Morgunblaðið - 13.06.2002, Qupperneq 2

FRÉTTIR
2 FIMMTUDAGUR 13. JÚNÍ 2002 MORGUNBLAÐIÐ
Fylgstu
með
nýjustu
fréttum
www.mbl.isArgentínska þjóðin er í sárum
eftir HM/C4
Bjarki er kominn í raðir
Skagamanna/C1
4 SÍÐUR16 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
Morgunblaðið/Arnaldur
Vegna hita og þurrka þarf að vökva gróðurinn í borginni með stórvirkum tækjum. Hitinn í Reykjavík mældist 20 gráður kl. 20 í gærkvöldi.
HITAMET var slegið í Reykjavík á
þriðjudag þegar hitinn fór upp í 22,4
stig og er það mestur hiti sem mælst
hefur í Reykjavík í júnímánuði frá
því að nútímamælingar hófust.
Hæstur hiti fram að því var 20,7
gráður sem mældist 6. júní 1954, að
sögn Björns Sævars Einarssonar,
veðurfræðings hjá Veðurstofu Ís-
lands, og segir hann að júníhitamet-
ið hafi verið slegið vel og rækilega í
ár.
Hann segir að mestur hiti sem
mælst hafi í Reykjavík sé 24,3 stig og
var það 9. júlí 1976. Daginn eftir var
reyndar næstum jafnheitt, en hitinn
þá fór upp í 24,2 gráður, þannig að
segja má að það hafi komið tveir ein-
staklega heitir dagar í röð það árið.
Björn á von á áframhaldandi blíðu
hér suðvestanlands. „Það má gera
ráð fyrir að það verði framhald á.
Það verða austlægar áttir og vænt-
anlega hlýjast suðvestan- og vest-
anlands. Hitinn gæti farið upp í 18
stig hér á Suðvesturlandinu,“ bendir
hann á.
Ekki líklegt að
fleiri hitamet falli í bráð
Aðspurður hvort hann geri ráð
fyrir að fleiri hitamet falli á næstu
dögum, segist hann ekki búast sér-
staklega við því. „Það er alltaf erfitt
að fella svona hitamet, sérstaklega í
Reykjavík, þar sem mikil hætta er á
innlögn með vestanvindi frá hafi og
þá dettur hitinn niður,“ bætir hann
við.
Björn segir að óvenjulegt sé að
það sé svona hlýtt í veðri snemma í
júní en bendir á að það eigi sér sínar
skýringar. Að hans sögn hefur verið
lægð sunnan við landið undanfarna
daga og hæð fyrir norðan og þá ber-
ist austlægar áttir og heitt loft sunn-
anfrá, en loft þetta á uppruna sinn á
meginlandi Evrópu.
Íbúar Norður- og Austurlands
hafa ekki notið sömu blíðu og aðrir
landsmenn upp á síðkastið og segir
Björn að þar hafi verið þoka og súld,
þótt eitthvað virtist vera að rofa til á
sunnanverðum Austfjörðum í gær.
Næsta helgi er löng helgi og er
líklegt að margir leggist í ferðalög
og elti veðrið, en hvert ætli sé best
að halda? „Það spáir austan- og
norðaustanátt um helgina og það er
útlit fyrir súld eða rigningu á aust-
anverðu landinu, en skýjað með köfl-
um og síðdegisskúrir vestantil.
Þannig að það lítur út fyrir að besta
veðrið verði á vestanverðu landinu,“
segir Björn og ítrekar að það verði
hlýtt áfram.
Búist við
hlýindum
næstu daga
ÞAÐ hefur vart farið framhjá
neinum að Heimsmeistara-
keppnin í knattspyrnu stend-
ur sem hæst um þessar mund-
ir og er áhrifa hennar farið að
gæta á fáeinar starfstéttir í
landinu.
Að sögn Sigurðar Árnason-
ar, rekstrarstjóra hjá BM
Vallá, hefur starfsemi í bygg-
ingariðnaði raskast lítillega,
þar sem leikir á mótinu eru
sýndir klukkan hálfsjö flesta
morgna vikunnar. „Ég tek
ekki eftir að menn láti síðari
leikina hafa áhrif á vinnuna,
heldur láta menn freistast yfir
leiknum klukkan hálfsjö.
Starfsemin fer þar af leiðandi
seinna af stað á daginn en
vanalega, en hún stöðvast
ekki,“ segir hann.
Hann segir, aðspurður
hvort unnið sé lengur fram á
kvöld, svo ekki vera heldur sé
reynt að vinna hraðar í stað-
inn. „Það eru brettar upp
ermarnar eins og maður seg-
ir. Það þýðir ekkert annað
þegar menn eru að skemmta
sér að morgni,“ bætir hann
við.
Fáir til að taka
við steypunni
Sigurður segist ekki verða
mikið var við knattspyrnu-
áhorf starfsmanna BM Vallár,
það hafi hins vegar borið við
að fáir aðilar séu á staðnum til
að taka við steypunni þegar
þeir komi á sum byggingar-
svæðin. „Við höfum ekki gefið
leyfi til að starfsfólk mæti síð-
ar. Menn fylgjast með í tölv-
unni hjá sér í stað þess að
vera heima,“ bendir hann á og
segir að hann viti ekki til þess
að starfsmenn hafi farið í
sumarfrí gagngert á þessum
tíma til að horfa á HM.
Hann segist ekki hafa heyrt
annað en að því hafi almennt
verið vel tekið af atvinnurek-
endum að vinnutímanum væri
hliðrað smávegis til út af
keppninni og bendir á að
menn taki þessu með jafnað-
argeði og bíði eftir að mótinu
ljúki.
„Ég hef helst merkt áhrifin
í þessari viku þegar riðlarnir
eru að klárast og þetta getur
orðið verra eftir því sem líður
á og meiri spenna fer að fær-
ast í leikinn. Ég tek ekki eftir
minni afköstum, heldur eru
menn bara duglegri fyrir vik-
ið þegar þeir mæta til vinnu,“
lýsir Sigurður.
HM hefur áhrif á
byggingariðnaðinn
í landinu
Starf-
semin fer
seinna
af stað
UM HELGINA verða opnaðir tveir
af helstu fjallvegum landsins. Veg-
irnir sem opnaðir verða eru Kjalveg-
ur að sunnanverðu, en nyrðri hluti
vegarins var opnaður fyrir viku, og
einnig verður Fjallabaksleið nyrðri
opnuð. Vegurinn inn í Lón opnast
líka. Þá verður vegurinn frá hring-
veginum að Dettifossi að vestan-
verðu opnaður. Vegurinn upp að
Laka er fær fjórhjóladrifnum bílum.
Vegir um Kaldadal, Uxahryggi, Arn-
arvatnsheiði og Sprengisand eru
hins vegar enn lokaðir. Að sögn Ni-
colai Jónassonar, deildarstjóra hjá
Vegagerðinni, er verið að skoða hve-
nær unnt verði að opna veginn um
Sprengisand að sunnanverðu. „Það
má segja að þetta sé mun fyrr á ferð-
inni en við reiknuðum með vegna
þess hve vorið hefur verið þurrt og
mikill hiti í lofti,“ segir Nicolai.
Fjallvegir opnaðir
fyrr en venjulega







 
 






  


 

  
 


  
 
 

 ! 
"# $

#  

 
 
 
%
 

 

 $ 

  
 $ 
   &'''


$