékk
sömuleiðis tvo fulltrúa með 33% at-
kvæða, þá Þorvald P. Hjarðar og Pál
Sigvaldason. D-listi fékk 31,7% at-
kvæða og einn mann, Eyjólf Val-
garðsson. Á kjörskrá voru 291 og
kjörsókn var 86,9%.
Gnjúpverja- og
Skeiðahreppur
Í Gnjúpverja- og Skeiðahreppi á
Suðurlandi fékk L-listi nauman
meirihluta, eða 50,5% atkvæða og
fjóra menn, þá Má Haraldsson, Að-
alstein Guðmundsson, Hrafnhildi
Ágústsdóttur og Matthildi Elísu Vil-
hjálmsdóttur. A-listi fékk 49,5% fylgi
og þrjá menn; Þránd Ingvarsson,
Ólaf F. Leifsson og Gunnar Örn
Marteinsson. Á kjörskrá voru 356 og
kjörsókn var 87%.
Grímsnes- og
Grafningshreppur
Í Grímsnes- og Grafningshreppi í
Árnessýslu fékk C-listi 53,6% at-
kvæða og þrjá menn, þá Gunnar Þor-
geirsson, Guðmund Þorvaldsson og
Margréti Sigurðardóttur. K-listi
fékk 46,4% og tvo fulltrúa í hrepps-
nefnd, þá Sigurð Karl Jónsson og
Böðvar Pálsson. Á kjörskrá voru 261
og kjörsókn var 85,8%.
Hrunamannahreppur
Í Hrunamannahreppi á Suður-
landi fékk H-listi 65,9% atkvæða og
þrjá menn, þá Eirík Ágústsson,
Ragnar Magnússon og Sigurð Inga
Jóhannsson. A-listi fékk 34,1% og
tvo fulltrúa, þá Björn Kjartansson
og Þorstein Loftsson. Á kjörskrá
voru 447 og kjörsókn var 87,2%.
Kjósarhreppur
Í Kjósarhreppi fékk K-listi 53,6%
atkvæða og þrjá fulltrúa í hrepps-
nefnd, þá Guðmund Davíðsson,
Önnu Björgu Sveinsdóttur og Gunn-
ar Leó Helgason. Á-listi fékk 46,4%
atkvæða og tvo menn kjörna; Guð-
nýju Ívarsdóttur og Hermann I. Ing-
ólfsson. Á kjörskrá voru 105 og kjör-
sókn var 93,3%.
Norður-Hérað
Í Norður-Héraði buðu fram þrír
listar og N-listi fékk hreinan meiri-
hluta, eða 48,3% og þrjá menn, þá
Sigvalda H. Ragnarsson, Ásmund
Þórarinsson og Guðgeir Þ. Ragnars-
son. S-listi fékk 26,9% atkvæða og
einn mann, Hafliða P. Hjarðar, og K-
listi fékk 20,9% fylgi og einn mann
inn, Kára Ólason. Á kjörskrá voru
230 og kjörsókn var 83,9%.
Skaftárhreppur
Í Skaftárhreppi fékk A-listi hrein-
an meirihuta í hreppsnefnd, eða
74,9% atkvæða og fimm fulltrúa, þá
Árna Jón Elíasson, Jónu S. Sigur-
bjartsdóttur, Ragnar Jónsson,
Kjartan Magnússon og Sveinbjörgu
Pálsdóttur. N-listi fékk 25,1% at-
kvæða og tvo menn, þá Þorstein M.
Kristinsson og Heiðu Guðnýju Ás-
geirsdóttur. Á kjörskrá voru 411 og
kjörsókn var 83,6%.
Stöðvarhreppur
Í Stöðvarhreppi (Stöðvarfirði á
Austurlandi) fékk L-listi 62,4% at-
kvæða og þrjá menn í hreppsnefnd,
þá Ævar Ármannsson, Margeir
Margeirsson og Jónas Eggert Ólafs-
son. S-listi fékk 37,6% og tvo menn;
Aðalheiði Birgisdóttur og Garðar
Harðarson. Á kjörskrá voru 173 og
kjörsókn var 85%.
Úrslit í hrepps-
nefndum þar sem
kosið var milli lista
ÁSKRIFTARHERFERÐ Sýnar og
Stöðvar 2 vegna Heimsmeistara-
keppninnar í knattspyrnu gengur
ágætlega, að sögn Hermanns Her-
mannssonar, framkvæmdastjóra
sjónvarpssviðs Norðurljósa. Keppn-
in hefst á föstudag í Japan og Kóreu
en sem kunnugt er tryggði Sýn sér
einkarétt á útsendingum frá keppn-
inni hér á landi.
Hermann sagðist í samtali við
Morgunblaðið búast við því að
áskrifendum myndi fjölga nokkuð
þegar keppnin væri hafin fyrir al-
vöru. Reynsla væri fyrir því hjá ís-
lenskum neytendum að bíða með
sum viðskipti þar til á síðustu
stundu. Hann sagðist geta fullyrt að
óvíða í heiminum væri hægt að finna
jafn hátt hlutfall heimila sem hefði
áskrift að íþróttasjónvarpsstöð og
hjá Sýn, eða um 22–23 þúsund heim-
ili. Erfitt væri að meta á þessari
stundu hve miklu stöðin myndi bæta
við sig vegna HM.
Nýir áskrifendur verða að
kaupa þrjá mánuði í einu
Nýir áskrifendur að Sýn eða Stöð
2 geta ekki keypt einn mánuð í einu
heldur verða þeir að taka þrjá mán-
uði. Hermann sagði þetta ætíð hafa
verið gert með þessum hætti vegna
kostnaðar við stofnun viðskiptanna
og af rekstri myndlykla.
Opnunarleikur keppninnar verð-
ur í opinni dagskrá sem og undan-
úrslitaleikir og sjálfur úrslitaleikur-
inn. Aðrir leikir verða í læstri
dagskrá á Sýn og í undanriðlum fara
átta leikir fram á sama tíma þannig
að þar mun Stöð 2 hlaupa undir
bagga.
Hermann sagði að auk HM í fót-
bolta væru fjölmargir stórir íþrótta-
viðburðir á dagskrá í júnímánuði,
einkum úrslitin í NBA-körfuboltan-
um, US Open í golfi og boxbardagi
Lennox Lewis og Mikes Tysons, að
ógleymdri íslensku knattspyrnunni.
Átak Sýnar og Stöðvar 2 vegna HM
Búist við fjölgun
áskrifenda þegar
keppnin hefst
ÓLAFUR F. Magnússon, efsti maður
á lista Frjálslyndra og óháðra, segir
að skoðanakannanir hafi verið einn
helsti óvinur F-listans fyrir borgar-
stjórnarkosningarnar í vor. „Það er
allt annað en þægilegt að þurfa að
takast á við skoðanakönnun tveimur
dögum fyrir kjördag sem sýnir aðeins
helming af því fylgi sem við fengum
þegar talið var upp úr kjörkössun-
um,“ segir hann og vísar m.a. til könn-
unar Talnakönnunar dagana fyrir
kosningar sem sagði fylgi F-listans
vera 3,4%. Kjörfylgið reyndist hins
vegar vera 6,1% þegar upp var staðið.
Ólafur telur þannig að skoðanakann-
anir hafi gefið þeim áróðri byr undir
báða vængi sem sagði að fólk væri að
kasta atkvæði sínu á glæ með því að
kjósa F-listann.
Hann segist sammála þeirri skýr-
ingu sem fram kom í grein Ólafs Þ.
Stephensen í Morgunblaðinu í gær á
því hvers vegna fylgi listans hafi ekki
mælst meira en raun bar vitni í skoð-
anakönnunum, þ.e. þær hafi ekki náð
til allra þeirra hópa sem studdu F-
listann, svo sem aldraðra og sjúklinga
á stofnunum. „Ég vil því taka skýrt
fram að við unnum enga sigra í skoð-
anakönnunum heldur unnum við sig-
ur yfir skoðanakönnunum á kjördag.
Í frétt Morgunblaðsins í gær hefði
mátt misskilja orðalag þannig að við
hefðum unnið sigra í skoðanakönnun-
um. Svo var alls ekki.“
Unnum sigra
yfir skoðana-
könnunumRÓSA María Salómonsdóttir, móðirstúlku sem sakaði frænda sinn fyrir
kynferðisofbeldi, segir að hún og fað-
ir stúlkunnar hefðu alveg eins getað
sleppt því að eiga fund með starfs-
mönnum dómsmálaráðuneytisins
um sýknudóm Hæstaréttar yfir
frændanum, því þeir hafi ekkert vilj-
að aðstoða þau.
„Ég fékk engin svör nema þau
sem allir gefa. Þetta sé agalegt mál
en það sé ekkert hægt að gera,“ seg-
ir Rósa María um fundinn á mánu-
dag með lögfræðingi í dómsmála-
ráðuneytinu og aðstoðarmanni
ráðherra. Dóttir Rósu sakaði frænda
sinn um kynferðisofbeldi sem hófst
með atburðum þegar hún var átta
ára og stóð næstu sex árin þar á eft-
ir. Frændinn var dæmdur í 12 mán-
aða fangelsi af Héraðsdómi Vestur-
lands en var sýknaður í Hæstarétti.
Fann Hæstiréttur m.a. að því, að
rannsókn málsins hafi verið ábóta-
vant en segir jafnframt að eins og
meðferð málsins hafi verið háttað sé
lítil von til að frekari rannsókn beri
árangur.
Athuga með
nálgunarbann
Í Morgunblaðinu á sunnudag var
viðtal við Rósu Maríu þar sem m.a.
kom fram að fjölskylda stúlkunnar
hyggst höfða einkamál á hendur
frændanum. Rósa segir að starfs-
menn dómsmálaráðuneytisins hafi
sagt að þeir gætu ekkert hjálpað.
Þeir hafi ekki einu sinni viljað skrifa
bréf til Hæstaréttar til að spyrja af
hverju málinu var ekki vísað aftur
heim í hérað úr því að rannsókninni
var ábótavant. Þær skýringar voru
gefnar að slíkt mætti ekki gera. Lög-
maður er með málið til athugunar en
hann hefur ekki ákveðið hvort hann
taki það að sér.
Rósa segir að Hæstiréttur hafi
sýknaði frændann en sett dóttur sína
í fangelsi. Dóttir hennar geti jafnvel
ekki farið ein upp í hesthús af ótta
við hann. Á sunnudag hafi hann t.d.
keyrt fram hjá henni á ofsahraða þar
sem hún var í útreiðartúr ásamt öðr-
um. Hafi dóttir hennar þakkað sín-
um sæla fyrir að vera á rólegu hrossi
sem hefði ekki fælst við þetta en
stuttu áður var hún á hrossi sem hún
er að temja. Hefði hún örugglega
dottið af baki ef hann hefði ekið fram
úr henni þá. Rósa hyggst ræða við
sýslumann og athuga hvort hægt sé
að fá nálgunarbann sett á frændann.
Móðir stúlku sem kærði frænda sinn fyrir kynferðis-
ofbeldi um fund í dómsmálaráðuneytinu
„Ekkert hægt að gera“