Morgunblaðið - 29.05.2002, Blaðsíða 11
FRÉTTIR
MORGUNBLAÐIÐ MIÐVIKUDAGUR 29. MAÍ 2002 11
KARLMAÐUR hefur verið sýknað-
ur af ákæru um kynferðisbrot en
hann var sakaður um að hafa káfað
innanklæða á 13 ára stúlku sem var
gestkomandi hjá honum.
Í niðurstöðu Héraðsdóms
Reykjavíkur segir að maðurinn og
stúlkan séu ein til frásagnar um at-
burði. Án stuðnings annarra gagna
sé ekki hægt að leggja vitnisburð
stúlkunnar til grundvallar niður-
stöðu málsins gegn neitun manns-
ins.
Héraðsdómararnir Guðjón St.
Marteinsson, Arngrímur Ísberg og
Eggert Óskarsson kváðu upp dóm-
inn. Sigríður Jósefsdóttir, saksókn-
ari, flutti málið f.h. ríkissaksóknara
og Sigmundur Hannesson, hrl., var
skipaður verjandi mannsins.
Framburður
ekki studdur
gögnum
Sýknaður af ákæru um
kynferðisbrot
BÍLNUM sem tilkynnt var að hefði
verið stolið og lýst var eftir í Morg-
unblaðinu á laugardag hafði í raun
ekki verið stolið heldur hafði
vörslusviptingarmaður tekið bílinn
með heimild Sýslumannsins í
Reykjavík vegna áhvílandi skuldar.
Eigandinn tilkynnti „þjófnaðinn“
síðdegis sunnudaginn 19. maí en
bíllinn hafði verið tekinn kvöldið áð-
ur. Að sögn lögreglunnar á Selfossi
segist eigandinn ekki hafa vitað af
því að til stæði að taka bílinn af
honum en vörslusviptingarmaður-
inn hafði reynt að ná í hann á laug-
ardagskvöldið án árangurs.
Eftir að lýst var eftir bílnum í
Morgunblaðinu hafði vörslusvipt-
ingarmaðurinn samband við lög-
regluna á Selfossi og útskýrði mál-
ið.
Bílnum var
ekki stolið
RÍKISSAKSÓKNARI hefur ákært
sextán ára pilt fyrir að sparka í höfuð
lögreglumanns aðfaranótt 18. mars í
fyrra.
Árásin var gerð á gatnamótum
Fjallkonuvegar og Gagnvegar í
Reykjavík. Er pilturinn ákærður fyr-
ir að hafa, íklæddur þungum skóm
með styrktri tá, sparkað af afli í enni
lögreglumannsins sem var þá í átök-
um við félaga hans en pilturinn hugð-
ist hindra handtöku hans. Við sparkið
hlaut lögreglumaðurinn talsverðra
áverka á enni og heilahristing. Hann
vankaðist við árásina en náði þó að
koma járnum á félaga piltsins.
Pilturinn lagði á flótta en vitni að
árásinni hlupu drenginn uppi og
stöðvuðu hann eftir að hann hafði
fallið niður af háum kanti og fót-
brotnað.
Ákærður fyr-
ir árás á lög-
reglumann
ÞEIR félagarnir Fjölnir Grét-
arsson og Þór Jónsson nutu veð-
urblíðunnar á kosningadaginn og
létu ekki kosningastress ergja sig.
Þegar heitt er í veðri er gott að fá
sér ís og liggja úti í náttúrunni.
Fíflarnir höfðu blómstrað í sólinni
og túnið sem er rétt austan við
Víkurklett í Vík í Mýrdal var heið-
gult á að líta.
Kjördagur
notaður til
slökunar
Fagradal. Morgunblaðið.
Morgunblaðið/Jónas Erlendsson
HÉRAÐSDÓMUR Austurlands
hefur dæmt fyrrverandi fram-
kvæmdastjóra og stjórnarformann
einkahlutafélags til að greiða 10,6
milljónir í sekt og sæta þriggja
mánaða fangelsi fyrir brot á lögum
um virðisaukaskatt.
Refsingin er skilorðsbundin til
þriggja ára. Greiði hann sektina
ekki innan fjögurra vikna kemur
fimm mánaða fangelsi í stað sekt-
arinnar. Maðurinn játaði að hafa
hvorki staðið skil á virðisauka-
skattsskýrslum né skilað virðis-
aukaskatti sem hann innheimti á ár-
unum 1997–2000, samtals að
upphæð 5,3 milljónir króna. Logi
Guðbrandsson, dómsstjóri, kvað
upp dóminn. Helgi Magnús Gunn-
arsson sótti málið f.h. efnahags-
brotadeildar ríkislögreglustjóra og
Adolf Guðmundsson, hdl., var skip-
aður verjandi mannsins.
10,6 milljónir
í sekt
♦ ♦ ♦
♦ ♦ ♦
framhaldsskóli í Grafarvogi
Borgarholtsskóli
Innritun á haustönn 2002
fer fram í skólanum sem hér segir:
Eldri nemar (fæddir fyrir 1986): 27.-31. maí kl. 9.00-16.00
Nýnemar (sem eru að ljúka grunnskóla): 10. og 11. júní kl. 11.00-18.00
Í boði eru eftirtaldar námsbrautir:
Bóknám til stúdentsprófs
Félagsfræðabraut: Áhersla á félags- og hugvísindi. Góður grunnur að háskólanámi í félags-,
uppeldis- og umönnunargreinum.
Náttúrufræðibraut: Áhersla á stærð-, eðlis-, efna- og líffræði. Góður grunnur að háskólanámi í
verkfræði, læknisfræði o.fl. greinum.
Málabraut: Fjögur erlend tungumál í kjarna. Góður grunnur að háskólanámi í erlendum
tungumálum og málvísindum.
Listnám
Margmiðlunarhönnun: Listir og menning, myndvinnsla og margmiðlunarverkstæði. Góður grunnur
að námi í listaháskólum.
Iðnnám - Starfsnám
Bíliðnir: Réttindi til starfa í bíliðngreinum að loknu sveinsprófi og til náms í
meistaraskóla.
Félagsliðabraut: Fagnám fyrir störf í félagsþjónustu- og uppeldisstofnunum með áherslu á
sálfræði, uppeldi, umönnun og fatlanir.
Málmiðnir og pípulagnir: Réttindi til starfa í málmiðnum og pípulögnum að loknu sveinsprófi og til
náms í meistaraskóla.
Fagnám fyrir störf á fjölmiðlum og við upplýsingamiðlun í stofnunum og
fyrirtækjum með áherslu á fjölmiðlatækni og vefsmíði.
Verslunarbraut: Fagnám fyrir störf í verslun og viðskiptum með áherslu á rekstur, fjármál,
tölvur og viðskipti.
Upplýsinga- og
fjölmiðlabraut:
Almenn námsbraut
Almenn námsb. I og II: Nám fyrir þá sem ekki uppfylla inntökuskilyrði á ofangreindar námsbrautir
eða eru óákveðnir.
Upplýsingar um inntökuskilyrði á einstakar brautir eru á heimasíðu.
Borgarholtsskóli, v. Mosaveg, 112 Reykjavík. Sími 535 1700. Bréfasími 535 1701.
Heimasíða: www.bhs.is